|
كتب الكاتب الفاتح جبرا المتوفرة بمعرض الدوحة
|
|
 Re: بوبينة عربيتي الجبانه تخاصم الكربريتر (Re: Ahlalawad)
|
سلام مربع
اهل العوض
شفت الدكان الحجزتو وانت التلبطت فيهو
ايه رأيك في الخبرة
بتاعتي دا
موش انفع برضو اصلح
طائرات الاباتشي المشتته في الربع الخالي
عندي مشروع زي كده بدرس فيهو
ايه رأيك تشارك فيهو
بس اوعك تقول لي مابتعرف تسوق طياره
لانو الشغلانه عايزه سواق طياره اباتشي كمان
ادي ورقك لي بدر الدين
| |
 
|
|
|
|
|
|
|
|
Re: بوبينة عربيتي الجبانه تخاصم الكربريتر (Re: shiry)
|
لا واضح جدا إنك بتفهمي في الميكانيكا عموما وخصوصا ميكانيكا السيارات ، لأنو فعلا الشكبزور مقفول وما عايز يطلع زيت للبوبينة . دي كلها خطوط متوازية يا بت الناس . والحتات دي لو وصل ليها زيت الرماد كال حماد .
رجعي لي بدر الدين قروش إيجارو ونتحاسب بعدين .
| |
|
|
|
|
|
|
|
|
|
Re: بوبينة عربيتي الجبانه تخاصم الكربريتر (Re: Ahlalawad)
|
سلام مربع
قرجو
طيب ياعمو .. ولا تزعل
بس ايه رأيك في اختك
موش ميكانيكيه كده
العربية الواقفه قصادنا دي حقتك
مالها ؟
اوع تقول لي برضو من البستم
؟؟
ابو نور
لا ياسيدي نحن انصار
العربيات
هم انصار السنه الوداهم ياكلوا الحلويات شنو
؟
وهم قاعدين في الضل
حلو المؤمن حلوي دي
والله ماعارفه، لقطها من وين
يمكن من الشماشه القاعدين في بيتنا ديل
سلمت ياسيدي
اهل العوض
ياسيدي انت باركها
وانشاء الله بالبركة كل شيء بمشي
موش العربية
الحكومة ذاتها بتمشي
بس لست اكيدة من ان مشيها على العجين ماتلخبطوش
خاصة اذا كان في الصف ماما امريكا
ربما تتعلم حكومتنا مشي عارضات الازياء
شفت عارضات الازياء بمشن ازاي
؟؟
والسجم فعلا كال الرماد
ابو نور
| |
|
|
|
|
|
|
|
|
|
Re: بوبينة عربيتي الجبانه تخاصم الكربريتر (Re: Ahlalawad)
|
ومن هنا ، الرياض
أدعوك يا شيري
لإدارة اعمال تشليح السيارات في كل من منطقة الحائر والنظيم
وعند الحضور خليكي حنينة على دواسة البنزين
ولا تسحبي الجلنت
ودعك من التفحيط
اللي ما يلزم
وخلي الحركة عادية
دعي موتورك
يدور
وخلي الدبرياش
ينقل الحركة بشويش
للجيربكس
والجيربكس
ينقل الحركة
للإطارات الخلفية
بواسطة
عمود طوالي
يظهر أن الدفع
في السيارة
خلفي
وخلي مجموعة
التعليق
تأخذ راحتها
يعني لو في مطب
الإطار الأيمن
في جهة
والأيسر في جهة
تانية
===============
دع شيري تقود وإستمتعوا بالرحلة
| |
|
|
|
|
|
|
|
|
|
Re: بوبينة عربيتي الجبانه تخاصم الكربريتر (Re: ولياب)
|
سلام مربع
ولياب
وحات نظري ياخوي .. مشيتي للسودان طبعا . من اهم احداثها اتعلمت فيها
عباطه كده سواقت العربيه
غايتو حدي الساعة خمسه بس
