|
|
 لماذا الهجوم على الشهاادة العربية؟؟؟؟؟
|
اعزائي واخزاني الكراام
موضوع الشهادة العربية يثير في نفسي غضب وزعل من الظلم الذي يقع على ابناء الشهادة العربية وعلى اهليهم
وذنبهم الوحيد ان اهاليهم اغتربو حتى يؤمنو لهم عيشة زي الناس
يااا جماااعة انا مغتربة مما اتولتا والله لسودان دي باسمع بيها بس
ومشيتا قريبات دي بعد ما كبرتا
وشفتا ناس واقواام والبلد عجبتني جدا
وشفتا مناهج المدارس
يا جماعة الحاجات والدروس البياخدوها في الثانوي
بيدرسوها في الخليج في المتوسط وحاجات الثانوية بياخدوها ناس السودان في الجامعة
يعني بالمختصر المفيد الدراسة العربية اصعب من الدراسة في السودان وبعد دة كلوببهدلو الناس بهدلة ماعادية
اول حاجة بينقصو من النسبة 8 بالمية وكانت زمان 10 بالمية
ليه بس وروني؟؟؟؟؟
هما فاكرين انو النسب العالية هنا بالساهل ؟؟؟
والله العظيم الناس ديل بيقرو قراية ما في زول منكن يتخيلها
والمجهوذ المبذول من قبل الاهالي في توفير الاساتذة الغالين جدااااااا جدااا
لان المدارس هنا الاساتذة بيقرو للطلاب الفي الكتااب وبس والباقي انتا برااك بتفتش وتبحث وتعتمد على نفسك وبمعنى اصح على جروشك
والمصيبة بعد المصااريف الفظيعة الللي الاهل بيدفعوها
الاولاد بينقصوا في السودان وبعد دة بيدفعوهم مبااالغ خيااالية
ليه دة كلووو؟؟؟
هما فاكرين النغتربين ديل شنو؟؟؟
السماااء بتنقط جروش؟؟؟
ولا بيلجوها في الارض؟؟؟
النااااس ديل لما طلعو من السودااان ما طلعو رغبة منهم في لبهدلة
طلعو عشااان يؤمنو حياة افضل لاسرهم الممتدة
من خالات واخوال واعمام وعمات واولااادهم
ماعشاان يتمرمطو ويتبهدلو
ياااجماااعهة لي الظلم دة بس الاهالي ديل ما بسهولة لاقيين الجرش
هنا الاجانب بيتبهدلو عشان يلقو لقمة العيش
ولما يلقووها بيسرفو على مليون جهة
اولااا ايجار البيت والكهرباء والموية والتلفون واقساااط العربية
وحاجااات تانية كتير
وبعدااك يبدا يرسل لاهلو الفي السودان ودة غر طلبااات الاولاد
يعني الحياااة ماسهلة برا
والزول ما بيهون عليه اهلو والغربة صعبة واصعب مافيها الزول مرااات ما بيشوف اهلو سنين وسنين
وبعدن يموت في غربة وبعيد منهم
ودة كلو عشان لقمة العيش
فيا ناس ارحمو من في الارض يرحمكم من في السمااء وكفاية افترى على اولااد بلدكم
ارجوووو
كل من له صلة بالتربية او له نصيحة تخدمنا ان يقدمها
عاشقة
|
|
 
|
|
|
|
|
|
|
 Re: لماذا الهجوم على الشهاادة العربية؟؟؟؟؟ (Re: عاشقة)
|
و الله يا عاشقه كلامك صح ميه الميه
انا قريت بره وامتحنت من هناك وعارفه كميه القرايه البرنقراها و اسلوب الامتحان وجيت قريت الجامعه هنا شفت الطلبه الامتحنو من هنا وشفت طريقه قرياتهم واسلوبهم في التعامل مع الامتحانات و الفهلوه و الشطاره مش في القرايه للامتحان لكن في تجهيز الاسبوتنج و الحاجه البتخارجهم
