|
Re: اختطاف سائق سودانى فى السعودية (Re: cola)
|
الحبيب كولا
لك التحية
ما اسهل التحصين والله وانه لا يكلف شىء ولكن بعض احبتنا يسهون وتكون رؤوسهم مزدحمة بهموم شتى اولها الكفيل القاسى وانظمة البلاد والضيق الذى يواجههم فى الحياة وينسون التحصين ثم يقعون فى المحظور..
لعل السعودية وحسب ما جاء فى مقالات للشيخ القطان من اكثر البلاد سكنا بالجن والشياطين ولذا وجب التحصيل بلا انقطاع ولعل اسهل التحصين اية الكرسى فان داومنا عليها فقط بعد كل صلاة فقد تنجينا
لك شكرى اخى على التذكير ولك ودى
| |
|
|
|
|
|
|
Re: اختطاف سائق سودانى فى السعودية (Re: HOPELESS)
|
حبيبنا جمال
لك التحية
هاااااااى يكا على رأى المخاصمنا
ياخوى ده لو انا كنت عقدت اتفاقية معاهم بالله مش دى فرصة ذهبية تنتقل لعالم جديد ومثير وانا لاننى شخص مسالم فلن اقاوم بل سادخل معهم فى مفاوضات تنتهى بان اذهب معهم طائعا مختارا وان شاء الله اشتغل معاهم حارس امن ما عندى مانع بش اموت واشوف بنات الجن ديل تصدق عمرى ما شفتهن؟؟
لك حبى ومودتى
| |
|
|
|
|
|
|
Re: اختطاف سائق سودانى فى السعودية (Re: قرشـــو)
|
الحبيب العمدة قرشو
سبحان الله
إيه رأيكم نقوم نعمل اجتماع لبورداب جدة والشرقية في الوادي ده
طبعا الزول زاتو أول الحضور
لك التحية أخي قرشو
ونسأل الله أن يحفظنا ويحفظ الجميع
ولك خالص حبي وتقديري
| |
|
|
|
|
|
|
Re: اختطاف سائق سودانى فى السعودية (Re: الجعلي)
|
عزيزى الجعلى
يعنى انت عاوز تتخارج مننا كلنا بى ربطة معلم ولا شنو تعرف هم الجماعة ديل جنهم وجن الازعاج بحبوا يعيشوا فى جو رومانسى جدا عشان كده الدوشة بتطير جنهم وتخليهم ينتقموا ..
انت تفتكر المطار القديم ده يعنى خالى منهم .. بس انا بحوطكم كل مرة .. امال ايه ..
لك تحياتى
| |
|
|
|
|
|
|
Re: اختطاف سائق سودانى فى السعودية (Re: اساسي)
|
الغالى اساسى
هاااى يكا قلت لى الكفيل بقى ياخوى ديل مسكونين كلهم بالله الواحد يكون معاك زى العسل فجأة يقلب عليك تقول قبل كده ما بيعرفك
تعرف تلقى الجن ذاتو محتار الناس دى مالها حالتها كده
لك تحياتى
| |
|
|
|
|
|
|
Re: اختطاف سائق سودانى فى السعودية (Re: zola123)
|
بتنا زوله
وااااو نسيت بوست الخطفوه الجماعة بالمناسبة لقيتيه ولا لسع ؟؟
تعرفى انا بفتش عليهم بالفتاشة لكن هم جبناء ما قادرين يواجهونى بس
عشان كده ولا يهمنى فيهم
بس يحقروا بالناس المساكين ويطرطشوهم
لك تحياتى
| |
|
|
|
|
|
|
Re: اختطاف سائق سودانى فى السعودية (Re: قرشـــو)
|
العمدة قرشو نعم السعودية بها مساكن جن كثيرة و في اغلب الطرق السريعة يوجد لوحات تذكر بالاستعاذة من الجن اذكر في احدي المرات كنت ذاهب للمدينة المنورة مع الاسرة بالسيارة و قبل المدينة بحوالي 100 كيلو و علي جانب الطريق شاهدت رجل و معه حرمة و طفل صغير و يأشر بيدة للسيارات اعتقدت ان سيارته تعطلت و بحاجة لمساعدة و خاصة ان الوقت كان حوالي الساعة 10 صباحا توقفت له فطلب منى ماء للشرب ناولتة زجاجة الماء شكرني و ذهب لسيارته وواصلت انا في طريقي و بعد ان ابتعدت عنه عدت امتار نظرت خلفي فلم اجد السيارة توقفت و رجعت للموقع فلم اجد شْى لا سيارة و لا اثار سيارة حتى علما بأن المكان صحراء استعذت بالله من الشيطان وواصلت للمدينة لكن حرمنا المصون حتي الان مخلوعة
| |
|
|
|
|
|
|
Re: اختطاف سائق سودانى فى السعودية (Re: falcon)
|
العـــزيز قرشو
يعنى بعد ده نمشى بى مسدساتنا ، وبمناسبة الجن الجن زاتو بيقرا آية الكرسى لمن يشوف سعودى رجا يا قرشو تكتب البوست بتاعك دايما باللون الاسود العادى كبرنا يا راجل ويالله ويامين بنقرا المكتوب بالاسود
مع تحياتى للجميع
| |
|
|
|
|
|
|
