كتب الكاتب الفاتح جبرا المتوفرة بمعرض الدوحة
|
تفرجوا وادعوا (لهن) بالرحمة ........
|
العملة السودانية زمن القروش قروش ....زمن الجنيه السوداني كان يتطاول فخرا علي كل العملات .....و الان تم دفنه حيا ...مع مولود ميت قبل ميلاده وهو الدينار ...الله يرحم عملتنا و يحسن اليها .....
عملتنا لسنة 1956
|
|
|
|
|
|
|
|
Re: تفرجوا وادعوا (لهن) بالرحمة ........ (Re: ايهاب)
|
فنجري
شكرا علي البوست المهم ديت
:واحكي ليك قصه
سنه 79 لقيت طراده واقعه في الواطه ..ناس بيتنا كلهم قامو سكوني سك شديد واخوك مكنكش في الطراده كنكشه تمام المهم ما اديتهم فيها فرقه وقمت ختيته في برطمانيه ودسيتها تحت الدولاب بعد ما حفرت ليها اتخيل...والزمن داك احنا بنأخد شلن للفطور والمواصلات يعني الطراده مصاريف 5 ايام كامله
ولا حول ولا قوة الا بالله وانا لله وانا اليه راجعون
لك كل التحايا ، لك كل الود
ابونور
| |
|
|
|
|
|
|
Re: تفرجوا وادعوا (لهن) بالرحمة ........ (Re: Bakhaf)
|
ايهاب ....موظف شنو يا مان ...انا زمن المليمة كنت نزلت معاش ... ابو حسين الفريني ده تاني الا نشوفو في الاحلام ....و في ناس اكيد ما عارفاهو بيساوي كم ... عشة بت فاطنة ...الواحد بيتذكر حاجات كتيرة وبيبكي عليها ....و ما عارف ابواتنا شعورم كيف ..عندي حبوبة ما قدرت تتكيف مع القروش الجديدة لما توفت وكنت بضحك عليها ...لانها ما بتقدر تنطق القيمة بصورة صحيحة ...و هسع لما الواحد يمشي السودان بيكون زيها ..الله يرحم ايام زمان ... ابونور ...ضحكتني شديد....قلت لي الطرادة حنطتها ...اوعي تكون لسه في ....انا بتذكر كنت طالب بشتغل في الاجازات ...مرة لقيت لي تلتاشر جنيه خليت الشغل لانها كانت اكبر من راتبي...شكرا ليك الشريف ....المليمة ..شفتها و ما تعاملت بيها .....انا حدي التعريفة .....بس بفتش فيها ......خايف تبقي لي زي المسابقة المزعومة العملوها ناس الاسواق الحرة .. بخاف ...سلام يا مان ...لو كنت في السودان كان لقيتم ليك ...بس برضو بفتش ..يمكن القي لي زول اثري في البلد دي ....عليك الله قروش هسع تعمل بيها شنو ...قيمة طباعتا اكبر منها ...شكرا يا عزيز
| |
|
|
|
|
|
| |