|
|
 ابناء المغتربين
|
والله جنس دلع
والله جنس مياعه
الشعر كيف طاليهو بالجلي
الكريمات في الوش
السجاره ماسكا كيف
طريقه الكلام تقول قرد بيتكلم
المهم حاجه غريبه
مافي احترام
الواحد تتكلم معاه سوداني يرد عليك خليجي
لا يعرف شيء عن السودان
لا يعلم ولا يعرف شيء عن السودان الا الاسم
عدم الانتماء للسودان
عبارة" عليك الله سيبنا سودان شنو"
هذا هو ابن المغترب السوداني
في احد المرات ذهبت الى السوق لاشتري بعض الحاجيات التي تلزمني وقد اصطحبت معي زوجتي, ومن كثر اللف انتابني شعور بي الجوع فقررت ان اذهب الى احد مطاعم الوجبات السريعه, وعندما اوقفت سيارتي رأيت مجموعه من الشباب يلتصقون بحائط المطعم بنططون على انغام الموسيقى الغربية ذات اليمين وذات الشمال
وقد غرس كل منهم السيجاره في فمه
الحقيقه لم اكترث لهم كثيراً في بادي الامر
واكملت طريقي الى داخل المطعم واخذت طلبي
ولكن عندما خرجت من باب المطعم اصبت بي الذهول لما رأيت
فقد انظمت مجموعه من البنات الى المجموعه الاولى
وعند مروري بي القرب منهم اكتشفت انهم سودانيين
وعندها توقفت وتوجهت صوبهم لانهيهم عن الفعل الذي يقومون به على مسمع ومرا من الناس
يا شباب كدي عيب عليكم البتعملو فيهو ده
كدي انتو بتسيئو للسودانيين كلهم
وبعدين البتعملو فيهو ده ما من عاداتنا ولا تقاليدنا
عيب عليكم
فبدل ما الجماعه يسمعو الكلام
انت مالك ومالنا
انحنا حرين
وبعدين نحن ما اولادك عشان تتأمر فينا
واخذ نفس من السجاره الكانت في يدو
صراحه الدم فار في عروقي من جووووووووه
بس قلت معليش شباب طايش الواحد ياخدم على قد عقولهم
فقلت له بهدوء
يااخي ان المجتمع السوداني مجتمع محافظ الحركات الانتو بتعملو فيها دي غريبه علينا وبعدين غلط تقعدو تتراقصو في الشارع مع البنات
عيب عليكم الكلام ده
فكان رده ياخي عليك الله ما تزكرنا بالسودان
سودان شنو عليك الله
طفل لم يتعدى 15 سنه ينعل في السودان
لك الله يابلدي فهذا شبابك قد تخلى عنك
فقلت له لماذا تقول هذا الكلام
ماذا تعرف انت عن تارخ السودان
ماذا تعرف انت عن السودان لدرجه انك تمغضه وتكرهه هذا الكره
فلم تكن عنده اي اجابه
وعادو الى حيث كانو ينططون ويرقصون
وان لا الوم هذه الزمره من الشباب على تصرفاتهم ولا على عدم احترامهم للكبار
بل الوم الاباء الذين انشغلو عن تربيه ابنائهم
اخوكم ابوفاطمه
|
|
 
|
|
|
|
|
|
|
 Re: ابناء المغتربين (Re: ابو فاطمه)
|
دكتورنا الحبيب ابو فاطمه
اااااخ انك تمسك بموضع الالم
هذا الجزء يوجع جسد كل سوداني اباء يحتاجون لتأهيل من مدرسه الابوه
ابناء وضعوا علي مسار الضياع وتركوا
من المسئول
| |
|
|
|
|
|
|
|
|
 Re: ابناء المغتربين (Re: ابو فاطمه)
|
أخي الكريم
أولاً أحي فيك روح الغيرة على الوطن وكل ما يمس الوطن وسمعته بسؤ. وأحسب أن مثل هذا النموذج الذي رأيته هو نشاز فهناك الكثير من النماذج الطيبة التي تمثل الوجه المشرق للبلاد. أرجو أن نناقش الأسباب التي أدت إلى ظهور مثل هذا النموذج والتي أرى أنه يأتي في مقدمتها عامل التربية. وبالتأكيد يكون رب البيت ضارباً بالطبل في هذه الحالة حتى لو شغلته أمواله وهجرته عن تأديب وتربية أبنائه لأن فساد الأبناء لا يمكن لجميع أموال الدنيا أن تعيده سيرته الأولى.
