كتب الكاتب الفاتح جبرا المتوفرة بمعرض الدوحة
|
|
 سيدة ست الشاي
|
............
حدثتنى سيدة سودانية...تدعى سيدة...عن امريعذبها ذنب وخطيئة
تحملها....ولا تعرف لها مخرجا ....هى ام لسبعة اطفال....هجرها زوجها ...وبفعل ظروف المعيشة والحياة انتهت بها الامور الي ان تعمل كبائعة للشاي....ومع مرور الزمن كبر الاولاد ....واصبحوا في مراحل دراسية مختلفة ....وازدادت معها الاعباء والضغوط المعيشية....وتمر الايام...وبدأ الدخل يتضاءل ....وترتفع الاسعار....وتزامن هذا مع ازدياد العاملات في مهنة بيع الشاى...فالكل خرج للعمل لمواجهة الظروف....والشاي هو العمل المتاح للسيدات...فهن لم يدرسن ....وليست لهن خبرات...كما ان العمل في بيع الشاى لا يحتاج لرأس مال كبير...
..........................
علمتها الحياة سيدة..ست الشاي...ان التعليم لابنائها هو الضمان في غياب الاب....هو حماية من نوائب الدهر...فاضحت تجهد نفسها في عملها لكى توفر لهم اكثر المتاح.......تبتسم وتحدث وتتكلم رغما عنها احيانا كثيرة....لزبائنها....فهى تعلم ان الحفاظ علي زبون اكثر نفعا من جذب مارة جدد واسهل....هى تعلم جيدا ان هؤلاء الزبائن ...هم مصدر رزقها وعيشها....فكانت تمرض وتأتيهم مبتسمة....تبكى دواخلها لأمر ما...وتضحك ظاهرا امامهم...تغالب نفسها وصداعا حادا ....وتجامل هذا وذاك....ابنها اسماعيل يمرض....وهى تعمل تحت الشجرة....قلبها وعقلها مع اسماعيل المريض.....وجسدها ولسانها مع الزبائن.....سيدة تعلمت كيف تدفن حزنها بعيدا عميقا ....من اجل ابنائها.
......................
حدثتنى كيف تعانى يوميا عندما يطلب منها احد ابنائها
طلبا.....هو يراه عاديا....فكل رفقاؤه يمتلكون الجديد من الزي المدرسي....وهو يلبس قديمه....وهو لا يعلم ان مثل طلبه هذا ....يحتاج منها تفكير شهر او يزيد.....لتعيد ترتيب ميزانيتها....لتوفر طلبه...كيف وهى فقط تكسب رزق يومها بيومها....وتريد ان تسدد الكهرباء والسكن ...والعيش
والحبوب وقليل من اللحمة...واحتياجات تطول ...ناءت بزوجها فاثر الهروب.....وهى تحاول ان تلبي طلباتهم باكثر من قدر استطاعتها.....
..............
حدثتنى انها ...تقضي بعض الليالى تبكى دما....ذلك عندما يطلب منها احد ابنائها امرا....هى لا تقدر عليه....فتبحث عن حيلة تثنيه وتلهيه عن طلبه....واكثر ما يعذبها هو عبارة احمد الصغير احب ابنائها اليها.....ياامى اصحابي كلهم عندهم جزم جديدة الا انا.. ليه......فلا تستطيع اجابة له يعقلها...فهو طفل...يريد ان يكون كاصدقاؤه...ثم تستدرك فتقول له....لانك يااحمد انت ود كبير وواعي وهم صغار... صاح.....تحاول دائما ان تخاطب ابناءها وتحسسهم بانهم مختلفين للاحسن....تضخمهم لانفسهم ...ليعيشوا عمرا اكبر من عمرهم....ثم عندما ينامون تعود فتبكى علي نفسها وعلي الزمن...
..............