ولم يركب احد معي وانا سايقه الا ام مازن
اذ انها مضطره فهي غالبا ما تلبس كل الملابس الواقيه
للحوادث من خوذه ووووو
ومع ذلك اسوق العربية في الكباري التلاته
سلمت ياسيدي للطله
| |
|
|
|
|
|
|
|
|
|
Re: بوبينة عربيتي الجبانه تخاصم الكربريتر (Re: shiry)
|
حيرتنا ياشيري
لمن الواحد بقى ماعارف
الكرعين هم الراس ولا الراس هو المعدة
وامكن الواحد حاسي قلبوا هو البدق ولا الكلى حقتو
كنت بتكم مع اخت قبل شوية عبر الماسنجر
وجات سيرتك وسيرة كتابتك
قالت لي لمن اقراء لشيري راسي بصـلب من البت المجنترة دي
قلت ليها انا حاسي شيري
دي مابت
دي ذي التقول واحد صاحبنا اول اسمو بالياء
مامكن ياشيري
انت كم حصان على وزن البستم
| |
|
|
|
|
|
|
|
|
|
Re: بوبينة عربيتي الجبانه تخاصم الكربريتر (Re: shiry)
|
الأخت شيرى
فى اوائل عهد الأنقاذ الأسود هناك طرفة تحكى عن عمر البشير وهو يخطب فى احدى قرى حلفا الجديدة قائلا للمواطنين :
ياأخوانا ثورة الأنقاذ دى زى العربية المتعطلة ونحن قلنا للناس ياأخوانا ادونا دفرة فما فى زول وافق يدينا دفرة الا ناس الجبهة وهنا انبرى له واحد من اهلنا الحلفاويين قائلا دفرة ممكن لكن سواقة لأ.
اللهم سلط الأخت شـيرى بشاكوشها وزرديتها والمرزبة هدية منناعلى عربة الأنقاذ وتفككا لينا صامولة صامولة
اللهم آمين
| |
|
|
|
|
|
|
|
|
|
Re: بوبينة عربيتي الجبانه تخاصم الكربريتر (Re: shiry)
|
شيري المهترشة
قولي لي سلام ...اصلو انا من الورقة
إنتي عارفة جابتني هترشتك دي و الجنترة
إنتي زوله عسل لامن غلط
كدي اسألك ....وكت شفطي بنزين وراسك دور
ما قلتي تشفطي تاني ؟
وبعدين قلتي يسلموا الاوراق ل بدر الدين شنا
ما كفاية عليهو جننا جن في إيجار الدكاكين
وخلاك تدي ليمونك لبتاع الضرائب ...بعدين عندنا عربية
في امستردام ...عطلانة في الزردية
ابو القدح بعرف محل بعضي اخو
| |
|
|
|
|
|
|
|
|
|
Re: بوبينة عربيتي الجبانه تخاصم الكربريتر (Re: alfatih)
|
ٍسلام مربع
هدهد
اول شي حمد الله على السلامه . والله ماعارفه متين لكن قريت انك سافرت وين ماعارفه .. المهم بركةا لجيت
تاني شيء : انت عنصري عديل كده تمارس الاضهاد الذكوري نفسه بمجرد ان ماتقرأه يخربط حواسك
هاهاهاها . امازحك ، رغم انني ما فاهمه حاجة ، لكن اهو
انا كويسه فهمت الكلام اللي اتقال .. رأسي ما اتصلب .
سلمت ياسيدي وحمد الله على سلامتك .
قلقو
يا خوي عربية الانقاذ دي ماعايزه زردية ، دي عايزها ليها صاروخ عشرين صاروخ توم هوك .. ونفس نوعية الفئران التي قرمت سد مأرب
يادوب اهو تقدر تزحزح مكانة كرسي البشير .. المشكلة في المكان التحتو كرسي النائب الاول علي عثمان ..
