.. . بعكس كل المجتمعات و بعكس كل التقاليد و الاعراف الاجتماعيه و الدينيه منهاوبعكس كل قانون بنص على الانصاف في حقوق المراه و الرجل....والمساواه بينهما وبعكس العاده ايضا؟؟ حيث يثير شفقتي الرجل السوداني... نظرا لتحمله اعباء ماديه كثيره .ان قلنا عادات متاصله في شعوبنا...فيجب لتطور الزمن ان يكون عامل مساعدلها..والله فعلا الشعب السوداني شعب مبذر و مسرف لحد الجنوووووووون و بصراحه الشباب السوداني لايتزوج في سن مبكره كباقي الشعوب و نادرا ما نجد هذه الحاله حيث يكون في الثلاثينات و ما فوق وبصعوبه يجد الفتاه و ما ان يجدها تطول المده و قد تمتد لسنوات..ويعقبها هدايا و غيره من الاشياء كما ان قوله الخير يجب ان يكون لها وزنهاوما ان يحصل اتفاق و بقرران الزواج...... فانه يجد صعوبه بالزواج الرجل السوداني متضرر في الحته دي.... نحن لا نطالب بمهر كبير و لكن الرجل السوداني يحب هذا و هو جيد لتعرف الفتاه قيمتها و لكنه في المؤخر ينتقم لحقه ناتيه بعد ذلك بموضوع (عقد القران)حيث العقد يجب ان يكون هليله و غيره من المباهج و الزينه التي تدل على الفرح و بذات اذا كانت اول فرحه للعيله و غيره من مظاهر مع العلم؟؟؟؟؟؟؟!!قد تكون الدخله بعدها باشهر لا اجد ضروره لهذه العاده
وبعدها الشيله التي تؤلف من 6 او8 او 10 و قد سمعت ان وحده من السودان شيلتها كانت18 ,18....حكاوي و لا في الخيال اجار الصاله..الكروت...الفنان...النقوط.. الشقه.....اهم شي...الذهب ..اهم من العريس زاتو .. . اي مجتمع اخر مهما كانت حالته عايش في ترف و لا لا....يساعد كلا الطرفين في بناء حياتهما ان لم يستطيعا تاتيهم هديه من العمه او الخاله ...نوع من التعاون لا ادري سر هذه المسؤوليه على الرجل السواني لكي يقدر قيمه الفتاه مثلا...؟؟لكي يتمسك بها..؟؟الغالي بغلاتو يعني والان اصبحت العائله تتشرط في المهر و الطلبات والبنات بقو قمه في الجراه..... والله متعاطفين معاكم نحن.... وده كلو ليه...عشان انا عملت كده و انتي عملتي كده...والله المظتهر دي موديانا في داهيه... عشان كده الزاج الجماعي احسن..واكتر بركه .. .
