|
|
 هذا اللون عليك يجنـن جن كلـكي
|
اول الحكي
غصبا عني وغصبا عنك .. انت ماحبيتني وهويتك
لو بايدنا من زمان ، كنت خليتني ونسيتك
والنهاية . انت عارف وانا عارف
لو بايدي كان هديتك
الكلام اسماعيل حسن /الغناء لوردي
__________
إهداء الى بت قضيم
حتى يشتت الحزن عنك وتذوب وحدتك في شرايينا
ساعة ان دخلت هنا البورد مساء امس كان على بالي صديقتي بت قضيم وحزنها الذي سلمني لان اتضامن معها كلية وانحشر معها في نفس الخانه ..عسى ان يتراشق الحزنين والاحباطين فيوئدان مواليد الاحباط والحزن لدينا ، فنرتاح منه ونعود كما كنا نغني (الليلة ماجانا وشبه البرتكانه) مع انها اغنيه سجمانه وليست لها علاقة بالفرح كلية،
لكنها اها كلها اغاني بنات ..وايضا حتى يعرف من قال غير ذلك اننا بنات .
ولا احملكم سادتي اي ذنب فيما انا كاتبته هنا .. حيث انني فتاة هتراشه ونجاضه ، اذا ما توفرت لها مساحة بيضاء للحكي .
اذ انني خلقه صحيت هذا الصباح من نومي مدبرسه ، ولم اعرف هل انا حزينه او انني خرمانه شديد لشاي اخضر .. واشتد على كسلي فالزمني سريري في وضع المتأمل .. وبالطبع لا سماء فوقي ولا وجود لاي قمر او درب التبانه ولا نجمة الثريا لا تأملها او ابثها همومي .. مع انني لست مجنترة لهذا الحد حتى ابث قمرا لا اعرف ان كان قريبا ليسمعني او جميل الروح لاستأنث بحديثه .. حتى جماله ليس مقنعا لي كانسانه تعيش في القرن الحادي والعشرين ، اذ انني نادرا ما اشاهد شكل القمر او وجهه الوضاء كما يقال .. اذن كيف يجذبني ما لا احس به ولا اعرف ان كان حقيقة يحس بي ..
ايه كلام المجنترين دا .. ؟؟
وتفكرت في شكل السقف ولم يريحني لونه البيج .. دنئ هذا اللون احسه متواطئ دائما مع الاسرار يشفطها شفطا .. وكان لابد ان اعترض وقلت لماذا لم يجعلوا لونه احمرا ؟..
هل رأيتم سقفا لونه قمري ؟؟أو اخضر زرعي ؟؟ فهذا مدعاة لان يحدد خطوط يومك او نفسياتك .. انا احب الالوان القطعيه التي لا تقبل التأوويل .. وتخيلت ان للسقف اذان . كيف كان يستحملني وهترشتي وضجيجي المجلجل وفجأة نط لي مسجلي امامي وشريط هاجر كباشي واغنيه غياظه تنبعث منه (( بالضرى وانشاء الله راجل امرأة يا ابشرا )) .. ورأيت السقف يغضب مني ويقفل اضانه بوضع هدير المروحه على سدة اذنيه.. وكان لابد ان اجد حلا ما .. انها العيون ..!! لا تخزلك العيون الا اذا كانت مثل عيوني .. حوصاء ، عمشاء ..فساعتها .. يكون حقك راح .. وقلت طيب اين عيون غرفتي .. وضربت صدري سجمي وين عيونها فلمحت الشباك .. وقلت هو دا ان غرفتي تشبه المسيخ الدجال . وخفت وارتجفت .. وفتشت عن شبابيك اخرى . وتاكد لي كلامي حينما رايت شباك واحد في غرفتي .
ودون ان ادري بدأت انوني (( الليلة والليلة باصات ابو رجيله )).. مع انني لا اعرف بالضبط ماذا تعني هذه الجمله التي يهوسني بها اخوتي بتحريض (ذكوري) من أبي كلما اوقعوني في مشكلة مع امي .. وقلت بس ان غرفتي عمياء .. وتذكرت (عمي كباسه) وقلت بس هو عمي كباسة اذ بالمعني توصلت الى هذه الفكره .. اذ انني نادرا جدا ما افتح نافذتي .. لاسباب كثيرة اولها ان عربية التراب لم تعد تخطر امام نافذتي وثانيا .. في الشقه القصادنا سكنوا ناس جداد .
