|
|
 نداء..الى خريجي معهد الموسيقى والمسرح..تعالو نساعد عمال المعهد
|
الى كل خريجي المعهد وبالتحديد رواد البورد ادعوكم جميعا الى التفاكر حول وسيله لتوصيل دعمنا لعمال المعهد والذين لاتزيد رواتبهم عن 15دولار والله دي حقيقه والاصعب من كده كلهم اصحاب امراض
اليكم بيان بحالتهم
العم يوسف مصاب بتضخم في الطوحال في مراحل متاخره لا تحتمل اجراء عمليه فقط علاج اسرته تقيم بالجزيره وهو يسكن بمسجد بالفتيحاب انا متاكد من حالته وكنت اتابع معه مع بعض الدكاتره الخيرين قبل خروجي من السودان
العم كرم فني الازياء مصاب بغضروف
الخاله مقبوله مصابه بمرض ارتفاع ضغط الدم وكم مره تعرضت للاغماء بحوش المعهد
العم حسن توتو يسكن في رواكيب داخل القطعه المخصصه للمعهد في شارع محمد نجيب
العم خميس توفى في حادث مروري مخلف وراءه اسره واطفال
وزيد على ذلك تفشي بعض حالات السل بين العمال والفراشات
هذا هو الحال اليكم جميعا
عبد الجبار يحي فضل الله الرشيد احمد عيسى الموصلي تماضر حمزه منعم شوف وكل من تعرفوه تعالو جد نشوف طريقه نساعد هولاء الطيبون عمال احبونا كثيراوعندما نذهب لملاقاتهم بعد طول فراق تنحدر الدموع من اعينهم
افيدكم ان الطلاب هناك يساعدونهم ولكن انتو عارفين الحال
الرجاء رايكم بسرعه
انا احيانا اقوم بمجهودات فرديه لكن ممكن تكبر
ولكم الود
معتصم سيد احمد
|
|
 
|
|
|
|
|
|
|
|
Re: نداء..الى خريجي معهد الموسيقى والمسرح..تعالو نساعد عمال المعهد (Re: بدرالدين شنا)
|
أخى معتصم
هذا نداء يستفز المآقى فتهطل
لأجل أهلى فى المعهد وهم يجسدون مآل الحال
ولك أخى ولأخوتك وأنتم كعهدكم تثبتون
أن هذا الصرح لا يصنع الفنان فقط ولكنه
أيضا يهب الرجال .....انا لست خريجا
من ذلك الصرح ولكنى كما قال أخى خالد العبيد
صديق وأعاهد نفسى أن أساهم معكم فيما
ترونه مناسبا لأزالة هذا الهم الذى أضحى
همنا جميعا ودمتم لنا كما نريدكم
والسلام
| |
|
|
|
|
|
|
|
|
|
Re: نداء..الى خريجي معهد الموسيقى والمسرح..تعالو نساعد عمال المعهد (Re: فى حافة الغياب)
|
فرحتا لاستجابتكم
كثيرا
قلنا الدنيا مازالت بخير
خالد العبيد لك الود
الموصلي انا لمن عملتا البوست عولتا عليك كتير تشوف الشباب المعاك في البلاد البعيده
المهم ليكم جميعا عشان الموضوع ما يكبر نحنا نعمل البنقدر عليهم انا يا ود العجمي معتصم بتاع كلات عرقوانا هسه بره السودان والجمام شغاله
اقدم اقتراح
نحنا نجمع اي مبالغ من المال ونقوم بتحويلهايا مباشرة الى السودان للشباب القاعدين يباشرو معاهم وانا ممكن اديكم تلفون واحد منهم او تحولو مساهماتكم الى شخصي وانا ملزم بتوصيلها اليهم فردا فردا
او بطرق شخصية منكم ان يقوم اي زول منكم بتحويل مساهمته الى شخص في السودان ليقوم بتوصيلها
لكن انا شايف لو تمت العميله بطريقه منسقه يكون افضل ليكون عمال المعهد في الصوره انا ممكن اتصل باحد الشباب ليفهم العمال
المهم انا هسه برسل بطريقه شخصيه لاي واحد من زملاي في الدراسه واقول ليهو دي مثلا لعم يوسف
ودمتم
ولو جدينا حية قريشات بتساعد في شراء دواء وبتفرح وليداتم
معتصم سيد احمد
| |
|
|
|
|
|
|
|
|
|
Re: نداء..الى خريجي معهد الموسيقى والمسرح..تعالو نساعد عمال المعهد (Re: Yahya Fadlalla)
|
سماك ما حصلو الطاير
ورهاب ما حصلو الجارى؟
ليتنى كنت هناك
وليتنى شربت من قهوة الخاله مقبوله التى تشفى
يلا نعمل فكره وانا مع الراى البقول
خلوها فينا ويا ريت نراسل بعضنا على الطريق الخاص
وبعدين دى مؤسسات كامله صارت خراب؟
ويعز علينا من افنو زهرة شبابهم فى خدمة الصرح التاريخ
ان يغادرونا وبهم عله؟
يلا نعمل
يوم العركه الفى الحراره
بتشبع الصقار مراره
| |
|
|
|
|
|
|
| |
معتصم ود الجمام
خالد العبيد
ود العجمى
HAMZA SULIMAN
Elmosley
بدرالدين شنا
Yahya Fadlalla
فيس بوك
تويتر
انستقرام
يوتيوب
بنتيريست