|
كل سنة وتماضر منورة البورد.. هيا حيوها
|
اليوم تكمل تماضر شيخ الدين- حبيبة البورداب (نساء ورجالا) رقم واحد تكمل عامها الأول في خلال ذلك العام أرسلت تماضر حوالي 3340 بوستا.. بمعدل 9 بوستات في اليوم تنوعت مشاركات تماضر بين الجد والهزل، بين الفكر والأدب، بين قضايا الفن والنوع والثقافة والهوية والأخوانيات.. ولعلها في أخوانياتها تتجلى كما تجلت في غير ذلك. ولكن القادم الجديد (وأنا لا زلت كذلك) تأخذه الحميمة التي يخاطبها بها الجميع لكأنها أخت لهم ولدها البورد. وأهم ما يميز تماضر علاوة على ذلك لغتها السليمة. طبعا مسألة الأغلاط الطباعية هذه مشكلة خاصة في الكتابة بالبورد حيث تأخذ الكتاب العجلة لإفراغ الفكرة التي احتقتنتها رؤوسهم ردا على بوست أو ردا على رد.. وبذلك فوقوعها النسبي في تلك الأخطاء أقل. ولكن هنالك أخطاء لغوية تجد تماضر من أبرأ الكتاب بالبرود منها، وقد أشرت من قبل لموقفها تجاه الذال والزاي، وهي أخطاء شائعة لدينا في البورد. لنحيي تماضر في عيد مولدها البوردي.. ولنقل لها (بلحن أنساك إنت إنت بتتنسي) عامك سعيد.. وأيّامو ديمة موفقة يوم مولدك بالبورد عيد والدنيا رايعة ومشرقة
وعيدك مبروك يا تماضر رباح
|
|
|
|
|
|
|
|
Re: كل سنة وتماضر منورة البورد.. هيا حيوها (Re: رباح الصادق)
|
أيوة يا شباب دايرين نحيي تماضر كولكوم.. كمان عندك هدايا؟.. مين تاني يهدي إيه؟ سجيمان: أحلى حاجة انتن دي.. نشكرك يا اخوي وما يعدمك البورد يا جمال.. لماذا أنت بدون أمل ودائما في كلماتك أمل، وتقول: أرموا لااااقدام.. هذه فزورة فحلها لنا فيصل جيت ورا وقعدت قدام لما شفتك قلت أكيد فطيتو قبيل- لما راجعت التاريخ لقيتك جيت بعدي.. مرحب بيك يا الناس الما كتبت .. دايرين نحيي تماضر
رباح
| |
|
|
|
|
|
|
Re: كل سنة وتماضر منورة البورد.. هيا حيوها (Re: رباح الصادق)
|
أيوة يا شباب دايرين نحيي تماضر كولكوم.. كمان عندك هدايا؟.. مين تاني يهدي إيه؟ سجيمان: أحلى حاجة انتن دي.. نشكرك يا اخوي وما يعدمك البورد يا جمال.. لماذا أنت بدون أمل ودائما في كلماتك أمل، وكت بتقول: أرموا لااااقدام.. هذه فزورة فحلها لنا شايفاك حسي بقيت تقول صدق القول يعانق العقول- غيرت مش؟ فيصل جيت ورا وقعدت قدام لما شفتك قلت أكيد فطيتو قبيل- لما راجعت التاريخ لقيتك جيت بعدي.. مرحب بيك حمزة يا ملك الموسيقى تحيي بها زهرتنا فمرحبا أم درماني مرحب بيك وبهذه الاستجابة وايضا أبو يسرا تعجبه الهدايا يا الناس الما كتبت .. دايرين نحيي تماضر
رباح
| |
|
|
|
|
|
|
Re: كل سنة وتماضر منورة البورد.. هيا حيوها (Re: رباح الصادق)
|
التحية لك ايتها الجميلة..تماضر
ما اصعب ان نكون اثنين فى داخلنا تكتبين بحد السيف او بريشة من حرير
لك التجلة وامنياتى الصادقة لك بدوام الصحة والابداع
***************
امك ولدتك قالت صباحك نادى وخالتك لولتك قالت غزال الوادى ادبك خلقة فهمك عرفة طبعك هادى فوقك الله ومن عين الحسود لاغادى
| |
|
|
|
|
|
|
Re: كل سنة وتماضر منورة البورد.. هيا حيوها (Re: رباح الصادق)
|
الاخت العزيزة رباح الف مليون شكر علي هذه اللفته الرائعة وعبرك الي كل الأحباب المتواجدين بعيد ميلاد تماضر نقول ليها مع بعض كل سنة وانتى طيبة مع مزيد من الإبداع يا صاحبة الروائع.. الأخت العزيزة تماضر
عقبال 1000 شمعة سيري وعين الله ترعاك .. سيري وسدد الله خطاك
| |
|
|
|
|
|
|
Re: كل سنة وتماضر منورة البورد.. هيا حيوها (Re: رباح الصادق)
|
السلام والشكر لك يا رباح
والسلام موصول لتماضر.. ونحن نبارك لأنفسنا في الحقيقة وجودنا في قطار الحرية هذا..
والشكر لمن أنزل أغنية رشا فإنني لم أعرف من هو..
والشكر موصول لصديقي بكري، سواق هذا القطر..