...........
وين ماشين
للهترشه بقية
|
|
 
|
|
|
|
|
|
|
|
Re: هذا اللون عليك يجنـن جن كلـكي (Re: shiry)
|
ام مازن ، سفرها مادايراهو
انا حزينه .. ربما لان ام مازن مسافره .. نهار هذا اليوم لذلك لم اذق للجزر طعم ولا حتى الشاي لم اشربه ..
ولا احد يكاتبني حتى الذين انتظرت لهفتهم علي رؤيتي خزلوني بغتاتتهم وباعوا لهفتي عليهم بثمن بخس ..
مرارة مدنكلة ، اقصد ريالات معدودة ..
!!!!!
وتخيلتني مثل ذاك الهناي الذي طار وبوظ الشغلانه .. فكيف كان سيكون حالي ان ام مازن سافرت ولم تجي لتودعني مع انني طوال ثلاث ايام لم افارقها او اترك لها قدر مساحة حلة كمونيه تريح فيها اضانها مني ، فكلما ايقنت انها لاول مرة تسافر دوني زادت هترشتي وحزني ..
وكلما ايقنت انها ستركب سودانير لاول دوني هذه المره .. خفت عليها جدا من لئامة مضيفاتهم من يقلع لها حقها ويسكت ضجيجهم ..ويزهجهم حينما يطنشوا عن قصد عن خدمتك ..او حتى توزيع ابتسامه مجانيه لله في لله ..
ومع ذلك اخاف ان لا تجي لتودعني هسع .. ورغم انني لا اقدر على وداعها اذ ان لحزني شكل اخر يشبه تلك الرسالة التي انتظرت اربعة عشر سنة لتصل الى جهتها الاخيرة .. مسكين الاخ ولياب ، فاتشه شمار كان من الممكن ان يغير حاجات كثيرة في حياته ، كان يتفادى
تخيلتني انا تلك الرسالة وانسجتي هي الورق وكريات دمي هي عصب الكلام .. فهل كان شكل الرسالة سيتوقف نموه لانني اكل الشطه بالتبش ولا اهتم كثيرا بكلام مريم نور عن التنوع الغذائي .. فتخيلوا ان الرسالة طوال الاتناشر سنة تسكن انسجتها انثي الباعوض.. وشوية من جزر .. اكيد ان البروتينات التي بداخل انسجتي غير منتظمة ولا متناغمه .. فهي نشاذ ومتجنتره تحيلني الى حروف مشاكسه تقلق راحة الظرف الذي وضعت فيه ومن ثم الراجل الذي دساها دسة رجل واحد ..
وحينما اجي ليعرضوني في بورد سودانيز اون لاين كنت اكيد ح سوف اجعله مثل اساسي كل تاوق عليه عمل شكلة ومرق .. .
امزح ايها الشكال .. امازحك يا شرير البورد .. ماتقوم تطيرها معاي انا كمان ..
هل كنت ساعرف فلسفه البطيخه او كنت ساهتدي الى طعم الشطه الخضراء .. كيف كنت ساري بوست اساسي
ولا تشبكات دكين في إسم صديقتي بت قضيم .. انشاء الله يحلك يا بت امي من ود كين الحلا بله .
هذه الرسالة محظوظه جدا ، اذا عرفت كيف تحافظ على عمرها ، ووجودها عكس الذي خباءها .. اذ كبر اثني عشر سنة وهي احتفظت بنفس رائحتها ..
| |
|
|
|
|
|
|
|
|
|
Re: هذا اللون عليك يجنـن جن كلـكي (Re: ايهاب)
|
عزيزتنا شيرى
تحية وسلام
والله ليك وحشة يا بت
شنو يعنى كم يوم الواحد يتاوق البورد ما يلقاك ولا يلقى هترشتك من حكاية الهنادى الطار فى البتاع ام انك تأثرت بتلك الحكاية وقطعت منك الكهرباء تضامناً ؟؟
لست ادرى كيف تحزن الحسان ؟؟ وعلى كل اقول ليكم انتى وصاحبتك جيبوا احزانكم هنا لى لانها ستجد سلوى مع احزان اخرى طويلة المدى وانتوا ارجعوا لعالم الافراح والبهجة والانبساط وخلوا لينا نحن الهناى داك لاننا عرفنا كيف نتعايش معه وكيف نغيظه ونجعله يلعن ابو اليوم اللماه فينا والحكاية اصلها مسألة تحدى يتحداك وتتحداه وفى الاخر الغلبة لمن يصبح جمل شيل وحمال اسية ..