نواصل
سيرة سيدة ست الشاي
|
|
 
|
|
|
|
|
|
|
|
Re: سيدة ست الشاي (Re: omdurmani)
|
يعني يا امدرماني حا تواصلها متين يعني البورد ده ما فيو ناس متلهفة للقراية يعني ولا شنو ولا دي عربن الزبون وزوق منو
نحنا مستننك
خالد
| |
|
|
|
|
|
|
|
|
|
Re: سيدة ست الشاي (Re: خالد)
|
الاخ امدرمانى
لك التحية
لعل ذلك النموذج اصبح مكررا فى وطنى ولعل الكثيرون سيقفزون فوق بقية الحكاية ليصلوا للنهاية التى توفر لسيدة الدخل الافضل وتوفير الحياة الاكمل لابناءها ولكن لا شك ان ذلك سيكون على حساب اشياء كثيرة ..
وتلك الحالة والحالات المشابهة كلها تقودنا لماذ يهرب الزوج / الاب ويترك المرأة وهى الاضعف لمصير مجهول مع ابناء لا يعرفون الا طلب حاجياتهم ..
ما هى العلة يا ترى ؟؟
هل هى فى النساء ام فى الرجال ؟؟؟
اعرف قصة مشابهة
فى الغربة الزوج يفصل من العمل ولانه قضى زمنا طويلا فهو يود العودة للوطن للاستقرار هناك ومعايشة الحياة كالاخرين ..
المرأة تصر على ان لا عودة واليدين صفر ولا مأوى ولا عمل هناك وتدق صدرها بانها ستعمل وتتحمل مسئولية البيت
عملت فى التدريس الخاص وكان الدخل جيدا وحتى كبر الابناء وتزوجوا
ولكن بقيت الشبهات
حسبنا الله ونعم الوكيل
اللهم اغفر لنا سوء ظننا فى الاخرين
اللهم استرنا واستر ولايانا
يا رب العالمين
| |
|
|
|
|
|
|
|
|
 Re: سيدة ست الشاي (Re: omdurmani)
|
الاخ امدرماني
سيدة ست الشاي سيدة جديرة بالاحترام وليفخر بها ابناؤها ، وبقينا في زمن الكثيرات في السودان اصبحن سيدة ست الشاي
وفي انتظار سماع بقية القصة
| |
|
|
|
|
|
|
|
|
|
Re: سيدة ست الشاي (Re: maia)
|
مرة يا امدرماني عملنا نحنا في الجامعة الاهلية يوم لامهاتنا بعنوان ست الشاي واثرها في الجامعة الاهلية والحمد لله اتخصص يوم ليهم في كل عام
| |
|
|
|
|
|
|
|
|
|
Re: سيدة ست الشاي (Re: omdurmani)
|
اخى العزيز خالد
اهلا بيك....وبي ناس الاهلية ....ولينا فيها ذكريات حلوة.....
الحكاية مافيها بتبكى ....لمن عرفت سيدة ....هى موجودة بالخرطوم....هذا قبل خمس سنوات...وانا بالجامعة
................
الكتابة بالماوس ....مابتدى فرصة للزول اتم ...الا يكتب حبة حبة...
..........
قلتا لي لوبيز عديل كدا....
.................
thanks alot
shereef shereef
| |
|
|
|
|
|
|
|
|
|
Re: سيدة ست الشاي (Re: omdurmani)
|
ya khalid
..........
ستات الشاى نساء عظيمات ......وعمل يوم لست الشاى من جانب طلبة
الاهلية....يشهد علي وعى وثقافة وانسانية طلبة الجامعة الاهلية.....ست الشاي في السودان تستاهل يوم قومى...
.............
shereef muhamed shereef
ohio ,u.s.a
| |
|
|
|
|
|
|
|
|
|
Re: سيدة ست الشاي (Re: omdurmani)
|
اخى الكريم قرشو
سلامات...وكيف احوالك ....
سيدة مثال واقعى حقيقى ....لواقع سودانى معاش ويومى
..............
بالمناسبة هى امراة ممتازة ....ومكافحة ووجدت منى كل الاحترام....وانت عارف ظروف السودان..
..............
