|
|
|
 Re: نتفلهم ....نفكها في روحنا كمان شوية (Re: alsngaq)
|
الحبيب قرجة
تحياتى لك
ياخوى هى الفلهمة حكر لى زول ولا حقت زول يعنى
اول حاجة من حقنا كلنا نسويها وخاصة على الناس الهنا ديل لازم نتفلهم عليهم ونوريهم انه السودان اى حاجة فيه واحسن من هنا كمان بس نحن عندنا مواقف سياسية عشان كده مجبورين على بلدكم دى ..
بس فلهمة على اهلنا مافينا تب
تسلم يا ابو وردة ولا هى باقة ورد على راى المتفلهمين
| |
 
|
|
|
|
|
|
|
|
Re: نتفلهم ....نفكها في روحنا كمان شوية (Re: cola)
|
قرجة : أولا إنت ما مجرجر العكاز في الرميضة ، إنت شايل العكاز دة في كتفك ، و كل الناس شايفاك و عاملة حسابا.
ثانيا ، في إنتظار فلهمتك ، أدعو الله قائلا :
اللهم لا نسألك صرف فلهمة قرجة عنا ، و لكن نسألك أن تكون خفيفة علينا.
اللهم إن كانت فلهمة قرجة لا بد منها ، فإن رضاك عنا كفيلة بأن تجعلنا نتحملها.
اللهم يا مفلهم قرجة ، فلهمنا فلهمة كفلهمته أو أكثر فلهمة حتى نتفلهم على المتفلهمين و المتفلهمات.
اللهم فلهم أمة الفلهمة ، و ندعوك أن تحفظ إمامهم قرجة.
| |
|
|
|
|
|
|
|
|
|
Re: نتفلهم ....نفكها في روحنا كمان شوية (Re: ابو نور)
|
انتو عارفين طبعا العبد لله منذ ان كان يافعا وهو مغرم بالافتاء في كل شي ....يعني حكاية حاجة اقر بعدم معرفتي بها مستحيل ان تحدث ....فان لي في كل موضوع باااااع طويل ......فتجدني بحرا في السياسة وسماء في العلاقات الانسانية .....وكوكبا منيرا في الابداع الثقافي والعلمي ...وهذا بالمناسبة تعريف موجز ومتواضع لتاريخي الطويل والحافل في الفهم فلقد تخصصت في فهم ما وراء الاكمه ....وما وراء السطور ويمكنني فهم لماذا وضعت تلك الكلمة هنا ولما لم تتم الاستعاضة عنها بتلك .....وتجدني اقارع الجميع الحجة فلا تسلم فكرة الا وقد انتقدتها وتفهتها حتى يخجل منها صاحبها ويقول يا ريت يا ريت ما قلتها ....هذا هو دأبي في المنابر والمحافل فلقد شهدت لي الساحات نضما وفكرا لم يسبقني عليه احد...ان الافكار الجميلة تكاد تصافحني وان الفكر الثاقب يكاد يسكنني ...وان عزة العلماء تكاد تتقمصني ....فويل للمنابر من خطبي وويل للمرجفين من قارع الكلم وبتاره ....ها الله ها الله عفيت مني الكلس
الليلة اقدكم قد اعمل غربال
| |
|
|
|
|
|
|
|
|
|
Re: نتفلهم ....نفكها في روحنا كمان شوية (Re: garjah)
|
انا آسف يا شباب .....والا هو المتفلهمين ما عندهم اسف ....طيب شوفو هنا انا كتبت الفلهمة حقتي ساعة كاملة المفروض اكون فيها منخمد نايم خليت نومتي وقعدت اتفلهم ليكم بس انتهيت من فلهمتي كده وقبلت عليكم اقدكم بيها تقوم الكهربا تقطع
جيت راجع هسع المسا غلبني اتفلهم تاني ...اصلو الفلهمة دي حالات والحالة عندي عدت والا فكت خلاص...واشتقت لقعاد الواطة تاني
صديقي السنجك
