|
|
 الطريق الى الجحيم مفروش بالبنات
|
بنات يتخفى من حسنهن القمر .. أين ذلك القمر الذى يراهن مع ثورة الكهرباء العارمة التى غطت كل الارض فما عاد هنالك من يستمتع بضوء القمر ليلا خاصة فى ليالى النصف من الشهر العربى ؟؟
انهن حسان يسعد القلب برؤياهن .. على سيمائهن كل اشراقات الحب .. يرتدين احدث ما جاء فى خطوط الموضة .. وباختصار لا يتركن لك فرصة الا وان معلق بهن ..
ليس التعلق بهن لذلك الجمال وتلك الرقة والعذوبة بل لانهن مشاكسات حد الفوضى .. لا لا اعتذر حد التمرد … ولكم ان تجعلوا التمرد هذا حاويا لكل ما يخطر ببالك من اشياء ..
مع مثل هذا الصنف من البنات العواقب لن تكون سليمة مهما حاذرنا ومهنا توخينا الدقة فى اختيار الالفاظ ولكنها حقيقة فهل هنالك من ينقذنى منهن ..
انهن بنات افكارى الهيمانة
|
|
 
|
|
|
|
|
|
|
|
Re: الطريق الى الجحيم مفروش بالبنات (Re: ابويوسف)
|
اخى ابويوسف
لك تحياتى
شكرا للطلة سيدى وللمشاركة
ودعنى احكى لك حكاية واقعية
تقدم شاب لخطوبة ابنة عمه
فكان رد عمه له : يا ولدى انت ولدى ودى بتى ولكن نصيحتى ليك البت دى زى امها وامها ازفت من ابوالزفت عشان كده ما بنصحك تتزوجها..
الشاب المحب لم يسمع نصيحة عمه وتزوجها
وعض اصابع الندم
والان اقول لك ان بناتى مشاكسات كما اسلفت وانا محتار معاهن وخايفن يودنى التوج ومستعد اديك واحدة مجانا لوجه الله ولكن عليك تحمل وزرها
وانت حر !!!!
مع خالص تحياتى
| |
|
|
|
|
|
|
|
|
|
Re: الطريق الى الجحيم مفروش بالبنات (Re: قرشـــو)
|
صديقي العزيز قرشو تحياتي
تعرف موضوعك دا جميل جدا والله
لكن البسمع منو ؟؟؟
تعرف التغير الكبير الحصل وثورة الحداثة
الجاتنا عشان تريحنا فى حاجات كتيره وبالفعل
أراحتنا في البعض ولكن وللاسف الشديد فقدنا
معها الكثير أيضا
وربنا يكتر لينا من بنات أفكارك ديل يا خااال
| |
|
|
|
|
|
|
|
|
|
Re: الطريق الى الجحيم مفروش بالبنات (Re: zola123)
|
بتنا زوله
لك تحياتى
معقول انتو حدى يتجرأ يقول عليكم كده ياخى ؟؟
انتو بإذن الله تودوا الى النعيم المقيم وذلك ليس قولى بل قول مأثور
فاولا الجنة تحت اقدام الامهات
وثانياً من رزق ثلاث بنات واحسن تربيتهن حتى يتزوجن دخل الجنة
وثالثاً ومن احسن معاملة زوجته وصبر على اذاها دخل الجنة كذلك
وهنالك قول لا ادرى صحته
من عشق وصان عشقه ومات دخل الجنة
انتو ياخى ما الجنة ذاتها وننعيمها
| |
|
|
|
|
|
|
|
|
|
Re: الطريق الى الجحيم مفروش بالبنات (Re: اسامة الخاتم)
|
قرشو : السلام كيمان
يعني بناتك ديل علا الواحد يسوي ليك تخطيط مخ حتين يشوفن.
و لو إنت متقريف ولا زهجان ، زول يتاوق ساي مافي.
ولو نايم ما بنقدر نمر جنب البيت خوفا من ( إستيقاظك ) و عكننتك.
عشان كدي ، أمرقن لابرة ، و إستبدلن بي ( جنيات أفكار )
شن قولك يا الحبيب ؟
| |
|
|
|
|
|
|
|
|
|
Re: الطريق الى الجحيم مفروش بالبنات (Re: ابو جهينة)
|
العزيز ابو جهينة
لك تحياتى
تعرف يا سيدى ديل يتنططن قدام عينى كل لحظة والثانية وزى ما قال ولد اخونا اسامة زى القرود من كثرة حركتهن وشغبهن وغالبا ما يجعلننى انهزم ولا اجد الشجاعة حتى لنقاشهن ناهيك من الانحياز او المعارضة ..
ياخوى ديل بنات عملن فينا كده امال لو كانوا جنيات كان عملوا شنو؟؟؟
لك شكرى على مرورك ووجهة نظرك اخى
| |
|
|
|
|
|
|
|
|
 Re: الطريق الى الجحيم مفروش بالبنات (Re: قرشـــو)
|
جماله التعبير ، و عمق المعني ما لفت أنتباهي ...