موضوع الهجر والعسرة والطلاق...اعتقد دا بوست قائم بذاتو ممكن الناس تتحدث وتحلل ....ثم تقترح فهم وحلول..
.............
شكرا علي المداخلة....
| |
|
|
|
|
|
|
|
|
 Re: سيدة ست الشاي (Re: omdurmani)
|
كابوس صابر أيوب
(ست الشاي) (أف. بي. آي)
هاشم صديق
الرادي يساسق
بين بريطانيا
وبين أمريكا
...
و(صابر) سارح
لنفسو يصارح
-يا صابر هوي
رمضان جاييكا
حجتيب من وين
قروش السكر
وحق الويكة؟!
..
(الرادي) يناهد
وسط الحوش
بين (بن لادن)
و(عمر المُلا)
و(مستر بوش)
-تصريح
من لندن
-أخبار
من (غزة)
وجيران صابر
عاملين (قعدة)
انقلبت (ندوة)
في الكأس العاشر
(بالعرقي) الداشر
والليل مصبوغ
بي رحية (المزة)
...
الرادي يكورك
وسط الحوش
-افغانستان
موت أفغان
-مستر بوش
وخواجة بيصرخ
وصوته مرخرخ
زي (حنكوش)
-القصف يدك
أركان (كابول)
...
ووالدة (صابر)
حاجة (بتول)
مشدوهة تقطع
عيش الفتة
تكب سرحانة
في موية الفول.
-يوماتي عشاهم
(فتة بوش)
والرادي يساسق
بين (بن لادن)
ومستر (بوش)
وصابر يطنطن
-الصاح مقلوع
السيف مرفوع
الكلمة غموض
والمغنى فروع
الدنيا خراب
والأقوى مهاب
والعدل رهاب
...
الليل مشروق
بي فتة فول
وصوت (الحاجة)
الوالدة (بتول)
يناغم صابر
-شنو الإرهاب؟
ويتمتم صابر
قلـ...قلتي
شنو؟
وترد (الحاجة)
-مالك مرعوب؟
تتلفت ليش؟!
تقول مزرور
بي عسكر وديش؟!
سألتك بس
شنو الإرهاب؟!
واتنحنح (صابر)
صنقع ودنقر
حك رويسو
اتمدد وصنقر
وقال للحاجة
-سؤالك يمة
جوابو كتاب
لكن....
لكن يا (حاجة)
زي ما تقولي
طلع ربّاط
في الليل
لي زول
بي سيف مسلول
وشال من جيبو
قروش العيش
وحق الفول
أو زول آمن
يقع في مكيدة
يموت مكتول
وزي تغيان
على الفقران
على المسكين
على الأعزل
على المشلول
...
وتتدقق
غبينة (الحاجة)
زي راجمة
وتصبح ناغمة
-وحسع نان
منو الرباط؟
امريكا؟
(بن لادن)؟
ولا الأفغان؟
من التغيان
منو المسكين؟
من المظلوم
(مستر بوش
ولا فلسطين؟
شنو الـ......
منو الـ....
...
ضحك (صابر)
وحك رويسو
واتنحنح
وقال للحاجة
-يمة اتعشي
أكلي البوش
لو عارف ردود
لي ديل
ما كان الرويس
مدووش
...
سكت صابر
رقد معبور
وصوت الرادي
لا في الدنيا
لسة بيدور
سرح صابر
ودمو يفور
نكش حزنو
وقال لي نفسو
من قلبو
أريت الدنيا
حسه تغور
...
سمع صوت أمو
تاني يلح
-دحين يا وليد
بدور أسأل؟
ويرد صابر وضيق العبرة
طعمو ملح
نعم يمة
قايلك نمتى
وترد الحاجة
أنوم كيفن
وصوت الرادي
في أضني
زي مكنة؟!
بدور أسأل
دحين أمريكا-
ما ياها
العذابا دنا؟؟!
...
ويرد صابر
وضحكو علا
-عذاب أمريكا
ولا هنا؟؟!
