|
|
 لعبة اعترف
|
حسنا
لعبة يمارسها المجانين من الناس لكنها تمحي السواد
انا اعترف
اساسي طلعني من طوري
واكيدة انا ان دكين حينظ ذي الشيطان ويقول لي انت ما متزنة
وكل هذا الرغي
لا اريد أن ادخل في تفاصيل جديدة مملة،، فانا نفسي اقسم بالله عمل لي وشي وجع من وشي
ببساطة ارغب بصدق أن امدي يدي مصافحة لكل الناس
ولتكن صفحة اعتراف
ابدأه انا
ويا ريت يليني الباقيين
اعترف انني كنت متسرعة مع الكثير منكم
وانني مسيخة خلقة
وانني متعصبة لرأي بعض الشئ
وانني زعول
وأنني احببت القاء الضوء عليا من قبل دكين بهذه الطريقة ولم اكن اعلم أن هذا سيجرني لكل هذه المتاهات ويقلل من عدد أصدقائي في البورد
الزفت دكين (معليش كان لازم اقول زفت) عملها فيني
وهوبليس واساسي كملوا الباقي
كما اني اعترف اني مرات مرات بغيير من بعض بنات البورد
وانني يوما شكيت بيني وبين نفسي في واحدة من بنات البورد أنها ود خالتي لأنها قالت بتحب البطيخ
حسنا
وانا اللي غرقت الباندوث
ايوه ايوه،، ومرة رسلت رسالة لصديق،، وكنت جديدة جدا في البورد،، وقلت ليه انا ما ببلع الفنان حمزة سليمان،، قبل أن يأخذ لقب جديد عندي وهو الانسان حمزة سليمان
يا جماعة ،، ببساطة،، اخص كلكم،، ممكن ترجعوا معاي زي زمان ؟؟؟
أو ممكن الزعلان مني يشيل الزعل
والفرحان مني ينفرح زيادة
والمتضايق من حجوة أم ضبيبينة دي يتحملني لحدي إجازتي ما تجي واقطع وشي منكم ؟؟؟
لانه شكلو الكفيل حيديني إجازة طويلة شوية المرة دي
ممكن؟؟
|
|
 
|
|
|
|
|
|
|
|
Re: لعبة اعترف (Re: بت قضيم)
|
العـزيـزة اللـذيـذة بـت قـضـيـم
سـلام و تحايا و ود
غايتو أنا براءة لا عندي معاك شـئ و لا زعلان منك في شـئ
معجب بي أسلوبك في الكتابة و الوصـف و كلماتك ياها ونستنا البنعرفها
و أنا واحد من الناس اللي ما بحب تعقيد الكلمات يعني لم أقرأ موضوع
ما عايز كلمة تعتر لي و أقوم أمشى أفتش ليها في قاموس .
ما شفت منك كلام شين بالعكس إتعاطفت معاك لم دخلوك في أضافرينك .
ليك تحياتي و تسلمي .
| |
|
|
|
|
|
|
|
|
|
Re: لعبة اعترف (Re: ABUHUSSEIN)
|
هسي نعرف ده انتي
واللا دكين كيف؟؟؟؟
لكن ما مشكلة
نتعامل معك علي اساس بت قضيم
واحييك علي اعترافاتك الما فيها لف ولا دوران
وكل الناس اتنين اتنين
لو اعترفوا
البورد سيتحول الي حلة بكري بكسر الحاء
ونحن في حلتنا
مجالس الصلح
حجت القاتل من السجن
ولا حدي اليوم لم اسمع بحادثة او دور لذلك المجلس
الا عمل الخير
المستشفي
النادي
الفرن
الطاحونة
الكهرباء
الماء
المدارس الي الثانوية بنين وبنات
تصوروا مجلس تشكل بليل لصلح في جريمة قتل بين اهل
عمل كل ذلك
واول ما عملو ذلك المجلس وانا كنت شاهدا صغيرا عليه هو ما اقترحته بت قضيم
بدا بجمع جملة اعترافات من كل الناس
بدون فرز
وان يدون كل رب وربة بيت غبائنهم ومظالمهم من اي كائن حي جهرا
حبهم وكرههم مدحهم وذمهم
وانتهي ذلك المجلس
الي صيغة من التعايش بين الناس قوامها الحب والعمل والابداع والتنافس
وعملوا كل ما اشرت اليه دون عون او مساعدة من اي مخلوق او حيكومة
واحتفلنا معهم بقرية نموذجية بدات بحادثة قتل
ويا ريت يا ريت
يا ريت يا ريت
ناس مشاكوش يمشوا يزوروا
جدودنا في تلك القري
والحضر
| |
|
|
|
|
|
|
|
|
|
Re: لعبة اعترف (Re: بت قضيم)
|
ابو حسين معليش
اظنى قادة عربي قريت اللستة بس
لكن كلامك دة ما قريتو الاهسي
الكبر يا اخوى كمان والشوف بقى طشاش
| |
|
|
|
|
|
|
|
|
|
Re: لعبة اعترف (Re: بت قضيم)
|
نرجع زي زمان كيف يا بت قضيم ....