====== أحب جمال أرواح غدت منزوعة الضغن
وحلّق فوقها راع يفك طلاسم اللحن
فراحت تنشد الدنيا
[عيونك في السرى وطني وقلبك في الهوى سكني]
=====
| |
|
|
|
|
|
|
Re: كل سنة وتماضر منورة البورد.. هيا حيوها (Re: بت قضيم)
|
سلام مربع
اعوام كتيرات عامرات بالنضج والعمل الطيب يجود الزمان بها عليك واعوام كتيرات برضو خالص يجود الزمان بها علينا ونحن كلنا مع بعض وانت برضو طعم البورد السكري
وبس ..ماقادره اهترش . افتقد لغرفتي اذ لازال مكيفي محاربني وبايتا بره عند ذاك الباكستاني شكيتو على الله
وكل سنة والناس اللي هنا كلها بالف خير ودائما بنحب بعض
| |
|
|
|
|
|
|
Re: كل سنة وتماضر منورة البورد.. هيا حيوها (Re: رباح الصادق)
|
تماضر من اهم اركان البورد
تماضر ملك لكل اهل البورد واهل السودان وتماضر فخر لنساء بلادي، قلما وفكرا وادبا، ولا اقول فنا لسبب بسيط انني لم اشاهد لها في حياتي مسرحية واحدة، لكن تاريخها معروف وشاهد ويكفيها
وتماضر لا تقاس بكم البوستات ولا زمن العضوية في البورد ولكن بالمستوي والمحتوي وهو لعمري مدعاة للغبطة و"البغر" منها
وتماضر تعرضت كثيرا للهجوم الجائر ممن لا يحسنون تقدير واحترام الآخر
لذلك نحييها اليوم في عيد ميلادها البوردابي، ونحيي عبرها كل الامهات الصابرات المجاهدات، بالامس كتبت تماضر هنا انها هي التي تطبخ وتنظف وتشتغل لتكسب العيش وترعى الاولاد وبعد دا تمارس الفن وتكتب في البورد!! لها الف تحية وكل يوم هي طيبة وهي معانا
وشكرا يا رباح على اللفتة الجميلة
| |
|
|
|
|
|
|
Re: كل سنة وتماضر منورة البورد.. هيا حيوها (Re: خالد عويس)
|
شكرآ يا رباح ، ومع إنها من يومين نوهت ،وحييتها ،إلا كت عاقد العزم على تحيتها يوم 23 ولكن زحمة اليومي والواجبات اخذتنا ،فالعتبى لها والتحية لك ،،وأسمحوا لي أن أهديها بعض نبض حميد
أخفيكي وللا أوضحك؟ أخفيكي في لغة الوضوح مابين حبيبين دوام سوى بينات مساحات الوله وانزيم شعيرات الهوى في الفيكي في سر المطر بين لهفة الطين والروى نية الرحيق طلق الشجر ساعة خلاص شيلو استوى أدهشني فيك المحتوى اجهشني كيف خاويتي بين برد الصحارى وبين هجير الاستواء وكيفن اريجك كالرؤى فاح، يتنقل عكس الهواء يل بت عشان ريقة وطن تنفك كم باتت قوى ما ضاعت ألآلام سدى وآمالنا ما شاله الهوا لابد يجمعنا الزمن
ما هو الفرقنا وإذن لابد وإن طال النوى ترحل صهاديب المحن ينبض على القلبين مكن طيب خلانا الإنمكن تضحك عتاميرو البكن يخضر حشاها الإنشوى انا وإنتي لاخوف لاحزن يملانا تاني ولاجوى تلقيني وللا القاك دوا
وتظل تماضر قلب المنبر المكلل ، بأروع تجليات الإنسان إذ هو نبيل وعاشق وإنساني المجلل ، بدواخلها الفسيحة لتسع المحبين المتعبين الحالمين بيوم حرية
| |
|
|
|
|
|
|
Re: كل سنة وتماضر منورة البورد.. هيا حيوها (Re: omergoda)
|
شكرا يا رباح على اللمسة الجميلة دى
وشكرا على كل المهنئين والمشجعين والكلمات الطرية
يا رباح ناس البورد فتروا من تماضر
من يوم دخلت البورد تماضر
والناس تبارك لى تماضر ، تهنى تماضر ، تسلم على تماضر ترد على تماضر
تحنس تماضر
خلاص كفاهم ، عافية ليهم لله والرسول
عفويا لا يتعطل لا يتبطل
الرفعوا معنوياتى فى الغربة
الزادونى ايمان بيهم وبى البلد الزادونى ايمان بالمعجزات
الخلونى احس بى نفسى غزيرة ، ورفيعة بحبهم وقربهم
القشوا دمعتى فى الحزن ، والجابوا لى البسمة والضحكة فى زمن الرتابة والوحشة
عافية منهم لله والرسول عفويا لا يتعطل لا يتبطل
الطولوا قامتى فى زمن قصر القامات ، الملوا روحى بالايمان ، لما الدنيا زعزعت ايماناتى
الملوا زير احلامى من سلسبيل الشروق
وضووا ضلامى بالبروق
خدروا لى جدب الايام
وطمنونى ويقنونى ورحمنونى
بقوا لى اهل واصحاب واخوان واخوات وابناء وبنات فى دنيا قهرتنا بالغربة والشتات
بس عافية منهم لله والرسول
عفويا لايتعطل لا يبطل
وعافية منك يا رباح
يالرافعة شانى ومعلية مكانى
وعافية منك يا بكرى يا سيد البيت سلام عليك
| |
|
|
|
|
|
|
|