اتخيل لي يا اخت عاشقه حكايه تعديل الشهاده وترفيع المعدلات بالصوره المجحفه دي مقصوده عشان عاوزين عمله صعبه... اصلا المغترب السوداني بقي زي البقره الحلوب يستنزفوه لاخر قطره دون اي مقابل
الله المستعان
| |
|
|
|
|
|
|
|
|
|
Re: لماذا الهجوم على الشهاادة العربية؟؟؟؟؟ (Re: عاشقة)
|
الاخوات والاخوان
عاشقه بت بربر الخواض ايهاب
لكم منى كل الاحترام
لكن موضوع الشهادة العربية
اولا ابدا الكلام بانك قلتى بيخصموا 8 فى المائه وزمان كانوا بيخصموا 10 فى المائة انت عارفه لو ما خصموا الـ 8 فى المائه اول السودان كان حايجى ترتيبه 460 يعنى ما يدخل جامعة الخرطوم
ثانيا انا اشتغلت فى الجامعات السودانية والكل يعرف مستوى طلاب الشهادة العربية انا ما عندى ادنى شك فى المناهج بتاعت الشهادة العربيه اي نعم مواكبة ومطوره شديد لكن العبره فى التحصيل الاكاديمى وكيف يحصلون على درجات الشهادة ....سوف اوعدكم يإيراد تفاصيل درجات التحصيل لاحقا
ثالثا 50 فى المائة من الدرجات يحصلون عليها دون ادنى اجتهاد اكاديمى (بمعنى ان الخمسين فى المائة كاعمال سنه خلال السنه الدراسية)......ا
سا اعود لكم بتفاصيل اوفى
لكن ممكن يكون فى حل ثانى مثلا
بان يقوم المغترب بارسال ابنه او ابنته الى السودان فى السنه النهاية او مثلا حكومة السودان تفتح مركز فى دول الخليج والسعودية لطلاب الشهادة السودانية
والرجاء ان لا تطاولوا على الشهادة السودانية
د.طارق
| |
|
|
|
|
|
|
|
|
 Re: لماذا الهجوم على الشهاادة العربية؟؟؟؟؟ (Re: طارق اسماعيل)
|
دكتور طارق
لك التحية
عايزة اقول ليك انو معلوماااتك خاطئة عن الشهاادة العربية
لان لااا اعمل سنة ولاااا اي شي بخش ضمن المجموووع الا بس اللي بتمتحنو خر الفصل والبيتجيبو بيتكتب في الشهادة اللي بتحملهاا طول عمرك
وانا باكد دة الحاااصل في كل دول الخليج واليمن ومصر وغيرهااا من الدول
وارجو احترررام الشهااادة العربية
عاشقة
| |
|
|
|
|
|
|
|
|
|
Re: لماذا الهجوم على الشهاادة العربية؟؟؟؟؟ (Re: عاشقة)
|
ياعاشقة الولهانه...ويابت بربر
شوفن :
احنا ناس السودان...استاذ انجليزى ماشفنا الا شهرين في تالتة ثانوى......استاذ البحتة تم نص المقرر بس....نص المقررات والله قريناها برانا....بدون اساتذة خصوصيين....بنمشي المدرسة كل يوم كداري نصف ساعة.....الفصل فيهو مائة وخمسين.....استاذ الفيزياء ماناقش اى حاجة.........هذا ما كان من ظروف المدرسة..
البيت...الكهرباء قاطعة....شموع ورتاين ساااكت....الطول ناقص الوزن بيساوى الطول....يعنى اندرويت.........
بعد دا قرينا مع اولاد الراحات ناس الشهادات ....والله فيهم ناس كويسين واغلبيتهم اقل من عاديين....وعموما كنا الاحسن..
من ناحية جكس هم كدا لفوق.....بس ما تقول وين ياانتي....الساعة التخبتك بكلمة من شاكلة ..منيحة..وسيارة...تقوم شنو تقول ليها ..دقيقة بس داير اضرب تلفون....والزوغة الياها.
..................
shereef
| |
|
|
|
|
|
|
|
|
|
Re: لماذا الهجوم على الشهاادة العربية؟؟؟؟؟ (Re: omdurmani)
|
امدرماني لك التحية
ياخي فلنفرض انو الكهرباء مش قاطعة ساااعتين في اليووم
ان شاااء الله اليوم كلو في اختراع اسمو شمعة وفااانوس ومن طلب العلاااا سهر الليالي
وباعتبااار ان الاحوااال الاقتصادية في السودان صعبة قول نستاااهل ننقص ان شاء الله 20 بالمية
لكن في داعي للمباالغ الخيلية البيدفعوها لينااا؟؟؟
الزول بيكون عندو 56 طلااب دايرين مصاريف جامعة يجيبا من وين وريني؟؟؟؟
واعتقد اني شرحتا الظروف
وفلنفرض عندو السنة دي ياربي السنة الجاية ضامن نفسو يكون عندووو؟؟؟؟
الزول في الغربة بيكون عاكل حساب ان يتفنش في اي يوم لان البلد ما بلدوولماااا يفكر ويكون مجبور للعودة لوطنو تعاااال شوف استقبال السودان ليه
اولااا ضرااايب بالهبل
تانيا جروش الجامعات بتفضل زي ماهيا وريني حيجيبهااا من وييييين؟؟؟؟
ياناس السماااء ما بتنقط دهب انا والدي بيشتغل من الساااعة 7الى 2ومن 4 الى 9
حتى اولاادو ما بيشوفوه ال بالصدفة
فارحمووونا بالله
عاشقة
| |
|
|
|
|
|
|
|
|
|
Re: لماذا الهجوم على الشهاادة العربية؟؟؟؟؟ (Re: zola123)
|
زولا123
لك التحية
كلااامك كلو صح
وبعدين يااابشر مامنكن يتسااوى زول جايب 88 بعد النقص
وزول جايب 77بعد النقص يخشو بالجروش الاتنين لو دايرين طب
ليه عشاان شنو؟؟؟؟
وروني القروش بقت تدفع الطلااب انهم ما يقرو لان اي حاجة عايزنها حيدخلوها بالجروش
هل يتساااوى من يعمل ومن لااايعمل؟؟؟
وروني؟؟؟
عاشقة
| |
|
|
|
|
|
|
|
|
 Re: لماذا الهجوم على الشهاادة العربية؟؟؟؟؟ (Re: عاشقة)
|
الاخت عاشقة
انا اخت شهادة عربية بس درست كتير في السودان
والمراحل الاخيرة في الخليج
وانا مع كلامك انه المنهج هنا اقوى من السودان
والناس هنا بتقرا كتير وبتحضر وبياخدوا
واجبات منزلية كتير وكده
مافي كلام
وده سبب اساسي في التفوق الكبير
والدراسة اليومية دي شي لم يعتادوه طلبة السودان
بس تعرفي الفرق وين
وهو السبب الرئيسي
الفرق في طريقـــــــة التعليـــــــــم
بين الخليج والسودان
وهو ده السبب الاساسي في الموضوع
يعني هنا بيقتلوا حاجة اسمها تفهم وتشغل مخك
كل المطلوب منك انك تحفظ وبس
بيحفظوا حتى الرياضيات والفيزياء والكيمياء
الكلام ده مؤكد وعن تجربة فانا درست هناك
وبعدين دلوقت بقوم بالتدريس
حتى اخواني الاصغر في البيت بحاول اضغط عليهم
انه يفهمو ما يحفظو بس ما في فايدة
وياريت يقدرو يستفيدوا من كل المنهج
بس ليه والاستاذ عاوز ينجح كل طلابه
فبيديهم شكل الامتحان وبيوزع ورق مراجعة
والطلبة بيحفظوها لانها بالتفصيل بتكون في الامتحان
ويقدروا يحفظوا بدل يفهمو
ومافي شي خارج المقرر في الامتحان او شكل جديد لمسالة معينة
لانه لو حصل حيموتو طبعا الطلبة
على عكس مايحصل في السودان
في الجامعة كان الدكتور بيتفنن عشان يجيب شي بره المقرر
وتكون سعادته انه عدد كبير من الناس ترسب في المادة
عشان يبين انه استاذ خطير وصعب!!!!!!! العكس طبعا
فديل وووب وديك ووووبينوالطلبة الضحايا في النص