وما تهتموا للايام
كما قال شادينا
مع تحياتى
| |
|
|
|
|
|
|
|
|
|
Re: هذا اللون عليك يجنـن جن كلـكي (Re: قرشـــو)
|
العزيزة شيرى
اعود ثانية والعود احمد وليس احمر
موضوع رسالة الحبيب ولياب التى قضت زهاء الاثنى عشر عاما تائهة كأسلحة الدمار الشامل التى لم توجد بعد ..
حقيقة هذه الرسالة جعلتنى اتفاءل كثيرا لا سيما وانه فى اوائل الاغتراب قبل كم حلة كمونية سنين تقريبا كانت الرسائل الخطية هى الوسيلة الوحيدة اذ كان الهاتف مستحيلا للسودان وكنا نعانى الامرين فى الحصول على خط ساخن وفى تلك السنون كنت مولعا بالرسائل ولكن الكثير من الرسائل كانت لا تصلنى وتضل طريقها خاصة وان ناس البريد كانوا يخلطوا بين جدة وحدة وهكذا تضيع رسائلى مع ان حدة ليس فيها الا قليل بشر ولكن ذلك كان يحدث وتأتينى رسائل لاحقة بان رسائل سابقة لم ارد عليها وساعتها العن كل من عمل بالبريد وكل من تواطأ فى ضياع رسائلى تلك المضمخة بعبق الوطن وعبير الاحباب والشكر للاخ ولياب الذى بعث فينا الامل بان بعضا من تلكم الرسائل قد تأتى الان ولست ادرى كيف سيكون حال مشاعرنا ونحن نستقبلها بعد كل ذلك الزمن هل سنندب حظوظنا ام اننا سنعلن كل من تسبب فى غربتنا ولم يتسبب احد سوى الفقر اللعين الذى ما زال باقيا رقم قرابة العقدين من الزمان غربة .. المهم ستعود بنا تلك الرسائل لايام جميلة وتجعلنا نكتسى برداء الوجد والحنين لان قلوبنا اصبحت الان قاسية وقد قال سبحانه وتعالى فى محكم تنزيله "ويل للقاسية قلوبهم " آآآآآآه إذن الويل لنا ..
لك تحياتى
| |
|
|
|
|
|
|
|
|
|
Re: هذا اللون عليك يجنـن جن كلـكي (Re: ايهاب)
|
الرائعة شيري
ضهر الخير
مش قلت ليك حا املا العربية بنزين وافتش الدكوة والشطة والليمون
فتشت البلد بي رجل كلب ما لقيت فول حاجات او مررو واستعضت عنها
Peanut Butter
مش كده بكتبوها
ولما ما طلعت زي الفي بالي من كتابتك
مشيت اشتريت فول سوداني في علبة مدورة
معلب في الامارات
واحترت في موضوع السحن لانو ما عندنا فندك في البيت
يا ربي الخلاطة واللا السحانة
بقت المشكلة انو الخلاطة فيها ريحة منجة ابت تطلع بي كل
مغسلات ومطهرات وكيماويات الدنيا
والسحانة فيها ريحة بن
اتوكلت وغمست الفول بي حالو في الشطة والليمون
ولقيت احسن زبدة الفول لانو الطريقة الاخيرة دي ادتني طعم كل شي براه
تخيلي واحد يقرش في فول حاجات معلب مغمس بي شطة وليمون
وعملية المزج تتم بالمضغ
غايتو نهايتها وصفت من زوجتي بالما نصيح
لاني لم اشاورها في الامر
فهل من استشارة
| |
|
|
|
|
|
|
|
|
|
Re: هذا اللون عليك يجنـن جن كلـكي (Re: nazar hussien)
|
سلام مربع
ايهاب
وعليك انت يا شفيف برضو
يجنن .. بس برضو يغطيك منو
العمدة قرشو
طيب ما تعلمونا كيف اتعلمتوا هذه الطريقة التي اكيد بتغيظهم هم ..