تعرفي زمان الواحد بقدر يحل مشكلة كتيبة محاصرة ..
هسع ما قادر احل مشكلتي ...
زمان الواحد كان عديم ضمير ..عرفك شاف الضمير ذاتو..
| |
|
|
|
|
|
|
|
|
|
Re: لعبة اعترف (Re: بت قضيم)
|
مساء السعادة
تسلموا كميات
لو كان ما في زول رد عليا،، كنت بطرشق
لا ادري ما هذه الأحاسيس المتضاربة بسبب البورد
لا عارفاه تخلف لا خرف لا شنو بالضبط
!!!
لكم كل الود
يا جدو يا صديقي
هيا اعترف
انت ود جيرانا صح؟؟
تسلم يا امير
ابوحسين
لا لم يحدث أن تخابطنا من قبل
على الأقل حتى الآن،، والله انا بالجد شكاله
تسلم لكلماتك الطيبة يا امير
وفعلا
ماذا نفتقد غير جبنة قهوة وحوش وونسة وهم يتأجل لي بكرة؟؟
سمعت أغنية منال بدر الدين قهوة منك؟؟
الليلة سمعتها حسيت بحنين قوي لأمي
الله يجمع المفارقين كلهم على خير
وربنا ما يحرمنا من عطفك وودك
ويعلي مراتبك
وينصرك
إن شاء الله يخليك يا بيه ،، حسنة قليلة تمنع بلاوي كتيرة
بالجد بالجد انا درامية
!!!
| |
|
|
|
|
|
|
|
|
|
Re: لعبة اعترف (Re: بت قضيم)
|
والمكسر فى الاسلوب الراقى والزوق اللطيف والاخلاق العالية يتكسر زيادة والله ينفلق
لك التحيات العظام ولى شيرى زاتو معاك
| |
|
|
|
|
|
|
|
|
|
Re: لعبة اعترف (Re: بت قضيم)
|
نون والقلم
هالة قوتة
تماضر الحديقة
جندرية البياعة،، (لسه منتظرة جنب باب المسنجر بالمناسبة)) شطفتيني؟؟
لكن كل الحب
ولو كان هناك بد من الاعتراف
فانا اعترف أن البوست الذي يشاركني فيه النساء ،، أكثر من الرجال،، بما انكم لحدي الآن (على الأقل) لسه نسوان ،،، لما يحدث هذا الشئ،، ارتاح جداً،،، ليس لاني مصابة بعقد استاتيكية ضد الرجال،، بل لأن هذا يعني أنني قد أكون من النوع ال|(فكرة) وليس ال((منظرة)
ده شنو الكلام العوير ده؟؟؟
خلااااااص البت فلسفية يعني
قصدي يعني انني لن اصف في قائمة (جكس البورد) وهذا بالنسبة لي،، فضل من ربي
فكلمة جكس دي بتجيب لي حمى نفاس
شوفوا بالله
بت قضيم
وحمى نفاس
وأبرى منو
ودايرة اعتبر اني جكس بورد؟؟؟
عوارتك يا بت قضيم
تسلموا لكل هذا الحب والجمال
بعدين ما رأيكم افك جمعية الشينين عكس الهوا ونفتح جمعية نسائية بوردية جديدة هدفها (معاً من أجل الملاية) بسم الله
قصدي (معا من أجل الجمال) لانكن كلكن بالجد بالجد،،، جمال
تسلمولي يا رب
| |
|
|
|
|
|
|
|
|
 Re: لعبة اعترف (Re: بت قضيم)
|
انت السماء بدت لنا واستعصمت بالبعد عنا
تحياااااتي يا جكس
بهزر بهزر
تطير عيشتي انا ..بالاسم كمان؟؟
يلا سمااااح
| |
|
|
|
|
|
|
|
|
|
Re: لعبة اعترف (Re: بت قضيم)
|
أساسي
بالله القمر سوا كده؟؟
بالغ الكلو طوب ده
بعدين كمان ليك نفس تجيني في بيتي بعد كرشتني من بيت الناس؟؟
برضك شين
وتسلم للأدت ومحو الكلام
مع انه كانت فرصة مناسبة للتباكي وفرصة فيك
لكن كشفت الدور يا فقري
وقال ليك انا بمشي بسهولة؟؟
نعلك قايلني عندي دم؟؟
والله بالغت
تسلم يا شين
| |
|
|
|
|
|
|
|
|
|
Re: لعبة اعترف (Re: بت قضيم)
|
ميادة
اظنك بتتكلمي مع بت قضيم النسخة الصينية
كيفك يا الثريا؟؟؟
طبعا ما ادس عليك
الكلمة دي نفختني نفخة السنين
عارفة
قرأت بوستك عن السفارة
شقني الفضول لأعرف عن أي جهة تتحدثين تلك التي تنتمين لها في العمل
سبت الموضوع كلو،، وقعدت افتي مع روحي
مرة أقول الأمم المتحدة
مرة أقول ،،، الأمم المتحدة
اسمعى انا ما بعرف غير الأمم المتحدة دي
المهم ذكرتيني بصديقة جميلة
توهنا الزمن من بعض،، كانت قوية،، وبت بلد،، راقية وقوية ومتزنة
هل لك علاقة بأرامكو؟؟؟
تكوني ياها زااااتها
سلمت لكل شئ
رمانة
شفتي الحول؟؟؟
أهو برد عليك هنا
والله يا رمانة حبيتك لله فالله
وكنتي سبب مباشر في قتل بركاني الفالت،، باقي فيني عرق جعلتي
