الزول ده صحبي ومشكلتو مشكلة عجيبة
انا شخصيا ما قدرته افهم اخوها لحدي اللحظة دي واخيرا قلته احكي ليكم الموضوع ممكن تقدرو تفهمو اخوها دا
البنت موافقه ومقتنعه جدا بصاحبنا كشريك لحياتها
ورايها واضح جدا مع خطيبها انو ما ح
تتنازل عنو نهائي
موقف اخوها بعد ما كان موافق فى الاول
اتبدل رايه الى رفض صارم وحاد جدا
تجاه صاحبنا وما عندو اي اسباب تذكر
ولكن عندما اصرت البنت على ذكر اسباب
تبرر رفضه قال ليها وضعو المادي تعبان
وانا خايف عليك ودا وضع ما بسعدك
ردها ليهو انو كلامك ده ما صاح الأرزاق بيد
الله وانا مؤمنه بكدا واضافة لكدا انا شخصيا
مستعده اعيش معاهو فى اي وضع .
اخوها حلف يمين انو ما موافق واخر اسبابو
الطلع بيها قال ليها يا اختي
الود دا ما عايزنا نحن عايزك انتى بس
والله بصراحة حاولت افهم العقلية دي عجزت
تماما وخاصة انو بردد كلمة حبو لاخته فى كل
حوار يدور بينهم حاولت اشوف حبو لاختو ما قدرته
خاصة وانها بنت على خلق والتزام ، رايت حبها لاخيها
من خلال حديثها مع صديقي ومدى احترامها له
رايت مراعاتها لشخصيته فى كل كلمة ذكرها لي
صديقي العزيز. وكانت اخرها عندما قال لها صديقي
ان والدتك موافقه ولذلك يجب عليك ان تحددي موقفك بوضوح مع
اخوك فى الموضوع ده.
قالت بالحرف الواحد
انني ليست ضعيفة او لا اقوى على اتخاذ قرار
متعلق بحياتي ولكن اخوي دا الوحيد عند امي وهي كبيرة فى السن
واذا اغضبته لاي تصرف مني فى الوقت الراهن قد يصيبها
مثل غضبه واني اخاف الله فى اهلى(امي، اخي). كل ما املكه الان هو الدعاء وقراءة
القرآن وأناشدك يا من ستكون زوجي انشاءالله ان تكثر من قراءة القرآن
والدعاء حتى يجعل الله لنا مخرجا. انتهى
يا جماعة اخوها دا فى واحد منكم قدر يفهموا وياريت تشوفو لينا حل فى قضية صاحبنا دا
اخوكي داقيني ليه
ا
alsngaq
اساسي
قرشـــو
ابو جهينة
فيس بوك
تويتر
انستقرام
يوتيوب
بنتيريست