كتب الكاتب الفاتح جبرا المتوفرة بمعرض الدوحة
|
|
 ونسه بنات
|
السلام عليكم أخواتى العذيذات
هذه الساحه مخصصه لنا نحن البنات فقط نتعرف فيها على بعض أكثر بعيدا عن السياسه ودوشتها..نقضى فيها أستراحتناوقت المغيب..نحكى فيها عن أحلامنا للمستقبل..نحكى فيها عن مواقف طريفه مرت بنا..أنها ساحه حره..من الممكن أن تكتبى فيها عن بيت شعر أعجبكن..نكته..قصه أو مشكله أو أى شئ يخطر ببالك
يلا يا بنات خدو راحتكم المساحه هذه مخخصه لكن فقط بعيداعن فضولى البورد 
يلا قولو بسم الله وأدخلو برجلكم اليمين
تحياتى
وفى أمان الله
لا اله الا الله
|
|
 
|
|
|
|
|
|
|
|
Re: ونسه بنات (Re: bint_alahfad)
|
ويقولون أن ونسة الحريم فارغة
وبيني وبينك هى في الآخر لا بد تنتهي بالفارغة
ولو انو هذه الفارغة يختلف مدى فرغانها من شخص لآخر
يعني لما يقعدوا يتكلموا عن المكياج والكحل يكون الغرض نبيل واساسي
تخيلي لو اتهمت إحداهن بأنها (سطحية ) لا تفكر إلا في هذه ال(جماليات)
وأنها لا تغذي فكرها بهيند أند شولدرز كما تفعل مع قشرة شعرها،،
الخ الخ الخ من هذه التنظيرات
فإذا ما تزوجت وبانت شخصيتك وقوتك وحلفتي ما تختي للحنة اعتبار
اتهموك بالعضلنة من عضلات،، ولغضب زوجك واتهمك بالعشكبة
وكذا مجتمع الحريم،، ولطار له جمال فكرك من راسه
يبقى من الجائز أن يكون مثل هذا الموضوع مليان وما فاضي
وإذا ما تحدثت عن العواسة والدوكة،، بتعرفي الدوكة صحي ؟؟؟
فالغذاء هو السبيل الوحيد لدوام الحياة
ورغم أن التفكير في البيئة الصحية والتغذية الصحية السليمة لا خطر على بال معظم نساء السودان ،،رغم ذلك فهن يتشبعن كلاما عن العواسة والكسرة والملحات والمحشي وكيف ابدعن يوم طهور بت عنايات و الخ الخ الخ
لما يطلعوا الأكل من نفسك
هم بس لو اتخذوا سبيل الوسط فلا مشاكل
المهم أن هذا الموضوع لو اتخذ بشكل سليم فهو ليس فارغ
مليان ومدفق الحلل
ولو تحدثت عن الولادة والوضع و(في ولادة بتي الآولى جاني الشنشمير) ولا تسأليني ماهو لكني ارجح كفة تسمم حمل،، و (لما ولدت ولدي الأول كان حمل غزلاني) يعني بطنها مافي،، الخ الخ الخ
هذه خبرات حياتية يحتاحها الجميع ويرعاها الطب ولو انهم يتداولنها بشكل اقرب للخرافة
وحدة تقول ليك لما ولدي اتولد قامت شجرة سدر في غرفة الولادة دلالة على الصلاح،،، والله يكرمك كلامات ما تديك فرصة دهشة حتى
أو جلسن للقطيعة فقلن راجل فلانة سوى ،، بت ناس عبد العزيز عرسوها ،، فستان رقيص سماح عواليق
الخ الخ الخ
ولن ا تطرق هنا لمجلس الرجال لانه كلو كواريك وشتايم وكورة لا بتودي ولا بتجيب
فإذا فرضنا أن احدهم حلل لعبة الهلال مع فريق سقط لقط،، وطلع بي تحليل قويم،، حيستفيد شنو؟؟؟
كمال حامد اساسا ما مقصر الله يدي نضاراته الغايظاني دي العافية
ما رأيك أن نفتح حديثاً قويما،، يساعد على محو فكرة أن كلام النسوان فارغ،، شرطاُ ان لا يتعدى حد الزعمطة
فاني ارغب من زمان في أن اسألك
وانا الاحظ مدى التزامك الديني،، ما شاء الله عليك،، وخطك القويم الذي لا تغييره