بصلتك لسه نية؟؟؟
ما تطفي النار وتجينا؟؟
دكين
ادري انا انك تقصد إحراجي
وانا ما زلت بت ناس طيبة ومؤدبة واخفي الأربعين متر لسان ورا الباب لساعة الفجأة
للصبر حدود
فخلينا حلوين زي زمان
وحاة الشما ياخي
| |
|
|
|
|
|
|
|
|
|
Re: لعبة اعترف (Re: بت قضيم)
|
ود الجعلي اربعة
انت تعال،، متين اتكاثرتوا وبقيتوا قبيلة وصلتوا الجيل الرابع
لووووول
امزح بعوارة هسه دي نكتة يعني؟؟؟
ود الجعلي
ولوووووووووووول على شيري زاتها
ذكرتني نكتة مساطيل كده
بس ما متذكراها
لووووووووول على خفة دمي ياخي،، تقتل عديل
ولك بمثلها تحيات عظام،، وكوارع وفتة ومحشي كمان
عضام البسيطة دي
؟؟؟
بالمناسبة يا شيري
(نقول انت سامعة)
كل ما يجيبوا سيرة العضة،،، تنطي لي في راسي
والله تلقى البغبغة حاصلة
انت بس اعترفي
| |
|
|
|
|
|
|
|
|
|
Re: لعبة اعترف (Re: بت قضيم)
|
ترباس ينداح الآن في مسجلي فيقول
راعي حرماني واخشى عامل السن
اني ماشي كبير ليه تسيبني اجن
وقد تأملت في هذا المقطع للحظة
وتساءلت
الزول ده بحب في زولة ،، واللا بحنس في ممرضة تديه بطاطس مقلية بزيت عافية وهو راقد في المستشفى بالكولسترول وهو زول طفس روحو دي دايرة تمرق ياكل شيبس؟؟؟
شي عجيب ياخي
هوبليس
اتاريك طيب ليس كما أعطاني بوستك الصباحي انطباع
ياساتر عليك،، والله الليلة الصباح كان لقيتك كان فطستك من زعلي
ما تراعي عامل السن ياخي وال(دغت) بس عارف
تحت تحت يقولون أن بت قضيم تمتعت بتعبير (عمر الزهور ) إن شاء الله يخليك يا بيه
ويعلي مراتبك ،، يخليها مراتب سوفت
ويخليلك المدام
ويكبر العيال
حسنة قليلة
يووووه
ما قلت ليكم انا درامية
هوبليس
سأعتبر أن مقولة ما محبة إلا من بعد عداوة صحيحة مية في المية
وربنا يزيدك من محبة عبادو
كترة ناس رسلوا لي قالوا انت ما قاصد سوء؟؟؟
بالله انت مدعوم قدر ده؟؟؟
والسكر المدعوم،، ود عمك بالله؟؟؟
لووووول
اخير اخلي خفة الدم دي مش كده ؟؟
تسلم يا هوبليس اخوي
| |
|
|
|
|
|
|
|
|
|
Re: لعبة اعترف (Re: بت قضيم)
|
..
.
تحية بحرارة وهجير هذا اليوم
بالمناسبة انتِ عايزة تعترفى عن نفسك
ولا عايزة الاخرين يعترفون عن انفسهم كما تفعلين ؟؟
افهم بس
الفهم ما قسم
ولانى جهزت دفتر اعترافى لكن لقيت انا فى وادى والناس فى وادى
عارفه انا مرات بفهم المداخلات فهم مقلوب
يا ربي دى نوع من الغباء ولا عبقرية مفرطة
بدون غرور لكن احب ان اكون نقيا هنا
وفى هذا الكرسي بالذات
الا يقبل هذا كاعتراف ضمنى
بس مشكلتى لو اعترفت بزعل ناس
بعدين ما داير اسخن لانو درجة بردوة التكيف فى شقتى
منخفضة وكلو بسبب عمر مهدى
كلمته قلت ليهو السكند هاند ما كويس
احسن الاسبليت بس دا الله ودى فسمته
تحياتى
| |
|
|
|
|
|
|
|
|
|
Re: لعبة اعترف (Re: انور عمر)
|
سلام مربع
بت قضيم
لا ادري لما انا موش علي بعضي وانا اكتب اليك
ربما ان ان اعلانك بانك مغادرتنا
هو من احبطني الى هذا الحد
وربما هو كلام رضوى عن الاسلام
وربما اننا اصلا متضايقه من اشياء اخرى
لا علاقة للبورد بها
وربما لانني ايضا انوي الرحيل
لا ادري متى لكني احسه قريب جدا
احسني هشه كثيرة العطب
اعشق الناس لدرجة الهزيان
ومع ذلك يهزمني الذين تلاعبوا
بهذه الاحاسيس وسربوها في غير ماعدل
يابختك ستزورين السودان مرة اخرى
في اجازتك
ربما لا نلتقي مرة اخرى
للاسباب نفسها
ربما لا يكون عندنا نيت هناك
والسبب الاكبر ربما لا يعمل (وزير الكهرباء) خاطر لنا
ويمد لينا سلك من جدة
لي بحري
وفي كل الاحوال
سوف افقد الناس هنا
لا ادري متى ، ربما اليوم
وربما بعد شهر
لكنه لا محال واقع
عليه
اعلمي انني احببتك جدا وادمنت كل حرف كتبتيه هنا
سواء ان رأيتيني مبغبغة او مسوللــة
فانت حبيبة جدا الى قلبي