Re: اختطاف سائق سودانى فى السعودية (Re: Ahmed satoor)
|
امسياتكم بشكل المنقه
يا عمدتنا ، والله انا غايتو خايف شديد على اساسي شكلوا يوم ح يشاكل ليهو زول ويقوموا يدوهو سكه الجماااعة ديلك بسم الله وخاصة سينتمنتال برضو بمشي المحلات ديك كتير بجيب حمير من هناك عشان البوست بتاعو حماريات
| |
|
|
|
|
|
|
Re: اختطاف سائق سودانى فى السعودية (Re: شرير والبرتقاله)
|
طبعا يا قرشو عارف أخوك ساكن فى اسكان الشرفية
وما أدراك ما اسكان الشرفية وكنت أيضا من أوائل سكناه منذ ما يقارب التسعة سنوات
بالعربى لما كان مسكون جد جد
وبما أننا من الرعيل الأول لهذا الحى فقد روضنا جنه حتى صار يخاف من جننا وقد شاهدت بأم عينى قصص تشيب لها الولدان وحضرت حوادث مزعجة آخرها قبل حوالى العامين من الطابق الرابع عشر لأحدى المجموعات المجاورة
الشقة يسكنها أفارقة
وشهادة الجيران تقول أن هنالك مشاجرة استمرت ليومين كاملين ولكن فى الداخل فقط دون خروج أحد من الشقة
والقصة تقول أن أحدهم سيحضر لهم بواسطة هذا الجن ملايين الريالات وبالفعل حدث فكانت هنالك شنطة من النوع الكاروهات أحمر وأسود جلدية سعة مسافر متحضر ممتلئة بربط الورق فئة الخمسمائة ريال الشهير بعبد العزيز لجلال قدره وهى تساوى مائة وثلاثة وثلاثون دولار واجمالى المبلغ سبعة ملايين ريال سعودى زهاء المليونى دولار
واختلفوا فى تقسيمها
وكانت النهاية المأساوية
فقاموا بالقاء الرجل من هذا الإرتفاع الشاهق وسط مجمع يسكنه زهاء العشرة آلاف شخص وبه ألفين شقة سكنية تتكون كل وحدة من ستة غرف كبيرة
فكان حدثا جنيا فريدا
وطبعا القى القبض عليهم وبحوزتهم تلكم النقود المجنونة ونالوا جزاء فعلتهم الشنيعة
فهل ترغبون فى المزيد من هذا يا عمدة ؟؟؟؟؟
| |
|
|
|
|
|
|
Re: اختطاف سائق سودانى فى السعودية (Re: يازولyazoalيازول)
|
حبيبنا الريس يازول
وين يا زول والله ليك وحشة انا قلت الراجل ده مسافر ولا شنو؟؟
نورت البورد يا سيدى
تعرف زمان اسكانكم ده مشهور بانه مسكون وبصورة فظيعة حتى انه ايام حرب الخليج الاولى عندما اسكن الكويتيين فيه تندر الاخرون بان الجماعة هنا يودوا الانتقام من الكويتيين ولذا اسكنوهم هنا حتى يكون جزاهم الجن الجماعى ..
اما حكاية زولك الرموه من فوق دى والله تحير ؟؟ ياخى الطيب ما كان احسن والحكاية فيها ملايين؟؟؟
لا يبدو انك تملك كنزا من هذه الحكاوى فارجو ان لا تبخل علينا بها وثق ان الكثيرون سيستفيدوا منها جدا
لك تحياتى وفى انتظار حكاويك الجميلة
| |
|
|
|
|
|
|
Re: اختطاف سائق سودانى فى السعودية (Re: Ahmed satoor)
|
عزيزى احمد ساطور
لك التحية
على ذكر المسدسات فقد قيل دوما ان السلاح يملكه الجان ولذا كل الحذر من امتلاكه او حمله فكم من حوادث مؤلمة حدثت بلا قصد من الانسان ولكن بقصد من الجن لانه يحب السلاح واذية البشر..
حقيقى ناسنا ديل هم ذاتهم جن ياخى ..
اعتذر عن الكتابة بذلك اللون ولن اعود اليه ثانية
لك احترامى وودى
| |
|
|
|
|
|
|
Re: اختطاف سائق سودانى فى السعودية (Re: falcon)
|
الاخ فالكون
لك التحية
حقيقة ما اوردته فالطرق السريعة مسكونة بالجن فى كل الاتجاهات ودوما يحكى لك من يسافرون حكاوى غريبة ومثل حكايتك هذه تتكرر والحمد لله انك اديتهم موية تعرف لو قلت ليهم ما عندى الا كان تواصل مشاورك كدارى .. بالمناسبة فى طريق المدينة لوحة مكتوب عليها استعز بالله وهى كما قيل تشير الى وجود جن كثيف فى تلك المنطقة وقد قام باذى الكثيرين جدا .. تعرف حتى فى الطريق السريع فى جدة وتحديدا فى المنطقة بين شارع فلسطين وولى العهد هنالك منطقة مسكونة واذهب فى اى وقت فى اليوم تجد فيها حادث مرورى فظيع جدا..
الله يكفينا شرهم بس
لك تحياتى
| |
|
|
|
|
|
|
|