|
|
 يا جماعة والله ده كرهنى البورد عديييييييل كده
|
الأعزاء الأحباب
بصراحة كده قمت يوم (لى شلاقتى) نزلت لى برنامج - نسيت اسمه هسع – ومن يومها وهاك يا بق (Bug) كلما افتح بالذات الهوت ميل او سودانيز اون لاين ما اسمع ليك الى (ويك ويك) وصت اجش كريه قبيح وصورة حشرة الكترونية كرعينها سته ولا ثمانية ما عارف وتحذير ونفير وده كله عامل منه طناش لكن الفور دمى كلما أحاول اكتب موضوع أو رد هنا بس لامن اقرب انتهى وارسل تجينى الرسالة دى :
Quote:
iexsplore.exe has generated errors and will be closed by Windows.
You will need to restart the program
An error log is being created
OK
|
اها وحاتكم ما بستنانى اضغط على اوكى الا القاه ليك طلعنى بره الانترنيت خالص ..
يا جماعة بالله ناس الكمبيوتر يورونى المخرج شنو من البق ده والله كرهنى التعامل مع الانترنيت وضيع على ردود كثيرة ومواضيع كثيرة ولانى زهجى وأخلاقي فى راس نخرتى أقوم أخلّى الموضوع وما اكتب فيه ثاني ..
اها فى زول بساعدنا ولا نعيش فى العذاب ده كده بس ؟؟
لكم تحياتي جميعا
|
|
 
|
|
|
|
|
|
|
 Re: يا جماعة والله ده كرهنى البورد عديييييييل كده (Re: ايهاب)
|
حبيبنا قرشــــو
المشكله دي حاصله معاي لأني عملت أبقريد من إكسبلورر 5 إلى 6 في المكتب وطبعا ما في طريقه أغيره مرة تانيه إلى إكسبلورر 5 لأنه ما عندنا صلاحية تغيير البرامج الرئيسية..وجوا كم واحد من ناس صديق ورفيق من المختصين بالسوفت وير وما قدروا يعملوا حاجه..قالوا إصله إكسبلورر 6 فيه مشاكل كتيره..أمامك حلين إما الرجوع إلي إكسبلورر 5 أو تشوف ليك فليت للبق دا..وعموما أساطين الكمبيوتر موجودين في البورد..ويمكن الحل الأولاني مايكون صحيح أو عملي..وبعدين أحســـن حل إنك تخلى الشلاقه الغلبني أخليها..ولو قدرت ورينا دواها...تحياتي
| |
|
|
|
|
|
|
|
|
|
Re: يا جماعة والله ده كرهنى البورد عديييييييل كده (Re: nile1)
|
حبيبنا الباشمهندس الزاكى
لك تحياتى
والله ياخوى الهناى ده حكايته عويصه خلاص
ونحن مثلكم نتعامل مع ال (لان) عشان كده ما تقدر تحدث وتتراجع الا عن طريقهم هم بس..
والله شبكة شديدة خلاص
تعرف الشلاقة بتجى بالاستدراج وكل واحد اول شىء يقول ليك برنامجى ده مجانى وثانيا ده حايريحك على الاخر ويخليك فى احسن حالاتك وحبة حبة لامن تعمل داون لود وتقع الطوبة فى الجهاز القديم زى بتاعى ده..
شكرا سيدى على المرور وربك يسترها معانا بس
| |
|
|
|
|
|
|
|
|
|
Re: يا جماعة والله ده كرهنى البورد عديييييييل كده (Re: Ahmed satoor)
|
يا قرشو كدي حاول ان تعرف اسم البرنامج النزلتو
عبر الطريقة المتخلفة التالية يمكن تنجح
اولا اضغط
Alt+Ctrl+Delete
واختار
Task Manager
طبعا اتاكد انو بس فاتح الاكسبلورر
بتقوم تفتح معاك النافذة التالية موضحة اسماء البرامج الشغالة
كالاتي
لو لقيت اسم غريب مع الاشياء الانتا فاتحها
علي طول اخد اسمو واعمل سيرش علي السي ومن ثم احذفو
واقفل الجهاز وقم بالتشغيل مرة ثانية
معليش مجهود وفكرة متخلفة
| |
|
|
|
|
|
|
|
|
|
Re: يا جماعة والله ده كرهنى البورد عديييييييل كده (Re: Ahmed satoor)
|
العزيز احمد ساطور
لك تحياتى
والله اكان لقيت ساطورك ده انزل ليك فى البتاع ده جزر بس
تعرف المشكلة انه بتحدانى ويظهر لى على الشاشة زى ام اربعبة واربعين ويحرك رجوله..