| |
|
|
|
|
|
|
|
|
|
Re: لماذا الهجوم على الشهاادة العربية؟؟؟؟؟ (Re: Hozy)
|
لم العجب أختي العاشقة
ولم الدهشة؟؟؟
إذا كان والدك المغترب يدفع سنوياً ضرائب وأتاوات للدولة توازي ما يدفع أكبر مصنع أو رأسمالي داخل السودان من ضريبة تحت أسماء ومسميات عجيبة وغريبة لن تجدي مثيلاً لها في جميع قواميس ومعاجم اللغة
هذه واحدة من مشكلات المغتربين
وإذا قدر لك الإلتحاق بجامعة داخل السودان بشهادة عربية فعليك أن تدفعي جميع الرسوم المقررة بالدولار
هوني عليك أختي ولنا رب أسمه الكريم نبث إليه شكوانا
وننتظر عدله يوم الحساب
| |
|
|
|
|
|
|
|
|
|
Re: لماذا الهجوم على الشهاادة العربية؟؟؟؟؟ (Re: Habib_bldo)
|
لاخ حابب بلدو
ونعمة بالله ما قلنا حاجة لكن كيف رحمة ربك تنزل والعباد ما راحمين بعض
عاشقة
الاخت هوزي
لك التحية
قد يكون بعض المقررات في الخليج تتطلب الحفظ والفهم معاا ولكن حتى قدرة الحفظ قدرة لا نستهين بها
لان قل مالكيها هذه الايااام
انا عن المواااد العلمية فيستحيل م يستحيل انتحفظ لان هذه المواد علمية يعني بتااعت فهم
وكلااامك بتاع اوراق المراجعة منكن يكون في المراحل الولى بس في السنة الاخيرة او المرحلة الثانوية دي حاجات ما بتحصل لان الامتحانات بتجي من الوزااارة يعني حتى المعلم ما بيشوف الامتحاان الا يوم الامتحااان زاتو
عاشقة
| |
|
|
|
|
|
|
|
|
|
Re: لماذا الهجوم على الشهاادة العربية؟؟؟؟؟ (Re: عاشقة)
|
الاخت العزيزة عاشقة
تحياتى
مالك قلبتى لينا المواجع! هنالك الف طريقة لتتحقق الجامعات فى السودان من مستوى الشهادة العربية وتقييمها،بعمل امتحان قبول يشمل المواد المطلوبة للكلية المعينة او بعضها،يعنى مثلا فى مصر بسمحوا لاولاد المغتربين باختيار مادتين من المنهج المصرى وامتحنوهم فيهم ثم يقوموا بتعديل نسبة الشهادة الغير مصرية،ويسمحوا لاولاد المغتربين بالمنافسة فى عدد محدد من المقاعد فى الجامعات الحكومية،والبنجح ويدخل الجامعة بيعاملوه زيه وزى المصرى الجوة البلد،يعنى ما فى خم ولقف بالدولار من اولاد المغتربين زى ما عندنا،وكذلك فى الاردن وفى اى بلد بتحترم مواطنيها،الا حكومة السودان بتتعامل مع المغتربين واولادهم كأنهم اجانب مش مواطنين!!الله يورينا فيهم يوم ناس الانغاز والنهب المصلح(مش الانقاذ(
| |
|
|
|
|
|
|
|
|
 Re: لماذا الهجوم على الشهاادة العربية؟؟؟؟؟ (Re: مهيرة)
|
الاخت مهيرة
الله لا جاب مواجع اكتر من الفي؟؟؟؟؟
ياازولة ديل شكلهم كدة دايرين يطردو المغتربين براحة من بلدهم لسبب واحد
لان لو رجعو المغتربين لي بلدهم السواد العايش من خيرهم حيعيشو كيف؟؟؟؟؟؟
فدي هيا الطريقة الوحيدة
عاشقة
| |
|
|
|
|
|
|
|
|
|
Re: لماذا الهجوم على الشهاادة العربية؟؟؟؟؟ (Re: عاشقة)
|
الأخت .. عاشقة
أنا بتفق تماما مع ما ذكره د.طارق اسماعيل، وأحب أذكر ليك انو 99% من الأخوة والأخوات من حملة الشهادة العربية والتم قبولهم معنا فى جامعة الجزيرة ـ حينما كنت طالبا بها ـ قد تم فصلهم منها لأسباب أكاديمية، ما ذكرته هذا ليس من باب التشكيك فى المقدرات الذهنية لحملة الشهادة العربية، ولا بد أن هناك خللا ما .. ممكن تقولى لى وين؟