وكل الناس البورد
طبعا البنات قبل البنات لاني متعنصره جداجدا
وهذا اعتذار ايضا مسبق
لكل الناس ان تثاقلت او ازهجت الناس بهترشتي
التي زهجتني انا قبلكم
طبعا الكلام دا زي يديني احساس ان احدنا سوف يموت
نبري يايمه ونستبري لسعة قدامنا حاجات كتيرة دايرين نسويها
اولها نشرب قهوة المغربية
الله يغيظها روضه دي كان لازم تدخل وتكتب الاستفذاذ دا كله
وتدهدسني بهذه الاحساسيس التي تغضب
واكثر من ذلك كلها انها قصدت ان تقول ماتقول
ولا تدينا فرصه حتى نبرد بطنها فيها
اسفه يابت قضيم
قلبتها لكل نكد
سماح ياسمحين
| |
|
|
|
|
|
|
|
|
|
Re: لعبة اعترف (Re: shiry)
|
بت قضيم
الظريفة- الشكالة - رغم كلامك دة ما فيهو شكل
ورغم إنو نقول للزمان ارجع يا زمان دي مابتنطبق علي
عشان إحنا بتوع النهار دة
اها أرجيني--من هنا وجاي
حتلقيني في وشك محل قبلتي
وشيلي شيلتك
يحلك الحلة بلة
حنينة
| |
|
|
|
|
|
|
|
|
|
Re: لعبة اعترف (Re: ايهاب)
|
بت قضيم .. تحيات مسقيه بريحة التراب
شكلى كده مسطح وماعارف الحاصل
عموما ساحاول انبش البوستات القديمه اصلوا لى زمن مامواكب معاكم
بس
حبيت اسلم
ديك الجن
| |
|
|
|
|
|
|
|
|
|
Re: لعبة اعترف (Re: بت قضيم)
|
مساء السعادة للجميع
نزار حسين
مساء الورد
امس وانا اكتب لك ردا،، حلف النت وركب راسو ورفض الانصياع لأوامر الفار،،، هو في زول عاقل بسمع كلام فآر؟؟؟
ده لو افترضنا زولية النت يعني
المهم أنني كنت اكتب لك طلب انتماء طوووووويل لهذه الحلة الجميلة بكسر الحاء،،وعلق النت وطار كلامي أدراج الهبوب،، من لطف الله عليك من نقتي
عارف
اظن أن اول المطلوب للنقاء،، أن يعترف الإنسان باحتمالات الخطأ،، وانه ليس بكامل ولو نشد الكمال
لو بس ده يحصل،، ما كان الانسان اضطر للكذب،، ثم ما اضطر لإكمال قائمة الأخطاء،، ليداري الخطأ الأساسي،، الكذب
أطن أن أم الشرور،، الكذب،، هو الكذب ام واللا ابو؟؟ يعني مذكر واللا مؤنث
على فكرة،،احلى حاجة ،،،أن وجع الفلسفة(على وزن وجع الركب) لا يأتيني إلا نص الليل
زاتها الناس تكون نامت،، وفترت من نقتي الكتيرة
اكرر
ارغب بمعرفة حلتكم هذه،، حيث تبدو كحلم
لا ادري،، هل انت ما زلت فيها،، أو الطوفان اغرق قيمها وانت لا تدري بعد
سلمت يا اخي على الحضور الكريم
| |
|
|
|
|
|
|
|
|
 Re: لعبة اعترف (Re: بت قضيم)
|
بت قضيم
وأنا كمان
بحبك يعني لله كده
زي ما قالت العدوية أحبك حبين : حب لأنك شكالة وحب لأنك رغم الشكل طيبة
أو كما قالت
بتشبهي لي زول كدا
وبعدين انا في الحب فلم هندي يعني
لو واحد قال للتاني بحبك أنا بستلم الموضوع على حسابي ومناديل الورق بتدخل السوق السودا
فما بالك لما تتقال لي
أنا زمان لما لقيت البوست ده قربت أتهور وأقبل الدعوة
وزي تبلدينا كدا حضرت دفتر الاعترافات بس ربك ستر
لأني لما جيت أعترف لقيت ما في حد اعترف ولا ناوي
كان الفليق حيصيبني براي
لكن تبلدينا لو ناوي أنا بمسك في قميصه وبتلو ورقة الاعتراف
| |
|
|
|
|
|
|
|
|
 اول اعتراف (Re: hala guta)
|
النبدأ ليكم انا
بت قضيم بنحبك بنحبك
وانتي اخت عزيزه علينه وتاج راسنا
بت قضيم يا (جكس)؟
يا (عمر الزهور)؟
يالزهور
بت قضيم
روعه حروف
بت قضيم يا .. كل حاجه جميله الواحد بيتمناها في اختو
يا رايعه يا ظريفه
يا يا يا يا يا
هلمجرا
كدا كيف ..؟
والله المابكتب بعد دا اتلوم
يلا بسم الله
| |
|
|
|
|
|
|
|
|
|
Re: اول اعتراف (Re: HOPELESS)
|
بت قضيم
شكرا لكونك خصيتيني
بليلك ولحظة صفائك
واصريتي لاعادة الكتابة الاباها الماوس وذلك لعمري يعني الكثير
شكرا لطيفا ومهذب ايتها الاصيلة
قريتي ما عدت اسكن فيها الآن لأن المهاجر صدتني عنها وابعدتني
