|
|
 وحدة السودان العائلية
|
اكتشفت قبل فترة ليست بالطويلة ان السودان رغم كل اختلافاته و قبائله و اشكالياته التى ادت الى افراز احزاب نوبية و بجاوية و جنوبية و اخيرا عدالة و مساواة للغرابة
اكتشفت ان كل هذه السودانيات انما هى موجودة و موحدة جدا فى دمى اى فى اهلى و اسرتى
مثلا : انا جعلى من شمال السودان كويس
و لكن و جدت اننى ايضا دنكاوى و غرابى و كمان بجاوى .
و لا اعنى هنا انى خلاص يعنى ممتلى بما يسمى بالتعايش و وحدة الثقافات, و لكن الاكتشاف المذهل هنا و الجميل فى نفس الوقت هو ان كل قبائل السودان موجودة فى بيتنا , فاولاد عمومتى مثلا جنوبيون و اولاد عمى الآخر ايضا من غرب السودان , وهناك ايضا فرع بجاوى من اولاد خالات زوجتى الشايقيةو
باقى السودان كلو ممثل فى اسرتنا.
طيب اذا يا جماعة, التعالى و الاستكبار زى ما بقولوتا الكيزان فوق كم؟
ما ياهوندا احنا بنحب و بنعرس و بنلد من كل حتة فى السودان الجميل دا
انا ادعوا كل السودانين الى نبذ الخلاف و البعد عن الحقارة على رأى ابكرآدم. و الى تعالوا الى كلمة نصار السواء, لانو فى الحقيقة لايوجد اى خلاف و احنا طلعنا اهل سودانين كلنا كدا. المسألة دى حقيقة و ليست امنيات. فهل من عقلاء
|
|
 
|
|
|
|
|
|
|
 Re: وحدة السودان العائلية (Re: اسامة الخاتم)
|
العزيز اسامه الخاتم
جميل ما كتبت
لكني لا انوي احباطك
لكن هذا واقع لا يوجد تمازج بين
قبائل السودان
ولا يوجدتمازج ثقافي
السودان عباره عن قاره صغيره
ونادر جدا ان تجد هناك تجانس ما بين القبائل
لك ودي
| |
|
|
|
|
|
|
|
|
|
Re: وحدة السودان العائلية (Re: beko)
|
يا اسامة كان في موضوع مشابه طرحه اخونا اهل العوض بصيغة تساؤل
مواطن غير اصيل او شي بهذا المعني
فجاوبنا عليه متفقين علي ما ورد في هذا البوست
قبل قراءته لان ما طرحته هو فعلا واقع لا فكاك منه
دع كل من يدعي قبلة غرب شرق جنوب شمال
وسط ان يحدد ماذا يريد نوبي دينكاوي شلكاوي محسي الخ هذه الاعراق
وفي النهاية الموضوع حا يكون زي قسمة الكورة
الحراس الحرفاء اولا وثم الفرد والثيردباك والاستوبر
باقي ليك ما بتلقي ليك خانة جناح شمال واللا راس حربة
وبعدين تراث محمد المهدي المجذوب والكتيابية بدءا من التيجاني
مرورا بشاعرنا في المنبر
والقائمة طويلة طووووووووووووول ديل حا يمشوا منهم وين
وزي ما قلت لي اهل العوض السودان ده لو اختلف من سودانيته
لن يستطيع ان يبقي حيا كبليدات صغيرة وسينمحي من الذاكرة
الي الابد
دعهم يقتسمون السلطة والثروة والطبشير والسبورات
ولكن الارض لا
فنحن لا زلنا لم نقتسم سواقي اجدادنا الاوائل
| |
|
|
|
|
|
|
|
|
|
Re: وحدة السودان العائلية (Re: اسامة الخاتم)
|
والله يا الخاتم يا ولدي كان قلنا بسم الله الرحمن الرحيم وختينا الكوره واطه كلنا لادم وادم من تراب وكلنا سودانيين .بس عايزه السوداني الما اختلط بي اي قبيله من الغرب ولا الجنوب ولا الشرق او الشمال يرفع ايدو ويقول انا؟؟؟؟؟؟؟؟؟ وفي الحاله دي يكون غير سوداني وبس يوريني وجهتوا وين وادق ليهو خروج من السودان من غير عوده
| |
|
|
|
|
|
|
| |
اسامة الخاتم
beko
nazar hussien
doma
فيس بوك
تويتر
انستقرام
يوتيوب
بنتيريست