|
|
 لماذا جاءت هذه الخواجيه للسودان بعد وفاة زوجها به؟؟
|
خطرت ببالي فكرة هذا الموضوع وانا اشاهد الهيلكوبتر وهي تنزل بالمطار الصغير قبالة منزلي حيث تمثل الهيلكوبتر احدي وسائل النقل في منطقتي ..تذكرت حينها مشهد لا زلت اذكره جيدا حصل قبل سنيين عده وانا في منطقة الدندر حينها .. سقطت طائره وهي تحمل بعض السواح الاجانب اثناء زيارتهم لحظيرة الدندر ..والتي لم يراها معظمكم مع انها توجد في بلدنا بينما ياتيها السواح من اقاصي البلاد...سقطت الطائره ومات بعض ركابها واصيب البعض بجروح تم نقلهم عن طريق الطائره الي الخرطوم ..بعد ان مر علي هذا الحادث عام كامل او مايقارب العام حضرت واحده من الخواجات وهي زوجه احد المتوفين للمنطقه...اتعلمون لم جاءت هذه المرأة ؟؟
لقد اتت تبحث عن خاتم زواجهما !!
سؤالي لكم اخوتي المتزوجين والمتزوجات والمخطوبين والمخطوبات العزابه يمتنعون
من منكم مازال يحتفظ بخاتم زواجه او بدبلة خطوبته؟؟
السؤال التاني لم يوضع خاتم الخطوبه في اليد اليمني بينما خاتم الزواج في اليد اليسري؟
اكرر العزاب يمتنعون
لكم تحياتي اجملها واعزبها
|
|
 
|
|
|
|
|
|
|
 Re: لماذا جاءت هذه الخواجيه للسودان بعد وفاة زوجها به؟؟ (Re: bint algazeira)
|
والله يابت الجزيزه لكن قفلتينا قفله
عزابه نعمل شنو لو ممكن الواحد ادفع اكراميه
او تسهيلات كما يسموها الكيزان وهى رشوه يسمونها بغير اسمها
كان الواحد دفع ليك اكراميه عشان اشارك لكن الظاهر الخواجيه
دى الخاتم ده وقع ليها فى الورثه عشان كده كايسه ليهو
لانو الخواجيات الشايفنهن ديل ما بعرفن حاجه اسمها وفاء ولك الود
| |
|
|
|
|
|
|
|
|
|
Re: لماذا جاءت هذه الخواجيه للسودان بعد وفاة زوجها به؟؟ (Re: kov_123)
|
الذ قصة قريتها عن خاتم الزواج قريب دة يا بت الجزيرة
انه فى واحدة كانت لابسة خاتم زواجها فى الاصبع الغلط
ومش فى ناس دقيقين كدة اى حاجة الا يوروك ليها ؟؟؟
ففى واحدة من النوع دة ، قالت ليها : انتى لابسة خاتم الزواج فى الاصبع الغلط
ديك جاوبت بى حدة
عارفة ، للأنى متزوجة الراجل الغلط
وبقول المثل اذا عايز تفرح ساعة ، نوم
اذا عاوز تفرح شهر ، اتزوج
واذا عاوز تفرح العمر كلو ، حب الناس
اها لما قريت المثل دة قلت هو تاريه شهر العسل دة ما كضب؟؟؟ والباقى كلو بصل؟؟
ليه ما كلمونا من بدرى
| |
|
|
|
|
|
|
|
|
|
Re: لماذا جاءت هذه الخواجيه للسودان بعد وفاة زوجها به؟؟ (Re: bint algazeira)
|
نظريتك سليمة يا عمك حسبو.. فعلا الدبله هي من أيام الفراعنه.. كانو يعتقدوا أن الأصبع في اليد اليسار الذي توضع فيه دبله الزواج يتصل بصورة مباشرة (عن طريق شريان) إلى القلب.. هذا إن صحّت نظرية ربط القلب الحسي بالعواطف... يكون في البداية في اليد اليمنى ليس دلالة (الطرشقه) بقدر ما هي دلالة دليل على التزام هذا الشخص بعلاقة جادة بأحد ما... وما يتم الزواج يتحول معناها إلى حافظ للود بين الزوجين..قرأت هذا في مكان ما في زمان ما...