ولكنني اتواصل معها ومعهم في كل صغيرة وكبيرة
واشارك معهم من علي البعد في نفير
ساقية -بناء بيت-تكريم طلاب مجتهدين-مهرجانات وندوات ثقافية-تطعيم اطفال-
واعمال متصلة استمتع بالمشاركة فيها واذكرهم بها ان شغلتهم هموم الدنيا او شظف العيش
هو عهد من البداية حتي اصبح بمرور الزمن واجبا مقدس
فاذا كانت الحيكومات تفرض علينا الضرائب والزكوات والاتاوات ونتعود عليها ونخصص لها مخصصا يبقي في الذاكرة ونحتفظ بوصولاته فما بالنا واهلنا دمنا ولحمنا في تلك القري الصغيرة
ما افعله يفعله كل الناس في تلك القرية لا استثناء لاحد القادر
غير الحاضر
بماله وفكره ثم غيرهم بفكره ثم بعرقه ثم بضراعه
واخيرا بكلمة طيبة
والله لا ابالغ ابدا
واذا اردت ان تعرفيها فهي قرية صغيرة جدا كل اهلها
يفتح حاجز بعضهم علي بعض
ما بيناتهم ابواب
وهي في شمال غرب شندي
نجي للاعترافات
اول اعتراف
هو اني ما فاهم الحاصل في البورد ده؟؟؟؟؟؟؟؟؟؟
المواضيع البسييييييييييييييييييييييييطة كما اراها يكبروها كبير
ويا بكري شيل ده واحزف ده
ودائما اغلط نفسي في اني امكن في حاجات ما شايفها مع انو الامور واضحة وضوح الشمس
واولها موضوع رودا او روضة ما عارف اسمها
ما عارف هل من الطبيعي ان يتفق جميع الناس علي كل الامور اون يصبحوا علي قلب وعقيدة واحدة ام يختلفوا؟؟؟؟؟؟؟؟؟؟؟؟؟؟؟؟؟؟
واذا الناس اختلفت هل يحل هذا الاختلاف بالعصا ام بالتي هي احسن؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
من يملك الحق في محاكمة من؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
لماذا يتردد الناس هنا في قول ما عندهم صاح ام غلط؟؟؟؟؟؟
اني اعترف بعجزي عن وجود اجابات كثيرة في هذا البورد
كذلك اعترف بانني كونت صداقات شخصية وتواصل
ومعرفة شخصية ببعض البورداب ووجدتهم نعم الاصدقاء
لم اتحسس اي عداوات او كجنة لاحد
ولا اظن ان ذلك سيحصل
حتي وان تراشقنا بالحجارة بعد الكلام
والموروث العدائي الوحيد الذي ورثته من تلك القرية
هو
طالعني
عندما يحتد الكلام والمديدة حرقتني
وطالعني هذي لشيري ولغيرها من اهل المدن وانا متأكد بت قضيم بتكون عارفاها هي
دعوة لحسم الخلاف بعيدا عن اعين الناس
وهو قطعا ليس خلافا فكريا وانما خلاف سوء فكر وجهل
وبطول الزمن عرفت ان ما ورثته وتعلمته اصبح محمدة اسعفتني كثيرا في هذا الزمان ولا هسي طالعني موجوده فيني
وحسمت لي الكثير من امور سوء الادب دون ان يعرف الناس وسيلة الحسم هذي
اني اعترف باني احب جدا واميل كثيرا لكلام اهل القري دونا عن الحضر يعني كلام اهل العوض والدوبيت واللهجات السلسة الجميلة
وانني حافظت عليها برغم سنين الغربة الطوييييييييييلة جدا
ولم اعوج لساني لملة او طائفة من الناس
ولا يزال بعض سودانيي المهاجر يتندرون لكلمة لفظتها هنا او هناك
وقيل لي
والله تقول نزلك
بص هسي دي ما كأنك عايش بالسنين هنا
ونقارن الكلام بالفصحي تلقاه اقرب من كلامهم
اظن كفاني اعترافا الآن
ولك اخلص حبي بت قضيم
| |
|
|
|
|
|
|
|
|
|
Re: لعبة اعترف (Re: بت قضيم)
|
مساء الخير واللا الساعة كم؟؟؟
تبلدينا
اعترف وزعل الناس فزعل فراحة البني آدم النفسية أحيانا مشروطة بزعل الناس
ليس أن تتعدى على حريات الغير بالطبع،، لكن افصح واعطي الآخر فرصة التبرير
ده لو انت عندك اعترافات كبيرة قدر كده وبتزعل الناس
في برنامج ليلى قديما كان يسمى اعترافات ليلية،، كان جميل جداً،،، وخطير،، وبه اعترافات عظيمة،، وكان من المريح جدا، أن المتصل يتحدث بكل راحة فلا احد يعرفه،، والمستمع،، يستمع لقصة لن يوجعه فيها قلبه كثيرا لانه لا يعلم شيئا عن المتصل
رمانة تنتظرك لتدلي هي بدلوها