سأقول بصراحة أنني لو وجدت لك يوما بوستا ترفيهيا وونسة عادية من بتاعت (الليلة في سعد قشرة ببيعوا سفنجات عاااااالية رخيصة حقو نلحقها) لاندهشت لذلك لان الانطباع الذي اخدته عنك كان طابعه الأساسي الجدية
ليس لدرجة الصرة لكن لدرجة الإحساس بالقوة وعدم الحيادية
وهكذا يصفون في العادة الفتاة الملتزمة دينيا وخلينا نقول ملتزمة حجابيا
لماذا من واقع تجربتك يا بت الأحفاد (ولا ينفي ذلك ان لي تجربة خاصة) لماذا توصم المحجبة دائما بالجدية والقوة واتجاه التفكير الواحد،، حتى لو كانت في مثل سماحتك وهدوئك ونظرك السليم في الغالب
هل عانيتي من هذا الإحساس المعمم تجاه المحجبة خصوصا انك في دولة اجنبية كما تفضلتي وذكرت؟؟
تسلمي للونسة الحارة
تراك فشيتي كضمتي دي
| |
|
|
|
|
|
|
|
|
 Re: ونسه بنات (Re: بت قضيم)
|
سلام جاراتي العزيزات
ام قضيم مشتاقين مالك على البت خففي شوية عليها لكن كلامك 1000موافق على اغلبيته ,عملية السطحية دي مشكلة في مجتمع البنات لكن مابقول ليكم انهم مظلومين لانهم هم الجايبنوا لي روحهم في عز المصائب تلقي اغلب بنات حواء اهتماماتهم بي حاجات غريبه لدرجة مرات بحس بي نفسي فضائيه (جاي من كوكب تاني ) مع اني ذي ذي اي بت بحب اهتمامات البنات بس مش بالشكل السلبي الحاصل اليومين ديل
اخيرا سلام اقعدوا عافية
| |
|
|
|
|
|
|
|
|
 Re: ونسه بنات (Re: bint_alahfad)
|
العذيذه جدا بت قضيم
تحياتى وأحترامى وعذرا لتأخرى فى الرد
دوكه؟ معليش أول مره أسمع بهذه الكلمه..فماهى معناها؟
صحيح كثير من ونسات البنات فارغه ولكن ليست كلها..كماأعتقد ومن حسب فهمى تختلف على حسب ثقافه الفتاه وأهتماماتها المتعدده
فهناك من تتحدث طوال الوقت عن المكياج أو حتى الأولاد وبينى وبينك بشعر بمملل شديد من هذه الونسه التى لن نطلع منها بحاجه مفيده
هناك من تتحدث عن الموضه وأخر صيحات الأذياء
وأخروات فلانه عرسوها وفلتكانه طلقوها..والبت ده شايفه روحا..الخ
وأخروات أهتماماتهم متعدده من دين وثقافه وهوايات وأدب من غير أن تنسى الحديث عن الجمال والموضه ولكن لا تكون الموضه كل أهتماماتها بل جذء منها حتى لا تنسى أنوثتها وأحبذ هذا الصنف الأخير
يعنى تكون الونسه متعدده ولا تنحصر فى شئ واحد وفى نفس الوقت ما تدخلنا فى ذنوب نحن فى غنى عنها
أضحكتنى الأمثله التى وردتيها والتى تؤكد بشكل قاطع..نعم دعينا نعترف ولوفى ذللك مرراره..نعم نحن النساء حديثنا فارغ الا من رحم ربى مننا..بس كلو كوم والقطيعه فى الناس دى كوم تانى..تخيلى حتى الرجال أتعادوا مننا وأصبحت القطيعه شئ أساسى فى حديثهم
قولك
*
ما رأيك أن نفتح حديثاً قويما،، يساعد على محو فكرة أن كلام النسوان فارغ،، شرطاُ ان لا يتعدى حد الزعمطة*
موافقه بشرط أن تشرحى لى معنى كلمه زعمطه
قلتى
*
فاني ارغب من زمان في أن اسألك
وانا الاحظ مدى التزامك الديني،، ما شاء الله عليك،، وخطك القويم الذي لا تغييره