دا عايز ليهو ريح صرصر عديل كده ويمكن كمان نحتاج الى الليالي الثلاثة التي نزل فيها العذاب على قوم عاد
سلمت ياسيدي
عمك حسبو
ايه رأيك احكي حكاية الفار الاكل خرطوش البتوجاز بتاعنا
ايييييك .. دي كانت حكاية تحتاج قدرا من الوقت مساحته 20 حلة كمونيه ،
لمن تبقى مستعد وراسي شوية رايق .. قول لي عووووك
سلمت ياسييدي للطله
الفاتح
ماوريتنا الورقة دي تابعة لي ياتو ولاية ؟؟د
هاهاهااهها امزاحك يا شفيف
وحات نظري لحدي هسع راسي لافي .. لكن اختك عامله فيها شجاعة ولو قلت لي ام مازن اني تعبت ح تعملها لي محاضره
قلت اخير اشتري دماغي وابلع الحكاية دي وبلاااااها النقه .
بدر الدين خليهو يومو ح يجي ، بس خلي ناس القاهرة ديل يغسلوا ايديهم من العشاء الاكلوهو دا ..
وافضي لي بدر شنا .. هو محتاج فقط لمؤتمر صحفي واحد وعدد ثلاثة حلل كمومنيه هترشه
شوف لو جاهو زول اجر عندو
سلمت ياسيدي لللطله
| |
|
|
|
|
|
|
|
|
|
Re: بوبينة عربيتي الجبانه تخاصم الكربريتر (Re: shiry)
|
علي الطلاق يا شيرى الظاهر عجبك الكاسوري بتاع سوق الحرامية
اسي الميكانيكي ده لو قال ليك انت انتهكت حقوقو ونفذت ضده تهجم مهني كنت ح تقولي يا منو؟
وبعدين ياخي صينية العشاء دي الدخلها جوه المكنة شنو؟
قالوا المتسبل بتبكيه الريشة ... بهناك شايف اساسي دخل السراية وحالف ما يطلع منها وقال الا يعملوه عضوا مكتب اساسي بالتعيين
غايتو انا بعد شوية ح اعمل ليكم المديدة حارة
والحشاش يشرب بنزين اكتر
| |
|
|
|
|
|
|
|
|
|
Re: بوبينة عربيتي الجبانه تخاصم الكربريتر (Re: Dr_Bringy)
|
سلام مربع
د/ برنجي
يا دكتور يعني التعدي المهني دا ما يمشي الا علي انا دي المسكينة
التي وقفت عربيتها ذات فجأة لا بيها ولا عليها
مايشوفوا ناس هناي واستاذ علان
الذين لا بيهم ولا عليهم ولا شن غرضهم
يمتشقون مايكرفونات المساجد
ومايكرفونات المساجد
وهااك يا تصريحات
وهااك ياخطب
اها موش مفروض يكون في تنظيم مهن
هاههاهاههااهاها
لكن بعد دا كلو استفدت كثير
وعرفت هسع يعني شنو كلتش
اكتسبت خبره في التصليح وانا وشي مبلول بالبنزين
وعيني طافيه .. كنت براقب في الميكانيكي واشوفوا بسوي في شنو
وحات نظري ما عمل شي غير ركب الاسلاك الانا قطعتها
والعربية زي الشيطان براها قامت
التقول خافت منو
معنو انا لي ثلاث ساعات بعافر فيها حلفت ما تقوم لي
بس اوعدك هسع انا منتظرة العربية بتين تقيف
عشان افتح كبوتها واشرع في تصليحها
انشاء الله حتى لو الجنوط ما بتوصل الزيت
ح اصلحها ليك
سلمت ياسيدي
| |
|
|
|
|
|
|
|
|
|
Re: بوبينة عربيتي الجبانه تخاصم الكربريتر (Re: shiry)
|
سلام
شيري
والله ياشيري يابتي .. راسنا دا فرطقتيهو لينا
بقيت لمن اجي اقرأ ليك
لازم اعصب رأسي
واحط قدر 5 ترامس شاي
من غير نعناع كمان
قت لي
لقيتي الحل
؟؟
في ذمتك دي ، ما الذي يفعله الميكنيكي غير هذا الانكفاء على هذه الكراكيب والعبث بهذا السلك واخذ شفطه عميقه من هذا الخرطوش .. وبعدها تدور العربية .. واول ما ترائ لي هو الشكبذور ومسكت فيهو بايديني الاتنين .. بس !! انه الالهام وعلى الفور قلت لها حتما ان السبب هو (الشكبزور) مقفول ما عايز يطلع زيت للبوبينا
طيب ما وقفتي حال الميكانيكيه يشوفوا ليهم شغلانه تانيه
| |
|
|
|
|
|
|
|
|
|
Re: بوبينة عربيتي الجبانه تخاصم الكربريتر (Re: maia)
|
الأخت شـيرى
لقد ارقنى موضوعك بشدة وبعد طول تأمل وتفكير اتضح لى بأن العربية ما كان عندها مشكلة ولكن المشكلة تكمن فى السؤآل الآتى
ياأخت شـيرى وانت سايقة العربية هل كنتى خاتة ليكى طوبة جنبك ؟
وبما انه اجابتك حتكون بالنفى فأكيد انتى الكج .
