بنات الجن ديل جنهن رقيص وغناء

أخى الحبيب قاهر الجن

لك التحية والاحترام

حقيقة سيدى الحكاية عجيبة لا سيما واننى سمعت قبلا مثل هذه الحكاوى وسمعت تأكيد لعلاقات الجن مع الانس وهانت تزيدنا يقينا وقد جاء فى القرآن الكريم ما يؤكد وجود الجن قطعا وكل هذا يجعلنا فى شوق لمعرفة المزيد من ذلك الامر وبما انك صاحب تجارب فارجو عزيزى ان لا تبخل علينا بما تعرفه حتى نتعظ وحتى نتجنب ما يضرنا ونحن لا ندريه والان اول مرة فى عمرى اعرف الدعاء الذى اوردته عند خلع الملابس وهو هام وليت كل احبتنا هنا يطلعوا عليه ويحفظوه عن ظهر قلب لان سفهاء الجن يتربصوت بتلك الاوقات ..

لك الشكر عزيزى واننى انتظر منك ان تحكى لنا اكثر عن ذلك العالم الخفى الذى نجهله تماما بينما هو قريب منا جدا وقد لا يخلو بيت او مكتب من وجود الجن على ما اعتقد بسبب وجودهم السابق لوجودنا على الارض..
لك الحب والاحترام وشكرا على النصائح الغالية جدا وزدنا ارجوك حتى نعلم ما خفى عنا ..

حبينا الغالى الجعلى

لك الحب والاحترام والتحايا

ياخوى اول شىء انت كنت وين ليك زمن غاتس .. اوع تكون مشيت هناك بس ؟؟؟ هااااى يكة

والله ليك وحشة لكن شايف الناس كلها نفسها مارقة وما عاوزة تشارك وبعاينوا من فوق الحيطة بس..

اشكرك لانك أكدت حديثى حتى لا يظن ظان ان قرشو اصبح {الجااااك} ولعل الاستاذ حمد الريح شاهد عيان على الحكاية .. وغير حمد الريح هنالك حكاوى مثل هذه وقد تفضلت بانك عايشت احداها .. إذن عزيزى نحن موعودون ببوست كارب عن الحكاية فلا تجعلنا ننتظر مثل انتظارنا لتلك الفتاة التى خرجت ولم تعد ووجدتها خالتها فى مدينة اخرى فى مستشفى غائبة عن الوعى ولم تكمل لنا الحكاية..

والله نفسى فى قعدة معاك ياخى

لك حبى واحترام

حبيبنا بدر الدين

بخاف اسال عليك الناس

يا راااااااجل

كدى عينى فى عينك
انا خايف انك بتكون من النوع البخوف الجن ذاتو واكان لاقاه يفك ليه الطريق ..
وانا سمعت قالوا بلدكم ديك ملياااااانه وكل جبل فيه كميات وارتال منهم كمان.. صحى الكلام ده ولا اشاعات مغرضين ساكت ..

بالمناسبة ليه ما نعمل علاقات ود من الجماعة ديل ونستفيد من خبراتهم ومعارفهم ولا دى حرام كمان ؟؟؟

لك حبى واحترامى

الأخ الحبيب قاهر الجن

لك التحية والاحترام

اشكرك جزيلا على ردك الذى اوضح لى الكثير من الاشياء ومثل هذا الرد يصلح بوستا منفصلا لما يحويه من المعلومات القيمة جدا والخفية جدا والتى لا يكاد يعرفها الا القلة القليلة ..

عن بخور اللبان الضكر فاعرف شيخا يأتى من السودان خصيصا للقاء تاجر هندى يأتى فى عمرة رمضان فقط ويشترى منه اللبان الضكر وقد اخبرنى بالمعلومة التى ذكرت ولن تصدق انه يشتريه باسعار باهظة جدا ومن ضمن قوله ان اللبان الضكر يستخدم فى تحضير الروحانى او العلوى وبصراحة انا الحكاية ما داخلة راسى وتأدبا لم استطيع مناقشته ولكن هل لك توضيح هذا الامر لى ؟؟ بصراحة انا محتار جدا فى حكاية الروحانى او العلوى وكما ذكر لى فان العلوى عكس السفلى ومشروع جدا الاستعانة به ولست ادرى فانا خال ذهن فى هذا الامر .. ارجو التكرم بالتوضيح لى ان امكن ..

