|
Re: كاسـوري في محازاة سوق الحراميه (Re: shiry)
|
ومن الشمار ما قتل
كنا في طريقنا الى البيت بعد يوم دراسي حامي الوطيس واقترحت انا ان نمر على برندات الجمهوريه عشان نشتري لبت جيراننا (جزمه) زحافي اعجبني في ذات زيارة فقمت بحجزها ..وما ان توسطنا برندات شارع الجمهورة حتى تتطاقش اضانا حس كورراك .. وام مازن بطبعها خوافه . اثرت الانسحاب ، لكني مسكتها من يدها وجبتها يابت انتي خوافه كده مالك .. ياشيري انت مجنتره يابت .. نحن ما قنعانين من عمرنا .. يابت دي حركات ساكت . ماتخليك خوافه ، كدي نشوف في شنو .؟ انا راجعة يلاااا وسحبت صديقتها لكني استوقفتهما وانا احنس فيهما.. ياجماعة البت ديك عندها عرس اليوم ولازم نودي ليها الجزمه دي يا بت دا كاسوري ليهو ضل .. سجمنا الليلة بكتلونا الرجال ديل .. ورغم عضامي المهلهلة الا انني كنكشة فيها فرد كنكشه ولم اتركها تغادرني .. ولم نتقدم خطوة اذ جاءنا الكاسوري بضله يسعي نحونا .. وفجأة لمحته من بين اشجار المهوقني ، مزنوقا محاصرا مزرزراً ذاك الذي سبق له ان (شاكل ) الكمساري عشان خاطري في ذات مرة من المرات، مع انه لم يكن يعرفني لكنها شهامه اولاد السودان .. على طول يدافعون عن الحق وبقوة .. المهم وعشان ما اطول عليكم السالفه .. كان صديقي ذاك يقف محاصرا بين اربعةمن (شجرات المهوقني) طوال القامة لا تكاد تصل ببصرك الي رؤوسهم .كنا ثلاثة ام مازن وانا وصديقة مشتركة . واقترب الكاسوري وبي ناسه يزحف نحونا وبسرعة هائلة مثل السيل العرمر . ودون ما ندري وجدنا انفسنا محاصرين تماما بذاك الكاسوري ..اندسينا تحت عبايات بعض وتحاوطن بشنطنا . وكل واحدة منهن راحت تلكمني وتلعنني لعناً غليظا . وبما ان أم مازن لا يمكن ان تترك ولولتها وسكلبتها ولا نقتها فكان لابد ان تطلع لنا بفاصل منه يشجينا الليلة سجمنا يايمه .. اووووب علينا خلاص الموت جااانا .. الليله الله يمرقنا سالمين . .نحن شنو الودانا نمشي وراء المجنتره دي ..؟؟ وعندما لمحته وعرفته ذاك ا(المحاصر) بين قبضاتهن .. انسليت من حصارهن ، واتجهت صوبه . الانسان يموت مرة واحدة .. وقلت لهن هذه هي مهنة المتاعب . البحث عن الشمارات ..
