|
Re: أصـوات وطعـوم وروائـح (Re: Ahlalawad)
|
حبيبنا اهل العوض
صباح الاصوات الملائكية
ما اجمل ان تحدثنا عن موسيقى الرحبانى مقدمة للصوت العذب فيروز وما اسوأ ما أتاك اخى .. اعجب كل العجب كيف يسمونه سلطان الطرب بل اننى اعجب اكثر كيف يستطيع شخص ما ان يستسيغ غناءه او نهيقه فهو صوت نشاز وانا شخصيا لم استطيع هضمه ابدا..
لعل الاغانى تمثل البوما داخليا لكل منا فالاغنية فور سماعنا لها نعود فى هنيهات القهقرى لاول مرة سمعنا فيها تلك الاغنية واين كنا ومن كان معنا ومن هنا - ومن ناحية نفسية - يأتى للاغنية مذاق ورائحة وملمس ويصبح للاغنية شجن او حنين خاص يختلف من اغنية لاغنية وهذا يحدث معى شخصيا فكل اغنية لها وقعها الخاص مستمدا من اللحظة الاولى للسماع .. وما اجمل الانطباع الاول عزيزى عندما يكون برفقة احباب واصحاب واعزاء..
لك التحية ولنحارب معا ضد الاصوات النشاذ
| |
|
|
|
|
|
|
Re: أصـوات وطعـوم وروائـح (Re: قرشـــو)
|
قرشو وسيد البيت اهل العوض صباحكم خير
تعرفوا انا زي قرشو دا الشافع دا من زمنو الشافع ونجضونا بيهو ما ركب لي في رأسي لكن حب الناس مذاهب بس انا جيت زعلانة وناوية ارفع در اعتبار على اهل العوض كيف يقول صوتو بشبه ملاح القرع انا عاد ملاح القرع دا ما برضى فيهو احي هسي مالكم مقومين علي الوحم من اول الصباح القرع يا حليل اياموا خايفة اموت ونفسي هافني على القرع
| |
|
|
|
|
|
|
Re: أصـوات وطعـوم وروائـح (Re: Ahlalawad)
|
يا عمدة طبعا كل منا له ذكريات خاصة مع الأغاني تذكره مكان سماعها لاول مرة وكل الظروف وكلها تلتصق بذاكرته . من أجمل الأغنيات التي سمعتها أغنية ألحان الربيع لعائشة موسى - عشة الفلاتية . أذكر مرة سمعتها في سفرة طويلة لكنها شيقة وكان معنا مجموعة من أهل صديق سرحان . وهذا حديث يطول . شكرا لطلتكم
| |
|
|
|
|
|
|
Re: أصـوات وطعـوم وروائـح (Re: Ahlalawad)
|
الجندرية
صباح الخضروات المشكلة
تعرفى عندنا حلة قرع بايتة فى الثلاجة ايه رايك الحق اجيب ليك كسرة من بنى مالك وارسلهم ليك فى ايميل ؟؟؟
تعرفى انا زيك عكس الناس بحب القرع بالكسرة شرطا ولخبطة وسواطة وعجن وحبذا لو اترشت العجنة بى شوية موية ..
لك تحياتى
| |
|
|
|
|
|
|
Re: أصـوات وطعـوم وروائـح (Re: Ahlalawad)
|
والله عاد يا عمدة ماقصرت لكن انا بتكلم جد لي سنة روحي مارقة في القرع احي كان بي كسرة كان بي رغيف كان سااااااااااي اشمو ولا اتفرج فيهو
اهل العوض جورج وسوف اشبع بيهو انت انا خلي لي الحان الربيع
| |
|
|
|
|
|
|
Re: أصـوات وطعـوم وروائـح (Re: الجندرية)
|
الحبيب اهل العوض
والله خجلت بس اقولها ياخى لكن تعرف الموية من الابريق لها طعم ثانى هااااى يكا
الاخت الجندرية تعرفى لو شفتى القرع الجماعة هنا بدلعوه كيف كان تحبيه اكثر يقطعوه ليك سرائح سرائح (شقق شقق) وينظفوه ويلفوه بالنايلون ( اسمه شنو ياخى) ويختوه ليك فى ثلاجة العرض بالله يقول للتفاح هوى ها انت شنو؟؟؟
يا الجندرية يا اختى انتى قاعدة وين عليك الله معقول فى بلاد الله دى فى حتة ما فيها قرع ؟؟؟
لكما تحياتى
| |
|
|
|
|
|
|
Re: أصـوات وطعـوم وروائـح (Re: Ahlalawad)
|
بسم الله الرحمن الرحيم
أهل العوض
سلام مملح
أنا معاكم في الضواقة والشوف وإن كان الإتنين طشاش أما الشم دا أنا لمن الناس يقولوا في ريحة كذا ولا كذا قدامي زي لمن الواحد يتكلم عن أطفال قدام مرة عاقر
أما جورج وسوف دا كان ريحته زي ريحة جورج المعاي في الشركة دا ياااااااااااع زي ما بتقول أختنا الغائبة هذه الأيام الملكة شيري
| |
|
|
|
|
|
|
|