|
Re: أضبط . السودان يمتلك مقومات اسلحة دمار شامل (Re: shiry)
|
العزيزة شيرى
سلام
بالامس وانا امر فى طريق المدينة وبسلحفائيته المعهودى وانا ابحلق فى اللافتات وجدت لافتة كبيرة جدا مكتوب عليها شيرى لتأجير السيارات .. قلت بالله شوف البت اتاريها شغالة فى الاستثمار ونحن الغلابه سيارة ما عندنا وهى نايمة على الخط ...
عود على بدء لموضوعك انا شخصيا بقيت نايم قفا انه الامركان خلاص معاهم صافية لبن ولن يضربوا السودان ثانية لان من خدعهم قبلا هو الان فى سدة الحكم والحكاية بقت اخر حلاوة وعمنا الكبير اداهم العاوزنه والما عاوزنه يعنى انتفت الاسباب للضرب جملة وتفصيلا وكل المطلوب هو الانقياد الاعمى وقول كلمة سير بسبب وبلا سبب يعنى زى نظام البنغاله هنا سير سير طول اليوم وبدون داعى عشان كده انا عاوزك تطمنى معاى انه مافى ضرب ثانى ولا شى..
تعرفى ايام الاحزاب الاخيرة السفير المصرى قال بكل بجاحة انا من اعين الوزراء فى حكومة السودان ولذا كانت مصر راضية تماما.. اما الان فلعل قنقليزا بتنا هى من يعين الولاة كذلك فامريكا راضية ويا دار ما دخلك شر ..
واقعدى عافية ياختى
| |
|
|
|
|
|
|
Re: أضبط . السودان يمتلك مقومات اسلحة دمار شامل (Re: قرشـــو)
|
سلام مربع
العمده قرشو
ربنا (يطمنك)ياشيخ ..اهو طمنتي انو الاشرار ديل شكيتهم على الله مايقوموا يضربونا في صمتة خشمنا ويحسبونا مع الكبار ونحن لا حصلنا كبار ولا رضينا نكون مع الصغار شلاقه فايته الحد انا لي يومين حاطه يدي على خدي وخايفه على (استثماراتي) اللي ماليها حدود في السودان يقوم (بوش) الله يجازيه يرسل ليها توم كروز ولا اباتشي تجيب حجرها وياخسارة (استثماراتك) يابت شيري لا عرس عرستي ولا اموال جمعتي
| |
|
|
|
|
|
|
Re: أضبط . السودان يمتلك مقومات اسلحة دمار شامل (Re: maia)
|
سلام مربع
مايا
بما ان الكركار كان من اختراع الاجيال التي سبقت الاجيال التي جاءت بعد هجرة العرب الى السودان مباشرة فذلك يعني اننا كنا ومازلنا نعشق الاشياء المعتقه وهذا يعني الى حد كبير امكانيه ان تكون في هذا (الكركار) سر كيماوي لم يصرح به الحبوبات الا الى اللاتي يرتضين لهن ذلك عليه يرى الامريكان ان سر تصنيعي مثل الذي يندس في مكونات دهن الكركار هو نوع من اسلحة الدمار الشامل والدليل على ذلك ما ان تجلبط به الواحد الا وتركت اثاره على الملايات وانسجه الجلد والكنب ومقاعد الحافلات ومقاعد الجامعات والمخدات فاي دمار اخر تبحثين لاثباته اختي مايا بعد ذلك
سلمت ياستي للطله
| |
|
|
|
|
|
|
|