| |
|
|
|
|
|
|
Re: كاسـوري في محازاة سوق الحراميه (Re: shiry)
|
كاسوري ليهو ضل
وعندما تأكدت منه ورفعت صوتي محاولة جذب الانتباه وفض الاشتباك . - جون في شنو ؟ وتفاجأ الجميع وبما فيهم جون نفسه .. من اين جاءت هذه الرهيفة الضعيفونه الخفيفونة المزعمطه المعولقة التي تشبه ذاتها ؟ ما الذي حشرها بيننا .. ؟؟ مع انني كنت لا اعرف اصل الشمار ولا اصل الكاسوري .. الا انني حاولت ان ابقى شجاعة حتى اخر طلقة . وبسرعة وكلي ارتجف .. حتى انني نسيت الكلااااام ونسيت لما انا هنا اصلا . ومر شريطا كامل لكل حياتي الماضيه منذ ان تعلمت الحبو .. حتى مدرسة الروضه التي اكلت السندويتش خاصتي شاهدت وجهها بوضوح . وحتى انتهي شريطي بوقوفي هنا ، ارتعبت وازداد خوفي اكثر مما قبل ، كون هذه الاشياء مرت علي اللحظة ودفعة واحدة .. وقلت في نفسي بسم الله الرحمن الرحيم هسع دي شنو الاتذكرتها هنا دي .. وضربت بيدي على صدري سجمي يمكن عايز اموت .. موش برضو عزرائيل لمن يجيك بتشوف حياتك كلها قدامك .. صحي انا مهترشه لما اسالكم هذا السؤال .. تقول يعني انتو متم قبل كده ؟ وهنا تلاعب الشيطان بي واكد لي تماما صحة ما توصلت اليه .. جالك الموت ياتارك الصلاة .. سجمك الليلة ياشيري دي نهايتك في برنده وسط كاسوري ليهو ضل .. والله جثتك ما ح يتعرفوا عليها من التشريح الذي سوف يفعلونه في وشك .. كدي زحي كدا ولا كده تشريح شنو ، والله فرد طقة من الزول الطويل دا تسكني الاخره .. وكان لابد ان اعزيني فطقت دواخلي تسكلب وتذر الرماد على عمري الذي سوف ينتهي هسع .. ..ورحت ابكيني ثم انعيني .. وفجأة خرج جون الذي نطقت اسمه من بين تلك الغابة . اذ ان المقبقب ذاك والمزرزر لم يكن جون ولا حاجة بل ان جون الذي طلع من نص الشكلة هو صديقي الذي اببيع له هدومي وهدوم اخي المفلقص وهدوم ناس بيتنا اجمعين . - سيري انت عايز سنو ؟ راجل انت اسه دي ولا مره ؟؟ - يللا ياجماعة زحوا كدي خل بت دا ولا راجل دي موس عارف ، خل يمسي - .. وضاير كل الخلق من امامه حتى يفسح لي وصديقاتي المدسيتين ورائي مكانا للمخارجه .. - لكني ابدا لا اتزحزح اذ تشجعت وعملت فيها (مية راجل) البت يعني عنتر بن شداد .. وانا لا عنتر ولا نيله .بس واحده مرعوبه ماعارفه بتعمل في شنو ؟ - الراجل دا انا بعرفوا ياجون .. مالو .. موش كويس يا جون منكم خلوهو يمشي ؟؟ - دي زول هراميه .. سال قروس بتاع أنا - يخص عليكم ياجون يعني شنو لو خليتوهو ..!!! شوفوا ياحرام قرب يموت في ايدينكم .. النبي فوقكم لو ما خليتوهو يمشي ، انا بدفع ليكم العايزنو منو ولو ماتمت بعدين بجيب( جيبه) وتي شيرت جديد لنج .. - سيري انت مايعرف سنو مسكله .. مسكله ماقروس ، سيري دا زول كلام بتاعو موس مظبوط وقضيه بتاعو بايظ ..دي دي زول كلام بتاع (لولوا) . سيري انت مايعرف زول دا كويس !! انحنا نعرف كيف زول دا .. عسان كدا لازم انحن اليوم طلع (د ي ن وا ) هني دا . - جون انت انت راجل كدا ، مافي داعي لكلام الكاسوري دا هسع . ودوهو البوليص وخليكم عاقلين المشاكل مافي داعي ليها - بوليص !!! .. هاهاهاها بوليص !! سيري انت في سودان ولا بكان تاني ؟ انحن ودي بوليص اسي دي بكره تاني تلاقي زول دا في برندا دي .. واخرجت من شنطتي محفظتي فلم اجد فيها غير عشرة الف بالاضافة الى قروش بت جيراننا، ولم يكن امامي الا الاغاره على شنطات رفيقاتي وسحب كل مافيها ثم عد كل القروش التي طلعت بها وناولتها الى جون .. وعيون ذاك المزرزر كانت تدور مثل الشراره في دائرة مكتملة مع حركة عقارب الساعة ثم تقلب في الاتجاه الاخر وبنفس السرعة .. ومع ذلك نالته لكمات كثيرات من الاربعة الذين كانوا يمسكون من خناقته .طاخ ، طاخ ، طاخ طاخ وشلاليت تيف تيف تيف تيف .. غمضت لها انا عيني وسحبت نفسي شوية منها لوراء حتى لا يغشاني منها نصيب ..يدشدش زينتي . وانتهينا الى ثلاث بنات مفلسات تماما دون قروش توصلنا الى بيتونا .. لقد طارت الحاجة الباردة من اكشاك ابو جنزير ولا نعرف كيف نصل بيوتنا .. ولم تجرؤ واحدة منهن ان تلومني ساعتها او حتى تعلق على ماحدث .. لقد كان الرعب مسيطر علينا كلنا وان لم يحالفنا الحظ بجون الذي اقنع شلته ان تكتفي بهذا المبلغ والاكتفاء بفلوسنا .. بل انه رفض ومجموعته ان ياخذ منا القروش .. قائلا انت ذنب سنو ؟؟ الا بعد أن اصريت ان تسوي المسألة الان ..
| |
|
|
|
|
|
|
Re: كاسـوري في محازاة سوق الحراميه (Re: shiry)
|
اها... وبعدين ؟؟؟
الراجل طلع ياهو زولك الدافع عنك فى الباص ولا يخلق من الشبه اربعين
والله جون عفيت منه
تعرفى كلامك ده خلانى اتذكر ليه الجماعة فى السودان سبب برا سبب يقولوا ليك رسل لينا هدوم
اتاريها الحكاية فيها بيع وكده ؟؟؟
طيب ثانى اكان يشوفوا منى دلقون
| |
|
|
|
|
|
|
Re: كاسـوري في محازاة سوق الحراميه (Re: قرشـــو)
|
سلااام مربع
العمده قرشو
الليلة ولا والليلة ...... انا مافضحت (الطلبه) بي الهنااااك ؟ عارف ياقرشو .. وانا ماشه من الاجازه للسودان .. كنت ادخل اسواق باب شريف وحراج الصواريخ .. واشتري ليك حاجات ما ليها علاقة بي .. اكتسبت خبره شديده في (زوق) الناس الهناك شنطتين .. واحدة لي واحدة لسوق الجمهوريه وكتير جدا اشتريت حاجات من هناك.. تتحير فعلا من وين بتجي لكن الله يخلي لينا مغتربين الخليج الامارات بالذات لا طلع هو زولنا ذاتو داك كان يوم ولا في الاحلام سلمت ياسيدي للسؤال
| |
|
|
|
|
|
|
Re: كاسـوري في محازاة سوق الحراميه (Re: قرشـــو)
|
شيري الهتراشة المبدعة في كل بوست تتفوقين على نفسك حكي سهل ممتنع مشاهد تكاد تنطق وقدرة على توليد الافكار والاستطراد والعودة الى اصل الفكرة ويا عمدتنا قرشو ننتظر كيف ستعود شيري وصديقاتها وقد فقدن كل ما يملكن بسبب هذه البطولة وسط كاسوري يهرب منه حتى الرجال
هل يعيد جون الفلوس ما رد فعل ذلك المزرور المنجود بشيري وصاحبتيها وهل عادت شيري بخفي حنين ام باجزمة التي كانت سببا ننتظر
| |
|
|
|
|
|
|
Re: كاسـوري في محازاة سوق الحراميه (Re: shiry)
|
الجميلة شيرى بين مشاعرك والكتابة ..بهجة اغبطك عليها كانك تضعين فى محبرتك مدادا من عطر وانا مع اقتراح الاخوان للامام
________
اريد ان تهب علينا ثقافات كل الامم ولكننى انكر على اى منها ان تقتلعنى من جذورى
غاندى
| |
|
|
|
|
|
|
Re: كاسـوري في محازاة سوق الحراميه (Re: عديلة المتوهجة)
|
سلام مربع للناس الطيبه sympatico
والله يا سمبتيكو فكره .. مادام اصلوا القروش وطارت والحاجة الباردة ما لمينا فينا وحلقنا ناشف .. كدي رجعونا يا شباب لبيتنا سلمت ياسيدي للاطراء وهذا كله من حسك الندي وربنا يخليك