رغم علمي الاكيد ، ان لؤلئك السادة جلد تخين ، ودم تقيل . .ابدا مافي طريقه بتنفع معاهم
على العموم سلمت ياسيدي لهذا الزوق والاحساسي الراقي الذي دلقته على حزننا ، واعتبره ياسيدي وصل ..
ومووضع الرسالة جاياهو . وحات نظري الحكاية دي غايظاني شديد التقول الرسالة كانت حقتي
سلمت ياعمده يا اصيل
انا موجودة ، ومع الهترشه دي كلها
مقعولة لسعة ما ازعجتكم؟؟
الزول الرائع نزار حسين
هاهاههاههها
توقف يا هذا ، لقد قطعت مصاريني ..
قول لي عملت شنو ؟؟
عارف انا عكس الناس دي كلها .. يخبرونك ان الحمام هو احلى الاكلات .. وتغيظني الحكاية دي . منو القال كده
اولا شيء .. الحمام دا دائما تلقاهو معصعص زي (حضرتنا) لا شي البته ينفع معه . لا فريك ولا العصافير ذاتها اذا ما فكرت في حشيها في كرشها .. مع انني ماشايفه للحمام اي كرش ..
وبعد دا كلو .. استغربت كيف عملت (اللغوصه) دي كلها وما جاتك نكهة الشطه .. معقول تكون نكهة المنقه اقوى من الشطه الخضراء .. دي منقه خطير جد . قلبت افكاري وخليتني انظر الى المنقه بزاوية اخرى .
سيب هسع فكره التبش .. يعني (كراع الكلب) الانت بحثت بها كل (سوبرماركتات) الامارات مالقيت فيها فول الحاجات ولا الانت قلتو دا .. الاسم دا بالتشادي ولا شنو ؟؟
لا ماعندك فكره .. كيف الحاجات عندنا في السودان بتعبوا عشان يطلعوا لينا حاجة اسمها (دكوة) او فول الحاجات ..
عشان تعرف ، كيف هي متعبة صنعة النسوان ..
عزائك غايتو ، انو نحن اكلنا التبش كلو ومعاهو كورية كاملة بالشطه المدنكلة . وانت وعربيتك التي مشت بي كراع كلب ، لكم نكهة المنقه التي ابت بامها وابيها ان تطلع من الخلاطه .. عندي ليك فكره .. جيب الفول ذاتو . وجيب (بلاطة رخام) واقعد في نص المطبخ وكسر هذه الفول على ارضية المطبخ .. واديني رايك .
| |
|
|
|
|
|
|
|
|
 Re: هذا اللون عليك يجنـن جن كلـكي (Re: shiry)
|
العزيزة شيرى
شكرا على هترشاتك التى ترسم البسمة فى الوجوه
اما موضوع الجوابات اللى إتطرق ليها الاخ قرشو، فعلا فى الوقت داك الجوابات كان ليها طعم بس اليومين ديل الواحد يقرا آية الكرسى قبل ما يفتح الجواب.