والله بصراحةاحترت وشايفكم اجمعتوا على حكاية تغيير الاكسبلورر دى
نحاول نجربها برضو
شكرا يا سيدى على محاولتك مساعدتى ويا رب تنجح بس
مع مودتى
| |
|
|
|
|
|
|
|
|
|
Re: يا جماعة والله ده كرهنى البورد عديييييييل كده (Re: james)
|
الاخ جيمس
لك التحية
والله ياخوى الحكاية غريبة وانت عارف البرامج مغرية وكل واحد يقول ليك البرنامج ده لا غنى عنه ابدا وده بيعمل ايه وده بيعمل شنو والواحد عاوز يلم الواطة كلها..
لكن بس انا ما متذكر ياتو برنامج ده وكلها برامج صغيرووووونة كده يعنى الا اقوم امسحها كلها لكن تفتكر ده بحلنى من المصيبة دى ..
لك تحياتى
| |
|
|
|
|
|
|
|
|
|
Re: يا جماعة والله ده كرهنى البورد عديييييييل كده (Re: Ahlalawad)
|
سلام مربع
ياعمدة بالله جرب الحل العبقري بتاعي دا
اصلي الايام دي عامله فيها تفتيحة في الكومبيوتر
شيل المونيتر بتاعك
لازم تسال نفسك وانت بتفك فيهو
المونتينتر دا
شغال 110
ولا 220
هل
سبعتاشر بوصة ولا فري سايز
دي الموضه الايام دي ..
سمعنا في امريكا
اصلي الفكره جات من وين
الفرنسيين عاملين فيها بتاعين ازياء وموضه
قاموا اخترعوا الاكس والميديم والاكس لارج
قاموا العرب لانهم كلهم ماشاء الله عليهم سمان
اخترعوا الاكس اكس اكس اكس لارج
بس قاموا الكوريين وكيتا في الامريكان
اخترعوا مقاسات للمونيتر جديدة
اكس اكس اكس اكس لارج
تضامنا مع الشعوب العربية
وفي نفس الوقت عشان يبيعوا للسودانيين
سياراتهم
انا جاياااك في الحكي
لمن تتاكد اي نوع مقاس شاشتك
تختار الالوان وتختار منهم الدارك
عشان تظلم الشاشة
دي لسبيين واحد
لانو سمعت انو الفيروسات بتاخف
من الظلام
والشي التاني مابتحب
اللون الاسود
لو ماخافت فيروسات وبرنامجك ماخاف
شيل المونيتر بتاعك دا
وامشي على شارع خالد بن الوليد
ولا سيتي سينتر
وهناك بدل المونيتر بتاعك
بواحد فري سايز
يمكن يدفعوك الفرق
ولو رضوا . انتظر بتاع الهدوم والعده
غيرو بطعم كبابي
دا في حالة انك يئست خالص منه
ام اذا لم تييئس
فاليك الحل
اشتري شامبو نوزروال بلسم
و
غسل بيهو الشاشه
وحالا سوف يزول برنامجك
او كحل نهائي
غير بريدك في الهوت ميل
غير الادرس بتاعك واشترك باسم من جديد
اكيد المشكلة في الهوت ميل بتاعك
| |
|
|
|
|
|
|
|
|
|
Re: يا جماعة والله ده كرهنى البورد عديييييييل كده (Re: shiry)
|
الاخ جيمس
لك التحية ولاهل العوض كمان
تعرف قمت قفلت الابواب والشبابيك كلها عشان ما يشرد منى البتاع ده ودخلت ليك على البرامج معط شديد تعرف اى برنامج زيادة شلتو ليك بره .. اها يا سيد الامنتى ليك ادخل ثانى القى ليك برنامج لابد فى ركن حالف بى راس ابوه ما يتعتع ولا يتخارج شبر واحد
البرناج المنحوس باقى لى هو سبب البلاء كله لانه مصاقرنى فى الشاشة اليوم كله واسمه
EyeShield
وده جبناه فزعة عشان يريح عيونا زى ما قالوا الكذابين طلع لينا مخبى ويك ويك جواه..