05-21-2003, 11:23 PM
bint_alahfad
bint_alahfad
تاريخ التسجيل: 02-04-2002
مجموع المشاركات: 3522
أوافقك الرأى بالتبذير الذى يحدث فى الأفراح السودانيه, ولكنى برى معظم اللوم على الأهل وعلى النساء السودانيات من أقارب وأصدقاء
فأنا مثلا لو قلت أننى لا أريد ذهبا ولا حفله مع العلم بأنى لا أحب الحفلات ولا الهرج والمرج والأختلاط الذى يحدث فيهابل أفضل الذواج الأسلامى المبسط, المهم لو تناذلت عن هولاء وبعض من الشيله وخلافه فهل تعتقدى أنو أهلى حيوافقو؟ ولو حدث ووافقوا الا تدرى ان كل الاقارب من قريب وبعيد حيتدخلو فى الأمر ويقولوا ليه أنتى أصللك بايره؟ شينه؟ ناقصاكى حاجه والعجله فى شنو ما أنتى لسه صغيره وحتلاقى رذقك والخ من الكلام الى لا بيودى ولا يجيب
قلت لأبى أنا لما أجى أتذوج ما عايذه حفله وفنانين تصدقى قال لى شنو؟
قال لى ليه أنتى أصللك بايره؟ لو ما عايذه حفله أمشى عرسى براكى..يعنى نحن مسيريين فى كل شئ وليس لنا حق الأختيار فى أجراءات الذواج
وحتى لو كانو الأهل متساهلين أو بمشو مع الشرع وما عندهم مانع فى الغاء بعض هذه المظاهر, أمشى شوفى كلام الناس, شوف البت المسكينه حسع لو صبرت ما كان أخير ليها..فلان جاب لفلانه شئ وشويات وشوف ده يا كافى البلى دهب ما جاب ليها..والكثير من الكلام الفارغ
طيب آيه الحل؟
الحل بيكون فى يدى أنا وأنتى وكل بنات هذا الجيل, لاذم نربى أطفالنا على عدم التبذير وعدم الأهتمام بالمظاهر والأختيار على أساس الدين والأخلاق وليس القروش, ونربيهم أيضا التربيه الاسلاميه الصحيحه التى تجعلهم يحسنو الأختيار, وبعدين نحن ما نشدد مع من يريدون الذواج من بناتنا ونرضى بالقليل
.. . الحل انو نبيد اي سوداني و سودانيه و نجيب اطفال ونحاول نعلم من اول و جديد تحياتي يا بنت الاحفاد... .. . الى اني بجد الرجل السوداني به قصور كتير لكن و الله معاهو حق في انو اتردد من الزواج...بسودانيه وبعدين الحكايه دي مضارها سلبيه اي رجل اي مفكر اي استاذ بقي بفضل الزواج من جنسيه اخري و لو حبذا لو كانت اوروبيه.... مجرد خاتم و ده ان وجد... .. . مظاهر البذخ و الترف في الاعراس عاده ما كويسه .. ما بعرف لكن الواحد بحس انو العرس ما مبارك ...والله ما حدوم عليهم النعمه كتير الموضه الان البت بتتشرط مهما كان وضع الزوج الدبله لازم تكون...الماس...ده كلام وبعدين انا الحارقني مافي تعاون....ولي نحن بنحس بنوع من الخجل لما نساعد النسيب و بنعاين ليهو بعين من فوق لتحت؟؟ونحاول ندس الموضوع لانو فضيحه طبعا ده غير انو ام العروس بكون ليها هديه قيمه و ام العريس كذلك.. ده نوع من عدم الوعي....وهسه اذا اي بنت جو زوجوها قبل لسؤال عن اخلاقو في جيبو كم؟؟ يعني زواج مادي بحت... .. . ويعدين البنيه الا تكون عانس و بايره حتى تتنازل من حقوقا..؟وتقول ما عايزه شيله او غيرو؟؟وكلام الناس ده هو المشكله
وان شاءالله نفرح بيك عما قريب...