ولكى كل الود
| |
|
|
|
|
|
|
|
|
|
Re: هذا اللون عليك يجنـن جن كلـكي (Re: Ahmed satoor)
|
احمد ساتور
سلام مربع
ياساتر يا رب
دا جواب ولا شيطان
هاهاهاهاهااه
لا بمزح معاك ياشفيف
فعلا كل الجوابات اللي جايه من السودان
كلها طلبات ونادرا جدا ما تجيك جوابات فيها شمارات زي كانوا بقولوا ناس زمان
بس في اعتقادي لان الوضع اختلف
زمان لم تكن وسائل الاتصالات بهذه السهولة
ولم يكن هنالك انترنيت ولا عمره مفتوحه بهذه الصورة
هسع بي مكالمة تلفون
وشوية ريالات
بجيك ناطين مية
موش واحدة
وتقريبا بالنسبة للسعودية اقصد
ليس هنالك فرق كبير بين السوق العربي
ولا باب شريف
ولا حتى اسواق الفيصليه
وسعد قشره
يعني اللي في السودان هم اللي عايشين في غربة
لانو اكتر الناس بي جااااي
| |
|
|
|
|
|
|
|
|
|
Re: هذا اللون عليك يجنـن جن كلـكي (Re: shiry)
|
الرائعة شيري
لو كنت في الامارات ما كنت تعبت للشطة بالدكوة كده
كنت لقيتها عند استاذنا حمزة سليمان
لكن بالجد بالجد كان منظري زي الزول الشايل
طعمية في يد ورغيفة في اليد التانية ياخد قرمة من الطعمية وقرمة من الرغيفة
قرمة دي عارفاها؟؟؟
مش ما بيدوك طعم الساندوتش!
!!!!!
مع ان المكونات هي هي
زي لما الواحد ياكل قرمة من باذنجاناية محمرة وقرمة م لحمة
مفرومة محمرة ويلحقم رز كتااااااح
هل بيبقوا محشي؟؟؟؟؟
| |
|
|
|
|
|
|
|
|
|
Re: هذا اللون عليك يجنـن جن كلـكي (Re: nazar hussien)
|
سلام مربع
نزار حسين
والله نرجع تاني للحاجة ام الاقتراع
وماعارفه هل هم صحيح كانوا يعنو
مسألة اسامي
ولا ماوراء الاسامي
كأن يقولو
ذلك ويكون الفهم كالاتي
الحاجة لقب
وهي تعني المرأة التي مشت حجت وجات راجعة تاني
وتكتب على حيطتها
حجا مبرورا وسعيا مشكورا
وام صفه ايضا
وتعني ام
الاقتراع
هو ولد ولدته الام
التي صارت فيما بعد
حاجة ام الاقتراع
لكن حقيقة لا نعرف اسم هذه المراة الحقيقي
فكل مانعرفه ان الحاجة هي ام الاقتراع
ونرجع لي مسالة التخيل
عشان نحل مسالة الحاجة ام الاقتراع
فالاقتراع الاول لم ينجح
فطنشته واكلت الطعميه براها والرغيفه براها
وانتظرت ان تضوق طعم المحشي
بسيطه
اتخيل انك اكلت محشي
او اكلت سندويتش طعميه
واكيد ح تكون اكلت واحد سندويتش تخيلي
واستمعت الى الى الفنان حمزة سليمان
في مسجل سيارتك
على كيفي ارقع جبتي
| |
|
|
|
|
|
|
|
|
 Re: هذا اللون عليك يجنـن جن كلـكي (Re: shiry)
|
حرام عليك شيري
يعني انا ما اقراء معاك
كل ما اكتب شوية في الدراسة
اتاوق
اشوف الهترشة
يعني ما ترسلي لي تبش
انا فتشت بس لقيت خيار
صغار و شين
يكون زرع خصيصا
اصلو اشني من ناس البلد دي ما شوفت
خلقة و اخلاق
اللهم رد غربتي
و سهل الامور
سلمت يا عسسسسسسسسسسسسسسسسسسسسسسسسسسسولة
| |
|
|
|
|
|
|
|
|
|
Re: هذا اللون عليك يجنـن جن كلـكي (Re: sudania2000)
|
سلام مربع
الاستاذ حمزه سليمان
سلمت يااستاذنا .. وليك منا انا وبت قضيم الف مليون تحيه
سلمت ياشفيف لهذا الزوق الرفيع
سودانيه الفين
ياحليك يا بت امي .. لكن ما كتلوك الناس ديلك ..
حتى تبشهم وخيارهم (شين) .. غايتو الله يكون في عونك كان كدا
يعني غربة ووجع خيار وتبش ..
ليه انت قاعدة كاجو كاجو .. (سجمي) دي شنو دي
بالله البلد دي وين كلمونا .