| |
|
|
|
|
|
|
|
|
|
Re: ابناء المغتربين (Re: ابو فاطمه)
|
نحن كبارنا علمونا
الاكبر منك تحترمو
اين كان هذا الكبير
وبعدين الاباء ديل
ما بشوفو الاولاد ديل لبسين شنو قبل ما يطلعو من البيت
ما بسألوهم كانو وين
الحاصل شنو فيهم
لماذا تغير الرجل السوداني في تربيه ابنائه
هل اثرت فيه الغربه
لا ادري
لا ادري
| |
|
|
|
|
|
|
|
|
|
Re: ابناء المغتربين (Re: ابو فاطمه)
|
اخوي الملا عمر
انا معاك انو ممكن تكون حاله نشاز
بس الحاله دي في واحد ما مشكله
بس لمن تكون في مجموعه فدي المشكله
والسبب معروف للمشكله دي هي الاباء
واكرر الاباءيجب علينا ان نتحمل المسؤليه تجاه ابنائنا
| |
|
|
|
|
|
|
|
|
|
Re: ابناء المغتربين (Re: ابو فاطمه)
|
يا ريت يا اخ نزار
يا ريت الضرب بينفع مع جنس اطفال زي ديل
المشكله الما شايفنها الناس ديل هي البنات
بكره تسمع فلان حصل لبتو كدي ولا البت الفلانيه مسكوها مع الولد الخليجي فلان
ونبقى مش لبانه في السنتهم نبقى اكعب من اللبانه
وده كلو عشان شنو
بكره لمن الفاس تقع في الراس يقولو ياريت
| |
|
|
|
|
|
|
|
|
 ابناء المغتربين (Re: ابو فاطمه)
|
الاخ ابو فاطمة لك التحية والود
الموضوع خطير جدا وهذه الظاهرة منتشرة جدا وقد التقيت بمثل هؤلا
كثيرا واعتقد ان الاسباب كثيرة ومعروفة0000
اولها الخروج من الوطن وهذا له ما يبرره عند الكثيرين ولكن تكون
التضحيات مضاعفة اي بالبعد عن الوطن وخراب العيال هذا ما يستوجب الوقوف000المشكلة الاساسية هي مشكلة الاباء والامهات شخصيا اعرف الكثيرين ما شاء الله عليهم ولكن مثل النماذج التي ذكرتها موجودة
وديل عاوزين شغل من داخل الاسرة ومن خارجها من خلال دور الجاليات او الاندية
وربنا يسهل
| |
|
|
|
|
|
|
|
|
|
Re: ابناء المغتربين (Re: ابو فاطمه)
|
اخي عبد الرحمن
نحن عشنا في الغربه حيتنا كلها وابداً ما كنا يوم في الايام كدي
الله يسامح الاباء والامهات على ما اقترفو في حق الابناء
والمشكله تكون عندما يرجع هؤلاء الابناء الى السودان تكون الطامه الكبرى
فلا هم يقدرون على مجارات اولاد الحله
ولا اولاد الحله برحبو بيهم لانو بيرو فيهم انهم اولاد مدلعين وبيقولو عنهم اولاد النيدو
وعندما تكلم الاباء اقول ليك انسا الولد لسه صغير بكره يتعلم
اما عن الانديه السودانيه
ففي مشغوله بي الكشاتين والدمنو والمناقشات السياسه فقط
وجمع التبرعات
| |
|
|
|
|
|
|
|
|
|
Re: ابناء المغتربين (Re: ابو فاطمه)
|
الأخ ابو فاطمة
لك التحية والحب
ياخوى انتو بلدكم دى وين البرقصوا فيها الاولاد مع البنات عينى عينك على قارعة الطريق
والله ديل لاقين حرية اصلها ما حصلت ..
عموما اخى وجع القلب كثير جدا وكما اشار الاخ الملا عمر ان هنالك كم كبير من ابناء المغتربين بخير فى بلاد المهجر والله واحدين يعجبوك لكن عموما اظن ظاهرة الشباب الما مسئول دى اصبحت عالمية فحتى داخل السودان اسمع ان الاستهتار فاق حده وانه قد ولى زمان ان يكون للكبير احترامه ووقاره وزمان ان يترك الاولاد الشارع عند مرور معلمهم ..