سأقول بصراحة أنني لو وجدت لك يوما بوستا ترفيهيا وونسة عادية من بتاعت (الليلة في سعد قشرة ببيعوا سفنجات عاااااالية رخيصة حقو نلحقها) لاندهشت لذلك لان الانطباع الذي اخدته عنك كان طابعه الأساسي الجدية
ليس لدرجة الصرة لكن لدرجة الإحساس بالقوة وعدم الحيادية
وهكذا يصفون في العادة الفتاة الملتزمة دينيا وخلينا نقول ملتزمة حجابيا*
أختى العذيذه اللذيذه
أولا أشكرك على كلامك الجميل..ثانيا أنا لا أرى اى مشكله بين أن تكون الفتاه ملتذمه وتروح عن نفسها أو أن تتونس فى مواضيع أخرى غير الدين بشرط الا تكون فيها معصيه من قطيعه فى الناس وقول البذئ من القول وخلافه
ولا توجد مشكله بأن تكون الفتاه ملتذمه وهى تمارس الرياضه من جرى, ركوب الخيل, السباحه وحتى ركوب الدراجات بشرط الا يكون ذلك أمام رجال
يعنى بينى وبينك أنا بحب أركب دراجه وما تقولى على مسترجله فى ذللك فهى ليست مقصوره على الاولاد ولكنى لا يمكن أن أركب الدراجه فى الشارع أو فى البارك حتى ولو كنت فى لندن..يعنى ما فرقت لكن أن كنت أمتلك حوش كبير ولا يطلع على فيه أحد غير أهلى..يعنى محارمى لفعلت ذللك..
يعنى البت الملتذمه ليست من المفترض أن تكون صاره وشها..ومفروض تتكلم فى أمور الدين فقط..ولكنى أفضل أن أكتب بوستامفيدا يستفيد منه الجميع بدل الونسه التى لن تفيد أحد..خصوصا أنناسنسأل عن وقتنا كيف قضيناه
قلتى
*
لماذا من واقع تجربتك يا بت الأحفاد (ولا ينفي ذلك ان لي تجربة خاصة) لماذا توصم المحجبة دائما بالجدية والقوة واتجاه التفكير الواحد،، حتى لو كانت في مثل سماحتك وهدوئك ونظرك السليم في الغالب*
حبيبتى..ربما الكثير من الناس يفهمون الدين خطأ..ويعتقدون أن الألتذام لا يكتمل الا بصره وش..نعم الفتاه الملتذمه يجب أن تكون حريصه فى تصرفاتها خصوصامع الشباب..ولكن مع الفتيات مثلها ما المانع أن تاخد راحتها على الأخر..ما المانع أن تضحك وتجرى وتتهابل وتجر لديك شعرها..ما المانع أن يغنوا سويا بدون اللجوء للموسيقى..من المانع أن يرقصن سويا؟
ليس من المفترض على الفتاه المحجبه أن تكون صاره وشها كأنهافى الجيش..بينى وبينك أنا لا أحب البت البتصر وشها لأنى طبيعتى مرحه ولن تعرفى ذللك الا أذا قابلتينى وجها لوجه أو حتى تحدثتى معى بالتلفون
وأوكدللك أنه لو كان هذا البود مخخصص للبنات فقط لما كنتى أحسستى بألجديه ده برغم مواضييعى الدينيه, ولكن لأن البورد مختلط يجب أن أبدى الجديه هذه
نعم أحسست بالشعور الذى وصفتيه *
هل عانيتي من هذا الإحساس المعمم تجاه المحجبة خصوصا انك في دولة اجنبية كما تفضلتي وذكرت؟؟*
تخيلى أن بعض الصديقات اللآتى أتعرف عليهن لأول مره يعتقدن بأننى متشدده ويجب أن أكون جالسه بصمت ولا أتكلم الا عندمايتحدثن الى..ولكن يندهشون عندما يجدونى شخصيه مرحه ونجر فى الونسه..ربما هم معذورون عن الفكره التى أدخلتها هولاء الفتيات فى عقولهن بأن الدين لا يكتمل الا بصره الوش..لكن فى المقابل توجد الكثير من الفتيات الملتذمات المرحات الظريفات جدا..وللأسف لن تعرفى عنها ذلك الا أذا صادقتيهاأو تعرفتى عليها
أرجو أن أكون شفيت غليلك
وتسلمى للونسه الحاره
وواصلى..