اصلي ساقطه جغرافيا
بس معليش ياستي ولا يهمك .. اديني عنوانك وانا ارسل ليك (كيس) تبش مليان لابو عيونو
ولا يكون في خاطرك الا طيب
سلمت ياستي للطله
| |
|
|
|
|
|
|
|
|
|
Re: هذا اللون عليك يجنـن جن كلـكي (Re: bushramk)
|
شيري--و عين الله ترعاك
والله كلامك لذيذ شديد
لكن الهناي داك الطار وبوظ الشغلانة دة--غلبني أفهمو
ووزير الداخلية و مايكروفونه مالهم عليك و علينا
قدر ما حكيت راسي وفتحت كراسي-- برضو علي ما فيش
شكلي الوحيدة الما فاهمة
النبي فيك التوريني ليهو
حنينة
| |
|
|
|
|
|
|
|
|
|
Re: هذا اللون عليك يجنـن جن كلـكي (Re: بت قضيم)
|
سلام مربع
بشري مبارك
سلمت ياسيدي للطله وسلمت اكثر لهذا ا لاطراء
الله يخليك
حنينه
ياستي كل مافي الموضوع . ان محطة بري الحرارية اتعرضت لحريق هائل فيها قبل ايام شوية فاتت
وقاموا ناس التلفزيون جروا فرد جريه عشان يلقطوا الشمارات . وكان ان شافوا هناك وزير الداخلية
اها زولنا دا من ماشافهم جري عليهم فرد جريا .. لمن اترتع داير يكسر سنيناتو
طبعا لازم يتكلم .. شال المكرفون .. والناس كلهم منتظرين يوريهم الحاصل شنو
موش وزير الداخلية .
بس قام نفخ في المكرفون طيروا هنااااااااااك
وقال خطبة عصماء . (( البتاع طار في الهناي وبوظ الشغلانه )) ..
سلمت ياستي للطله
بت قضيم
الف حمد الله على السلامة وبركة الشفناك طيبه ومعافيه
| |
|
|
|
|
|
|
|
|
|
Re: هذا اللون عليك يجنـن جن كلـكي (Re: shiry)
|
شيري
أريتك تبفي طيبة
شيري عليك الله ألمسي جبهتك
وشوفي انت حرارتك مرتفعة
أنا والله خايف عليك كثير
لأنه جنك ده مش كلكي واحد , ده مية كلكي
افتقدنا هترشتك ، وها أنت تعودين أكثر هترشة
لا تتوقفي عن الكتابة
أنا عارف شغلة واحدة ما عندك
وحا أتوسط ليك عند أم شيري عشان تعفيك من حكاية غسيل المواعين
بس قللي النوم لأنه سيميت عليك مصادر هترشتك
يديك العافية
ويخليك لينا
| |
|
|
|
|
|
|
|
|
|
Re: هذا اللون عليك يجنـن جن كلـكي (Re: ودقاسم)
|
سٍلام مربع
ود قاسم
ابشرك انا والنوم لا يمكننا ان نتصادق اذ انني (طيرة السقد) لا تهجع ولا بتنام .. لذلك في بيتنا يشتكون من ضجيجي
بس .. مبادرتك تلك التي تجتهد فيها لكي تعفيني من غسيل العده .. هذا اجمل خبر .. واحلى مبادرة
عايز تكون لجنة ثلاثية للوساطه .. او رباعية
المهم ياسيدي . انا معاااك مية المية ..
بس حقق لينا المبادرة دي . وتكسب اجر فيني .