| |
|
|
|
|
|
|
|
|
|
Re: بوبينة عربيتي الجبانه تخاصم الكربريتر (Re: shiry)
|
البنية
شيري
الله يدينا خيرك
والله بس ذكرتينا حلاق الجامعة والله انا ماعارف ام مازن مستحملاك كيف
عارف اكبر غلط عملو الميكانيكي دا انو صلح عربيتك وخلاك تجي تنضمي متل نضمك دا
احسن حاجة تبقي علي دكان بدر الدين القلعتيهو وتواصلي في بيع الليون وعليك الله شغلي ليك غنا زي الناس ماممكن هناك دودذة راس وهنا فليق عديل
نفسي تكتبي بدون هترشة
نص صفحة
وتاني ليك اجر المحاولة
سلام
عبدالله جعفر
| |
|
|
|
|
|
|
|
|
|
Re: بوبينة عربيتي الجبانه تخاصم الكربريتر (Re: Abdalla Gaafar)
|
ٍسلام مربع
ابو احمد
ليك علي المره الجاية اسوي ليك بايدي شاي بثلاث نكهات نعناع ، قرنفل . من غير نكهات .. بس كمان برضو وطالما ان الشاي برعايتي من حقي يكون اعرض هترشتي .. لذلك لن يكون في مقدورك التشاكي من طولها .
هل تدري انني تلقيت اكثر من خمسة عروض مجزية جدا .. من بينها طيارة الريس ..
ايه رايك
مايا
المشكلة يا صديقتي .. كيف نخلص المايكرفونات من ايديهم المكنكشه فيها دي ..
هم ماعوره للدرجة دي .. عشان يخلوا بالسهولة ديك المايكرفونات .. ديل يا صديقتي مجارمه عديل كده
بس انت دعواتك معاااي . بس يوم واحد فيهم تحصل عليه قصة سيدنا سليمان مع منسأته التي اكلتها دابة الارض .. وطوالي تلقيني انا ناطه ليكم في المايكرفون
سلمت ياستي
قلقو
معني اكده انت اكيد ما بتعرف في لميكانيكا .. والا وكنت عرفت انو فعلا تحليلي للمشكلة الكانت وقعت للعربية صاح
انصحك انك تسيب سواقة العربات وتتجه لسواقة الركشات .. يمكن تاخذ خبرة شوية في العربات
وتحلل في المرة الجاية صاااح
عبد الله جعفر : الشفيف
ام مازن تعمل شنو ؟ مجبورة ، لانها مستفيدة مني ، اصلها مشاكلها كتيرة وانا حلالة مشاكل ..
في كل مرة تقول لي ان هذه اخر مرة وتوبة لي حبوبة .. وفي كل مرة تخرج من عندي بمشكلة اكبر من التي دخلت بها .. واكون نسيتها الاولى ووديتها لي بيتهم بمشكلة تانية مختلفة عنها ومع ذلك كله .. هي على استعداد ان تدفع كل عمرها وتعمل معي في كشك الحاجة الباردة
عشان كده حضر نفسك ياسيدي عشان تشرب حاجة تمام تريح البطن .. وفي نفس الوقت ابشرك بسماعك اجمل الاغنيات في العالم
اكيد لن تستمع الى اغنيه واحدة بتعرفها ..