05-22-2003, 04:37 AM
benyya
benyya
تاريخ التسجيل: 03-09-2003
مجموع المشاركات: 774
هنايا الزول بعرس اربعه مرات لكن كل شئ اذا خرج من اطار الدين فاعلمى يا سولارا ان الداء يكمن فى المجتمع وليس فى التقاليد العمياء فقيمة البنت ليست فى كون الرجل ياتى لها بشيله 12 او شئ من هذا القبيل فخير متاع الدنيا المراه الصالحه والتى تكون سببا فى تيسير امر زواجها من رجل ترضاه لنفسها حتى وان كان يملك مال قارون فكلما تيسر زواجها كلما كان اكثر بركه لكن اهل البنت دوما يعتبرون ان بنتهم غاليه ومن اراضها لابد ان يدفع دم قلبه وهذا تسبب فى عنوسة كتبر من البنات والسبب انها غاليه عند اهلها فمن السهل على الرجل ان بتزوج مهما تقدم به العمر ومن الصعب على الفتاه ان تتزوج مع تقدم العمر فهى مثل الشمعه كلما مضى عليها الزمن كلماالت الى الزبول نسال الله ان يلهم اسرنا الصواب ونبذ تلك العادات الجاهليه فكما ورد تنكح المراه لاربع قاليهود يتزوجون البنت لمالها والنصارى يتزوجونها لجمالها وفى الجاهليه ينزوجونها لحسبها اما امة محمد يتزوجونها لدينها ولكن للاسف كل المجتمات اصبح فيها شئ من متطلبات اليهود والنصارى والجاهليه لك كل الود عزيزنى سولارا ولك ودى
05-22-2003, 12:19 PM
almulaomar
almulaomar
تاريخ التسجيل: 07-08-2002
مجموع المشاركات: 6485
.. . benyya.. كيف تمام؟ طيب و فرضا اذا العروس بتساهم حتقدر بمصاريف الراجل......الكتيره انتي بس اعمليها حسبه و شوفيها بتطلع كم يجي شنو الشيله و المهر و تكاليف العرس و تحضيرات البيت و العزومات و الغنايه و الدهب جمب حاجه بسيطه...؟ انا ما معترضه على انو البت تفرح و تنبسط...الواحد ما بكره لكن في ناس كده ... بعملو عمايل مش طبيعيه و مش عشان الفرحه عشان صحبتي عملت كده و انا لازم اعمل كده..يعني الحكايه منافسه اذا ما وصلت مرحله حرب... والحكايه بقت ما مهم الاخلاق مهم القروش... تحياتي
.. . SAdo7 تحياتي اخ الرجل البعرس 4 مرات ....يلوم نفسو لانو وضع نفسو في موقف ما بنحل.. والله انا مرات بستغرب كيف واحد ما قادر افتح بيت و امشي اعرس عشان ابقو بيتين و تلاته و اربعه... وبعدين العرس السوداني فيهو كميه من المصاريف ما عاديه و يستحيل اي بنت تتنازل عنها....وبعد داك مجبر انو البي ليها طلباتا. ده فعلا ما مظلوم .. شكرا ليك
.. . almulaomar كيف تمام ان شاءالله.؟ شكرا ليك ....
.. HopelesS الاخ الله ادينا و اديك الامل والله انت ما مزعلك حاله البنات انت مزعلاك حالتك... اذا منتظر البنات يختو عقلهم في راسهم فالحيشان حتزيد ملي اتذكر مره سجلنا زياره لصديقتنا و هي متزوجه ورجعت من السودان باستياء شديد....اي بنت حاجزه زوجها فالعرض بقي عيني عينك......واول سؤال انت راجلك ده مقرش و لا لا.. البنت السودانيه ما عندها اي مانع انها تكون الزوجه التانيه او التالته او الرابعه و لو حلل الشرع اكتر من كده كانت حتوافق...ومن سن 18 , 19 سنه بقت تبحث عن العريس....؟؟؟!؟يعني جراه فووووووووق الوصف......
بس انا قلت ليك العاجبنى شنو : انو دى الوقت العايز يعرس واحده بيأخد معاها تلاته مجانآ و كمان قالوا لو العرس بقى زى حق الهنود حتكون حتى الاولى مجانآ
و يا بنى جنسى من الرجال هذا زمانكم فتدللوا و تدلعوا و ما تستعجلوا على العرس قالوا فى عروض احسن من كده حتنزل قريب و قالوا كمان حتنزل فى موسم اجازات المغتربين ما بين يونيو و اغسطس و الحاضر يكلم الغايب
الزواج بالاربعة افضل ام بواحدة ؟؟؟ لا تتزوج الآن و لو قيل رأس برأس ا الزوجة الثالثة افضل ام الاولى أ ترى حين تتزوج واحدة و اضع لك مكانها الثانية هل ترى هى اشياء لا تشترى
05-23-2003, 11:54 AM
Tumadir
Tumadir
تاريخ التسجيل: 05-23-2002
مجموع المشاركات: 14699
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة