|
حكاية الويكة والفسيخ
|
الخــــــبر سادت حالة من الذعر بين سكان مدينة يونكرز قرب نيويورك بعد نقل ستة أشخاص الى المستشفى بعد تناولهم عشاء سودانيا شعبيا " ويكه وفسيخ " وطوقت الشرطة المنطقة وأجلت السكان من ثلاثة مبان سكنية وأغلقت المركز الطبي في المنطقة وقال جون سبنسر رئيس بلدية يونكرز ان المباحث الفدرالية دخلت الى الشقة الكائنة بالطابق الرابع ونقلت بقايا الوجبة الى المختبر لفحصها التعليــــــــق
* نفى تنظيم القاعدة ان يكون قد خطط لضرب مدينة يونكرز بأحزمة فسيخ ناسفة وقال ان العملية مدسوسة عليه من قبل تنظيم منافس له .
* قرر مجلس الامن اعتبار الويكه و" الفسيخ " من قبيل اسلحة الدمار الشامل ومنع الدول العربية من انتاجها .
* اعترف احد الارهابيين المعتقلين في افغانستان انه بعث بربع كيلو فسيخ لرئيس وزراء افغانستان الجديد وقال ان هذه العملية الارهابية خطط لها ابن لادن .
* قامت الشرطة بمداهمة عدة مطاعم سودانيه في المنطقة بعد تلقيها انباء عن وجود مخزون من الفسيخ يكفي لتسميم سكان مدينة نيويورك بالكامل .
* صرح ناطق باسم الحكومة الاسرائيلية ان قيام السودان بانتاج الفسيخ والويكه يخل باتفاقية السلام وطالب السودان بالتوقيع على معاهدة حظر انتشار الاسلحة الويكيه والفسيخية فورا.
* حذرت الولايات المتحدة الخرطوم والقاهره من مغبة الاعتداء على اسرائيل وقال ناطق باسم البنتاغون ان الاقمار الصناعية التقطت صورا لشاحنة مصرية تحمل صناديق من الفسيخ تتجه نحو سيناء.
* هرب مندوب وزارة الخارجية الامريكية من حفل غداء اقامته السفارة السودانيه في واشنطن بعد ان شم رائحة " الويكه" وقال المندوب ان الويتر السوداني وضع امامه طبق من الفسيخ عامدا متعمدا وان هذا التصرف قد اضر بالعلاقات الاخوية والبطنية بين الشعبين.
* زعم ناطق باسم الجيش الاسرائيلي ان الجيش اكتشف نفقا يربط ما بين غزة وسيناء يتم من خلاله تهريب الفسيخ وقال ان هذا يؤكد ان الطرفين المصري والسوداني يعدان العدة لاجتياح اسرائيل. .
|
|
|
|
|
|
|
|
Re: حكاية الويكة والفسيخ (Re: انور عمر)
|
الاخ ابو انور
لك التحية
ياخوى ده فسيخ بس عمل كده
امال لو كان الحكاية فيها تركين كان حصل شنو والغريبة فى لقوا فى الشقق دى كول عووووووك كان جزموا بانه دى مادة كيمائية مجمدة عديييل كده
بصراحة نحن عندنا اكل عجيب ياخى والاعجب الناس الفى امريكا المليانه همبرجر دى ياكلوا الفسيخ والله عجائب ياخى
لك تحياتى
| |
|
|
|
|
|
|
Re: حكاية الويكة والفسيخ (Re: قرشـــو)
|
لوووول يا عمدة تركين قولتلي ،لكن يا مان المشكلة انو الامريكان حايقومو يقولو يستاصلو التركين من مناطق الانتاج في السودانوالله قال قول بي اهلنا المحس والدناقلة, استاذ انورخيال خصب والهي،لكن هل الخبر بالجد
| |
|
|
|
|
|
|
Re: حكاية الويكة والفسيخ (Re: انور عمر)
|
الاخ انور لك التحية ده حالتو فسيخ لو كان تركين تكارة زي ما قال اخونا قرشو كان يعملو شنو اها الجماعة ما رحلوهم قوانتنامو ونتيجة التحاليل شنو فيها فايدة ولا مافيها
| |
|
|
|
|
|
|
Re: حكاية الويكة والفسيخ (Re: albagir altahir)
|
الاخوة الاعزاء السلام عليكم ورحمة الله وبركاته طبعا لوكان تركين كان الحكاية عملت جوط شديدة لكن الحمد لله الفسيخ ونتيجة التحلية يا اخ الباقر هي الفسيخ سمك مخمر اما الويكة فحدث بلا حرج انها لا تصلح ولا تضر ولاتصلح علف للحيوانات والله يكون في عون التكارة اخ الباقر
| |
|
|
|
|
|
|
Re: حكاية الويكة والفسيخ (Re: انور عمر)
|
انور انت ماسمعته البت الجات من الامارات اجازة السودان في سخانة الصيف الدشيدة زي الايام دي والكهرباء قاطعة كالعادة وكمان الطين زاد بلة قالو محطة بري الحرارية حرقت غايتو لا اسع ما عارفين ده فعل فاعل ولا قدر ناس السودان المهم طبعا البت مربية في الامارات الاجازات كانت كلها في اروبا وبلاد الشام وام الدنيا مصر اها ابوهم قال المرة دي داير يغير يمشي السودان لكن ما حسبة صاح مشي في شهر سته البت غلبة تقعد من شدة الحراة والغبار العالق لكن ماشافتلها زحمة مواصلات في بص الثورة بالنص السريع وسريع دي خت تحتها خطييييييييييييييييييييييييييييييييين وطبعا شافته الاكلات العجيبة لاول مرة ام رقيقة ام تكشو او بقبق ام نعيمية التقلية المرس التركين الكجيك الريحتو ترمي الصقر مالز وهاب من الاكلات الارهابية السودانية قامت لما زهجت والاجازة طولت والحبوبة ماسكة فيهم بالعشرة اول مرة تشوفهم قالت لي ابوها يا ترجعوني ولا اكل ويكة انتحر هنا اسع دي طبعا ابوها خايف عليها طوالي قطع الاجازة ورجع والكراتين الفيها الويكة خلاها في المطار مهملات عشان البت ما تسويها شغلة تاني كل ما تدور ليها حاجة تقوم تقول ليهم بنتحر بالويكة لكن الكرتونة الفيها الحطب جابها معاهو شايلة في ايدو
| |
|
|
|
|
|
|
Re: حكاية الويكة والفسيخ (Re: albagir altahir)
|
الاخ الباقر السلام عليكم ورحمة الله وبركاته يا اخي غلطان ابوها ليه ماشي السودان في الصيف وعارف ازمة الكهرباء في السودانوخاصة في الصيف والخريف ربنا يكون في عون ناس السودان
| |
|
|
|
|
|
|
|