عن انواع البخور العفن والله صدقت فانا كنت اكره هذا البخور فى بيوت الزار وفى بيوت الدجالين واعجب كيف يستسيغونه والان فهمت السبب سيدى .. الله يلعنهم ياخى ..

سمعت ان السدر يستخدم مع الماء كشرب وحمام لابطال السحر والعمل ولعل حديثك ايضا ثبت لى ما سمعت ولكن ما هى الطريقة لذلك بارك الله فيك وهل يمكن لاى شخص استخدامها ام انها تحتاج لشخص خبير (قصدى حكاية استخدام السدر لابطال السحر) فهنا بعض المعالجين يحذروا من مغبة التجريب بلا خبرة ودراية لان الشيطان يمكن ان يتلبسك ولا تستطيع فكاكا..

اذن اخى حكاية حبهم للطرب تصدق حكاية الاستاذ حمد الريح وحكاوى اخرى مماثلة ..

على ذكر الطرب والزار فقد كنت اشاهد وانا صغيرا جارتنا الست الامية عندما تنزل (يتلبسها الجنى) كانت تلبس هدوم خواجات وهى البدلة والبنطلون والبرنيطة وتحمل العصا وتشرب الويسكى وساعتها تتحدث بالانجليزى علما انها امية وفى وعيها لا تقرب الخمر بل ان زوجها رجل محافظ جدا ولا يسمح باى فوضى عدا هذا الزار وما كان يعجبنى ان الزار او حفلات الزار كانت تقام داخل الجناين وليس فى المنزل ولذا نذهب ونحضرها ونحن مبسوطين جدا وذلك لمد الموائد الحافلة بما لذ وطاب..

الله يكفينا اخى شر الجن وعمايله

لك شكرى ثانية وارجو اخى ان تواصل الكتابة معنا حول الموضوع فهو ذو شجون..

مع احترامى وحبى

الاخ بدر الدين

لك تحياتى
ولك شكرى على دعوتك الكريمة وارجو ان يتيسر لنا الامر واسجل لكم زيارة فقد كنت عبر الانترنيت اصادق احد الشباب العمانين الذين يدرسون فى الهند وحبب الى السلطنة جدا فاحببتها بحق..

بصراحة قالوا عندكم يا صاحبى حكاوى عجيبة وغريبة ولكن الاعجب والاحب هى الزهور والعطور والبخور وده ذو الصلة بموضوعنا ..

ايه رأيك تشتغل تاجر بخور لبان ضكر ؟؟؟ ده اغلى مما تصور وكيلو منه بس بالشىء الفلانى لانه يباع بالدرهم تصدق الدرهم منه بمائة ريال سعودى؟؟؟
وقيس على كده بقى ؟؟
المهم تاخد كورس فى الاصلى من المغشوش ..

لك حبى وتحياتى اخى ولو عندك حكاوى هاتها لنا

حبيبنا المهاجر

لك التحية وانت تعود بنا ثانية لحنتوب وجن حنتوب كمان..

طبعا نحن كنا فى ودعدلان وكان معانا زملاء عفاريت جدا ولما كنا ننام ليلا خارج الداخلية فقد كنا شهود على اشياء كثيرة يقوم بها العفاريت ويخوفوا الناس بيها حتى لا يقربوهم ولكن كذلك كانت الاشاعات عن الجن خاصة وان الجنائن كانت متاخمة لنا ولكن سبحان الله لم نكن نخاف من ذلك بل ونقتحم الجنائن ليلا ونغنم منها ما نغنم ..

ولكن حنتوب اشتهرت خاصة بين الاهالى بابو لمبة وهو شيطان مشاغب جدا وهوايته ان يلوح للذاهبين ليلا بضوء فانوس او لمبة حتى تتبعها ظنا انك تسير فى الاتجاه الصحيح ولكن تجد انك ذهبت مسافات بعيدة يستحيل ان تصلها عادة وانك ضعت .. شيطان مشاغب جدا .. وانا اعرف كثيرين تعرضوا لهذا التضليل الشيطانى وتاهوا فى الخلاء ..
اضافة الى شيطان السيرة فكثيرون وجدوا بص سيرة ولخفتهم يركبوا البص ومع الجكس والغناء والهيصة يجدوا انهم ذهبوا لبلاد بعيدة جدا ..


