|
|
|
 Re: عــــــمّـة مـــــان شــــو (Re: garjah)
|
ياقرجة
عمة مان شو ...دعاية لنوع جديد من العمم والا شنو
لكن حكاية القماش الكتير فعلا يوم الاحد بيغطي على موضوع النقاش
انا غايتو واحد من الناس سهرة ايام لها ايقاع برجاها عدييل كده
اها رايك شنو
| |
 
|
|
|
|
|
|
|
 Re: عــــــمّـة مـــــان شــــو (Re: كبسيبة)
|
غايتو يا فقراء عندكم جنس حقد عجيب خلاص
نحن بنكبر العمم دي لمنو..؟ ماليكم انتو يا غبش عشان تتطمئنوا انو السودان لسه بخير .. وانو الواحد لو ما عندو حاجه تسترو ممكن نقطع ليهو من طرفه ونفصل ليهو منها جلابيه وعراقي وسروال بتكه بس تتكفلوا بحق التكه يا حوش
نحن نتعب ليكم وانتو تنبزونا شعب غدار
| |
|
|
|
|
|
|
|
|
|
Re: عــــــمّـة مـــــان شــــو (Re: garjah)
|
يا قرجة العمم دى عندها فنكشن تانى لانها بتلم الصلع والريسين المحفرة دى. بينى وبينك حسين ده كان ملص العمة في زول بقيف. السترة احسن. بعدين كان العمم ملت عليك الشاشة اشترى ليك تلفزيون خمسين بوصة خصيصا لقناة النيل الازرق. الدنيا ما معروفة قرنق جاى وعمتو بتكون بطانية عدييييل.
| |
|
|
|
|
|
|
|
|
 Re: عــــــمّـة مـــــان شــــو (Re: sentimental)
|
قرجة سلام كبير.
قال الشاعر :
أنا إبن جلا و طلاع الثنايا
متى ما أضع العمامة تعرفوني
لو سلمنا جدلا بأن العمة هي رمز من رموز هويتنا ( كالجلابية و المركوب الفاشري ) فقد إختلط الحابل بالنابل.
الجلابية عندنا نوعان : الجلابية العادية ، و جناح أم جكو أم جيبين.
أما العمامة فحدث و لا حرج ( مع إحترامنا التام لذوقيات الناس ) :
فهذه كعش النسر الأمريكي.
و تلك كالمصارين بعد طبخة جقاجق.
و أخرى كشعر إستيفي واندر أو الطايوق، و كأن صاحبها قد قام بلفها بمفرمة لحمة مقاس عشرين سم.
و عمة مثل طاقية حرس الحدود الهندي.
و عمة ، تجد العزبا الواقعة خلف العمة أطول من العمة.
و الآن العمة و الشال و الجلابية طقم واحد ( سمعت أنهم الآن بصدد عمل مركوب فاشري ألوان مختلفة لتتماشى مع باقي الطقم. ) بس بيتوقف معرفة الموضة دي على مصور البرنامج إياه عشان نقدر نشوف الجزمة لو ماشية مع الطقم الفوق ولا لا.
و هناك الآن شال أحمر ( الغترة السعودية ) يلفها البعض كالعمة.
و العجب ، بعض الجاليات تلقاها لابسة بنطلون و لافة عمة.
و للعمة في اللافيها شجون.
| |
|
|
|
|
|
|
|
|
|
Re: عــــــمّـة مـــــان شــــو (Re: ابو جهينة)
|
حبيبنا الغالى قرجة
يسعد صباحك بالحب
Quote:
يسدل الشعر على جوانب وجهه المنتفخ نعمة وثراء من بيع الكذب وتسويد الصحائف
|
لعل الوجه الاخر للرجل غير معروف فى النقطة اعلاه ولكنى شاهد عيان فقد كان الرجل زميلى فى المرحلة المتوسطة واشهد ان والده كان من كبار تجار امدرمان ولهم دكان بجوار جامع امدرمان الكبير وكنا كثيرا ما نزوره هنالك وهذا للحقيقة والتاريخ ولكى نفصل بين الامور ..
اما ايام لها ايقاع فالحديث عنه ذو شجون ولا شك ولكنه قدم فى حلقات سابقات روائع من الشدو والطرب اهمها فى البدايات مع الاستاذ عبد الكريم الكابلى ولكنى فعلا استغرب لماذا بعض البرامج تبقى متجددة فى كل دورات التلفزيون ؟؟؟
اوافقك الرأى ان حكاية العمم كانت اكبر من قدرة احتمالنا ولو انهم ينقصونها قليلا لكانت اجمل ..