صديقى دوما يقول لى انت يا قرشو اصبحت مثل كتب التاريخ وان ذهبت للسودان سيصيبك ضغط وسكرى منذ ساعة وصولك لما آل اليه الحال وياتو حال فى اعز ما يملك السودان الا وهو الشباب الامل المرتجى لمستقبل مشرق لوطن اثخنته الجراح..
والله ما قادر اقول حاجة غير حسبنا الله ونعم الوكيل
وكتر خيرك وبارك الله فيك ياخوى
رغم ان هذه العبارة قالوا سجلوها حكرا على الكيزان
| |
|
|
|
|
|
|
|
|
|
Re: ابناء المغتربين (Re: ابو فاطمه)
|
الاخ ابو فاطمه
لك التحيه
عليك الله البنات المعاهم سودانيات
الاخ قرشو
نحن فى البلد ما شفنا اوج زى دا رقيص فى الشارع الا فى مكان تانى نحن ما فارقنا الخرطوم دى ولا يوم
لكن التقيرات البيسطه انتو عشان طولتو بتشوفها كبير
وتسلموا من رقيص الشوارع
ودعقاب
| |
|
|
|
|
|
|
|
|
|
Re: ابناء المغتربين (Re: ابو فاطمه)
|
الاخ ابو فاطمه
لك التحيه
عليك الله البنات المعاهم سودانيات
الاخ قرشو
نحن فى البلد ما شفنا اوج زى دا رقيص فى الشارع الا فى مكان تانى نحن ما فارقنا الخرطوم دى ولا يوم
لكن التقيرات البيسطه انتو عشان طولتو بتشوفها كبير
وتسلموا من رقيص الشوارع
ودعقاب
| |
|
|
|
|
|
|
|
|
|
Re: ابناء المغتربين (Re: ابو فاطمه)
|
اخوي قرشو و ودعقاب
احي لو عندي سلطه عليهم كنت وقعت فيهم ضرب والله
بس والله تلمس واحد فيهم اجيك ابوهو طاير من هناك
ضارب ولدي مالك
انت انا قلت ليك ربيهو عني
وبعدين انا عاوز ولدي ولا بتي تكون كدي
وحاجات تاني
ده كان ما وصل الامر الى الشرطه
اما الرقيص
في الشارع وعاد نحن اولادنه لمن يتقمصو شخصيه فنان عاد ما ببالغو عديل فيهو
| |
|
|
|
|
|
|
|
|
|
Re: ابناء المغتربين (Re: ابو فاطمه)
|
الاخ ابوفاطمة
تحياتى
طبعا اولاد المغترين نحن بنسميهم اولاد الخليج وهم زملاء دراسة كانو بجو بدرسو معانا فى الهند وكانو فيهم الكويس وفيهم زى ما قلت وانا كنت بشتغلهم بالقصيدة الجاية وفى النهاية بتعدنو وببقو غبش وجباتة
والجباتة ديل غبش الهنود
اولاد الخليج
ديمة عاملين هيصة عاملين ضجيج
ساكنين شقق عاملين هجيج
بتقرو كورسات حاجة سمحة
وراكبين مواتر سرعة ميج
كدا ياولاد الخليج
انتم مولودين صغار
لونكم فاقع فيه النضار
ديمة شايلين نوار
مالكم ودخان السجار
لو ما الجواز لونه بلو
اقول جاين من النرويج
سنة ياناس الخليج
ديمة شيكاتكم بالسريع
ولو الولد فلس دا يوما فظيع
الولد عايز ينتحر عايز يضيع
ونلقاكم فى التلفون بكاكم اجيج
عيب ياناس الخليج
نحن شيكاتنا قاعدة تتاخر شهور
ديمة داكين وجبة فطور
عايزين نقاوم عايزين نثور
واشكال عجيبة وجسم هزيل
ولونا اسود واخضر مزيج
نموت ياناس الخليج
عايز اغترب ياخوان
عشان القى عملا ضمان
اروق واعيش فى امان
واسافر بطيران الخليج
ابوقوتة
| |
|
|
|
|
|
|
|
|
|
Re: ابناء المغتربين (Re: ابو فاطمه)
|
الاخ المحترم ابو فاطمة
تحياتي
اخي لدي عدة اسئلة لو سمحت:
