|
أدخلوا وشوفوا حلاوة الحسرة وقصة شوق للبلد الطيب- لخالد عويس والموصلى
|
كتبت قصيدة جديدة هنا في الغربة ______ كونسيرتو الشوق علاء سنهوري _____________
كلماتك وصلن ورّنّي حالة قلبك ومسّدن أحزان العين وصلن
حوّمتهن الغربة شافن أوجاعي وسمعن كونسيرتو الشوق وحكيت
أحيانا كانن ببكن من حال الدم الفي قلبي معكّر والنم الفي فمّي محكّر طوفان
أحياناً بحتاج أسكت وأسمع قولن كلماتك صوت ساكس وكمنجة بينات الليل صوت موج ونوارس مليان برحيل قول بت دابت في نسمة وسوّت فِ الحته دُعاش وحكيت عن طقس فِ إقليم المنفى ما بشبه طقس الأصحاب الضاحك صيفاً ولا بشبه طقس الحب الحار في مِسا شاتي ... وأتمنّى يطول كلماتك وصلن أُمبارح ... وهسه ... وباكر وصلن ولو كنتِ معاي كان شفتِ الأوراق كيفن حضنن عينين ما ملّ يسقن جرح السكّه ولو كنتَ معاك ما كان عبّيت إيديك فَ الذاكرة وداع ... وبكيت وكتين سافرتَ وخلّيت شقيانه وراك خطوات الموج وما كان أصلاً طلعت جواز لي غربة وغادرت الأصحاب كيف الأصحاب ؟ كيف الزحمة ؟ والجامعة معاك ؟ والونسة نهار ؟ كم فِ الأشجار من حُب ؟ يارب فِ كلام عن حفل قريب ؟ والتذكرة كم ؟ أو رحلة إلى قلب المحبوب ؟ والشيرنق كيف ؟ يارب فِ شنو ؟ والحاصل إيه ؟ ... ... كلماتك وصلن حوّمتهن الغربة فتحن شُباك طليتي معاك الدنيا هناك قيّلنا سوا وسمعنا كونسيرتو الشوق حريّة ... وحب أبداً ________ علاء
|
|
|
|
|
|
|
|
Re: أدخلوا وشوفوا حلاوة الحسرة وقصة شوق للبلد الطيب- لخالد عويس والموصلى (Re: ود العجمى)
|
استاذنا خالد
بعد أن قمت بإنزال القصيدة اتصل بى صديق وقال أن القصيدة التى انزلتها كان قد أنزلها خالد عويس اليوم . شوف القلوب شواهد كيف؟؟
الله يديك العافية ومعزرة اذا تكرر البوست . الغريبة أننى قلت لصديقى أننى سأنزل أغنية - أحن الى خبز أمى - لمرسيل خليفة - كخلفية ولكننى اكتشفت أن أحدا قام بإنزال الأغنية فى بوست آخر
دى شنو الشبكة دى يعنى حاجات ود العجمى كلها بايتة . أكون فارق زمن ولا شنو ؟ مع حبى
| |
|
|
|
|
|
|
|