تماضر الرائعة... لك التحية.. دوماً...
بنت الحسين
| |
|
|
|
|
|
|
|
|
|
Re: لماذا جاءت هذه الخواجيه للسودان بعد وفاة زوجها به؟؟ (Re: مريم بنت الحسين)
|
سلام عليكم اخوتي
صادوح ولا صادوه اخوي
اهلا بيك ادخل ماعندك مشكله
لكن انا اعتقد ان الخواجات عندهم وفاء اكتر مننا
عندي صاحبتي كانت دائما تقول الخواجات ديل لو اتشهدوا
واسلموا ياهم الدخلوا الجنه قبالنا
وفعلا نلاحظ انهم يوفوا بالوعد ويحفظوا الاسرار ووو
عشان كده فتكر انه الخواجيه دي جات وفاء لزوجها
كما اعتقد ان خاتم الزواج يعني عندهم الكثير وليس مثلنا
لك تحياتي
kov 123
اهلا بك
اعتقد هي جات تشوف يمكن يكون مامات وغشوا عليها
ولا يكون عرس في السودان واحدة غيرها
لك تحياتي اخي
اخيتي الحبوبه تماضر
وبقول المثل اذا عايز تفرح ساعة ، نوم
اذا عاوز تفرح شهر ، اتزوج
واذا عاوز تفرح العمر كلو ، حب الناس
مثل خطير جدا
لكن الذ شئ تزوجت الراجل الغلط دي
دائما الرجال يخبوا الخاتم والنساء يظهرنه
لان الرجال بيكونوا عايزين دائما يكونوا محط اعجاب من حولهم من الفتيات لكن النساء يحبن ان يظهرن انهن متزوجات حتي تكتمل الصوره الاجتماعيه والفشخريه
لكي تحياتي اخيتي
| |
|
|
|
|
|
|
|
|
|
Re: لماذا جاءت هذه الخواجيه للسودان بعد وفاة زوجها به؟؟ (Re: garjah)
|
There are 43 users online, » 16 Members, 27 Guests
»3bdo
»Abdelaziz
»abuguta
»AlRa7mabi
»bint algazeira
»EMU إيمو
»garjah
»nazar hussien
»sentimental
»tmbis
»yasiko
»Yassir7anna
»المريود
»سودانوبس
»فجراوى
»ولياب
This page reloads every 120 seconds.
السلام عليكم انتوا زايقين من الشغل ولا شنو انا افتكر معظمكم مفروض يكون هسي في الشغل
عمك حسبو اخوي وعليكم السلام والرحمة
هههههههه قلت لي باليمين عشان يمكن تطرشق
دي نظرية بتقول ادي قلبك نصو وماتديهو كلو عند الخطوبه
كلام تمام
لك تحياتي
| |
|
|
|
|
|
|
|
|
 Re: لماذا جاءت هذه الخواجيه للسودان بعد وفاة زوجها به؟؟ (Re: bint algazeira)
|
العزيزة بنت الجزيرة
الغربيين في أوروبا و أمريكا و من ذهب مذهبهم ، يلبسون الدبل في اليد اليمنى بعد الزواج بعد كتابة تاريخ ذلك اليوم السعيد و الأسماء أو الأحرف الأولى من الأسماء لتذكر ذلك اليوم الميمون.
عندنا في السودان كيف كان يتذكر آباءنا و أمهاتنا هذا اليوم ؟
يا إما الواحدة تقول : أنا و خديجة عرسنا كان في أسبوع واحد . طيب خديجة عرسوها متين ؟ تقول ليك قبال ما يعرشوا ( بالشين ) بيت ناس بخيتة. و بيت ناس بخيتة عرشوه متين ؟ تقول لك : نفس السنة الراحت فيها الزلال بت الطيب و عملت عملية الزايدة.