عذاب أمريكا
ولا أنا؟
ويصن لحظات
-دحين يمة
-ورمضان جاي
هم أمريكا
ولا اللقمة
والويكة الرادي يساسق
بين بريطانيا
وبين أمريكا
...
و(صابر) سارح
لنفسو يصارح
-يا صابر هوي
رمضان جاييكا
حجتيب من وين
قروش السكر
وحق الويكة؟!
..
(الرادي) يناهد
وسط الحوش
بين (بن لادن)
و(عمر المُلا)
و(مستر بوش)
-تصريح
من لندن أخبار
من (غزة)
وجيران صابر
عاملين (قعدة)
انقلبت (ندوة)
في الكأس العاشر...
ترد الحاجة تفتش لكيس
تمباكا
في الكراب
نقول همين
عذاب وعذاب
تخت السفة
وتبرطم
-دحين يا وليد
ده مو الإرهاب؟!!
...
ويصن الليل
ورأس صابر
يدقدق ساي
يشرق جاي
يغرب جاي
- كراتشي
- أباتشي
- أنقرة
- عنقرة
- ربع الويكة
- صوت أمريكا
- جمرة خبيثة
- مكيدة دسيسة
- بي. بي . سي
- أي. أن. تي
- سي. أن. أن
- توني بلير
- كلام الطير
- خبر وحواشي
- إبراهومة
- أموكاشي...
ويقع صابر
في بير النوم
ويشوف روحو
بدل (أمجاد)
ركب بعشوم
وشاف الناس
توسوس ساي
خبر يا هناي
ست الشاي
أف. بي آي
وأحمد بيه
سي . أي. أيه
ووسط الموز
لقينا (كروز)
-برج كلتوم
ملان بحمام
وقع صاروخ
شق حشاهو
سكن جواهو
سوا حطام ويغوص صابر
غرق أكتر
في بير النوم ويشوف الحاجة
امو (بتول)
وسط الزحمة
رافعة أيدها
بي قندول
تكورك وتهتف
- لا أمريكا
- بل فتريته)
(أنحنا الساس)
رافعين رأس
ما ببنتراجع
ما بنتهان
ما بنخاف
الأمريكان
...
ويشوف صابر
بيوت الحلة
تتغامز
وتتريق
على الحاجة
وتتلامز
ووسط اللمة
صوت الحاجة
عالي فصيح
(تشيلو الريح)
...
صوت الرادي
مابي النوم
الموت أخبار
الظلم حصار
الرعب خيار
والليل حزنان
الليل عريان
والقمرة هدوم
الليل مفضوح
والنجم كتوم
الدينا تصن
لقيامة تقوم
صابر مجروح
في نومو
يئن
وفي الرادي تجن
بالتار
(بيق بن)
والنشرة تجيب
أخبار الشوم
كابوس صابر
قفة خضار
سوت جنحين
طارت لي فوق
والفاقة مطار
...
كابوس صابر
يعلم أيه والدنيا مصالح
وسي. آي. أيه
...
كابوس صابر
الناس بتوسوس
وتنضم ساس
ست الشاي
أف بي آي
...
كابوس صابر
الدنيا مغازي
يموت الحب
ترمي أخوك
في بطن الجب
وتترتر غادي
تناصر الغازي
...
كابوس صابر
الكلمة ضحية
إرهاب مشروع
وإرهاب وحشية
ضحايا غبش
وضحايا غنية
...
كابوس صابر
الناس (بالقرجة)
تقيف للفرجة
تغير لونها
ميتين درجة
...
كابوس صابر
هم الويكة
والفتريتة
ونار أحزانو
ونار أمريكا
...
كابوس صابر
الصاح مقلوع
السيف مرفوع
الكلمة غموض
والمعنى فروع
الدنيا خراب
والأقوى مهاب
والعدل رهاب
الرادي يلغلغ
وسط الحوش
بين (بن لادن)
و(عمر الملا)
ومستر بوش
- أفغانستان
- موت أفغان
- القايمة تطول
- عراق.. سوريا
- جنوب لبنان
- وما معروف
- تاني كمان!