لى عودة للمواصلة
لك كل الود
| |
|
|
|
|
|
|
|
|
 Re: لماذا الهجوم على الشهاادة العربية؟؟؟؟؟ (Re: خضر حسين)
|
الاخ خضر حسين
قد يكون هناااك خلل في بعضهم وقد تعوود الى عدة اسباااب
لكن يا اخي الكمااال لله
واللي بيسمعك كدة بيقول انو طلااب السودان كلهم عباااقرة ومافي اي زول بيتفصل منهم
امور الفصل والقبول دي بتحصل لايا كان سواء كان صاحب شهادة سودانية او عربية و حتى هندية
لك التحية
عاشقة
| |
|
|
|
|
|
|
|
|
|
Re: لماذا الهجوم على الشهاادة العربية؟؟؟؟؟ (Re: عاشقة)
|
الأخت .. عاشقة
لك كل الود والتحايا
أرجو انك ما تفهمى كلامى غلط، وتتعاملى معاى فى النقاش الدائر وكأننا خصوم لى بعض .. ولو ملاحظة أنا آخر حاجة كتبتها فى ردى على كلامك (لى عودة للمواصلة) ولأنو طريقة نقاشك ما عجبتنى بعتذر عن بقية ما أود اضافته ولك جزيل الشكر على اثارة موضوع النقاش وتكبدك مشاق الرد على مداخلتى
| |
|
|
|
|
|
|
|
|
|
Re: لماذا الهجوم على الشهاادة العربية؟؟؟؟؟ (Re: خضر حسين)
|
الصديق العزيز الغالي
خضر حسين
اولا تحياتي واشواقي
ثانيا
نحن كنا دفعه واحده يا خضر في الجزيره فهل تزكر
اول سنه
في السنه الاعداديه يعني يا خضر
تتزكر كان في كميه كبيره مننا (ناس الشهاده العربيه)وكانت بتدور نقاشات حول نفس الفهم
و لما جات الامتحانات
كان اوائل الكليات كلهم من من الشهاده العربيه
و بالزات الكليات العلميه ابتداء من ال الطب
والله يا خضر انا السنه ديك ما قريت ولا حرف الا ايام الامتحانات مباشره
ومع ذلك تقديري العام كان
B
ما لي شي الا انو فعلا كانت المقررات مالوفه بالنسبه لي و درستها في منهج المرحله الثانويه
| |
|
|
|
|
|
|
|
|
|
Re: لماذا الهجوم على الشهاادة العربية؟؟؟؟؟ (Re: خضر حسين)
|
أرجو أن أوضح لك يا عاشقة أن المشكلة أساسا فينا كمجتمع وقد سبق لي أن قلت هذا في السابق.
فالمجتمع ينظر للمغترب كأنه متربع على جبال من الدينارات أو الريالات أو الدراهم وعلى الكل "حكومة وشعبا "استنزافه" بشتى الوسائل المشروع منها وغير المشروع.
وأحب أن أتكلم عن الموضوع الذي ذكرته العاشقة بصفتي أحد الذين مروا بتجربة الاغتراب وبالأصح تجربة "ابن المغترب"، أو كما يحلو للبعض أن يسميه "بالحنكوش"!!!
كل ما ذكرته العاشقة عن أن الدراسة في الخليج متقدمة عن الدراسة في السودان صحيح، وهذا القول عن تجربة واقعية فأنا درست في الخليج في مدارسه فترة ليست بالقصيرة وأعلم تمام العلم عن نوعية الدراسة وعن طريقتها، وهي تعتمد في الأساس على مفاهيم وقواعد تعطى للطالب منذ دخوله إلى المدرسة وهذه المفاهيم توسع أكثر فأكثر كل عام وآخر. لذا تجد الطالب متأقلما على الدروس ولا يشتكى منها في الغالب ليس لأن المنهج سهل، ولكن لأن المفاهيم وأساسيات التعليم وضعت على أن يستعمل الطالب عقله أكثر من موهبة الحفظ، وكلما تقدم في المرحلة المدرسية استعمل عقله أكثر وأكثر. أضف إلى ذلك الواجبات والاختبارات الشهرية التي تجبر الطالب على المتابعة أولا بأول.