المهم يازول البرنامج ده الوحيد الفضل وما راضى يتمسح خالص خالص مالص ..
مع تحياتى
اها رايك شنو
| |
|
|
|
|
|
|
|
|
|
Re: يا جماعة والله ده كرهنى البورد عديييييييل كده (Re: shiry)
|
بتنا شيرى
تحية كمبيوترية
تعرفى اول حاجة انا لا ناقة لى ولا جمل فى البتاع ده لانه كمبيوتر الشركة وديل عشان ما يغيروه عييييييييييك اسكتى ساكت
لازم اول حاجة انتظر نهاية السنة المالية الجديدة
وبعدين اضمنه فى الميزانية بتاعت العام القادم
ولازم الميزانية يكون فيها شوية رحرحة
والميزانيات اصبحت كلها شد احزمة على البطون
ولو وافقوا عليه فى الميزانية الجديدة اللى هى بتاعت السنة الجاية 2004 تكون الوظيفة بتاعتى اتلغت
واذا الوظيفة ما اتلغت تكون الاجهزة خلاص قدمت ويكونوا صنعوا حاجة ثانية
شفتى الحكاية سلسلة كيف وفى قمة السهولة ..
احد الزملاء اقترح على ان ارمى بام المونيتور من راس البرج النحن فيه وهممت به ولكن للاسف لقيت مافى شبابيك اصلو تصدقى خمسة عشر طابقا ما فيها شباك واحد
والمحيرنى تلقى الغبار على الاجهزة بجى من وين ما عارفه والله
المهم يا ستى الشغلانة ما فيها من رمق
والله المستعان بس
وده جهاز احسن منو التبش بالدكوة
مع تحياتى
| |
|
|
|
|
|
|
|
|
|
Re: يا جماعة والله ده كرهنى البورد عديييييييل كده (Re: filan)
|
الاخ الحبيب فلان
اوع تكون بس فلان الفلانى
لك التحية
اشكرك على دعمك سيدى ولكن والله كل الطرق ما نفعت والمشكلة اننى لا اعرف البرنامج الحاوى لهذه المصيبة ..
علما باننى استخدم ويندوز الفين ولا اعلم منبع المشكلة
Quote:
من أبدأ أذهب إلي
run
وأكتب
msconfig
وإختار
startup
وأزل علامة الصاح من أمام إسم البرنامج...وأعد تشغيل الجهاز بعد إعادة تشغيل الجهاز سيظهر لديك تحذير..ضع علامة صاح في المربع الذي يقول لك ( لا تظهر هذه الرسالة مرة أخري
|
اما عن اعلاه فان الجهاز لا يستجيب للامر ويقول انه لا يوجد msconfig
او ان احد المفات خطأ ولست ادرى ماهى المشكلة بعد
| |
|
|
|
|
|
|
|
|
|
Re: يا جماعة والله ده كرهنى البورد عديييييييل كده (Re: Yassir7anna)
|
الاخ الحبيب ياسر
لك التحية
تعرف ياخوى المشكلة انا ما عارف انه المصيبة دى فى ياتو برنامج وعشان كده قمت بازالة كل البرامج الغير اساسية وبرضو اول ما افتح الهوت ميل تأتى الرسالة كما انه يظهر فجأة هنا فى سودانيزاون لاين..
والله جربت كل الطرق ومافيش فائدة
اها كيف الشورة ؟؟؟
مع كل الود
| |
|
|
|
|
|
|
|
|
|
Re: يا جماعة والله ده كرهنى البورد عديييييييل كده (Re: انور عمر)
|
حبيبننا ا نور عمر
لك التحية
ياخوى المشكلة مافى الصوت واكان عليه كان بسيطة ولكن ما ان يصدر الصوت حتى يقوم تلقائيا بارسال الرسالة المذكورة اعلاه ثم يقوم بالخروج من شبكة الانترنيت والغاء كل المواقع المفتوحة ..
شفت اكان بقت على الصوت كانت تهون
مع ودى
| |
|
|
|
|
|
|
|
|
|
Re: يا جماعة والله ده كرهنى البورد عديييييييل كده (Re: abuguta)
|
الاخ ابو قوته
والله ياخوى الله يديك العافية وانت ما قصرت معاى تب ان شاء الله ما يقصرن ايامك
تعرف اخوتنا فى الادارة الفنية روحهم طويله ويومهم بى سنة واخيرا الحل ان ياخذوا منك الجهاز لمعالجته لديهم وياخد ليه اربعة خمسة يوم وتعرف الشغل لا يحتمل ذلك عشان كده بخليهم كاخر حل بعد ما اعجز انا من حل المشكلة ..