وفى أمان الله
لا اله الا الله
| |
|
|
|
|
|
|
|
|
|
Re: ونسه بنات (Re: bint_alahfad)
|
حفودة العذيذة
يعني بشتنتي حرف الزال
الغريبة الناس كلها ما بتلقى الذاي في الكي بورد بتلخبطها مع الزال،،، انت ما عندك الزال شكلك وبتكتبي بدالها ذاي
يا عندك لدغة وغالبا تكون حلوة ذي حديثك الحلو ده
اتذكرت فجأة ولو انه ما في علاقة،،
اتذكرت قصيدة مغناها بتقول
المدلل ضريب مثل عجوة معطونة بالعسل يا نسايم الليل
كل ما اسمع المقظع ده بجيبني سدة نفس وتخمة ما بقدر اهضمها بسهولة
والمناسبة شنو اقول الكلام ده والله ما عارفة،، بس كلام حلاوة الكلام جابت السيرة
تسلمي للرد
واجيك للرد لاحقا لاحقة لي حفلة اغماءة جميلة
| |
|
|
|
|
|
|
|
|
|
Re: ونسه بنات (Re: bint_alahfad)
|
..
.
سلام يا بنات الحلة
كدى ادخل برجلى الشمار ومعها حركة للخلف باليمين
مش كلنا فى بورد واحد يبقى نحن جيران ؟؟
والله الاوتكيت ما بسمح للتحشر بس عدم موضوع وكدا
قلت اشوف بتقولوا فى شنو ؟؟
لقيت هوبلس سبقنى وشجعنى
اصلو دا هوبلس كيس .. ما بنمسك الا يشمم الشمار
كنت عايز اقول شنو يا ربي
الكلام طار ولخبطونى
ايوووووه
موضوع الزين والزال
اعتقد بتنا دى بتتكلم بالذاء زى الثاء وكدا
لكن ما ممكن الكى بورد بتاعها دا يكون ليه سنتين
بعدين الدوكةدى ماتشريحها
حسع انتو اقتنعتوا بالصاج الكهربائى والمايكرويف والحاجات ديك
ولا احسن الدوكة ومرفقاتها
سؤال اخير
هل بتعقدوا ان نقاش الفتيات والفتيان فى مواضيع شتى
وحتى ان كانت متعلقة ببعض الخصوصيات فى الحياة العامة
مجدة وهل تستفدن منها دوما
بجيك ماشى الديوان وجاى
سلام
| |
|
|
|
|
|
|
|
|
|
Re: ونسه بنات (Re: bint_alahfad)
|
اذيكم يابنات
قريت ونسة بت قضيم
لقيت كلام كتير حرقني
بالذات عن الونسةالفارغة
عارفة بتخيل انه الونسة الفارغة دي دايما بتكون بين ناس
لسه ما عرفوا بعض كويس ، في الغالب يعني، فبيحاولو
يلاقو مواضيع يتكلموا فيها وهم ما ما مركزين
يعني كان قاعدين قدام تلفزيون يشوفوا ممثل يتكلموا عنه لما تقلبي منهم القناة يشوفو بعدها مطرب نفس الشي يمسكوا في سيرته
يشوفو مذيعة يمسكوا في طرف فستانها الاستايل خالص لحدي ما يجيبوه الارض
وهكذا
كذلك الاولاد
اما اذا كان الناس اصحاب واحباب فبكون كل شي مرتب وكل شي بحساب
وبتكون في اولويات وحاجة ماسة لبعض المشورات
بلص مجموعة لا باس بها من الشمارات
تصل حد الزعمطة على قول بت قضيم
عشان كده انا افتح طريق ونسة بتاع اصحاب اصحاب
يعني مثلا اقول ليك انتي عندك لزمة في كلامك
يعني شنو اكتر شي بتردديه كتير اثناء الكلام؟؟
انا مثلا بقول
بالله كتير
او
لا حولا
واتعلمت لي كمان حاجة جديدة في كتاباتي في البورد
كل شوية بكتب شفت كيف
!!!!!