1/ كيف عرفت بانهم اولاد مغتربون؟
2/ولماذا التعميم ؟
3/هل طالب الشهادة السودانية منزه عن مثل هذه الافعال
4/ ماذنب الطالب الذي اغترب ابواه لطلب العيشة الكريمة
5/لماذا هذا الهجوم على طالب الشهادة العربية
ارجو الافادة
خال فاطنة
يتبع""""""
| |
|
|
|
|
|
|
|
|
|
Re: ابناء المغتربين (Re: ابو فاطمه)
|
اخي خال بتي العزيز
في الاول اريد الاعتذار على التأخير في الرد وذلك لظروف العمل
بما يخص الاجوبه على اسألتك الكريمه
1/ كيف عرفت بانهم اولاد مغتربون؟
اللهجه السودانيه ما بتغباني لانها لهجتي
وكيف عرفتهم اولاد مغتربين لانو نحنا ما في السودان
2/ولماذا التعميم ؟
والتعميم لانو يااخي المثل بيقول
الخير بخص والشر بعم
3/هل طالب الشهادة السودانية منزه عن مثل هذه الافعال
نعم طالب الشهاده السودانيه منزه عن هذه الاشياء
لانو طالب الشهاده السودانيه ما عندو الفراغ الاضيعو مع الرقيص والهرج والمرج
لانو اذا ما جاب مجموع كويس حقو راااح
4/ ماذنب الطالب الذي اغترب ابواه لطلب العيشة الكريمة
نحن ما بنحمل الذنب على الابناء بل على الاباء الفاكين اولادم بدون حسيب ولا رقيب
5/لماذا هذا الهجوم على طالب الشهادة العربية
مافي اي هجوم على طلاب الشهاده العربيه
انا لم اقل ذالك
اخوك ابوفاطمه
| |
|
|
|
|
|
|
|
|
|
Re: ابناء المغتربين (Re: ابو فاطمه)
|
الاخ خال فاطمه
اخي العزيز انا لست بساخط على احد بل انا اغير على ابناء وطني
واتمنا لهم الخير وان يكونو احسن الناس في بلاد الغربه ليعكسو الصوره الحسنه عن بلدي
فانت اذ تراى ان ارقيص في الشوارع وشرب السجاير حاجه كويسه وسلوك حسن فهذا شأنك انت وحدك
وهذا لا يمثل السودانيين البته فهناك ناس تغلي في عروقهم دماء التعصب للسودان
ويثورون غيره على السودان
وكنت اتمنا ان تكون انت واحد منهم
| |
|
|
|
|
|
|
|
|
|
Re: ابناء المغتربين (Re: ابو فاطمه)
|
عزيزي ابوقوته
والله ما ناسيها لكن رسلت ليك على المسنجر رساله اشكرك فيها ما عارف اذا وصلتك ولا لا
على العموم الشعر ما عندك والله
اتقطعت فيها عديييييل وفعلاً دول هم اولاد المغتربين او زي ما بقولو اولاد النيدو
| |
|
|
|
|
|
|
|
|
|
Re: ابناء المغتربين (Re: ابو فاطمه)
|
الاخ ابو فاطنة
تحياتي
ياخي حكاية اللهجة دي مامقتصرة على ابناء الشهادة السودانية
فلفضائيات كثيرة وفي متناول اليد
ونحن وللاسف شعب نهوى تقليد الغير
لاعتقادنا بان كل ماهو جديد حسن
وحكاية الخير يخص والشر يعم
فهي نظرية عسكرية اثبتت فشلها
وان كنت تعتمد عليها للحكم على البشر فادعوك
لتحكيم عقلك يا اخي العزيز فهذا ليس بمقياس
واما حكاية الرقص في الشوارع فليست بظاهرة تسر عاقل
كما انها ليست شيء حكر على بعض الاخوة من طلبة الشهادة العربية
حكاية ان طالب الشهادة السودانية
منزه فليست بمنطق
وكون ان طالب الشهادة العربية مضمون المستقبل
ولا يحتاج للعلم والدراسة فدي نظرة
ظالمة و.....