ياسر حنا
هاهاهاه . فطستني ضحكا ياسيدي .. ابري يايمه من عمائل شلاقة ...بس شلاقة ما تحفه لكن .. اها ساب شلاقتو بعد الجبيص دا ، خليهو ساكي الشلاقه دي لمن يلقى روحي ساكن في مقابر فاروق ... عديلة المتوهجه سلمت ياسيدي للطله .. وانت هي سنا برق اللطافه و مزن الجمال اشجاني حديثك ، وشكرا يازوق لهذا الاطراء الذي يشبهك يا طيبه وربنا يخليك
| |
|
|
|
|
|
|
Re: كاسـوري في محازاة سوق الحراميه (Re: shiry)
|
العزيزه شيري ، سلام أربعيني (ممونت) ، يعني برائحة الليمون المنوتي
أسعد بمتابعة (بوستاتك) الواقعية المعاصرة لما يجري تحت عروق نهر النيل و سكانه
لدي بعض الأسئلة التي تبحث عن إجابة من شيري
هل للحكاية بقية ؟ إذا كان لها بقية ، آمل أن تنزليها بسرعه
هل حدثت هذه الواقعة فعلاً ؟ أماإذا كانت كتابة تحمل نظرةً إبداعية للواقع الآني للخرطوم ، فأرجو أن تواصلي إكمال الحكاية ، لكي يبدو (جون) و رفاقه بصورة أكثر (سودانوية) .. و ذلك لأن ظلال هذه الحكاية تشي بالخزلان (الزولي) الذي يمثله جون (البرنداتي) و رفاقه ، خاصةً و أنه أي (جون) قد ناصرك (زولياً) و أنت تعانين متاهات المواصلات ، و ها هو يقول لك : (مسكله ما قروس ... دي دي زول كلام بتاع (لولوا) ...) و ما إلى ذلك من سودانويه
واصلي الكتابة ، فهي الملجأ الأخير لكل من تسودن
منوت المنتشي بكتابات شيري
| |
|
|
|
|
|
|
Re: كاسـوري في محازاة سوق الحراميه (Re: shiry)
|
العزيزه شيري لك الليمون (التوتي) أو (المنوتي) أو (الجنزيري) حتى آخر قطراته
نعم ، أعتقد و بعزيمة ليمونية واثقة أن الحكاية (حصلت) ، و ذلك لسبب بسيط ، و هو مسرح الحكاية ، و وضوح و سهولة السرد و الوصف لهذه (المراتع) التي كانت لي فيها أكثر من حكايه
إذا كنت قد قضيت جزءاً قصيراً من حياتك بالسودان (الخرطوم) فقد أنفق منوت ثلثي عمره بالسودان ، وكان ثلثه بالخرطوم .. و لنا في شارع الجمهورية حكايات تشبه قصص أبو جنزير
يا شيري ، تعالي خلينا نقول : " السوداني " (الزول) بدلاً من (الجنوبي) حاف كده .. إذا وثق فيك ، فلن يخزلك
لك الإيراق (الشيري) يا عزيزه و واااااااااااااااصلي الحكي الذي نحب و ينعشنا ككوب ليمون بااااااااااارد في منتصف نهار مايو الخرطومي
| |
|
|
|
|
|
|
Re: كاسـوري في محازاة سوق الحراميه (Re: منوت)
|
حبيبتي شيري أحد الأصدقاء قال لي أنت بتتكلم على أيه؟ وواحد قال : من الذي فرغ من الأكل والشرب والعمل وعنده وقت لينظر لأفلام الكاسوري الطازجة زي قريب الخرطوم سنتر . شفتو الريق نشف كيف يا ناس المخبازة بصراحة كتاباتك تصلح لفلم سوداني هندي ههههه بس نحن جادين في الكاسوري
| |
|
|
|
|
|
|
Re: كاسـوري في محازاة سوق الحراميه (Re: EMU إيمو)
|
سلام مربع ايمو
ولا حتى انا يا ايمو ماني فاهمه حاجة ؟ بالكوم والردوم هؤلاء الذين لديهم استعداد فطري لمجابهة كل مفاجات الحياة في السودان الم تسمع فاجأني النهار فانا ايضا فاجاني ميدان ابو جنزير وسرق عشقي وخبائه في حجره شفت... في شمار اكتر من كده يستحق ان ننفض ايدينا من كل شيء ونرسل في موكبه كل اهتماماتنا سلمت ياسيدي
| |
|
|
|
|
|
|
Re: كاسـوري في محازاة سوق الحراميه (Re: shiry)
|