انت عارف شغلنا مع الارقام الجافة والمتفلهمة خلانا نكجن الفلهمة يعني انت عارف تراي بالانس يعنقد معاك ويتفلهم عليك يخليك لافي ساعات لفرق بتاع مبلغ صغير ...عشان كدة يا اخوي تلقانا بس قريبين من الجابرة دي ....كفاية فلهمة الارقام كمان تقوم تفتح البورد تلقى الفلهمة على اصولا نمسك راسنا ونساسق جنب الحيطة لغاية ما نلقى لينا بكان رطب نقوم نركلس فيهو اصلو الراس بيكون مسخن كايس الرطوبة
الحبيب مهاجر
ياخي اعملو اجتماع لي ناس جدة عشان الواحد يجي يتفسح فيكم شوية
وين الخرفان والترقيات والحاجات ....والا طلع نضم منابر يمحوه النهار
كــــولا الغالي
طبعا انا الوحيد البكون فهمت كلامك ده ....لما لي من قدرات في الفهم وكدة ....وبرد عليك بمافي مشكلة نآكل سمك ورانا ايه ....كل يوم فول الحكاية عضت معانا
العمدة قـــــرشو
والله يا اخوي الفلهمة ليها اصول وضريبة ....اول ضريبة هي ان المجتمعات تسميك كتلا
كتلا بمعنى كاتل الونس الجميل ....يعني تكونو قاعدين تتونسو في امان الله يجي واحد قبضة يكتل ليكم ونستكم بفلهمتو وفلقصتو
الغالي ابونور
والله يا ابونور جهزت ليكم فلهمة خطيرة خلاص عايز اشوتا كدة الكهربا قطعت
يلا ادخل اتفلهم شوية
| |
|
|
|
|
|
|
|
|
 Re: نتفلهم ....نفكها في روحنا كمان شوية (Re: garjah)
|
ياعمو
والله بي حقك كان اتفلهمته وأديها معاك طنقعه كده حبتين
| |
|
|
|
|
|
|
|
|
|
Re: نتفلهم ....نفكها في روحنا كمان شوية (Re: اساسي)
|
الحبيب ابو جهينة
يازول شكلك خطيب مسجد....وقابض المصلين كل جمعة بخطبة عصماء
يتنحنحون ولا تهتم .....يقحقحون حتى تنهي قبضتك ولا تغتم لكنك تتبسم
فرح بقبضهم ....ما دام وعظك يغشى الاذان والجميع ناعس والنوم عليهم كابس
اساسي الحبيب
فلهمة مدعمة بالصور كمان ....شغلك نضيف لكن
الجعلي قال بيسلفك حق الخروف بتاع الاجتماع الجايي
قلت شنووووووووو
| |
|
|
|
|
|
|
|
|
|
Re: نتفلهم ....نفكها في روحنا كمان شوية (Re: كبسيبة)
|
كبسيبة
فهمتك داير شنو
يعني لازم تتعشى راس خروف ولازم يكون عندو جضيمات كمان
مافي مشكلة والليمون الحامض بشوف سوق الخدار كان القى عندهم
ارجاني بس
هههههههه
والله لو ما اخوك زول بيفهما طايرة كان مت بالجوع
| |
|
|
|
|
|
|
|
|
 Re: نتفلهم ....نفكها في روحنا كمان شوية (Re: قرشـــو)
|
يا قلجه
شنو يا اخوي
جابتليها فلهمه كمان..؟
الفلهمه العوراء وشيل البطاريه في القمرا
بس عفيت منو اساسي
بقى ليك في حنكك
هو مالو معاك...؟
يكون بغران ... عشان انت زول متفلهم ومتشلضم يا ربي...؟
عفوا نسيت ان اخبرك شيئا يا انتا
ذات مره وذات حين واثناتحضيرنا لرحلاتنا الموسميه حول الكره الارضيه كعادتنا السنويه بطائرتنا الشخصيه
اتفرعن علينا السواق بتاع الطياره وقال مش متحرك الا لمه نزود ليهو الراتب الشهري من 60الف دولار الي ميه
انفجر عرق فيه
وصحت فيه بكل عنجهيه
هااااااااي يا انته بطل امورك الانتهازيه ديه
مابنزيدك غير ميه
اها الرجل البتاع دا مارضي بالعرض
ورفضو وانا خلاص اصريت علي موقفي لانو المسئله بقت تحدي وكلمت دادي بكدا ... وطبعا مامي ايدت الشئ دا وقالت لازم نشوف بتاع تاني يسوق الطياره الكبيره وانا اسوق الصغيره عشان معاي الحاجه وكدا.
