|
|
 إحدى أسئلة إمتحانات الشهادة المكشوفة بمناسبة الإمتحانات والعيد
|
والبلاد تحتفل بالعيد الطاشر لثورة اٌلإنقاذ الوطني , ما هو أهم إنجاز ساعد على إبراز الشارع العام بصورته الحالية؟
1/ الدينارية المابتكفي مية.
2/ سوداتل, موبيتل, سوداسات .
3/ الحملة الامريكية داخل الجامعات السودانية .
4/ كاجر هباشي .
5/ كل الإجابات أعلاه صحيحة .
6/ الشارع نضيف مافيهو إنجاز , مافي شماشة ولا أوتوستوب , ولا في أي إنجاز والناس شبعانة هموم لحدي ما إتمددت في بيوتا وما بتطلع من أساسو .
تيب أوف توداي
الغش ممنوع ولو في دارفور
أبنوسي
|
|
 
|
|
|
|
|
|
|
|
Re: إحدى أسئلة إمتحانات الشهادة المكشوفة بمناسبة الإمتحانات والعيد (Re: tabaldy)
|
لوووووول موية دي ذكرتني اتنين حفظوا ليهم عشرة مقالات في امتحان التاريخ وظبطوا عشرة تانيات في البخرة ودخلوا ولسوء الحظ واحد وقع تحت السبورة في الكرسي تكاية المراقب والتاني ركن
اها خشوا الامتحان ويا دوب ما بدا المراقب يوزع ورق الاسئلة الزول القدام مسك ورقتو وفي الصفحة الاولى فتش الخمسة الاوائل ما لقى ولا مقالة ضربت معاهو وقلب الورقة للخمسة البي غادي وبرضو لقاها زي الصفحة الاولى , قام نادى المراقب قال ليهو موية . المراقب قال ليهو موية الصباح كدة , والشكلة دورت وجابوا ليهو جردل الموية وتحنس عشان يقعد لي نص الزمن مسك الكوز وشرب الكباية الاولى والتانية وعاين للمراقب قال ليهو عليك الله ادي الفي الركن داك الجردل ده في سكتك
| |
|
|
|
|
|
|
|
|
 Re: إحدى أسئلة إمتحانات الشهادة المكشوفة بمناسبة الإمتحانات والعيد (Re: tabaldy)
|
يا تبلدي علي ذكر البخرات
قريب ده ونحن في كبرنا ده دخلت امتحان مع مجموعة من الاجانب
وكان بيني وبين قاعات الامتحانات يجي زي قدر زمن عشرين حلة كمونية زي ما بتقول شيري
اشوف ليك الجماعة كلهم داخلين بي كتبهم واوراقهم ومفكراتهم الالكترونية
والعبدلله جائي داخل بي قلمو بس
وزعوا لنا وريقة الامتحان ومافي زول علق علي الكتب الشايلنها الناس معاهم
والانجليزي انصرف وخلا الدار طلقيت
الناس تفتح في الصفحات وتكتب
الاجابات بي ضبانتها
ولما مضي من الزمن اكتر من نصو جاء الخواجة وقال
اي واحد عندو كتاب او مذكرة عن موضوع الامتحان يسجل اسمو
هنا في الورقة دي ويجمع كتابو
عرفت جماعتي اخدو سيك
وقال ليهم بالحرف الواحد
اي واحد نقل من الكتاب حا ياخد في الاجابة
big zero
انتو ناس كبار وبالتالي من غير المفروض مراقبتكم
بلاي اشوف ليك نص الناس طلعوا من الامتحان وواحدين شرطوا اجاباتهم
وواحدين طلبو شاي وقلبوها قهوة
وفي اتنين مشوا اشتكونا انا والخواجة المراقب
بيقولوا انو الخواجة لاعب الموضوع معاي
والنتيجة طلعت ونجحت الحمدلله
ولا هسي التحقيق شغال
| |
|
|
|
|
|
|
|
|
|
Re: إحدى أسئلة إمتحانات الشهادة المكشوفة بمناسبة الإمتحانات والعيد (Re: tabaldy)
|
فى احدىالقنوات العربية وفى المسابقات البعملوها مع الناس الفى الشوارع سالت المذيعة واحد سعودى وكان السؤال: كم من الزمن استغرق كولومبس ليصل الى امريكا؟
وسالها السعودى: ما فى خيارات؟
ردت المذيعة :اربعة ايام ,اربعة شهور ام اربعة سنوات
بعد تفكير عميق اجاب السعودى :سنتين
وانا زى السعودى دة باقطع لى اجابة من راسي غير الخيارات الفوق دى واجيكم
| |
|
|
|
|
|
|
|
|
 Re: إحدى أسئلة إمتحانات الشهادة المكشوفة بمناسبة الإمتحانات والعيد (Re: tabaldy)
|
نزار أخوك المرة الوحيدة الطلع فيها بخرة قام يتكبكب زي القاعد في خط زلازل الأناضول ولا اليابان ما عارف وأول ما جا المراقب جنبي مديت ليهو البخرة من غير ما يسألني حتى , قال لي دي شنو ؟ قلت ليهو بخرة. قال لي في ذمتك دي بخرة ولا بشكير مبلولة كدة ؟ وطبعا عادي بي سبب البخرة دي فطيت سطر أقصد سنة من عمر الشهادة السودانية أعادة بس برضو كانت في صالح الشفاتة الاستقلوا الموقف في الضحك والنقل
هالة قوتة
الرجاء الإلتزام بالمقرر
إعداد معهد التربية بخت الرضاء والما رضى يرد من ورقة زميلو بس ما ينقل معاهو رقم جلوس زميلو واسمو
| |
|
|
|
|
|
|
| |
nazar hussien
ود العجمى
alfatih
فيس بوك
تويتر
انستقرام
يوتيوب
بنتيريست