اها وانتم؟؟؟
هسه مناسبة كلامي ده شنو عاملة نفسي وناسة شديدة يعني ؟
| |
|
|
|
|
|
|
|
|
|
Re: ونسه بنات (Re: bint_alahfad)
|
سلامات أخواتى العذيذات
الليله ياربى بقيت عموش ولا شنو؟ معقوله تكون سولارا كتبت وأنا ماشفن كتابتها؟ سولارا عليكى النبى أنت كتبتى بالحبر السرى ولا شنو؟ معليش أمسحيها فى وشى وما تاخدى بخاطرك..بعدين ما مشكله عذيذتى أنشاء الله تجدى هنا من تقارب أهتماماتك بس ما تسى تجيبى معاكى الشاى بالنعناع ومعاه شويه لقيمات وتجى..منتظرينك ما تتأخرى
بت قضيم اللذيذه
كيفك أنشاء الله تكونى تمام؟ الليله يومك كان كيف؟ الليله كان عرس بنت عمتى فى السودان أتصلنا بيهم كانوا مهيصيين شديد..عقبالكن جميعن أنشاء الله
أها قلتى كيف؟ الذال بتاعتى عجبتك؟ ألفها ليكى بس أبقى فى كلام الأخ تبلدينا ده عشره..أنا عندى الزال فى الكيبورد بتاعى لكن ما بفرق بيناتم كتير..يعنى الذال والزال مواحد؟ طب لذومو شنو التفتيش والعذاب خلينا فى الأريح أحسن
يلا يا بت قضيم ما تتأخرى..سولاارا جايبه الشاى وجايه, الفحى توبك وتعالى بسرعه..فتك بعافيه
فى بيتنا رجل!
الأخ الكريم هوبلس
شكرا للنصيحه..والحاله نحن كنا عايذين ناخد راحتنا شديد ولكن جات الحذينه تفرح..ملقتلهاش مطرح
الأخ الكريم تبلدينا
وعليكم السلام ورحمه الله
دعنى أذهب مباشره الى سؤالك الأخير
نقاش الأولاد مع البنات لا يفيد شيئا أن كان خاصا..يعنى ولد وبنت لأنه تكون فيه الكثير من المجاملات والكذب والتجمل من الطرفين وخصوصا الولد..لأنه لا ينسى أبدا أن من أمامه هى أنثى..فبالتالى يتجمل أمامها..لن تكون منه فايده لا من ناحيه دينيه ولا دنيويه كما أن البنت لن تجد راحتها التأمه فى الحديث مع الأولاد لأنها وفى كثير من الأحيان لن تستطع أن تحكى له بسرها..أنا هنا أتحدث عن الفتاه العاديه..أما التى يكون معظم أصدقاءها أولاد فلا أعرف عنها شيئا..أما بالنسبه للمناقشه فى مجال مفتوح مثلا البورد مثلا فهى أخف ضررا والأمكانيه فى الأستفاده تكون أفضل للأختلاف الأراء والثقافات والبعد عن الأختلاط المباشر والله أعلم
