|
جيمس بوند فى تلفزيون السودان؟؟
|
المتابع لنشرات اخبار التلفزيون السودانى يجد أن الشعار المصاحب لفواصل النشرة قد تغير الى لحن العميل 007 الشهير بجيمس بوند الظاهر أن جماعة الانقاذ لم يجدو أحدا من المبدعين السودانيين،وهم كثر،لتصميم الشعار الموسيقى اعلاه وسبب آخر هو انهم شويه مزنوقين من أمريكا وقالو احسن حاجة ترطب العلاقات موسيقى جيمس بوند لانو الموسيقى ياجماعة الخير لغه عالميه/ولا مش كده يا موصلى/ وامريكا هى ابو العالم وامها كمان اليومين ديل على كل حال عندى سؤال برئ لناس الانقاذ؛وين ناس فى ميادين الجهاد وزلنطحية الاناشيد الحماسيه واعراس الشهيد؟ ما لقيتو ليكم جمله موسيقيه واحده تختوها فى نشرة الاخبار من كل الهيصه ديك؟ اضم صوتى لصوت manj الذى طالب فى رساله سابقه بحذف شعار التوحيد /لاالله الا الله/ طالما بقى فيها جيمس بوند ويجيبو صورة بوش كشعار بشرى
|
|
|
|
|
|
|
|
Re: جيمس بوند فى تلفزيون السودان؟؟ (Re: Elmosley)
|
الأخ الفاضل بشرى و الأستاذ أبو هديل
لكما التحايا
لم تقرأوا جيدا الكلمات التي بين سطور النوتة الموسيقية لموسيقى جيمس بوند ، فالمقصود أن الأيام القادمة ستكون حبلى بعدد لا يستهان به من عملاء السي آى إيه في كل ركن من أركان السودان ، و هذه هي الشفرة تذاع علنا إيذانا بالترحيب بهم.
و دمتما
| |
|
|
|
|
|
|
Re: جيمس بوند فى تلفزيون السودان؟؟ (Re: ابو جهينة)
|
عزيزى ابوجهينه طبعا نحنا ماقدرنا نحل الشفرة لكين الرسالة اصبحت واضحة وزمان قالوا؛البيرقص مابيغطى دقنوا
ومابنركع لى دقون الجبهجيه ومابنخضع لى سجون العصبجيه شعبى ياصابر على الاذى والبليه عارفك انت اصل ثابت وفرع نابت وانت كامل،ميه..ميه
| |
|
|
|
|
|
|
Re: جيمس بوند فى تلفزيون السودان؟؟ (Re: Elmosley)
|
اخوى يوسف زى ماقالوا ناس ميرغنى المامون واحمد حسن جمعه انت شن عرفك بالموسيقى،ما تمشى تدقدق ليك كمنجه واللا طرمبه. طبعا ياجوزيف ماما امريكا بقت كل حاجه اليو مين ديل وناس قرنق ماعاوزين يوقعوا فقالو احسن نحنا نوقع مع العم سام بالمزيكه وبعدين الجماعة التانيين يلحقونا، كان قدرو، واللا يجدعوا بالحجار احسن ما تحكى لينا قصة ميرغنى المامون واحمدحسن جمعه احسن ليك يايوسف ياخوى حبى ومودتى
| |
|
|
|
|
|
|
Re: جيمس بوند فى تلفزيون السودان؟؟ (Re: Elmosley)
|
عزيزى يوسف طبعا فى حاجات كتيرة كانت بتحصل فى حوش الاذاعة والتلفزيون ومؤامرات فى الممر الفاصل بينهم،طبعا ده كان زمان،حسع ماعارف الحاصل شنو ماتنسى قصة هاشم العطا لو متذكرها،انا غايتو عارف جزء منها تحياتى
| |
|
|
|
|
|
|
|