لك تحياتى واحترامى عزيزى الفاضل
| |
|
|
|
|
|
|
|
|
|
Re: عــــــمّـة مـــــان شــــو (Re: قرشـــو)
|
عمدتنا قرشــــو
وشهد شاهد من اهلها
بس لكن هسع في تاجر واقف على حيلو عليك الله غير الجماعة الانت عارفهم؟؟؟
الزول اصلو لو طزيان قدر ده ما يجيب ليهو خمسة عمم يختها في الاستديو الضيوف اول ما يبدا البرنامج كل واحد يلف ليهو واحدة
يخلص البرنامج يقلع لحسوني عمتو
وهكذا دواليك
سنتمنتال
ياخي بس ما تكلم زول
الجماعة جرو واطي في موضوع الخرفان
خسسسسسسسمتك
| |
|
|
|
|
|
|
|
|
|
Re: عــــــمّـة مـــــان شــــو (Re: ابو جهينة)
|
الحبيبر ابو جهينة
كيفك يا غالي...يارفيق بوستات دريمز
قلت
أنا إبن جلا و طلاع الثنايا
متى ما أضع العمامة تعرفوني
هسع تقول ابن جلا دي الناس تفتكرك بتزم في روحك
يقول ليك ده قال عن روحو جلا
في تقليعة جديدة برضو قايم بيها الممثل علي مهدي
ما متذكر اسمو كويس وهو افتكر رئيس اتحاد الممثلين العرب
ده بقى عمتو ملونة شي اخدر وشي كحلي
ويجيك الشنب قادي الشاشة ومارق
| |
|
|
|
|
|
|
|
|
|
Re: عــــــمّـة مـــــان شــــو (Re: sentimental)
|
سنتمنتال صديقي العزيز
اشتري تلفزيون خمسين بوصة شان افرش فيه العمم؟؟
شوف عمة جدنا المهدي دي كانت مهذبة كيف
انت عارف يا سنتمنتال واحد لما يديك كلام حلو ويجاملك زيادة
كنا بنسميهو لف ليك العمة
لكن جون قرنق لو بلف العمة الحرب كان لزومة شنو؟؟؟
| |
|
|
|
|
|
|
|
|
|
Re: عــــــمّـة مـــــان شــــو (Re: garjah)
|
عمى قرجة
شفت العمة كيف عند جدنا. لكن تقول لى ناس زعيط ومعيط. الواحد فيهم عمتو توب حبش.
اها ما قلت لى ضبحتوا وسلختوا منو وليه? والجايه متين.... عشان الواحد يعمل حسابو يا عمو.
| |
|
|
|
|
|
|
|
|
|
Re: عــــــمّـة مـــــان شــــو (Re: سجيمان)
|
CG man
كيفك يا غالي
عمة مان شو الهلال رشو
مادام سعلتني يبقى عندي حق اتفلهم عليك شوية
انت عارف ياسجومي عمةمان شو اخو برناردشو لزم
حتى في بعض الرويات بيقولو انهم تيمان
عمة مان شو ركب البحر ونزل السودان وعرس كلتوم بت مساعد
قامو خلفو الغبشة الانت شايفه دي
اخوه برنارد شو قعد في بلاد الخواجات وعمل عمايلو الانت عارفة ديك
| |
|
|
|
|
|
|
|
|
|
Re: عــــــمّـة مـــــان شــــو (Re: garjah)
|
قرجة
في حكاية الأنساب دي ، أسألني أنا يا قرجة ود عمي. أنا عندي كتاب قديم لقيتو صدفة ، فيهو كل الأنساب القديمة ، قالوا مان شو ، أخو كوماتشو المنغولي بالأبو، أصلا جا مع هولاكو التتري لما دخلو بغداد ( العلوج الأوائل ) ، قام عرسوا ليهو واحدة خاساوية كانت مخطوفة من ميناء سواكن ، زوجها الأولاني أكان إسمو سمبوك الرشيدي ( كان مهرب بين جدة و سواكن ) أكلو سمك القرش .
المهم الخاساوية عندها بت من الرشيدي ، زوجوها لولد كوماتشو ، أها إتسلسلو لغاية مان شو دة الحسع سعلك منو سي جي.