و يستمر مسلسل الأحداث دون الوصول للتاريخ.
المرأة المصرية تقول لزوجها : فاكر يا أبو حمادة يوم زواجنا ؟ و تنتظر منه إجابة رومانسية و لكنه يفاجئها قائلا : آه فاكرو ، كان يوم إسود و منيل على عينو.
| |
|
|
|
|
|
|
|
|
|
Re: لماذا جاءت هذه الخواجيه للسودان بعد وفاة زوجها به؟؟ (Re: ابو جهينة)
|
اخي العزيز ابو جهينه
اهلا بيك ومرحب
نورت البورد
طبعا كما ذكرت نحن السودانيين لانهتم كثيرا بالمناسبات
ولا نحتفل بها ولذلك لا احد يتذكر حتي تاريخ ميلاده كيف يتذكر يوم زواجه
وايضا يربطون الاشياء ببعضها كما ذكرت
المشكله ( الرابط والمربوط) مابيتذكروا تاريخه متين
الامور عندنا ماشه بالبركه
تعرف عندي جدي مره سالته من عمره كم سنه
قال لي 40 سنه ..قلت ليه هو ولدك عمره 50 سنه كيف تكون انت 40 سنه
قال لي انتي قايله نحن سنينا زمان زي سنينكم المجنونات ديل
لك تحياتي اخي
| |
|
|
|
|
|
|
|
|
|
Re: لماذا جاءت هذه الخواجيه للسودان بعد وفاة زوجها به؟؟ (Re: garjah)
|
شلاقه يااخوي كيف حالك
قلت لي لسه لابس الدبله
تكون لابسه لانك لسه لاخطبت ولا عرست
غايتو مبروكه عليك ان شاء الله
نشوف حتلبسها لمتين
قالو في واحد زوجتو معزباهو بالدبله لازم يكون لابسها
اها قرر يخلعها عشان يحس بنفسه حر وقاعد مبسوط في مكتبه
جاتو زوجتو فجأه في المكتب عاينت اول شئ للدبله وسالتو منها
قال ليها وديتها للصائغ عشان يجددها لي عشان اشعر بتجديد حبي ليك
قال تجديد حب
لك تحياتي ياشلاقه
اخيتي الكريمه مريم بت الحسين
نورتي والله واهلا بيك
قلتي لي نظريه عمك حسبو صحيحه
اذا تكون صحيحه قالو كان اتنين قالو ليك راسك مافي اتحسسوا
لك تحياتي اخيتي
| |
|
|
|
|
|
|
|
|
|
Re: لماذا جاءت هذه الخواجيه للسودان بعد وفاة زوجها به؟؟ (Re: bint algazeira)
|
ابوحراز اخوي اهلا بيك
نورت
مالقتو يابوحراز الخاتم
ومن يومها داك ليوم الليله قاعده حارسه زوجها يظهر
قالت هي متاكده انه مامات لانه كان مات بتعرفوا من الخاتم
يعني مارديت علي سؤال خاتم الزواج
لك تحياتي
قرجه اخي العزيز جدا
كيفنك وعساك طيب
قلت لي عشان يلبسوا واحد بدلوا في اليمين
كان كده احسن يلبسوك من الاول اتنين واحد باليمين وواحد بالشمال
لك تحياتي اخي
| |
|
|
|
|
|
|
|
|
|
Re: لماذا جاءت هذه الخواجيه للسودان بعد وفاة زوجها به؟؟ (Re: اسامة الخاتم)
|
ود الخاتم اخوي العزيز
اهلا بك
لابد ان نسالك انت فعلا ود الخاتم ولذلك ادري بالخاتم مننا
المهم يكون خاتم قدر الاصبع
انا افتكر ان الخاتم في الاول بيكون قدر الاصبع لكن بعد شويه يعني كم سنه كده يصير اضيق من الاصبع عشان كده حقوا من الاول يكون اوسع شويه
طبعا الاشياء التي تضيقه تحتاج لكثير من التفصيل