| |
|
|
|
|
|
|
|
|
 Re: بوبينة عربيتي الجبانه تخاصم الكربريتر (Re: shiry)
|
الباشمونس شيري
في قطر مليان مواد كيماويه بوادي غريبه متعطل ويحتاج لصيانه عاجله ولخطوره وتازم الموقف كلفتنا الدوله بالاتصال بك لانقاذ الموقف الرجاء حضورك باسرع مايمكن علي جناح بعوضه
ماتنسي العده
يلا سلام
| |
|
|
|
|
|
|
|
|
|
Re: بوبينة عربيتي الجبانه تخاصم الكربريتر (Re: shiry)
|
قيل في الاثر
حله كمونيه ولا دار رياضه
يعني جخفسه لجخفسه اخير جخفست الحله
****
ولقمة من كمونيه ولا بلنتى
***
كمونيه بشطه عليها دوكه ولا هدف ذهبي في اخر دقيقه
والامثيال كتير
ممكن تسمعيها في الرادي وانتي بتبيعي في ليمونك
| |
|
|
|
|
|
|
|
|
|
Re: بوبينة عربيتي الجبانه تخاصم الكربريتر (Re: اسامة الخاتم)
|
سلام مربع
سامه الخاتم
يباركو ليك السمح يا ود امي ،
لا من الناحيه دي ماتشيل هم . اصلي حريفه جدا
يعني اذا ريال مدريد جاب لاعبينه وجاء يلعب معانا .. غير الغلب ماعندي ليهم شيء
انشاء الله حتى لو بلعب معاهم اسمو منو هنايا داك . .
اي اذكرت حتى لو لعبوا ماهم معتز كبير ، ح نغلبهم ح نغلبهم
بس انتو ايدينكم معانا . .
وانشاء الله كل صواميلكم حا ترجع تشتغل تاني
سلمت ياسيدي
هوبليــس
ياخوي دا اثر ركشه ولا شنو ، وبعدين تعال امثالكم دي ياخوي لاقطه من وين
الكمونيه هي الكمونيه حتى ولو عملوها في حلة بريستو .. حبوبتي بتقول لي كده
تجنبي ثلاث كمونيه مشدوده في حله ، و ويكه مشروره في الشمش ، ورئيس بتكلم في الرادي
لكن ماتقول لي فريقكم ماتمام .. قالوا امبارح فسوحوه
| |
|
|
|
|
|
|
|
|
|
Re: بوبينة عربيتي الجبانه تخاصم الكربريتر (Re: shiry)
|
بسم الله الرحمن الرحيم
إنتي عارفة يا شيري أنا لغاااااية سنة 95 شهر 4 لو كنت راكب مع صاحب عربية ونزل يشتري حاجة من الدكان أنا بنزل معاهو لأني بخاف العربية تمش بي وما أقدر أتصرف
وكنت محتار كيف الواحد يمسك الدركسون بي يدو الشمال ويعشق بي يدو اليمين ويتلفت ويبصق التمباك وكرعيهو بي تحت شغالات ودا كلو في وكت
واحد
طيب إنتي وكت بتعرفي في العربات قدر دا الدكان نمرة 23 دا فاضي تعالي أفتحيهو ورشة .. وكان دايرة تستفيدي أبعدي من أهل العوض دا
| |
|
|
|
|
|
|
|
|
|
Re: بوبينة عربيتي الجبانه تخاصم الكربريتر (Re: قلقو)
|
سلام مربع
هوبليس
ياخوي .. كلكم في الهوى سوا
اخير ليكم تتعلموا لعبة ليدو ، او سك سك ..
يمكن شوية كده تجيبوا ليك فلحان ..
كلو مرض قلب ..
المريخ امرض من الهلال والهلال العن مرض من المريح
بدر الدين شنا
يعني هو لازم يبزق التمباك وهو سائق ،
هو ذاتو الواحد يسف لي ..