فرعهم التاني قالو في موريتانيا بس ما عندهم علاقة بالشناقيط، و عندهم فرع في مكناس بالمغرب إسمهم قبيلة ( الدقلاشو ) ، و لو الوكت أسعفني ، مرة تانية بفتفتم ليك سمح.
عافية
| |
|
|
|
|
|
|
|
|
|
Re: عــــــمّـة مـــــان شــــو (Re: ابو نور)
|
لكن يا ابوجهينة افتكر
ون مان شو ود عم الجماعة ديل
قالو كان جنو يلخبت الحاجات
المهم يوم قاعد يلخبت يلخبت لغاية ما طلعت
ون مان شو العطر المعروف
يقول اختراع
اختراع شنو العالم دي كانت بتجوط الحكاية لغاية ما تظبط
ويجو يقدونا اخترعنا واكتشفنا
الحبيب ابو نور
قلت لي خلي كتير برة القوس واكتب جوة القوس
لحم شحم عمم لغم
سؤال هل تصح صلاة صاحب العمة الكبيرة
حيث يستحيل ان تلامس الجبهة الارض
| |
|
|
|
|
|
|
|
|
|
Re: عــــــمّـة مـــــان شــــو (Re: garjah)
|
يا سنتمنتال
جدك مندكورو ده لو عرس حبوبة جون قرنق
ما كنا شفنا حرب ولا اتفاقيات مشاقوس
كان هسع ابوقرون الاسم المندكوري لجون قرنق
ود عما لينا .. لافي عمتو...وطاقين الحنك يوم في جوبا ويوم في شندي
وقعدة في الحوش وسفرة للخوي
| |
|
|
|
|
|
|
|
|
|
Re: عــــــمّـة مـــــان شــــو (Re: garjah)
|
ون مان شو ود عمهم لزم ، بس أمو سرية ( متزوجة عرفي بكلام الزمن دة ) و كانت بتسوي الكركار و تبيعو ، الولد إتعلم منها اللخبطة ، قعد يلخبط أي حاجة في أي شيء لغاية ما طلع الريحة دى.
إنت شامي حاجة ولا براى ؟
فتك بي ريحة
أقصد عافية
| |
|
|
|
|
|
|
|
|
|
Re: عــــــمّـة مـــــان شــــو (Re: ابو جهينة)
|
ابو جهينة
شامي والا تونسي
قلت لي صاحبك شغال بمبدا ليس يطلع كويس
مين كان يصدق حبوباتنا قدرن يعملن العجين دلكة خطيرة
حتى فكرة الحلو مر انا بقيف عندها كتير
وبفتكر انها اختراع سوداني يدل على عبقرية حبوباتنا
سطر جديد
شوفت العمة الطلعت موضة .....هي عمة صغيرة جدا وبدون طاقية
وبتتلف بطريقة مختلفة ...في مغني مصري جديدبيلبسها بتاع غنية
الواد ده اسمو ايه....سنكوتي
| |
|
|
|
|
|
|
|
|
|
Re: عــــــمّـة مـــــان شــــو (Re: خالد عويس)
|
اخي خالد عويس
سالني صديقي ونحن نتسامر عبر المسنجر من هو اكتبنا
فاجبت بدون تردد
خالد عويس
عندما يكون مداد قلمك روحا شفيفة وصدق فهذا يعني
ان القادم هو خالد عويس
اخي نحن لا نشفق على وطن انتم ابناءه
ولا نخاف غربة انتم فيها الرفاق
| |
|
|
|
|
|
|
|
|
|
Re: عــــــمّـة مـــــان شــــو (Re: ابو جهينة)
|
قرجة يا خوي
انا كنت بفتكر فعلا انو انا زولا كتّاب
كنت فاكيها فى نفسي
طبعا مع تسليمي الكامل بأنو المبدعين الكبار المعانا جزء منهم فى البورد ده مستثنيين
لكن بكل امانة وصدق
لما اشتركت فى البورد
وقريت لأسماء مش معروفة ابدا
وبعضها اسماء حركية
اكتشفت انو انا بكتب شوية كلام فارغ
بجد والله
فى اقلام فى البورد ده بتساوي قلمي مليون مرة
انا ما عايز اعدها
لكن مثلا
انت وشيري وابو حراز وتماضر فى الكتابة الخفيفة الساخرة
عمالقة بجد
لك تحياتي
ولجميع البورداب مودتي ومحبتي الصادقة
| |
|
|
|
|
|
|
| |
garjah
ابو جهينة
قرشـــو
سجيمان
فيس بوك
تويتر
انستقرام
يوتيوب
بنتيريست