الغاليه هوزى..كيفك أنشاء الله تكونى تمام؟
أوافقك الرأى أنكى حين لا تعرفين شخصا ما جيدا ما حيكون لديك ما يكفى لتقوليه..بس أنا لسه مصره تورونى كلمه ذعمطه ده معناها شنو
أها النقول ليك..أنا أكثر كلمات برددها ماشاء الله وأنشاء الله ولاحوله ولا قوه الا بالله..ويا سبحان الله
العذيذات سودانيه وذوله 123
حبابكم عشره بلا كشره..أتفضلو أدخلو برجلكم اليمين, ومشكوره يا ذوله على اللينك لكن نحن عايذينك بيجاى أوضتكم ده أتملت رجال على نسوان ونحن عايذين نتونس براحتنا هنا, يلا ما تتأخرى
العذيذه بنيه
وينك ليكى ذمن ما باينه؟ أنشاء الله تكونى تمام وتسلمى للطله, لكن عليكى الله ما تتأخرى راجياك ونسه كتيره
أها يا بنات ممكن أفتح لى موضوع..فالنبدأ كل واحده تقول لينا هى بتجيد شنو من طبخ أو هوايه معينه
ثانيا أكثر الأشياء التى تعجبها فى الفتاه أو الشاب..يعنى لو وحده فيكن جات تختار شريك حياتها لا قدر الله ما هى الأشياء الثابته التى لا يمكن تتناذل عنها والحاجات الممكن تتفاوض فيها وكده
يلا خلينا نسمع منكن
وفى أمان الله
لا اله الا الله
| |
|
|
|
|
|
|
|
|
|
Re: ونسه بنات (Re: HOPELESS)
|
الحمد لله جات منكن لوحدكن
خلاص يا ود البكري نحن حنصفي موقع للحريم ووقع للرجال .. بعدين ما نسمع الحريم يقولوا عايزين مساوة مع الرجال .. ديك المساوة الدوشتنا..
بين في كل مكان دا مكان مخصص للحريم ممنوعدخول الرجال .. نحن كمان عايزين مكان مخصص للرجال ممنوع دخول الحريم .. وكده تكونالساواة .. والل الوالحد بقى في بيتوا يقولوا ليه .. يلا اليوم دا مخصص للحريم..
مع تحياتي لجميع أخواتي وأشد من أزركن وخليكن في طريقكن هذا .. برنا يبارك فيكن
| |
|
|
|
|
|
|
|
|
|
Re: ونسه بنات (Re: obay_uk)
|
معذرة يا أخوات للدخول الغلط دا .. عشان كده أنا بقترح على ود الكري يعين ليه واخدمن جماعة الأمر بالمعروف علشان يفصل بين الحريم والرجال وما يخلينا تاني ندخل غلط ..