يا لجمال بناتك و يا لأصالتهن ....
قد تكون أصالة غلفتها ملامح التغيير ، و الحداثة ..
و لكنها ليست إلا بغلاف لأصل طيب ، و نسب شريف ...
لا تحكم عليهن بالتمرد ، و لا بالفوضي ...
فهن منظمات ، و دقيقات ...
و قد تكون قد اختلفت الرؤي ، لاختلاف الزمن ...
ولكنهن رمزا للأصالة بتعبير حديث ....
أما الطريق .. فهو من صنع فكرنا و آفقنا ...
| |
|
|
|
|
|
|
|
|
|
Re: الطريق الى الجحيم مفروش بالبنات (Re: Omshaba2)
|
قرشو
تحياتى
بوستك دا بتملى بالعذابة كلهم بجو طايرين’ بالذات الحزنانين بقولو نشوف جهنم دى طريقه كيف.
اما قصة القمرة هى من زمان ’ عندنا حبوبة بتقول لبتها خجلتك خجلة القمراء فى الخرطوم’اما عن البنات البضون عندنا واحد جاء من السودان قال والله فى جنس نوار جديد بور بنات الجامعة احسن ليكم تجددو بلا خطوبة معاكم
| |
|
|
|
|
|
|
|
|
|
Re: الطريق الى الجحيم مفروش بالبنات (Re: raheel)
|
عزيزتى رحيل
صباح الورد والازهار الجميلة
معقول يا ستى انتى تكونى من اولئك المشاغبات واللائى يقدن الى الجحيم...؟؟ مستحيل يا ستى فانتى من بنات الحور اللائى يطلقن العنان للتأمل الجميل فى هذه الدنيا ولا غرو فانتى من اللائى اثرين هذا البورد وما قبله بكل رائع وكل مبدع ..
لك شكرى وتحياتى
| |
|
|
|
|
|
|
|
|
|
Re: الطريق الى الجحيم مفروش بالبنات (Re: abuguta)
|
عزيزى ابوقوته
تحية صباحية
ياخوى قلننا الطريق للجحيم برضو يجوا جارين فى زول راغب فى الجحيم ؟؟ ده يبقى عذاب عديييل كده يا سيدى ..
يا سلام لتعبير حبوبتك ياخى وحقيقة القمراء تنزوى خجلا فى هذه المدن الكبيرة حيث لا يعبرها احد بينما هى سيدة الموقف فى الارياف والكل يخضع لروعتها بعد انقضاء يوم العمل المضنى ويبدأ يوم الانس والحبور .. ما احلى القمر عزيزى فى ساعات الصفاء والجلوس على الرمال الحانية وما اجمله فى ليالى النصف من كل شهر عربى ..
اما حديثك عن نور النوار الذى تدفق من الجامعات فانا ..
اموت بى حسرتى ولهفى
كما قال عثمان حسين
فمن سوء حظى لم اسعد ولكن حتى زوجتى - ولن تصدق - اخبرتنى بان كل البنات فى الوطن اكتسين بجمال غير عادى وانه لم تعد هنالك بنت غير جميلة ...
فعلا سمعت بذلك سيدى ويا رب نبقى اجمل بلاد الدنيا نساءً واخلاقاً وارضاً وشعباً وحكومة كمان.. صعبة دى يعنى ؟؟
لك تحياتى
| |
|
|
|
|
|
|
|
|
|
Re: الطريق الى الجحيم مفروش بالبنات (Re: Omshaba2)
|
عزيزتى omshaba2
لك التحية والود
اسمحى لى اولا ان ارحب بك فى هذا البورد العامر بك وبكل الاحباب ولعلنى لم القاك قبلا بل هى المرة الاولى التى نلتقى فيها فى بوست معا فالف اهلا عزيزتى ونرجو ان يطيب لك المقام بين احبابك وبنى وطنك..
كلماتك الرقيقة اسعدتنى جدا وانا اقرأها صباحا واجد فيها سلوى لقسوتى على بنات افكارى التى توهتنى وحيرتنى وجعلتنى اكاد اتبرأ منها واهرب حتى لا تشقينى معها ..
لعل فى حديثك دعوة لاعادة التفكير فى ما نسمع علنا قد اساءنا الفهم مبتدأ فلا مانع من اعادة القراءة ثانية حتى نستطيع ان نعرف الى اين تسير افكارنا..
لك تحياتى عزيزتى
| |
|
|
|
|
|
|
| |
قرشـــو
أبوالزفت
7abib_alkul
alsngaq
zola123
اسامة الخاتم
ابو جهينة
abuguta
raheel
فيس بوك
تويتر
انستقرام
يوتيوب
بنتيريست