وأؤكد على أنني وجدت مقررات في المرحلة الجامعية سبق لي أن درستها في المرحلة المتوسطة!!!، وعموما الشيء الذي لاحظته شخصيا هو أن المنهج في السودان يمر بمعوقات كثيرة أهمها عدم الاستقرار في العام الدراسي ككل وندرة توفر الأدوات الدراسية والوسائل الإيضاحية التي قطعا تتوفر في الخليج بصورة أكبر بكثير مما هي عليه في السودان. وشيء آخر أن بعض المدرسين في السودان يتلذذون "بلبك" المقررات وتصعيبها على الطالب، في أنه يمكن أن توصل إلى المتلقين بصورة مبسطة وأكثر سهولة.
هذا عن المقررات وطريقة التدريس، أما عن ما ذكره البعض من أن أصحاب الشهادة العربية يفصلون من الجامعات لأسباب أكاديمية، فربما يكون صحيحا، ولكن هذه نتيجة لمشاكل أعتقد أنها تؤثر على الطالب وليس لخلل أكاديمي في الغالب الأعم، فلو ألقينا نظرة سريعة على بعض المشاكل التي تواجه هذه الفئة من المجتمع تجد أن هذا الشاب وهذه الشابة يعود من الخليج إلى الجامعة في السودان رأسا، تخيلوا معي تلك النقلة الكبيرة من وضع الطالب في الخليج: المواصلات متوفرة واستقرار أكاديمي واضح وتوفر المعينات الدراسية وتوفر البيئة الصالحة للدراسة من كهرباء ومكيفات وإنترنت – حاليا- وقلة الالتزامات الاجتماعية، رأسا إلى انقطاع الكهرباء ومناسبات اجتماعية ضرورية وغير ضرورية ومشاكل المواصلات ومظاهرات وغراميات وربما يعاني البعض من عدم وجود الأسرة التي لم ينفصل عنها في حياته أبدا.
طبعا ليس هذا ترفعا من الحياة في السودان، ولكن أرجوكم أن تشعروا معي بسرعة التغير وبدون تدرج، قطعا هذا "المسكين" والذي لا يحس به الآخرين يعاني من مشاكل، ويحتاج قطعا إلى فترة -تطول أو تقصر من شخص لآخر- ليتكيف مع هذه الوضع الجديد. أضف إلى ذلك تلك النظرة الغريبة التي يلاحقه بها زملاؤه من الشهادة السودانية والتي تعرفونها جميعا، ومن هذه الأمثلة "مرقنبو قرنبو" ونكات الجامعة الأهلية!!!!
طبعا لا أحب الإطالة أكثر من هذا، وأرجو أن يكون المعنى قد وصل إلى الزملاء الكرام.
| |
|
|
|
|
|
|
|
|
|
Re: لماذا الهجوم على الشهاادة العربية؟؟؟؟؟ (Re: عاشقة)
|
بعد التحية والإكرام
نسبة لاهمية الموضوع ندلي بدلونا،
احب ان اخبركم بان First Class في دفعتنا من حملة الشهاده العربية، وعلي ما اعتقد كل الناس الفي البورد معروف لديهم (علاء شاموق).
لكن بصراحه كده ابناء الشهادة العربية ما كلهم متفوقين والسودانية ايضا.
لاكن حسب علمى انو فى غالب الدول العربية السنة تقسم الى فصليين دراسيين ودا مما يسهل عملية المذاكرة وبعد كل فصل فى إمتحانات وحصيلة الفصلين تكون الناتج بتاع الطالب ....
لاكن والله الحلوين هنا عينم طالعة حق السنة الأولى والتانية والثالثة كلو فى إمتحان وأحد
صراحة كدة ما ظلم يلمهم معا بعض فى مرتبة وأحدة ....