اشكرك كثيرا وساحتفظ برقمكم للاتصال بكم عند حالات الطوارىء
تسلم لينا يا غالى
| |
|
|
|
|
|
|
|
|
|
Re: يا جماعة والله ده كرهنى البورد عديييييييل كده (Re: قرشـــو)
|
سلام يا عمدة إذا كنت تستخدم ويندووز ألفين بروفيشنال فإن أمر
msconfig
لن يعمل معك إلا إذا قمت بتنزيل هذا البرنامج( وهو مرفق لك في آخـر هذه المشاركة)وهو برنامج صغير جداً , وسيعمل معك الأمر بعد تنصيب هذا البرنامج....ثم أذهب إلي
1/ start
2/ run
3/ msconfig
4/ startup
5/ أزل علامة الصاح من إسم البرنامج...وأعتقد بأنك قلت إسم البرنامج الذي تشك فيه هو
EyeShield
نزل البرنامج من 67 كيلو بايت فقط
أعد تشغيل الجهاز بعد ذلك...وسوف تـُـحل المشكلة بإذن الله..
إن لم تنجح معك هذه الطريقة..فعند ظهور رسالة الخطأ وعند إغلاق البرنامج ستظهر رسالة ( إرسال تقرير لميكروسوفت )..
أضغط علي ( تقرير الخطأ ) لمعرفة تفاصيل الخطأ..وأكتبهاهنا..لنعرف ماهو البرنامج الذي تسبب في الخطأ...
الحبيب النيل...قدر أخف من قدر..نمنع في شبكتنا المحلية هنا كل أوامر ( الدوس)..و(تشغيل )..وليس للمستخدم حق إضافة أو إزالة برنامج...
ولو نزلت أي برنامج...إلا تلفو في ( جريدة ) آخر اليوم وتشيلو معاك
| |
|
|
|
|
|
|
|
|
|
Re: يا جماعة والله ده كرهنى البورد عديييييييل كده (Re: filan)
|
dear girsho good evening
i hope that filan plans work for you and solve the problem and if not just give me your messenger passward and i will solve it for you in five min promise and i won't read the jiks massages believe me
i just want to know what the heck you are doing in the messenger that prevent all these above solutions to be effective
my best wishes to u and ur PC man
| |
|
|
|
|
|
|
|
|
|
Re: يا جماعة والله ده كرهنى البورد عديييييييل كده (Re: WAD ELGAALI#4)
|
عزيزى ود الجعلى
لك التحية
انا اعتذر اننى ازعجتكم معى والله ولكن ليس لى من الجأ اليه وديا سواكم ولذا تثاقلت عليكم..
الاخ فلان مشكورا قام بجهد كبير ولكن لم تنجح المحاولة ربما ان هنالك شىء ما خطأ..
للاسف يا عزيزى ان خاصية الماسنجر لدينا مغلقة ولا تعطى الا بعد بوس الايادى وقد منحت لى مرتان ثم اغلقت وانا كرهت بوست الايادى واستعضت بالميل العادى رغم ما للماسنجر من اهمية قصوى ولكن حكم الرفقاء على السودانيين .. نسوى شنو
لك شكرى ولكن عنوانى على الهوت ميل سبب البلاوى على ما اعتقد هو :
[email protected]
| |
|
|
|
|
|
|
|
|
|
Re: يا جماعة والله ده كرهنى البورد عديييييييل كده (Re: filan)
|
العزيز فلان
لك التحية
والله انا شاكر افضالك وجهدك معى لحل المشكلة ولكن لست ادرى لماذا لا تنتهى هذه الحكاية البايخة ..
قمت بانزال برنامجك وتم على اكمل وجه وقلت الحمد لله واستبشرت خيرا وتلقائيا الجهاز اغلق نفسه ثم شغلته من جديد وقمت بالخطوات المذكورة ولكن جاءتنى الرسالة التالية :
Cannot find the file "msconfig" (or one of its components). Make sure the path and the filename are correct and that all required libraries are available.
ولذا وقف حمار الشيخ فى العقبة وهو ذاتو قال ده بس كل الموجود عنده فى مكتبته..