سلمت ياسيدي للطله وسلمت اكثر للسؤال
| |
|
|
|
|
|
|
|
|
|
Re: هذا اللون عليك يجنـن جن كلـكي (Re: shiry)
|
سلام مربع
العمده قرشو
اعود تاني برضو والعودة المره دي ماعارفه شكلها كيف
لكني بجد جد زعلانه من رسالة ولياب التي قضت تمشي في الطريق اليه
اكثر من اتناشر سنة
دي رسالة دي ولا مشروع سلام
اتخيل حتى مشاريع السلام التي صيغت في سوداننا الحبيب
رغم بطئها الشديد ورغم انها لازالت تمشي
حتى اليوم ورغم الترقيع الذي يحدث في جسدها كل
ثانيه
لكن اهو الناس متابعين مسيرتها ويعرفون تماما اين هي
واين توقفت
ربما يكون شكل القلق هو فقط من ياكل في نفوسنا
لكن تظل مسألة مسيرتها معروفه ومطمئنة
(ها نحن بنكضب على انفسنا . . سلام شنو؟؟
العالم دي ماداير سلام
لا حكومة ولا حركة ولا معارضه
ربما لم (اعش) زمن الرسائل والبوسطجي بزخمه المعروف
قبل الثمانينات
لكن ظلت الرسائل تاخذ شكلا ومساحةكبيرة في ذاكرة الانسان عموما
حتى اتخذت لها شكلا وادبا مؤثرا في الانسان
حول كل العالم
فادب الرسائل ظل ادبا الى وقت قريبا من ارقى الاداب
على الاطلاق في ثقافة الانسان
ومن اصدق العلائق الانسانيه واجملها
تخيل انك في (امريكا) وجاتك رسالة من السودان
وفي تلك الازمان لم تكن وسائل الاتصال بهذه الصورة التي نحن عليها الان
التي جعلت العالم كقرية صغيرة
؟؟
قبل اتناشر سنة لم تكن الاتصالات بهذا القدر من (الكواسه) الان
فاكيد هذه الرسالة ، كانت تحمل كمية كبيرة جدا من الشمارات
وكان الاخ ولياب سوف يسعد بها ايما اسعاد ويسعد الذين حوله
اذن على الذي (تسبب) في تاخير هذه الرسالة
ان يدفع للاخ ولياب تعويضا كبيرا لا ينتقص منه شيئا
مساويا للاضرار التي سببها له بعدم حصوله على السعادة في ذاك الوقت
ربما كانت غيرت كثيرا من مسيرة حياته
ومع ذلك
قدر الله وماشاء فعل
والبركة في الرسالة يا ولياب
| |
|
|
|
|
|
|
|
|
|
Re: هذا اللون عليك يجنـن جن كلـكي (Re: shiry)
|
العزيزة شيرى
اسعد الله صباحك بكل جميل
ثانى قام جاب سيرة البحر
مالك ومال السلام فى السودان ومسيرته التى ظللنا نسمع بها منذ ان كان المشير على رأس السلطة وكم تغنوا لها واحتفلوا بها ودبجوا حولها المقالات وسودوا الصحائف وانتفع منها الكثيرون ..
واو لعل المسألة فيها انتفاع وهنالك من ينتفع من أسى الاخرين الم يقال سابقا رب ضارة نافعة .. نعم الان ندرك ان هنالك من ينتفع من كل اضرارنا ولكن من هو ولماذا يريد لنا الضر مستداما حتى تكون منفعته مستدامة كذلك ؟؟؟
مسيرة السلام عزيزتى اصبحت اضحوكة فما ان يتم الاتفاق على بند حتى يتم الاختلاف على آخر وهكذا البنود لن تنتهى وحواء والدة ويمكن لابناءها ان يخترعوا الاف البنود المختلف عليها وهكذا نظل ندفع بخيرة ابناء الوطن لطاحونة الردى بلا داع ..
اعود لنظام الرسائل الذى تغنى له المغنون سابقا ولعل مصلحة البريد كانت الاكثر حبا لدى جمهورها حتى ان ساعى البريد كان شخصا مميزا فهو يعلم كنه الرسائل من ظرفها فقط فان كانت تحوى تحويلا مثلا فانه يأتى بها للمنزل وان تحوى احرفا ملتهبة أيضا يميزها وياخذ النصيب حتى اصبحت الرسائل تبنى علاقات اخرى غير تلك الاولى بل هذه بسبب توصيلها فقط ومنحها الاهتمام اللائق بها..
كان وصول رسالة يعنى الكثير ويعنى دفق مشاعر لا حصر لها ويعنى تواصلا حميما ووعودا واشياء اروع من القول لان القول يفسدها ..
لعلمك عزيزتى كان الحب والتعارف عبر البريد كما هو الان عبر الانترنت يعنى شخص ما يجد اسم شيرى تهوى التعارف فى مجلة ما فيرسل لك رسالة من بلاد تركب الافيال وتنمو علاقات ود وتحنان وتتطور حتى تصبح حبا جارفا يساعده الصور الفتغرافية المدعمة بالرتوش والالوان الزاهية والخلفيات الرائعة والازهار المتناثرة فتلتهب المشاعر ويجنح الخيال وتعم القلوب احلام وردية ..
