|
|
 العروس تعرف ان زوجها متزوج بالصدفة
|
فعلا شر البلية ما يضحك
قصة حقيقية تناولتها الصحف السعودية واليكم القصة التي حدثت بمدينة ابها 000
كانت العروس الجديدة تعرض صور زواجها على صديقاتها المعلمات في المدرسة وتحدثهن بكل سعادة عن قصة زواجها وطيب أخلاق زوجها وحسن معاملته لها وكيف أغدق عليها العطف والحنان والهدايا أثناء رحلة شهر عسلهما.
وبينما كانت المعلمات يتناقلن الصور ويقدمن التهاني والتبريكات للعروس فوجئ الجميع بصرخة مدوية من إحدى المعلمات أطلقتها بمجرد مشاهدتها للصور ثم سقطت في حالة إغماء، وعم الصخب الجميع وهن يحاولن إيقاظ المعلمة التي ما إن استعادت وعيها حتى صرخت أن زوج زميلتها ما هو إلا زوجها ووسط ذهول جميع المعلمات احتدم الصراخ بين المعلمتين وأخذن يتراشقن بالعبارات والاتهامات واتهمت الزوجة الأولى زميلتها بالخيانة بينما الأخرى مذهولة ولا تعرف ماذا تقول وهي تؤكد أن زوجها لم يخبرها أنه متزوج من غيرها.
|
|
 
|
|
|
|
|
|
|
 Re: العروس تعرف ان زوجها متزوج بالصدفة (Re: سولارا)
|
العزيزة سولارا
لك تحياتى
شايفك زى العاوزة تجينى فى اللحم الحى وتتهكمى على التعدد
اوعك من دى بس التعدد ده كلامه كلام ثانى وحاتك مش عشان مرتب الزوجة لكن كل زول بى ظروفو وانا ما بفسر وانتى ما تقصرى لكن الحكاية وحاتك حلال زلال وما فيها اى ريبة ..
تسلمى يا ستى
| |
|
|
|
|
|
|
|
|
|
Re: العروس تعرف ان زوجها متزوج بالصدفة (Re: قرشـــو)
|
يا ضامن الرجال اضمن الميه في الغربال!!
في واحد قريبي شديد عملها وزوجته الاولي وعندها اربعه اطفال في اضان طرش لما الجديده ولدت يقوم ابوه يموت وطبعا هو قال للقديمه انه نقلوه وامان الله قاعد في الخرطوم بحري بس من المكتب وللبيت اها ونحن قاعدين في بيت البكاء وزوجته الاولي بتحمر في بصل لملاح الفطور يدخل واحد من الرجاله ويقول يا بنات الساطوروين؟؟؟ عايزيين يكسروا اللحم اخت العريس طبعا نست انه الاولي جنبها قالت للراجل الساطور نسيناهو في سمايه ود فلان واتخيلو باقي الفلم . اغرب مافي الموضوع اهل العروس طلعوا انهم ما عارفين انه متزوج وعنده اطفال اها طبعا اطفاله صغار وطولوا منه لما شافوه تابعنه في بيت البكاء بابا بابا, قامت واحده من اهل الجديده قالت ديل اولاد منو البقولوا ليهو بابا بابا؟؟؟ بس انا اصلي بغتاظ من الراجل البجدع اطفاله ويعرس دي ويطلق دي بس اتوهطت ليها سمح وقلت ليها ما اولاده انتو عرستوه وما عارفين انه عنده اطفال عنده اربعه ودي زوجته وما مطلقه
| |
|
|
|
|
|
|
|
|
|
Re: العروس تعرف ان زوجها متزوج بالصدفة (Re: قرشـــو)
|
سلام ياعمده عارف لقيت عمده ياعمده ولا بعد كدا ماقصدت اتهكم والله الحلال الفي الدنيا دي كتير بس ؟
مثلا شرب عصير التفاح حلال مافي نقاش بس وحاتك بكره موووووووووووت ما أي حلال بقدر اريده .
مع كل الود والحترام
| |
|
|
|
|
|
|
|
|
|
Re: العروس تعرف ان زوجها متزوج بالصدفة (Re: ام طارق)
|
الاخوان الاعزاء 000
الشكر موصول للجميع 000بس سؤال واحد محيرني وعايزه اجابه ليه من الجنس الخشن 000 لما الواحد فيكم ينوي الزواج مرة تانيه ويشيل الهم البقسم الضهر ده 000 يبقه الدس في شنو 000 ولا معزة لزوجة الاولي لا تسمح لكم بجرح مشاعرها 000
وعلي العموم حولينا وما علينا و الشر بره وبعيد
ولكم ودي
ام طارق
| |
|
|
|
|
|
|
|
|
|
Re: العروس تعرف ان زوجها متزوج بالصدفة (Re: سجيمان)
|
القال ليك منو يا سجيمان مافيه خطا والله بعضه خطا كبير وظلم وجرم واحد يكون عنده خمس سته اطفال وعلي قول امي دا ياكل من خشم دا محتاجين ربايه وتعليم وتكون مقدرته الماديه مش ولا بد يقوم يلم ليهو في واحده يكون قطارها قرب يصفر وتكون وارثه او شغاله وكمان بعد الزواج تطفش بيهو من البلد لبلاد الاغتراب وبعد داك اولاده ولا في الحلم ما يحلموا بيه ولا مليم منه ما تصلهم ويكونوا خمس اطفال ابرياء ضاعوا
| |
|
|
|
|
|
|
|
|
|
Re: العروس تعرف ان زوجها متزوج بالصدفة (Re: قرشـــو)
|
الاخت دومه
الاخت ام طارق
لكن السلام
لعله بعد المعايشة فى بلد صاحبة القصة نجد ان التعدد هنا شىء عادى جدا وليس بمستغرب فهؤلاء يتزوجون مثنى وثلاث ورباع بصورة اكثر من عادية ولذا لا تحزنوا كثيرا من اجلها لانها ستجد الامر من حولها يتكرر بصفة دائمة ولا عزاء لمن تزوجوا عليها ..
كما قالت الاخت دومه ان يكون للرجل كم من الاطفال وده ياخد لقمة ده وبعد كده يتزوج فلا شك ان الامر فيه خطأ ام لم يكن من قبل الرجل فمن قبل المرأة وقبل ان نلقى اللوم على هذا او ذاك لابد من دراسة كل حالة على حدة حتى نصل لنتيجة موضوعية وقد نجد الاعذار لاولئك..
لعل النساء تدربن على تقبل مثل تلكم الصدمات واجرهن على الله ..
مع كل الود
| |
|
|
|
|
|
|
| |
Elmosley
قرشـــو
doma
سجيمان
فيس بوك
تويتر
انستقرام
يوتيوب
بنتيريست