|
|
 الموضوع : تعهد
|
بسم الله الرحمن الرحيم
الحمدلله رب العالمين والصلاة والسلام على على الهادي الأمين وآله وصحبه والتابعين إلى يوم الدين
التاريخ :وقت ما
المكان : ككل الأزمان والأمكنة اللاحدود
إلى :زول وزولة
الموضوع : تعهد
إشارة للموضوع أعلاه , أتعهد أنا مقدمه هذا الطلب أبنوسي مسروق الأسم تبلدي إسم الشهرة , بالعمل في هذا البورد للحق بالحق ومع الحق في حدود الممكن والممكن خلف كل جدار قلب يقبل الحق وخرج هنا شاهرا كلمه لأجله , دون المساس بحق أخ أو أخت في هذا المنبر وليكن منبري منبركم ومنكم زادا بصبر على طول المسير
مقّدمه
رغم التبلدي
أبنوسي
خايف أسرف في إستخدام العربي الفصيح أقوم تاني أعيدو السنة الجاية وما صدقت عديت إمتحان الأنتظار وبكرة ينبري واحد من جهابزة القول ويطلع كلامي ده لا في الشرق لا في الغرب لكن بالمختصر المفيد جاكم واحد سوداني ,صفقوا ليهو
وعدت أبوبكر أني حأكتب ليهو علي راس كل أسبوع رسالة أوطلب أنضمام لي مدة سنو ولو ما رد حأكتب ليهو علي راس كل شهر لي مدة سنة , وبرضو لو ما رد ح أكتب ليهو مرة في السنة لي مدة سنة وبعدها لو ما رد حاقع نص البحر المحاوطني زي أحزاني ده, لكن يظهر الأخ بكري فضل ما يتحمل الوزر ده براهو وحب يشرككم معاهو وزي حنمشي البحر سوا بعد تلاتة سنة سيرة ما نرجع منهاأو ترجعوا ناقصين نفر غلباوي
ومن هسة يت قضيمو ود شاموق وأساسي ودكين وتماضر بحذركم وبحذر كل الشكالين انا بلعب كراتي أعملوا حسابكم
لا إله إلا الله
محمد رسول الله
|
|
 
|
|
|
|
|
|
|
 Re: الموضوع : تعهد (Re: tabaldy)
|
دوما أها ما تزعل أنت معاهم ودي الكاتا الأولى لسة ما دخلنا علم اليوغا وخبرات المدافرة في الدفارات من وسائل الدفاع الشامل المحظورة
| |
|
|
|
|
|
|
|
|
|
Re: الموضوع : تعهد (Re: tabaldy)
|
سلام مربع
ماشان اسمي ماورد ضمن القائمه
بس حقيقي حقيقي لو دي طريقتك هنا في البورد
فانا من اوائل المرحبين بقوة
لانضمامك لينا هنا
وياخوي الناس كلهم بحبو بعض
والبتشوفوا هنا دا مجرد اختلاف في وجهات النظر
ودا معناهو اننا نحن بخير
انا بحب السودان
وبحب اي واحد سوداني
___________
شكيتكم على الله يابوش وبلير وحكومتنا بتاعة الشبك
| |
|
|
|
|
|
|
|
|
|
Re: الموضوع : تعهد (Re: tabaldy)
|
بإنضمامك يا تبلدي إلى المنبر الحر نكون قد أوشكنا على تكملة تلك المنظومة الجميلة من الأقاليم المناخية المتنوعة تنوع ثقافاتنا وسنحاتنا ولهجاتنا في سوداننا الحبيب ، فبالأمس أبنوس وحراز واليوم تبلدي فأهلاً وسهلاً بك في المنبر الحر ذلك الوطن السايبيري.
أما حكاية ورود البحر تلك وتخويفنا منه فأرجو أن اذكرك بالمثل القائل أتهدد الحوت بالغرق والتاء في الحوت مفتوحة على ثلاث شوارع أما القاف في الغرق فهي مكسورة جناح والخطاب ليك يا تبلدي.