حقيقى ضياع رسالة يعنى الكثير ولكن فى ذات الوقت وصولها بعد اكثر من اثنى عشر عاما يعنى الكثير ايضا..
لست ادرى كيف كان شعور الاخ ولياب حينها؟؟؟
لك تحياتى وله
| |
|
|
|
|
|
|
|
|
|
Re: هذا اللون عليك يجنـن جن كلـكي (Re: shiry)
|
shiry سلام الهتراشه
لكى التحية والود
طبعا انا قرمت لى قرمتين من التبش ومعاهم شفتطين شطة
بس نار نار عديل كده
عشان كده الواحد جرى لى محل الشعير بتاعك يبرد
قلتا لكن ما جنس حرفنه تاكلم الشطه بى جاى وجنبو محل الشعير
وهاك يا بيع بحسدوك الناس الله يغطيك
بس الوزير ما عرفته برضو
| |
|
|
|
|
|
|
|
|
|
Re: هذا اللون عليك يجنـن جن كلـكي (Re: قرنفل)
|
سلام مربع
قرنفل
شفت انا ازاي اطورت وبقيت (تفتيحه)..
دا كلو عشان الناس ديلك ياااامنوا
هسع انا بفكر افتح لي محل
تكييف ..
ومكوة
ياتو وزير؟؟
الوزير الحكي عن الهناي الطار وبوظ الشغلانه
؟؟
| |
|
|
|
|
|
|
|
|
|
Re: هذا اللون عليك يجنـن جن كلـكي (Re: shiry)
|
ظهيرتكم بنكهة
قشر البرتقال
شيري النجاضه
عارفه وزيركم دا (مخو)تقليد مااصلي
عشان كده سخانة الايام دي
سوحتو
عشان كده انتي شفتي الخيار والفلفل والتبش فيه
اكيد دا تركيب تايواني
مفروض ناس الحكومة يفكروا جادين ما يتلاعبوا
بقطع الغيار الاصلية
عشان مايبخلوا بيها على وزرائهم
| |
|
|
|
|
|
|
|
|
|
Re: هذا اللون عليك يجنـن جن كلـكي (Re: shiry)
|
العزيزه شيري
يا ناس إنتو البت دي مشت وين ؟
كل ما امرق راسي في البورد
ما القاها
وحات المكاشفي شوقنا ليكي لحد الغيبوبه
بس عندي حاجه
يا مفتريه تنقصي مننا سنه كامله
من عذابات الناس ديل ؟
إتخيلي ماتوا كم وشردوا كم في السنه دي ؟
اوريكي وين ....قلتي ثلاثه عشر سنه وهي اربعه عشر سنه
بعدين بدور اسعل
الهناي طار في البتاع وبوظ الشغلانه كلها ؟
وتاني ما عزمتيني في الحاجات التبشيه الملمس
| |
|
|
|
|
|
|
|
|
|
Re: هذا اللون عليك يجنـن جن كلـكي (Re: alfatih)
|
سلام مربع
شرير والبرتقاله
والله فعلا الناس ديل بغشوا في قطع الغيار
بس جماعتهم موش لو استعملوا ليهم
قطع غياراصليه
برضو مابنفع بي شيء
لانو المشكلة مافي قطع الغيار
يعني الهارد وير
المشكلة في الافكار الشريرة
يعني السوفت وير بتاعهم
هو المشكلة
هاهاههاهاهاهاهااه
الفاتح
والله فعلا 14 سنة دي فاتتني دي
معليش ياسيدي حقكم علي
سلمت ياسيدي لهذا الاطراء العذب
وسلمت اكثر لطلتك العذبة
وماعدمناك ومشاعرك الراقيه
| |
|
|
|
|
|
|
| |
shiry
ايهاب
قرشـــو
nazar hussien
HAMZA SULIMAN
bushramk
haneena
بت قضيم
ودقاسم
alfatih
Tumadir
فيس بوك
تويتر
انستقرام
يوتيوب
بنتيريست