واخيرا سيدي طالب شهادة عربية وطالب شهادة سودانية
دة موضوع قتل بحث ونقاش
الكل سودانيون
افهموها ياعالم
ودمت
| |
|
|
|
|
|
|
|
|
|
Re: ابناء المغتربين (Re: ابو فاطمه)
|
بسم الله الرحمن الرحيم
والله يا جماعه المنظر ده عادي الزول بشوفو في الشارع مع انو منظر بْألم اي سوداني اصيل انا عن نفسي شفت المنظر لكن الكلام ده ما سمعته لكن على قولك يا دكتور ابو فاطمه شباب طايش ساي
| |
|
|
|
|
|
|
|
|
|
Re: ابناء المغتربين (Re: ابو فاطمه)
|
الاخ خال فاطمه
Quote: ياخي حكاية اللهجة دي مامقتصرة على ابناء الشهادة السودانية
فلفضائيات كثيرة وفي متناول اليد
ونحن وللاسف شعب نهوى تقليد الغير |
اي لهجه هذه التي تتكلم عنها
فهل من يعقل ان تتكلم مه واحد سوداني بي اللهجه السودانيه وهو يرد عليك بي الخليجي
ده معناتو انو انسان مطلع على احدث البرامج في الفضائيات
ولانوانسان بيقدر يحاكي الخليجيين
اخي اسف على هذا التعليق منك
ده بسموهو عدم الانتماء مش تقليد
انا اعيش في الخليج مع اهلي منذ ان قدمو الى الخليج سنه 1962 اي لنا في الخليج ما يقارب 42 سنه وحتي هذه اللحظه لم نتمكن من التعود او المخاطبه بلغة اهل البلد
وانا متاكد انو الانسان ده اذا بالغ ما حيكون ليهو اكتر من سنوات معدوده في هذا البلد الخليجي
Quote: وحكاية الخير يخص والشر يعم
فهي نظرية عسكرية اثبتت فشلها
وان كنت تعتمد عليها للحكم على البشر فادعوك
لتحكيم عقلك يا اخي العزيز فهذا ليس بمقياس |
عزيزي انا لا اتفق معك
لانو اي شخص لمن يراى هذا السلوك من مجموعه من الشباب السوداني وهي بتتصرف غلط
فهو لن يميز ابن من هذا من ذاك
بل سيحكم على الجميع بي الفشل وعدم الربايه
كون انه ينتمي لجنسيه اخرى
اما بما يتعلق بي الفرق بين طالب الشهاده السودانيه وطالب الشهاده العربيه
عزيزي طالب الشهاده السودانيه كابسط مثال يطلب منه ان يحفظ احدى المعلقات
فهل يدرس طالب الشهاده العربيه هذه المعلقات في منهجه
اخي السفير
اشكرك على المرور والتعليق
بس في نقطه احب اوضحه
نحن كسودانيين موجودين في الغربه
اذا ما اتخذنا القرار الصائب لمنع مثل هذه التصرفات التي قد تنعكس بمردود سيئ علينا
فما جدونا اذاً
| |
|
|
|
|
|
|
|
|
 Re: ابناء المغتربين (Re: ابو فاطمه)
|
ابو فاطنة تحياتي
ما يحدث في الفترة الاخيرة في بعض بلدان المهجر التي يقطنها سودانيون وتبيح الاختلاط بين النساء والرجال في الاماكن العامة تعكس صورة سالبة للمغترب السوداني له ولابنائه بنات او أولاد فهذه لا يعفي أحد ولكن لايجب التعميم لان هنالك بعض الشباب هم قدوة حسنة وسيرتهم عطرة حتى في بلاد الفسق والمجون فلا يمكن ان نعمم تلك الحالة على كل الشباب الذي اغترب او وُلد في بلاد الغربة
مرة اخرى ياخال فاطمة ويا ابو فاطمة الحسم والحزم يبداء من داخل الاسرة التي يجب ان تعرف اين يسهر ابنها وبنتها واين يخرج ومع من يخرج ولكن ترك الحبل على القارب سوف يؤدي الى هذه الصورة التي شاهدتها وربما تكون صورة مبسطة لما يجري خلف الكواليس وربك يستر
| |
|
|
|
|
|
|
|
|
|
Re: ابناء المغتربين (Re: ابو فاطمه)
|
الاخ ابراهيم
| Quote: مرة اخرى ياخال فاطمة ويا ابو فاطمة الحسم والحزم يبداء من داخل الاسرة التي يجب ان تعرف اين يسهر ابنها وبنتها واين يخرج ومع من يخرج ولكن ترك الحبل على القارب سوف يؤدي الى هذه الصورة التي شاهدتها وربما تكون صورة مبسطة لما يجري خلف |
صدقت والله
وده مربط الفرس والمعنى الانا داير اوصل ليهو
مش عشان نحنا في الغربه نعمل النحنا عاوزنو
اشكرك على الرد
اخوك ابوفاطمه
| |
|
|
|
|
|
|
| |
almulaomar
nazar hussien
Abd-Elrhman sorkati
قرشـــو
abuguta
Bakhaf
khal fatma
ebrahim_ali
فيس بوك
تويتر
انستقرام
يوتيوب
بنتيريست