هووووووي يا اخوانا والله نعسته ... خلاص اخد جوله بالطياره مع الحاجه عشان عندي معاها موضوع جوي وكدا وارجع
يا اخوانا اوعي اكون فكيته فيكم بالجد
| |
|
|
|
|
|
|
|
|
|
Re: نتفلهم ....نفكها في روحنا كمان شوية (Re: قرشـــو)
|
يا قلجه
شنو يا اخوي
جابتليها فلهمه كمان..؟
الفلهمه العوراء وشيل البطاريه في القمرا
بس عفيت منو اساسي
بقى ليك في حنكك
هو مالو معاك...؟
يكون بغران ... عشان انت زول متفلهم ومتشلضم يا ربي...؟
عفوا نسيت ان اخبرك شيئا يا انتا
ذات مره وذات حين واثناتحضيرنا لرحلاتنا الموسميه حول الكره الارضيه كعادتنا السنويه بطائرتنا الشخصيه
اتفرعن علينا السواق بتاع الطياره وقال مش متحرك الا لمه نزود ليهو الراتب الشهري من 60الف دولار الي ميه
انفجر عرق فيه
وصحت فيه بكل عنجهيه
هااااااااي يا انته بطل امورك الانتهازيه ديه
مابنزيدك غير ميه
اها الرجل البتاع دا مارضي بالعرض
ورفضو وانا خلاص اصريت علي موقفي لانو المسئله بقت تحدي وكلمت دادي بكدا ... وطبعا مامي ايدت الشئ دا وقالت لازم نشوف بتاع تاني يسوق الطياره الكبيره وانا اسوق الصغيره عشان معاي الحاجه وكدا.
هووووووي يا اخوانا والله نعسته ... خلاص اخد جوله بالطياره مع الحاجه عشان عندي معاها موضوع جوي وكدا وارجع
يا اخوانا اوعي اكون فكيته فيكم بالجد
| |
|
|
|
|
|
|
|
|
|
Re: نتفلهم ....نفكها في روحنا كمان شوية (Re: garjah)
|
سلام مربع
علويه جارة ناس خالتو ..
حبت تفكها في نفسها شويه
جات عمره المضيفه في الطياره جات تطق طق لها لتدلها على كرسيها
نطت فيها بري يا يمه
دفعنا ليكم .. كم مره هو تذكرتكم
بااااااايخه
هاهاهاههاهاهااههاههههه
لا تفكها في نفسك
الطياره مافيها كمساري
| |
|
|
|
|
|
|
|
|
 Re: نتفلهم ....نفكها في روحنا كمان شوية (Re: shiry)
|
شيري
ثورة ....كاسوري .......هترشة
ده موش مبيد حشرات
ههههههه
دي واحدة زميلتنا في المنبر
طلتك زي كباية شوب مارقة من حلة ليمون مليانة تلج
انتي عارفة يا شيري كان المفروض تطلعي ولد
قولي لي ليييييييه
ايواااااااا
لانك فيك جدعنة في الاولاد مافي
اعمل ساتر
شايف لي كعب عالي طاير
| |
|
|
|
|
|
|
|
|
|
Re: نتفلهم ....نفكها في روحنا كمان شوية (Re: sentimental)
|
انت بس اقعد جدع لي في الورد ده كدة
لغاية ما يجيك عنكبة
ادلات تبش
شايف يازول يازول في نادي لياقة بدنية
وكمال اجسام
قلت ليهو ماااالك بيجاي
قال لي يعني ماعارف يا قرجة بزعل منك
قلت ليهو والله ماعارف يازول يازول
قال لي ناوي اكسر سنتمنتال في نزال يعلن عنه قريبا
ولا عذر لمن انذر
| |
|
|
|
|
|
|
|
|
|
Re: نتفلهم ....نفكها في روحنا كمان شوية (Re: garjah)
|
مع سينتمنتال ولا حمارو. اقول سر : يا زول يا زول مرفوس قبل شهر من قبل حمار سينتمنتال. ودينها الفقير قال ده مفهوق... اها من اليوم داك صاحبك ما بقرب من بوستاتى خايف ينط منها حمار يرفسو تانى ..... وووووبس
| |
|
|
|
|
|
|
|
|
|
Re: نتفلهم ....نفكها في روحنا كمان شوية (Re: garjah)
|
أحبابنا أهل جدة الظراف والمتفلهمين
حبيبنا الغالي قرجة
سلامات ياراجل مالك السخانة قامت بيك ولا شنو ؟؟؟؟
بركة بالشوفة
أها ناس أساسي وروبنسون وصلاح درار الظاهر عليهم عاوزين ينوموا بالخرفان ، لكن إذا لم يوفو بوعدهم سوف نشن عليهم حربا ضرووووس
بس انت حضر عكازك ساااكت
وبعدين يا سنتمنتال حمدا لله على السلامة ( ناس بحري كيفنهم )؟؟؟؟؟
يلا يا جماعة جهزوا لينا سهرة كاربة في إحدى الاستراحات ، مع العلم بأن هناك اضافات حقيقية لبورداب جدة ، فلازم نعمل حاجة تليق بنا كبورداب جدة ولا رأيكم شنو ؟؟؟
| |
|
|
|
|
|
|
| |
garjah
مهاجر
alsngaq
قرشـــو
cola
ابو جهينة
tmbis
اساسي
Ro3ah
falcon
shiry
يعنى الواحد فى السليم
فيس بوك
تويتر
انستقرام
يوتيوب
بنتيريست