حكاية الكدايس دى بصراحة انا بعتقد انه الشياطين بتتشكل فى شكلها وتصديقا لقولك فكل يوم ليلا وانا ماشى على برميل القمامة (بدون مؤاخذة) وقبل ان ارمى ما احمل ابسمل وللعجب انه قبل وصولى تقفز القطط من داخل البرميل مما جعلنى ايقن انها هى ولكنها لم تتجاوب معى عندما احادثها؟؟؟

هاااى يكا

طبعا الهند يا عزيزى موطن الشياطين امال السحر البعملوا فيه ده من وين ما كله شياطين..
وقيل من سمع ليس كمن رأى فارجو ان تحكى لنا مشاهداتك وحكاويك الجميلة

حبيبنا الملا عمر

طبعا كل ما اوردته حقيقة والايمان بالجن من اسس الايمان وهو الغيب ولا شك رغم ان حبيبنا حبيب بلده قال دى خرافات ولعله يقصد ان رؤية الجن خرافات ولكن الثابت ان الكثيرون قد تمكنوا من رؤية الجن والحكاية مش كوابيس كما اشرت يا سيدى ولو ما مصدق شوف وانت ماشى على البيت بالخط السريع شرقا حاتلقى منهم كميات كما ذكر الشيخ القطان سابقا بان المنطقة بين جدة ومكة تزخر بالجن اشكال والوان كما ان جدة نفسها مقر للشياطين والجن كذلك

وربنا يحفظ الجميع يا سيدى

ولك تحياتى

حبيبنا مهاجر

تحياتى

لا ده انت طلعت حكاية كبيرة فى عالم الجن

يازول طالما الراجل كان بصحيك ليه ما عملت معاه صداقة ياخى ؟؟ مش كان تشكره اقل شىء وتتفق معاه دائما يكون كده حلوانى ويقدم الخير خاصة فى الغربة الواحد محتاج لرفيق مخلص ووفى زى ده..

اما حكاية الراجل القعد فى الكرسى والله دى تحير
يا ربى الجن ديل عندهم تلفزيون زينا وبرامج وحاجات كده زى الانترنيت والماسنجر وما شابه ذلك ؟؟؟

اكيد طالما عجبه البرنامج بتاع التلفزيون يكون عندهم

حقا اخى المداومة على الطهارة والتحصين يبعد عنك الشياطين ولكن الجن المسلم يبقى ..

بالمناسبة احد الاصدقاء هنا يحدثنى عن واحد سودانى الان فى جدة قال انه الجن حفظه القرآن وانه كلما يحتاج ليهم يناديهم ويجوا ويقدموا ليه كل مساعدة ممكنة .. بعض الناس سبحان الله ربنا يسخر لهم جنوده لعونهم ومساعدتهم وما عارف ديل امكن مكتوب ليهم السعادة منذ مولدهم ..

لكن ناس نحن تحفظ الاية بى هنا تلقاها طارت بى هنا
نقول شنو بس

الاخ مهاجر

حقيقى حكاويك مثيرة وارجو ان تواصل وانا سمعت انه الهند دى مليانة جن وبالمناسبة هل حكاية السحر فى الهند وانه منتشر بشدة ولا كلام ساكت..

سمعنا زمان ان الهند ممنوعين من كاس العالم لانهم بستخدموا السحر ضد الخصم والحارس المضاد دوما يجد عشرين ثلاثين كورة امامه ويقبض فى الهواء بينما الكورة الحقيقية تدخل باقل مجهود .. هل سمعت بذلك..

لك تحياتى وانا فى الانتظار لعودتك

الأخ المهاجر

تحياتى

ياخوى جارتكم دى ما كان تستفسروا منها الحكاية شنو مع الجن وبتستفيد شنو هى لما تناديهم واكيد فى فائدة والا ما كانت كل يوم تناديهم..

لكن بينى وبينك هو عاوزين منادة الجماعة ديل ما زولهم ده بكونوا معاه طوااااااالى لما يكرهوه عيشته..

فى انتظارك عزيزى للمزيد من الحكاوى الشيقة

مع كل الود