Dear Shiry, I was so impressed by your simplicity that has wanderful meaning with magical dimensions, don't ignore this, you are qualified to develop this abilities. You know what I think, I'm quite sure that the one who is involve in the quarell as Zol Lawlwa would be what was so called Alnizam Alam idividual. And you know one day they wrote in the one of the newspapers mainsheet : From where did the southerners get the money to be able to have business of selling these clothes , shoes and watches?As one of the ones who used to sell such stuff in the Gamhoria street even during the university years- I'm Ganobi by the color and by the job in bieng under the Gamhoria Verandas- but for those who don't know me they would say Ganobi which is turn to be indicator for pride- thanx Garang- sorry for the losses( Four Million)- You know what they wrote in the newspaper as an answer for the holly question; the churchs and the christian organizations give them the money and the capital to work. Sorry for changing the art atomsphere to politicas, but this our cronic history- From one hand ,you see to how extnet they are funny and ridiculous- so what if the Christian Organizations help the christian people in a country you have no right to be orginal citizen if you are not Moslem and Arab- these orgnizations donate over 4 billion USD a year to save lives of millions OF people the majority of them are moslem- because whenever the political Islam(fundamentalists) is exsist then there will be famines, war(jihad) and political disasters- look- Afganistan- Shishan- Bosnia-Filibin- Sudan. From the other hand we all and the world know from where did the capital for what is so called the Islamic Banks and what is so called the Islamic Companies came from - go back to 1977 where the start was. The natrural question is from where did the owners of the buildings in the Gamhoria street got the money in which the Ganobien like me sat and sell thier goods regardless from where did they brought the capital- It reflects the dominant culture vissions twards the Ganobian people- and that they can't be a doctor or owner of the shop or teacher- and when he sells the shoes and the jeans they hired what is so called Alnizam Alaam to do what the KASHSA for Jhone and his friens like me-
Shiry this is my expectation for your story to continue focusing these dimensions
Bakry
| |
|
|
|
|
|
|
Re: كاسـوري في محازاة سوق الحراميه (Re: Bakry Eljack)
|
السلام عليكم
يا بنيه انتي ببتكلمي عن سوق الجنوبيين ولا سوق الحراميه؟؟؟؟
انا غايتو ما شفت سوق الحراميه بعيني لاني ما من ناس ام درمان ولا قعد امشي هناك
لاكن سوق الجنوبيين الفي السوق العربي ده انا زبونه اساسيه فيه
امشي اسعلي جون حقك ده من البنيه...