وسنرى من اقدر منكم على فعل الشجاعة،، والشجاعة الحقة ليست مواجهة الناس،، ربما الشجاعة الحقة في مواجهة النفس وكسر قوتها وجبروتها وجنوحها
ما ذكرتك عبد الوهاب مطاوع؟؟؟
تسلم يا تبلدينا
ود الجيلي الرابع
تسلم للأهداء حتى بالطرش الذي يصيب جهازي
بالله دي أغنية شنو؟؟؟
واللا هي صورة ما ظاهرة؟؟
أنور أخي
تسلم يا رب
وإن شاء الله فعلا تكون إجازة جميلة لا يطير معناها بالشلهتة والجري في السوق
عارف،، عندنا جيران خواجات،، تبدأ إجازتهم السنوية الليلة،، ينقشط كل واحد في الرجال يلبس بشورت جينز وسفنجة،، اي والله سفنجة حقت سعد قشرة عديل كده،، والنساء جيب بنطلون اعتقد انه يستعمل كستارة في الأيام الرسمية،، يحملون هذه الحقائب التي تعطي إنطباع الوساخة،،
وقبعات،، ويذهبون،، وين؟؟ ما عارفة
التواصل الحضاري بينا مفقود،، لولا ذلك،، كنت سأرغب بشدة في معرفة الأماكن التي يذهبون،، أظنهم يدركون معنى الإجازة الحقة بدون الزيادات الماسخة بتاعتنا
تخيل اسافر السودان شايلة لي (خرج) بضم الخاء لو بتعرفوا، ولابسة لي جيب بنطلون وسخان،، وطاقية كيف كيف،، وسفنجة؟؟؟
ولوووووووووووووووول عليك يا امي كان خلتني ادخل بيتها تاني
تسلم يا انور
| |
|
|
|
|
|
|
|
|
|
Re: لعبة اعترف (Re: بت قضيم)
|
شيري صديقتي
على فكرة أنا لا اراك مبغبغة
كنت بكاوي فيك
بل أنني لو حاولت تخيلك في مخيلتي العطبة،، لرسمت لك صورة فتاة عيون،، يعني أول ما يشد لك عيونك،، ليس الموضوع جمال وعيون نعسانة وكده،، لكنها الشقاوة
عيونك شقية في لحظات السعادة،،، وحزينة وكئيبة في لحظات الدراما
اعتقد يعني أن مفتاح نفسك عيونك
وربما للصورة أثر لكني قد اتخيل انك ترتدين العوينات،، النظارات يعني
ثم أتخيلك سكوتة
ما بتاعت كلام كتير عكس الاستفاضات التي يدلقها قلمك هنا
شرسة وقت الغضب
وانتقامية إذا واتتك الفرصة
لست سريعة العطب لكنك حساسة جدا ،، ليست الحساسية الضعيفة بتاعت البكا والدموع كده،، هي الحساسية القوية التي تخجل في الغالب من أخذ شكل الدموع
حنينة وجنك دندنة غنا
وشترة،، شتارة يد،، يقول السودانيين ،، يدك فيها شيطان،، كلما اقتربت من مصدر وقوع شئ،، كباية قزازة،، فتيل،، باغة،، غالبا تدلقينها دون قصد منك
يتخاف على الفضيات ومحلات العدة منك
تحبين القراءة لا شك،، لكنك ملولة ولا تواصلين نهاية كتاب أبدا
أكالة،،بالطبع،، لكن حسب النفسيات،، تحبين الطحنية،، وقد تستميتين فيها أكلاً ونهبا
الشاي مزاجك بالطبع،، كيفك،، وبك عشق ابدي للقهوة،، ربما النسكافيه بما انك حنكوشة
ولحظة،، أنت لست حنكوشة،، ليس بالمعنى المفهوم،، كثيرا ما اتخيلك،، بتتحنكشي
زهجية وكثيرة الحركة
جنك سرحان،،، وبتحبي العطور
عايني انت وراك حاجة؟؟؟
من الأفضل إذن أن تقومي تعملي حاجتك دي لاني لو اتفتحت اكتر بيحصل فيضان وانتفاضة
ولا عليك من روضة،، بدأت قوية لكنها ضعفت في نص الكلام
لا اظنها تتحدث بناء على خلفية قوية كما ظننت لأول وهلة
وتسلمي يا حبيبة وعلى فكرة
انا برضو بقراك بنهم وحب كبير،، غير اني لما ارى مشاركة باسمك اصاب بانشراح بطريقة لا ادري لها سببا ومرات مرات ببغر كمان
شفتي كيف؟
هسى يقولوا بنطبل لي بعض
وما نطبل؟؟
هي مش دلوكتي اقصد طبلتي وطبلتك؟؟
| |
|
|
|
|
|
|
|
|
|
Re: لعبة اعترف (Re: بت قضيم)
|
بت قضيم
سلام بطول خط الاستواء
لكى التحية
سوف ادخل هذه اللعبة لكى اوصف بالمجنون حسب زعمك
سوف نعترف باننا ننشرح وننفرح بكتاباتك
ولكن ما الت اليه حالك فى قراءة الفناجين
عليك الله شوفى لى الفنجان ده فيهو شنو
تسلمى ولكى الود
| |
|
|
|
|
|
|
|
|
|
Re: لعبة اعترف (Re: بت قضيم)
|
نزار حسين
نعم عارفة النفير
والجمعيات
يلموا من كل بيت حاجة،، بدءا بأصغر شي الكباية،، إلى خيمة المناسبات