| |
|
|
|
|
|
|
|
|
|
Re: ونسه بنات (Re: bint_alahfad)
|
ازيكم يا بنات
فيصل النعيمة
دة كلام خشم ساي قال دايرين انفصال
سمح وقت دايرين الانفصال مالكم داخلين هنا ولا الشمار كاتلكم
هوب فول ..تبلدينا..ابى :وووووب من الشمار ما تتاقوا ساى الا تكتبوا يعنى
بت قضيم اللذيذة
ونسة البنات فارغة؟؟ هل هذا التصنيف له علاقة بتصنيف الادوار فى المجتمع الذى جعل للرجل ان يخرج للعالم ويساهم فى صياغته فزوده بادوات فكرية والذى جعل المراة فى البيت والمطبخ والعيال مما حصر اهتماماتها فى هذا المجال .... فى اعتقادى ان هذا له دور كبير ويا الجندرية الحقينا برأى علمى
لكن هذه الصورة بدات فى التغير والمتابعين للبورد فقط يمكن ان يلحظوا هذا التغير اقلام نسائية جادة وفاهمة وفى مختلف الاهتمامات ولا رايكم شنو؟؟؟
بت الاحفاد:
كيفنك
بالنسبة للدوكة فى بوست عن اللغة الدارجة دى باجيبه واجيك راجعة
اما بالنسبة لانه ونسة الاولاد والبنات لا يمكن ان تكون مفيدةوان الاولاد دوما يتعاملون مع البنت على اساس انوثتها دعينى اختلف معك لان هذه الصورة لم تزول تماما ولكنهافى طريقها للزوال خاصة بعدالجامعات والعمل فلم تصبح المراة هى ذلك الكائن الغامض السري الذى اذا هبشته ينكسر بل هى انسانه عادية بصفات متباينة وليس هنالك فورمة محددة يتم التعامل بها معها وكذا الرجل بالنسبة لنا لذا داوما ما نكون الحوارات بين انسان وانسان وليس رجل وامراة لانه ليس هنالك قالب واحد
بت قضيم قلتى لى فى سفنجات رخيصة وين؟؟؟؟
| |
|
|
|
|
|
|
|
|
|
Re: ونسه بنات (Re: hala guta)
|
العذيذه بت الأحفاد اسمحي لي استعير كلمة العذيذه ولايهمك ياستي مافي عتب بيناتنا وبعدين اختك غاوية لخبط ماأكتب ذي الناس مابتكتب جاي بالعكس مالي ولو على الشاي ولايهمك مع كيك لوتحبي تحياتي للكل
| |
|
|
|
|
|
|
|
|
|
Re: ونسه بنات (Re: bint_alahfad)
|
السلام عليكم أخواتى العذيذات
هوذى العذيذه
كيفك اليوم أنشاء الله تكونى تمام
قلتى لى الا عملى..حيرتينى عديل كده والله..يعنى ما فى فايده نمشى نفتش لينا ديكشنرى ولا شنو؟
الأخ الكريم فيصل النعيمه
لا نحنا ما حنطالب بالمساواه مع الرجل ولا حاجه, وأعتذارك مقبول..والأولى لك والثانيه عليك
الأخ الكريمobay_uk
أنتى قريت العنوان الجابك بيجاى شنو..أعملو حسابكم المره الجايه ما تسرحو عشان تخلونا فعلا ناخد راحتنا..والعذر مقبول
الأخت العذيذه hala guta
أولا مرحب بيكى وحبابك عشره..ومشكوره على المساعده فى المفردات اللغويه وكده..أما عن وجهه نظرك عن ونسه الأولاد والبنات وقولك أن وجهه نظر الاولاد أختلفت فلا أعتقد حتى التعليم المختلط والعمل قد غير هذا المفهوم بل على العكس تماما وياريت أنتى وباقى الصديقات يتناقشو أكثر فى هذا الموضوع, وشكرا على الزياره والدار دارك
الأخت العذيذه سوسو..ده أسم الدلع وين الشاى؟ منتظرينك من العصريه..ما تتأخرى
فتكم بعافيه
وفى أمان الله
لا اله الا الله
| |
|
|
|
|
|
|
|
|
|
Re: ونسه بنات (Re: bint_alahfad)
|
واضح من كلامي أني دخلت عند رؤية تكرار الأسماء الرجاليه في آخر من كتب ، فدخلت عشان ناخد بعضنا ونطلع انشاء الله مافي غيره وزعل
ونعتذر عن دخول الرجال مجددا
| |
|
|
|
|
|
|
|
|
|
Re: ونسه بنات (Re: bint_alahfad)
|
السلام عليكم أخواتى العذيذات
جو البورد اليوميين ده مكهرب أنشاء الله الغمه تروح ونرجع لونستنا من تانى
لكم تحياتى
وفى أمان الله
لا اله الا الله
| |
|
|
|
|
|
|
| |
bint_alahfad
بت قضيم
zola123
benyya
obay_uk
فيس بوك
تويتر
انستقرام
يوتيوب
بنتيريست