والله انا شاكر افضالك ولعلنىاخطأت فى بعض الخطوات ولكنى نفذت ما قلته لى حرفيا ولربما الجماعة بتاعننا ديل عاملين ليهم شىء مخصوص
لك شكرى مرات ومرات ولك تحياتى
| |
|
|
|
|
|
|
|
|
|
Re: يا جماعة والله ده كرهنى البورد عديييييييل كده (Re: قرشـــو)
|
عزيزي قرشــو لك التحية.. أفتح الملف الذي انزلته من الرابط أعلاه..وهو مضغوط بصيغة ( الون ريير)....وأضغط عليه بالماوس ضغطتين وهو مباشرة سيفتح لك
msconfig
وتابع بقية الخطوات..بالتوفيق
نزلت الملف وجربتو علي ويندووز ألفين بروفيشنال وإشتغل عندي
| |
|
|
|
|
|
|
|
|
|
Re: يا جماعة والله ده كرهنى البورد عديييييييل كده (Re: filan)
|
العزيز فلان
لك التحيات الطيبات
معليش يا صاحبى حاجننك معاى لانه وضعى غير عادى ابدا
حاولت اتباع خطواتك ولكن اطلت برأسها الرسالة التالية :
An Access denied error was returned while attempting to change a service. You may need to log on using an administrator account to make the specified changes.
شفت كيف الرفقاء مقفلنها علينا وبكده يعنى لابد من الرجوع اليهم لتحقيق هذه الخطوة..
اها رأيك شنو يا سيدى ؟؟؟
لك تحياتى
| |
|
|
|
|
|
|
|
|
|
Re: يا جماعة والله ده كرهنى البورد عديييييييل كده (Re: Maged)
|
الاخ الحبيب ماجد
لك التحية
والله انا عاجز عن شكرك وقد حاولت انزال البرنامج ولكن للاسف يبدو ان هنالك عطل ما
Service Temporarily Unavailable
The server is temporarily unable to service your request due to maintenance downtime or capacity problems. Please try again later
ولكنى سوف احاول مرات اخرى بعد زوال العطل لديهم وارجو ان يفلح
لك الف شكر سيدى
مع تحياتى
| |
|
|
|
|
|
|
|
|
|
Re: يا جماعة والله ده كرهنى البورد عديييييييل كده (Re: filan)
|
عزيزى فلان
لك التحية
ولك الشكر على الجهد الجبار معى واعتذر انى عذبتك
البرنامج الذى اشرت اليه استطعت حزفه نهائيا من الجهاز ولكن المشكلة ظلت كما هى يعنى البرنامج برىء من ذلك ويبدو انه فى برنامج اخر لا اعلمه او ربما زُرع فى الهاردسك ..
اشكرك جدا سيدى على عونك
| |
|
|
|
|
|
|
|
|
|
Re: يا جماعة والله ده كرهنى البورد عديييييييل كده (Re: AnwarKing)
|
اخى انور
لك التحية
ولك الشكر على صبرك على مخى التخين
مرة ثانية حاولت ولكن جاءتنى الرسالة ادناه
Forbidden
You don't have permission to access /PopUpStopperProfessional.exe on this server.
وربما البرنامج مغلق من ادارة الشبكة لدينا او من مدينة الملك لا اعلم تحديدا
ولكنه لم يفتح حتى هذه المرة
لك شكرى واعتذر عن ازعاجك سيدى
| |
|
|
|
|
|
|
|
|
|
Re: يا جماعة والله ده كرهنى البورد عديييييييل كده (Re: قرشـــو)
|
عمدتنا سلامة كمبيوترك من كل بق
عارف ياعمدتنا انا برضو قاااعد عندي المصيبه دا من مده واشيل واهش فيه وهو قاعد يسمع في كلامي ..ومنتظره الحلول تنفع عشان اجربها لكن كان مانفعت كلها ياني المودياه لراجل الكريمت زي ماقال اخوي انور
لكن هو جانا من وين الملعون دا يكون؟
AWS wheatherBug installer
مش ياهو دا ولا عندك واحد تاني؟
| |
|
|
|
|
|
|
| |
قرشـــو
james
Tumadir
ايهاب
nile1
Ahlalawad
shiry
filan
Yassir7anna
AnwarKing
abuguta
انور عمر
WAD ELGAALI#4
بدرالدين شنا
bint algazeira
فيس بوك
تويتر
انستقرام
يوتيوب
بنتيريست