لو في بكاء لا يضطر أهل الميتم دفع كثير من المصاريف
لو في عرس كذلك
وهي من أجمل العادات التي تولدت من بطن الحاجة وضيق الحال والظروف الاقتصادية الصعبة
وهي دليل ايضا على أن في كل جانب سلبي لا بد يبق شوية نور
والغريب أن مثل هذا النفير،، لا يمارس في المناطق التي يقال عليها راقية،، مما يزيد في قناعاتي الشخصية،، انه كلما بعد الإنسان عن الأرض والسير فيها والتكتح بغبارها،، كلما بعد عن الإحساس بسخونتها ورطوبتها ودعاشها
نعود لاعترافاتك
عارف مرات بشوف ناس البورد ديل كيف
تخيل معي أحدهم وقف يتحدث وقال
(أنا لا احب اللحمة)
مثلا يعني
(اللحمة مضرة بالصحة)
(حرام تاكل لحمة)
(اللحمة سبب البؤس والشقاء)
اللحمة
اللحمة
اللحمة
فيتضايق آخر من مشجعي فريق اللحمة فيرد
(أنت لا تفهم)
(اللحمة اساس الحياة)
(اللحمة اساس الفكر)
(لولا اللحمة لما كان الإنسان)
(رعديد حيوان مغفل)
طبعا ما حيقول كده دوغري
ثم يزيد
(الرجاء حذف بوست اللحمة لأن ذلك يدعو للفكر البوذي، مش هم ما بياكلوا اللحمة؟؟)
يجئ ثالث من هناك فيقول للأول
(والله انا شايف كلام الأول صاح)
(اللحمة دي ما بنريدها)
(هي زاتها غالية وكلها ضبان)
فيجئ رابع ليفتح بوستا فيقول
(المدعو فلان العلتكاني والتفكير البوذي)
وخامس فيقول
(المدعو علان الفلاني يتهم الحكومة بتسميم اللحمة)
فيجئ سادس ليقول
(اللحمة اللحمة اللحمة جننتونا انا زاتي منسحب من البورد اللاديمقراطي ده)
من السادس للعاشر ،، تجدهم يتحدثون عن (ياخي اللحمة كويسة انت بس خلينا نتناقش) طيب ما تقولوا مميزات اللحمة ، ما تتكلموا تدحضوا الكلام؟؟
ابدا،، لا يحدث
العشرين والواحد عشرين وعندك واصل للمية واحد،، ديل بتلقاهم
بتكلموا عن فن السينما
سيد اللحمة الآووول داك بكون اساسا ساب الموضوع وفتح بوست جديد عن الحضارة في اليابان
الكلام حيزعل ناس كتيرين اولهم انا لاني بالطبع بكون مرات مرات عملت كده
نحن شعب غريب يا نزار
يذكرني بالكفتة ام بقسماط كتير
ابدا لا يجذبك داخلها رغم قناعتك بغناها،، وابدا يصيبك قشرها الناشف بكششان منها ونفور،، ولا يعطيك زيتها وشكلها فرصة للشعور بالمجاذفة ل(قضمها) مع ان طعمها حقيقي جميل ومغذى
بالغت في المثل؟؟
معليش الجوع ووقت الغدا هم السبب
لك كل الاحترام يا سيدي
| |
|
|
|
|
|
|
|
|
|
Re: لعبة اعترف (Re: بت قضيم)
|
وطالعني في الخلا يا شيري
ولو اني عارفاك بمفكك الفتحتي بيه العربية يومداك، بتكوني عملتيها قبل كده وطالعتي واحد ثقيل اترازل عليك
طالعني تقال عند احتداد وطيس الشكل
فيقول المفتل الفقري
(انت بس طالعني الخور)
ده في ابسط الأحوال
وفي اكثرها شدة تكون المطالعة في الخلا
واعتقد سبب المطالعة أن الرجل السوداني يعتقد أنه ليس من الأحترام في شئ ، أن يتضارب ويتعافر في بيوت الناس خصوصا إذا كانت مأهولة بالحريم
منها ضمان لأن لا تطالع الأنثى الرقيقة المنظر الشنيع الذي قد يحدث من طيير عين واللا كشطة سكين واللا شلخة مطوة،، فتطق السكلي وتقول (وووووب عليا الحقوا الراجل اتشلخ)
والرجل السوداني كجنتنه في الدنيا أن تولول المرأة أمامه خصوصا لو كانت تولول بسببه أو لأجله هو
ومن ناحية أخرى،، يضمن أن برستيجه لا يتهزأ،، إذا حصل واتطحن من قبل الذي تراجل عليه من شوية وهدده وقال له طالعني الخلا
ودائما ما افكر،، لماذا المراة دائما من المفترض أنها ستسكل في هذا الوضع وتولول ولا تحرك ساكنا غير النحيب الذي بالطبع سيزيد التوتر ولن يقدم شئ في سبيل حل الإشكال
؟؟؟
ولماذا الرجل دائما يفترض نعومة المرأة ورقتها فيجنبها مثل هذه المناظر مع انها هي البتمسك السكين،، وهي البتقطع اللحمة،، وهي البتحشي الحمام،، وهي الممكن تكون ببساطة جزارة محترفة؟؟؟
!!!!