كان ما قال ليك دي احسن زبونه عندي
لدرجه انهم لمن عرفوني جايا ارميكاء دي كل واحد فيهم كتب لسته طول وعرض.. قالوا اجبيها ليهم و بعدين نتحاسب
المهم يا زوله انا رديت عليك بس حنيتن فى اخوكي و ام مازن
ذنبهم شنو عليك الله؟؟؟
ما حرام عليك
يا زوله خافي الله
انت زاتك حتدقي زي جون و الخوف اكعب
تحياتي علي البوست الرائع كالعاده
يلا تيك كير يا شابه
وابعدي من الكاسوري ده اخير ليك
لى قدام
| |
|
|
|
|
|
|
Re: كاسـوري في محازاة سوق الحراميه (Re: benyya)
|
البنت الطاعمة شيري
ما زغت او زقت ما عارفها كيف؟؟ اقصد القاف والغين وهي مشكلتنا لكن مشدوه بس في اسلوبك في الحكي وارجع اردد كلامي الزمان داك
هترشاتك بنكهة ايزابيلا الليندي وجورج امادو وعندك مقدرة كبيرة جدا وخيال واسع وذاكرة ملمة بتفاصيل عبقرية امور نحن من العوام تمر علينا هكذا دون ان نستنطقها او نقدر علي ذلك
عندك مقدره عالية وموهبة متفردة في الهترشة الفكرة
ولا اشك في ان العلاقة التي تربطك بصاحبتك ميري هي الاساس والساس الذي عجز كل ساستنا من حفره
وبديت الآن اشك في انك لا مغتربة ولا فارقت السودان شبر
وامكن تكوني همباتية؟؟؟؟؟
لك مني اسمي كلمات التقدير والاعجاب
ابويارا
| |
|
|
|
|
|
|
Re: كاسـوري في محازاة سوق الحراميه (Re: nazar hussien)
|
up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up
| |
|
|
|
|
|
|
Re: كاسـوري في محازاة سوق الحراميه (Re: ودرملية)
|
سلام مربع
الاخ بكري الجاك اعترف انني شغلت حينما شتت نفسي في اماكن كثيرة ، لذلك لم اري هذه المشاركة التي تزين هذه البوست فعلا ، ومع ذلك دعني اهمس لك اخي الجاك ، باننا هنا وكثير من الناس غيري يحاولون اجتياز مثل هذه الاتهامات التي في الغالب الاعم تنطلق من اضعاف النفوس ، الذين لا يهمه شيئا سوي السباحه في تيارات تصب في بحيراتهم .. نعلم ان كثيرا من الممارسات الخاطئة قد مورست ضد الجنوبين ، لكن هذا لا يمنع ان نطوي مثل هذه الصفحات ونتجه صوب بعض بقلوب ملوؤها الحب بغية التعايش والارتفاع فوق مستوي الاحابط سلمت ياسيدي واكرر اسفي لعدم ردي في حينها لاسباب ذكرتها سلمت ياسيدي
بنيه الفنجريه
وحات نظري ماشفت مشاركاتكم دي الا الليله بس ونحن بنتكلم يارائعة عن برندات شارع الجمهوريه .. وانا مشيت زي ماقلت وكلمت ناس جون وبسلموا عليك سلام كتير وقالوا ليك ليه مارسلت ليهم الحاجات الطلبوها منك والا فانك من المكسورين في اقرب زيارة تقومي بالله الى السودان سلمت ياسيدي للطله
الزول الرائع : نزار حسين
حمد الله على السلامه .. بسم متين سافرت ومتين جيت راجع سلمت ياسيدي لحديث الاطراء الطاعم مثلك وحقيقي انا بحاول هسع انو اطول فترة معيشتي في السودان . بس الايد قصيرة .. وحاولت اتزاواع من جية السعودية .. بس انعمل شنو .؟
العزيز : ود رمليه د كلمة شكر لا تكفي .. لك الود زخات الروعة
| |
|
|
|
|
|
|
|