لك تحياتي
| |
|
|
|
|
|
|
|
|
|
Re: لماذا جاءت هذه الخواجيه للسودان بعد وفاة زوجها به؟؟ (Re: شرووم)
|
يابتنا
تحياتى
العذابة جووووكم ولا حتى حديدة ما لابسنها
لكن ندلى بدلونا
قراءت مقالا لاخونا عبد العال السيد
عن اليد اليسرى من اقوى الايادى حتى الاضان اليسرى
ولو عايز تكلم خطيبك وكانت نافره خليها تضع السماعة الاذن اليسرى
عشان قلبها يحن
وعلى هذه الوزنة ياتى خاتم الزواج يضع فى اليد اليسرى عشان
يكون اقرب للجهة اليسرى ومن يومها المرة تلصك فى الراجل ولو كان
خاتمها كبير ما ملابس قوى احتمال تتطلق وتجيها ضرة وكل ما كان الخاتم
ضيق كلما كانت الاستمرارية اكبر
ايه رايكم فى التنظيرة دى
| |
|
|
|
|
|
|
|
|
|
Re: لماذا جاءت هذه الخواجيه للسودان بعد وفاة زوجها به؟؟ (Re: abuguta)
|
اخي العزيز ابوقوته
اهلا بوداهلي
ماعندك حديده وجاي تنظر والله ياهوو
قالو اليدو في النار مازي اليدو في المويه
طبعا دا اذا افترضنا ان لبس الخاتم مثل النار
عشان كده التنظير سهل ياابوقوته
غايتو نظرية اليد اليسار دي انا ماسمعت بيها لانه اليد اليمني هي الاقوي لكن اهلنا بيقولوا ليك ماتضرب باليسار لانه فيها الشيطان
لكن اظن نظريه عمك حسبو اصح عشان قريبه من القلب
لك تحياتي ياو اهلي الحنان
| |
|
|
|
|
|
|
|
|
|
Re: لماذا جاءت هذه الخواجيه للسودان بعد وفاة زوجها به؟؟ (Re: bint algazeira)
|
الأخت بت الجزيرة
تعرفى خاتم الزواج بيتلبس فى اليد الشمال تقريبا فى كل العالم إلا فى ألمانيا يلبسونه فى اليمين والخطوبة فى الشمال...ربما بعد الزواج عشان يبعدون الزوج أو الزوجة عن القلب سريعا إذا حدث الطلاق
أما وفاء الخواجيات دا زى الكبريت الأحمر يعنى نادر جدا.....معظمهن خائنات وبكل سهولة تخون زوجها والخيانة عندهم مثل شرب الماء لكن معظمهن يبلغن الزوج بالخيانة ليس كما يحدث عندنا فلا تجرؤ سودانية لا قدر الله إن خانت أن تصارح زوجها بذلك...فيعيش الزوج بخيانتها مرتين طول حياته !!! وهذا لا يمنع من وجود بعض الحالات الإستثنائية من الوفاء لكن فى الغالب الخيانة
وفى ألمانيا كل ثالث زيجة تحدث فيها خيانة فأين الوفاء هنا ؟؟؟؟
والسلام
| |
|
|
|
|
|
|
|
|
|
Re: لماذا جاءت هذه الخواجيه للسودان بعد وفاة زوجها به؟؟ (Re: EXORCIST7)
|
اختنا بت الجزيرة
على الحرام زولتك دى ما عندها شغلة تقضيها
نفرض هسع لقت الخاتم يعنى شنو ؟؟؟
تعرفى انا مافى حاجة بتضايقنى قدر الدبلة دى عشان كده ما عارف دبلتى ذاتها وين وهى اصلا كانت فضة عشان كده يعنى قيمتها المادية ما كبيرة لكن انا لو المرأة فى رقبتها معاى وباقى لى فى رقبتى اسوى شنو بى دبلة العرس ياخى..
والله عندك غايتو جنس محن
| |
|
|
|
|
|
|
|
|
|
Re: لماذا جاءت هذه الخواجيه للسودان بعد وفاة زوجها به؟؟ (Re: bint algazeira)
|
بسم الله الرحمن الرحيم
المحترمة/ بت الجزيرة
سلام وإكرام
عجبتني ترجمة إسمك عند الأخ قرجة ... جزيرة دوتر
طبعاً الدبلة هي عادة فرعونية وكونها دائرية قصدوا بها دائرية الحياة وإستمرارية العلاقة بين الزوجين ودوامها
أما قصة الخواجات وتمسكهم بها فلا أظن ذلك وأذكر أنني إنزعجت مرة عندما فقدت دبلتي ورأى الخواجة إنزعاجي فقال لي
هل عدم وجودها يعني أنك لا تحب زوجتك؟؟؟؟
وبعدين يا أختي أنا لازلت متمسك بدبلة زواجي صحيح أنها ضاعت مرة ولكني أبدلتها بأخرى ولكن طلبت من زوجتي أن تلبسني الجديدة في لحظة رومانسية جداً ... والدبلة الجديدة مكتوب فيها إسم المدام وتاريخ الزواج كمان ... يا بهية وشباب الزمن جنية وعرس مافي
بياع الخواتم وين .. يلا نشوفوا يا حلوين
يختار كل زول خاتم.. وننقش بالفرح فرحين
أما الخواجية دي بتكون جات عاملاها دبلة جحا
| |
|
|
|
|
|
|
|
|
|
Re: لماذا جاءت هذه الخواجيه للسودان بعد وفاة زوجها به؟؟ (Re: Zoal Wahid)
|
ٍسلام مربع
بت الجزيرة
وحات نظري القصة دي جدجد
خطيبي رافض ومتعقد جدا من لبس الخاتم
لا في اصبعو ولا حتى في جزلانو
قال دي حركات بتاعة مصاروه
بس الليلة جبت ليك قصة
اشمعنا انا لع
الليلة ياالنقه ماجاتك زوله زعلانه
يا انا يا هو
يا يلبس الدبله ولا انا ازوق
بس انا مامتأكده من النتيجه؟
اهدي اللعب ولا اقلبها معاااي
وزي ماتجي تجي ؟
| |
|
|
|
|
|
|
|
|
|
Re: لماذا جاءت هذه الخواجيه للسودان بعد وفاة زوجها به؟؟ (Re: bint algazeira)
|
أختى الكريمة بنت الجزيرة
إجيب عن السؤال الأول وأقول مستعيناً بالله أن خاتم زواجي لا أدري أين هو وإن كنت ألبس خاتماً الآن إلا أنه ليس الأول. عانيت الأمرين وأنا ألبس هذا الخاتم لأنها المرة الأولى في حياتي أن ألبس خاتم ، لم ألبس ساعة أو خاتماً وربما ربطة عنق قبل الزواج لذلك تملكني إحساس بأن هناك جسم غريب لا بل أجسام فعندها لبست ربطة العنق والساعة والخاتم دفعة واحدة ومن يومها إلى يومنا هذا وأنا أشبه بزازة الأطفال عند ما توضع في كيس ، فأنا مربط ومشمط من أخمص القدمين وحتى موضع تفاحة آدم في حلقي وبالعكس.
أطرف ما قرأت عن موضوع خاتم الزواج ما يلي:
خاتم الزواج هي اكبر خدعه في تاريخ البشرية لأن الزوج يلبسها وهو يضحك ويبقى طوال عمره ينظر اليها وهو يبكي. وفي ذات الموضوع تم طرح التساؤل هذا إلى بنات حواء : لولا قصة التفاحة - بعد مشيئه الله - أين من المفترض ان نكون نحن معشر الرجال.
| |
|
|
|
|
|
|
| |
bint algazeira
SAdo7
Tumadir
مريم بنت الحسين
ابوحراز
garjah
ابو جهينة
اسامة الخاتم
شرووم
abuguta
EXORCIST7
قرشـــو
بدرالدين شنا
shiry
سجيمان
almulaomar
zola123
فيس بوك
تويتر
انستقرام
يوتيوب
بنتيريست