إن شاء الله اكون وفيت أخي نزار حق الشرح
وانا اتفق معك تماما،،، داخل كل رجل سوداني ،، طالعني التي لا تفارقه ولو اتخذت شكلاً حضاريا محترما تبقى هي هي
قرنفل العزيز
تسلم يا عزيزي للانفراحة
الغريبة كل ما اضحك كتير امي تقول لي يا بت الرشاقة دي كتلت اشراقة
وانا ما بعرف إشراقة
وكان صريت تقول لي أها اصبحنا بي الله
يا بت فكيها كان الله يفرجها
نسوي شنو ما عارفة
ده بمناسبة الإنفراحة
أما بمناسبة قراءة الفنجان
فسنقلبها أخيرا لتصبح قراءة الحروف النتية
لاحظ اني قريته بالنت،، وذلك لان مشاركات شيري عديدة ،، وتعطي العديد من الإنطباعات
لو عايزني اقرا فنجانك لا مانع
ادينا بس ضوء أخضر
وتسلم يا رب
| |
|
|
|
|
|
|
|
|
|
Re: لعبة اعترف (Re: بت قضيم)
|
سلام بت قضيم
انفرحنا ولكن لم نعرف الانشراح
لعلك منشرحه......؟؟
انتى معك الضوء الاخضر والمفاتيح
واعطيتك فنجان وبه قهوة كمان
| |
|
|
|
|
|
|
|
|
|
Re: لعبة اعترف (Re: بت قضيم)
|
استاذي حمزة
لك الود ولكرمك النبيل
ان شاء الله بس تكون سامحتني
بعدين غلطت غلطة عمرك في مفاجأة دي
ما بفتح ليك راسك
عارف النقة؟؟؟
انا ام النقة
كل ما اشوفك في بوست
بسألك
المفاجأة شنو؟
ذكرتني
اخوي الصغير،، بذاكر ليه عادة
الناس كلها تعبانة في الرياضيات،، هو عبقري فيها،، وتعبان جدا في الجغرافيا
اول مرة اشوف طالب بياخد دروس خصوصية في الجغرافيا
المهم يوم الأمتحان،، طلع منو وجا كويس
يا عادل الامتحان كيف؟؟
يقول لي والله حيكون مفاجآة كبيرة خلاص
انا انبسط وافتكر انه خلاص يعني جاب الديب من ديله يا قول المصريين
كل ما اسألوا يقول لي (حيكون مفاجآة) المهم قد الجغرافيا
يا عادل ما قلت مفاجأة
!!رد عليا ببرود (ما باعتبار أن ما كل المفاجآت سعيدة)
لووووووول
تسلم يا استاذ
والمفاجآة شنو؟
| |
|
|
|
|
|
|
|
|
|
Re: لعبة اعترف (Re: DKEEN)
|
Quote: الي متي وانت موغل في غيابك يا قمر
|
حبيبي تعال تعال نتلم
مادام الريد اختلط بالدم
الاجازه دي علي بياض ولا شنو يا بت قضيم؟؟
| |
|
|
|
|
|
|
|
|
|
Re: لعبة اعترف (Re: بت قضيم)
|
هالة الحبيبة
قمر عديل كده؟؟؟
على رأي المصريين (أمر بالستر)
والله يستر يوم ما تشوفي ال (قمر) عيانا بيانا بكون رأيك شنو بعد داك
الله يخليك يا جميلة
| |
|
|
|
|
|
|
| |
بت قضيم
جدو
ABUHUSSEIN
nazar hussien
Tumadir
الجندرية
Mayada
WAD ELGAALI#4
انور عمر
shiry
haneena
ايهاب
rummana
HAMZA SULIMAN
فيس بوك
تويتر
انستقرام
يوتيوب
بنتيريست