عشان كده اذا دي نيتك .. اكيد مالازم تتعلم سواقة العربية
احسن ليك .. تشتغل كمساري اهو وضعك الطبيعي نصف جو الحافلة والنص التاني في الشارع
يلا اهو الشارع تحتك قريب ، سف سفتك وابزغها زي ماعايز
جمبي واحد مرة في الحافلة كمساري من هذا ا لنوع . بهدلوا بهدلة امات طه ..
السفه كلها ياااااااااااع علي قرفه جات – طاشه في جاري .. بس قام مادفع الحساب .. لكن الكمساري اخد ليهو كبيعات كده
ياخوي دكانك دا انا ذاتي خليتو ..
ناس القصر الجمهوري اتصلوا بي .. قالوا لي اشري انت بس على الدكان العايزاهو .. انشاء الله مكتب النائب التاني لو عجبك بنفتحوا ليك ورشه
ايه رأيك .. قوية ولا لع ؟؟
قلقو
ماشفت العرض الجديد الجاني من الرئيس البشير .. اصلوا عرف اني مكينيكيه وفي نفس الوقت بصلح طيارات .. وبما انو طيارتهم في القصر الجمهوري واحده وبس .. ومافيش مهندس راضي يطلع فيها عشان يصلحها .
فعمنا الرئيس .. قدم لي وظيفة الميكنيكي الرئيسي في مكتبو . يعني مستشار مكانيكي طيارة الرئيس ..
شغل رئاسه يا قلقو . عربياتكم دي شوف ليكم زول تاني يصلحها ليكم
نحن بقينا شغل مكينكال هاااي استايل
| |
|
|
|
|
|
|
|
|
|
Re: بوبينة عربيتي الجبانه تخاصم الكربريتر (Re: shiry)
|
بسم الله الرحمن الرحيم
شيري بت لأم شيري
سلام مسلح
هو ذاتو الواحد يسف لي
سفَ يسف سفاً
فعل السف ينقسم إلى ثلاث
سف التمباك
سف خيرات البلد
وسف التيراب أي البذور
وأعتقد الأخيرة دي عايزة شرح عشان بنات المغتربين الساكنات جدة ولا الرياض ما عارف
عندنا في مشروع الجزيرة في عملية الزراعة بيقول ليك ما تسف التيراب بمعنى إذا عايز تزرع الفول مثلاً يفترض تضع في الحفرة وأقصد حفرة الزراعة وليس حفرة أخرى 3 حبات فول وما زاد عن ذلك يعتبر تبذير وسف .. معقول يكون تبذير دي جاية من بذور؟؟؟
وأذكر يوم كنا في حواشة أبوي نزرع في الفول أبوي قال لي أختي يا بت ما تسفي التيراب
قالت ليهو
هو مسمم أي فيه مادة السم التي تحفظه من الفئران والآفات الزراعية
أها شفتي البري وفقع المرارة دا كيف؟؟؟
عشان تاني تقولي لي ما تسف
| |
|
|
|
|
|
|
|
|
|
Re: بوبينة عربيتي الجبانه تخاصم الكربريتر (Re: haneena)
|
سلام مربع
حينين
شرفتيني ياحنينه بطلتك البهيه
وايه رأيك تشتغلي معاي
مساعدة لميكانيكي طيارة
الريس
اهو في امكانا نكون
قريبين من مناطق تنفيذ القرارات
اما لو عايزه مناطق اصدار القرارات
مامشكلة نقوم نغير من طيارة الريس
الى طيارة النائب التاني
بس هناك الوضع اخطر بكثير
لانو الحاقدين عليهو كتير
منهم الامريكان
والمصريين
فاحسن ياستي نخلينا مع
زولنا دا ، مافي زول عايز منو حاجة
اهو ممشيها بالبركه
الهمزة موجودة على حرف الزد الانجليزي مابين الشفت والاكس
سلمت ياستي للطله
وياهلااا
| |
|
|
|
|
|
|
| |
shiry
Ahlalawad
garjah
ولياب
قلقو
alfatih
اسامة الخاتم
بدرالدين شنا
haneena
فيس بوك
تويتر
انستقرام
يوتيوب
بنتيريست