أما بالنسبة لى القروش ورسوم الجامعة وغيرها .. فى أى حتى فى الدنيا دى التراب البكبو فى العين الا بى قروش ...
| |
|
|
|
|
|
|
|
|
|
Re: لماذا الهجوم على الشهاادة العربية؟؟؟؟؟ (Re: كوليل)
|
طبعا ما كل أصحاب الشهادات العربية من المتفوقين ولا طبعا أهل الشهادة السودانية
لكن الموضوع أصلا لماذا كل هذا التحامل على أصحاب الشهادات العربية
وإذا كانت عملية الفصلين الدراسيين تسهل على الطالب الاستذكار لماذا لا يعمل بها في السودان
؟؟؟
ثم أنا من الذين امتحنت الشهادة السودانية في السودان ومن الذين درست في الخليج لسنوات طوال، وأقول أن الشهادة السودانية ليست "بالبعبع" الكبير الذي يروج لها البعض
!!!!
وحتى لا يقول لي البعض أنني من الممتحنين حديثا ومن أصحاب "التسعينات فاصل كم ماعارف" فأنا من الذين امتحنوا قبل فترة طويلة.
المهم ليس هذا هو الموضوع
أما عما يقال عن السنة الأولى فهذة السنة وبالتحديد هي سنة مهمة للكل سواء للشهادات العربية والسودانية "بدون فرز"
!!!!
أما عما يقال أن السنين الثلاثة تمتحن في سنة واحدة
فهذا صحيح ولكن ليس بتلك الضخامة التي قد يفهمها البعض أن الجالس للشهادة السودانية يجب أن يركز جل اهتمامه لمقررات الأعوام السابقة
!!!!
فالذي يأتي في المقرر من السنين الفائتة أشبهه بمن يتعلم حل المعادلات وفي نفس الوقت مطلوب منه أن يكون عارفا بأساسيات الجمع والطرح، فلا يمكن في هذه الحالة أن نقول أنه يجب أن يراجع أساسيات الجمع والطرح وأنا ستشكل عليه عبئا كبيرا لأن الأساسيات قد درسها في عام سابق
!!!!
أما بالنسبة للمبالغ التي يدفعها أبناء المغرتبين والتي هي بالأصح يدفعها ولي أمر الطالب تحديدا فهي ليست بالمعقولة مقارنة بالحال الذي سيدرس فيه الطالب، ثم لماذا يدفع السوداني بالدولار أو بالعملة الصعبة ليدرس في بلده، وهذه هي النقطة الأساسية وهي ليست في التعليم فقط بل في كل نزيف ينزفه المغترب لنيل حق له في وطنه، ولعل أهلي المغتربين أدرى بالتفاصيل
عموما أنا أعرف مشاكل أبناء الشهادة العربية كما قلت لأني عاصرت التجربتين مع العلم بأنني قد امتحنت الشهادة السودانية وأيضا أعلم تفاصليها جيدا وممن درسوا كذلك مرحلتهم الجامعية في السودان وفي أفضل جامعاتها بل وكلياتها أيضا والحمد لله
لذا أرجو من الزملاء مناقشة القضية بموضوعية وبعيدا عن الإنطباعات أو السماعيات
| |
|
|
|
|
|
|
|
|
 Re: لماذا الهجوم على الشهاادة العربية؟؟؟؟؟ (Re: عاشقة)
|
يا جماعة أنا زول ممتحن شهادة السنة الجايةبالله عليكم وروني أعمل شنو في الموضوع دة
هسع في أجازتي الاخيرة الاخيرة في السودان قابلت ناس برفيسورات في جامعة الخرطوم وكلهم أجمعوا أن ناس الشهادة العربية متفوقين في العلوم الاساسيةBASIC SCIENCES
وبعدين القروش اللي بتتجمع من أهالينا سنويا على شكل ضرائب و مساهمة وطنية و خلافه كان يحسنوا بيها الجامعات شوية وعموما التعليم الجامعي في السودان في طريقه للانهيار وأتمنى أن لاينهار كما أنهار الاتحاد السوفييتي
| |
|
|
|
|
|
|
| |
bit barber
ايهاب
طارق اسماعيل
zola123
Habib_bldo
مهيرة
manubia
sari_alail
فيس بوك
تويتر
انستقرام
يوتيوب
بنتيريست