|
|
 في البورد من سنة اسكت بس الجنية ركبت رقشة
|
ناس البورد
الحلوين والشينين
المبدعين و المامبدعين
الكتابين والقراين
البيكتبوا سبعطاشر بوست في اليوم والمابكتبو غير سبعطاشر ماسنجر في اليوم
الماخدين الموضوع بجدية والماخدنه سلفقة
الناس الشكالة والناس الحجازة والناس اللا بتفلق ولا بتجيب الحجار
الناس المهيتين ومبيتين في البورد والناس البيدخلوا مع الماهية
خناشير البورد وحناكيشه
ناس الشلليات وناس الفرادي
ناس شيلني واشيلك وناس ما بريدك ولا بحمل براك( ما قاصد ود عزة )؟
بكري ابو بكر وجماعته في الادارة بورداب جدة وعمدتهم قرشو ووكيله قرجة الصغنوني ناس امريكا ومبدعتهم تماضر ودافي صاحب دكين وسمير الكوز العاوز يعمل حفلة لدعم البورد بي قيقم
ناس اوربا من الخواض لي ناس هولندا خدر الشين وعزيز الفنان
ناس الامارات من عاطف عبدالاااا وحمزة سليمان لحدي عبده وزيكو الجبان (قروشي وينها يا زيكو)وطبعا ما مرورا بي زولا 123
ناس قطر من ابنوسة لي رقم صفر وين الزول دا
ناس السعودية كلهم من حبيب بلدو وبوش في الرياض ومعاهم عمر مهدي والتبلدي كمان لحدي الزول زاتو ابو لسان
وطبعا حسن الختام ناس السودان من بامسيكا لحدي حبيب الكل ودريمز والحبان حتي روعة في اخر الدنيا في اليابان وديك الجن المشي من رابطة الشرقية لي جيزان ودقنة البجاوي وعطبراوي في سيدني كمان
لاحولة انتو ما تجيبوا رئيس المنبر دا كوفي عنان عديل كدا بعد دا
ليكم كلكم اجمل تحية من زول ما فنان ولا حساس وبس هناي داك الانسان
بالمناسبة انا غيرت اسمي لاني بكتب في البورد دا من زمان
والبيعرفني ليهو طرادة
|
|
 
|
|
|
|
|
|
|
|
Re: في البورد من سنة اسكت بس الجنية ركبت رقشة (Re: غدى)
|
غدي ازيك
ويييييين انتي
والله قربت اكتبك في بوست عن المفقودين من البورداب القدام
بعدين دة ما انا
دة زول قديم في البورد من سنة حفروا البحر وبحب الشاورمه
وبكره الشعبطة في الدفارات وبنوم 3 ساعات في اليوم وعنده شامة كحلية تحت عينه الفي النص وما بعرف يقرا صيني لكن ممكن يزك اي عتود يلقاه في الشارع بياكل في ورق وبروش بس ما بحصل الرقشة...
بعد دة اتخيل لي الا اقولو ليكم عديل
ما ياهو زاتو
| |
|
|
|
|
|
|
|
|
|
Re: في البورد من سنة اسكت بس الجنية ركبت رقشة (Re: جدو)
|
اهلين جدو
موجوده وبكثره كمان ..
وهناى داك مشى وين ...هناى البشاكل ضله لكن مابشاكل الكمسارى وبديه حقه ... وبتلقاه قاعد تحت ضل الجرجير اليوم كله ... وزى ماقال هو ما فنان ولا حساس وبس هناي داك الانسان ونسى اقول انه هناى الشكال
ماكلنا عرفناه
موش هو ...
صح وله لا
| |
|
|
|
|
|
|
|
|
|
Re: في البورد من سنة اسكت بس الجنية ركبت رقشة (Re: جدو)
|
هذا شخص يحب الغناء الحبشى
و تؤرقه ذكريات جامعة الخرطوم
و حنينه الى مسقط رأسه يجعل عينيه تغرورقان بالدموع
محب للحياة و لبعض نسائها هنا فى البورد
يحب لعب الورق/ كوشتينة يعنى
و يشجع اللعبة الحلوة فى كرة القدم
فضولى و شكّال اذا دعى الامر
اذا كان اسمه القديم هو اسمه الحقيقى اذن يصح القول انه اسم على مسمى
و ان لم يكن اسمه الحقيقى فهو ايضآ اسم على مسمى
هذا ـــ يا اصدقاء
| |
|
|
|
|
|
|
| |
جدو
Elmosley
Adil Osman
وجن
فيس بوك
تويتر
انستقرام
يوتيوب
بنتيريست