تجي الحملة
عقاب جملة
(على الإرهاب)
...
على الإنسان؟!
القصف يدك
أركان كابول
ووالدة (صابر)
حاجة (بتول)
حلمانة تقطع
عيش الفتة
تكب سرحانة
في موية الفول
يوماتي عشاهم
فتة (بوش)
والرادي يساسق
بين (بن لادن)
ومستر (بوش)
...
صوت الرادي
مابي النوم
والليل حيران
الليل حزنان
الليل عريان
والقمرة هدوم
الليل مفضوح
والنجم كتوم
...
كابوس صابر
قفة خضار
سوت جنحين
طارت لي فوق
والدنيا مطار
...
كابوس صابر
صوت مبلوع
حق مقلوع
والموت بالجوع كابوس صابر
يعلم أيه
والدنيا مصالح
وسي. آي. أيه
...
كابوس صابر
الناس بتوسوس
وتنضم ساي
ست الشاي
أف. بي. آي
| |
|
|
|
|
|
|
|
|
|
Re: سيدة ست الشاي (Re: omdurmani)
|
الحبيب امدرمانى
لك التحية
الكفاح ما بندقية فى خط التماس .....ولا هرطقة فى دفار وبس
الكفاح عنوان لدنيا تكتحل عويناتا بالسواد ...ورمزا للقوة اينما وجد الضعف .
ست الشاى خرجت اناس نراهم اليوم فى دنيانا ينضحون ألقا واشراق
ست الشاى تعنى المهنة والوظيفة بمنظار اخر قد يراه البعض من المهن الدونية دونما ايجاد وظيفة تسد رمق تلكم الاسر التى تقتات منهاطالما واجههن بهذا العنف الذى لا يرتقى
هذا النضال الذى حسسنا بالاشفاق عليهن ...يحتاج من الجميع التضامن
من اجل الرقى بمستوى هذه المهنة الى الافضل
ممثل فى الدولة والتى رفعت الدعم من كل الانشطة ويجب علينا ان نجعل هدفنا نصب الاعين فى حل قضايا نراها اليوم من الاعمال الغير منطقية .... وان نحاول ترتيب سمنار او ورش عمل تتحدث عن التطوير لذوى الدخل المحدود
ومثال لذلك الجمعيات التعاونية فى شتى المجالات او التدريب و التأهيل و محو الامية بالتعاون مع المنظمات العاملة فى مجالات حقوق الانسان و مشاريع صناديق البنك الدولى التى خدمت دول كثيرة فى هذا المجال
ولدينا الكوادر المؤهلة لذلك فى منظمات كثيرة جدا داخل وخارج الوطن
مرة اخرى لك التحية الحبيب امدرمانى لوضع اليد فوق احد جروح الوطن الكثيرة
| |
|
|
|
|
|
|
|
|
 Re: سيدة ست الشاي (Re: alfatih)
|
يا امدرماني
لوبيز عديل كدة اي في حاجة اوع تكون مشرف انتا ولا حاجة ولاش بكري يقوم يشوفها ويدق جرس
والله يوم قومي دي فكرة جميلة وانا بايدك انشاء الله في البورد نعمل ليهم يوم وانا تحديداً من معجبي ومن المداومين على الجلوس مع ستات الشاي اكتر من الجكس والله
لنا طرائف معهم اولاً الدعم في احلك المواقف نجده من ستات الشاي زمن الاتحاد والمشاكل الورق بنختوا عن ستات الشاي والله واحي المناضلة جمعية لتعرضها للاعتقال عدة مرات من قبل كلاب الجبهة السعرانة بل اصبحنا نلازمهم في الافراح والاكراه اي في السراء والضراء كاننا اولادهم
شكراً ليك يا امدرماني على الموضوع القيم
| |
|
|
|
|
|
|
| |
خالد
قرشـــو
انور عمر
alfatih
Dafi
فيس بوك
تويتر
انستقرام
يوتيوب
بنتيريست