|
|
 لـو عنـدك عنوان مناسب أجدعـو هنا بهـدؤ
|
أنا ذاتي مجنتر ومشخلب ... تتصور نسيت الموضوع الداير
إتكلم فوقو .. الله لا كسب الكان السبب .. أنا في بعـــض
الأحيان بحس إني داير إتكلم مع نفسي فقط .. تلقاني ليك
مهموم وأخلاط من المشاعر والانفعالات مهاجماني ليك .. أعمل
شنو !! بس أسكت ساكت .. وأفكر .. أحياناً أحس إني ما طبيعي
يعني زي الراكب لي فيل صغير !! وأحياناً أقوم إتخيل ليك
نفسي زول مهم .. وأمارس هذه اللعبة في الخيال .. مجموعة من
السكرتيرات وزحمة عمل رهيبة جدا .. أنا رجل أعمال بارز !!
أحياناً إتخيل ليك نفسي لاعب كورة عظيم جدا .. ولي معجبات
بالدست وكلهم مكسرين فيني .. وفجأة أكتشف ليك نفسي فارس
بلا جواد .. زول سااااي قاعد في الهوا .. أحيانا بكون
درويش منجذب .. طالقة ومطلوق لي الله سيدي .. يأخذني هذا
الشعور الى حافة فضاءات الروح .. والعوالم الوردية ..
وتاني الدنيا والماديات تشدني ليك .. وأكون سارح زي البهم
في الغيط .. أحياناً بصنف ليك نفسي زول طيب ووديع وهادئ ..
وأحياناً أخرى بكون فكري وعندي وزهجي وزي الزفت ..الله يكون
في عون تعيسة الحظ بعدين .. مشكلتي الكبيرة تعرفها شنو ..
هي الخيال .. والله بتخيل ليك كتير خلاص .. وبمارس الخيال لأقصى
درجاته المتاحة .. يعني مثلاً .. لمن كنا في الجامعة .. كان
عندي واحدة زميلتي وصحبتي جدا .. يوم قالت لي إنها بتمارس
الرياضة داخل الحمام في كل مرة تستحم فيها .. هي طبعا كانت
حلوة .. المفروض أفهم كلامها كما أرادته هي وكفى .. من دون
أشعر بقيت لازم إتخيل ليك شكلها وهي في الحمام معلقة ليك في
الدوش .. أقرب مثل لذلك كان الخروف وهو معلق عند عمك الجزار
الصورة هذه لم تفارقي مخيلتي .. لماذا لا أدري .. وخانتني شجاعتي
أقوليها ذلك .. أحيانا بحب أنظر للأمور بصورة شاملة وسريعة
وأحيانا تلقاني ليك صبور .. ما عارف يا أنا مجنتر .. يا قربت
أجنتر .. بالرغم من ذلك علاقتي مع النساء طيبة جدا .. وودودة
وبحب أعاملهم برفق ودبلوماسية صادقة .. وأحياناً تلقاني ليك
خبيث وماكر .. لكن أصلو ما بغلط إلا مع التي تغلط معاي ..
بنظر للجانب الما كل الناس بتنظر ليهو .. يعني مثلا الحب من
أجل الحب .. كحاجة ملحة وفسيولوجية .. جماعة كتار بقولو لي
إنت في حبك اشتراكي .. كل على حسب طاقته .. وكل على حسب
حوجته .. والله أنا محير ليك ناس كتار جدا .. حتى الوالدة العزيزة
بتقول لي إنت زي أمواج البحر .. ما بتعرفها متين بتهيج ..
|
|
 
|
|
|
|
|
|
|
 Re: لـو عنـدك عنوان مناسب أجدعـو هنا بهـدؤ (Re: aboalkonfod)
|
سلامات
ابو القنفد يا شرير
يعني كيف انت طيب بالرغم من ذلك علاقتك مع النساء طيبة جدا .. وودودة
وبتحب تعاملهن برفق ودبلوماسية صادقة
وانت صاحبتك لمن قالت ليك بتحب تمارس الرياضة في الحمام
قمت خليت كل حاجة ونطيت فيها
وقلبتها خروف مسلوخ ومعلق في الجزارة
ياااخي كان تخيلها
انشاء الله زي هيفا
بتاعة برنامج الرياضه
اهي برضو قالوا سودانيه
صاحبتك دي وهي بتمارس الرياضة
ماحصل يوم زلقتها صابونه
وقامت وقعت
عشان نحن نستأذنك في الخيال
ونقوم نشوفها زي
زي منو
زي منو
زي منو
يا روبنسون
؟؟
| |
|
|
|
|
|
|
|
|
|
Re: لـو عنـدك عنوان مناسب أجدعـو هنا بهـدؤ (Re: KOSTA)
|
الأخ .. شرير وبرتقالته سلام
أنا شرير .. ياخي دة الشرير إنت والبرتقالة أنا
يا أخوي الله يصبرك .. إنت رايحة ليك نجمـة .. بس
الله يستر ما تكون نجمة الضهــر
الأخ روبنسون .. وباميلته سلام
يا أخوي إنت ضايعة ليك سمكة في البحر يا صدفة
وإن ضايعة ليك صدفة مشكلتك بسيطة، وإن ضايعة ليك
سمكة .. شيل شيلتك .. لكن " باميلا " دي سمكة ولا
صـدفة !!
الأخ .... كوستا سلام
الزمة التغرقك .. دة ياهو الهيناي .. ذااااتو
إنتو الهيناي دة ما تخصصكم وبتعرفيهو كويس
الهيناي طبعا لمن تمشي الرحلة يا كوستا بتخلطو
بالهناي عشان مافي واحد ينكش ...
الحمدلله أنا غايتو فأر رحلة بقرض الونسة الدوقاقة
والبيبس المنزوع الهناي
الله يديك العافية كوستا، عنوانك رائع ،، عبقرية قنفدة،،
لكني .. حتى لم نصل لتخومها، ولا نكونها
| |
|
|
|
|
|
|
| |
aboalkonfod
فيس بوك
تويتر
انستقرام
يوتيوب
بنتيريست