مرحب بيك
| |
|
|
|
|
|
|
|
|
|
Re: الموضوع : تعهد (Re: almulaomar)
|
اشارة الي ما ورد اعلاه نفيدكم بعدم رغبتنا في استمراركم في المشاركة معنا عبر الحيطة ونسبة لهذا التعهد الممهور بتوقيعكم بنكهة القنقليس نفيدكم باننا قد قبلنا تعهدكم واعتباركم قطعة جديدة اضيفت للمنبر كما نرجو منكم شاكرين بعدم المزازاة للاخوة المزكورين في تعهدكم والمشي جمب الحيطة مع دنقير الراس
زعيم العصابة
| |
|
|
|
|
|
|
|
|
|
Re: الموضوع : تعهد (Re: اساسي)
|
مرحب حباب اللخو
حباب التبلدي
بس علا اساسي ابعدوا من جنبنا الزول دا انا بهرش منو عدييييييييل
من قبيل منتظر زول يخش عشان انا ما اجي وراه طواااالي كدي ..لكن في الاخر اشجعت وقلت يازول تتقد الرهيفة ان شاءالله ما تتسد
جدو
| |
|
|
|
|
|
|
|
|
|
Re: الموضوع : تعهد (Re: جدو)
|
وقعت قلبي يا تبلدي
انا قلت خلاص البورد حيقع في راسنالكن الحمد لله جات سليمه
أنا قلبي رهيف وما بستحمل العناوين العنيفه دي وخاصه لمن تكون موجزه
الله يجازيك قربت تنسيني انا عملت ريبلاي لشنو
أهلا وسهلا بيك وشرفت البورد باللون الجديد ده من الكتابات
دوما
ZARIA
| |
|
|
|
|
|
|
|
|
|
Re: الموضوع : تعهد (Re: tabaldy)
|
شيري
وعليكم السلام فعلا كلنا اخوان واختلاف الراي لا يفسد للود قضية وأكيد حتلاقوا الحاجة دي لي قدام ولو أضطريت أخش لي واحد بي غادي للشاشة نتعاضض أكيد حأجي راجع تاني ليكم
الملا عمر
فنفليسنا ولا كرز الناس وجوف التبلدي بي غرقو ألا جواتو الخير لي أهلو ولسة جاييك العرديب والمنقة الباباي والبلح الناشف زي راس العسكر
اساسي
نفس شعور جدو ما حبيت أرد من الصباح قلت اخلي آخر الكلام لي أساسي وإلا ما يجوا البورداب ويشوفوا الشكلة شنو ناس المديدة والحجازين وأهل الجودية , المطرة في السودان علمتناعدم المشي تحت الحيط ودورية الطواري كمان
جدو
في بيت حبوبة في البلد شدرة تبلدي مكفيانا موية وضل جبنة , تعال لا جاي علي البكري والتنى والبركة البي حضرتكم, لي مجلس البرامكة تسمع من هدّاينا والحكامة
زاريا
في ذمتك الوقع قلب أخوهو منو ؟ بعد ما شربت لي كباية موية جيتك تاني ومن قبيل بشوف في الحاجة دي وللآن ما فرزتها حيوان أجيب ولا لعبة من الأمريكان لي أطفال العراق؟
يا جماعة تعرفوا بيني وبين بورد عديلة مربوعين بس أبعد شوية لأنو هي في الناصية الركن بتاع الموقف يعني البورد بتاعها برة واضح لكن البورد ده في حلة العشوائي جوة ,وباقي الجماعة ديل ما قالوا يشوفونا بنتعهد ليهم بي شنو , يمكن من كسلنا السودانيين نسيت حرف في التبلدي عشان يبقى تبلدية .إلا العشم بيكم الرحبتوا ووعدنا
اننا وفاء
وخوة وصفاء
زمان
أبنوسي
هسع
تبلدي
| |
|
|
|
|
|
|
| |
doma
shiry
almulaomar
اساسي
جدو
فيس بوك
تويتر
انستقرام
يوتيوب
بنتيريست