|
|
 تمنوا لي رحلة سعيدة
|
اسبوعين بس
اسبوعين شان ما تقولوا لي جيتي سريع ليه؟
-------
من الله على إحدى بنات خالاتي (صديقتي جداً) بعريس (أخيراً )
قولوا لها مبروك
وتمنوا لها حياة زوجية سعيدة
وادعوا لي أن يصيب الله ضابط الجمارك عشى ليلي مؤقت داب ما اقدر افوت باب شريف الذي بقدرة قادر تكرفس في شنطي الكثيرة التي حملني ذنبها الواجب والمجاملات
بتعرفوا سفر العرب
؟؟؟
جنس ربيط وحبال ما يديكم الدرب،،، ولا اجدع تاجر شنطة في سعد قشرة
رسم الدور الذي قررت أن ارسمه وقلبة اللسان التي اردت أن اجربها،،، وانقر المضيف عين واقول ليه (اش بها قهوتك،،، وين القهوة العربية،،،ابغى (بعظ) تمر)
مع الربيط ده صعب شديد
انا مسافرة لمدة اسبوعين بعون الله (وليحرق مديري راسه المجلط ده بمصنع بترول)
وهي ليست مدة طويلة كي اعمل لروحي اهميات ووداعات وبتاع
لكن بما اني سأسافر بالناقل الوطني، فلا ادري إن كنت سأحضر عرس بت خالتي واللا نفاسها
الله اعلم
قلت ادخل اودعكم
واقول ليكم سامحوني،،، سامحوني لو كلمة مني مست احدكم
أو لفظ مني ضايق احدكم
أو وجع وش تسببت فيه ثرثرتي
أو رداً لن (يمديني) الوقت لأكتبه
انا عارفة الطيارة ماش تهبط وين؟؟
والعفو والعافية لله والرسول
كل الحب
|
|
 
|
|
|
|
|
|
|
 Re: تمنوا لي رحلة سعيدة (Re: بت قضيم)
|
يا بت قضيم يا اخيتى ما دام القصة فيها ناقل وطنى وكدة اخير النقول ليك العفو للعافية لله والرسول
والله عافين منك بقدر ما امتعتينا وما حصل يوم غلتى(بالشدة فى التاء) علينا..
و يا بختك بالسودان ولا بخت السودان بيك
وبالمناسبة حفلتكم بى منو..ومبروك للعروس
والله حنفقدك بس ما تبارى الناقل الوطنى وتطولى الغيبة ..
| |
|
|
|
|
|
|
|
|
|
Re: تمنوا لي رحلة سعيدة (Re: Elkhawad)
|
العفو والعافيه يا بت قضيم
أسبوعين والله كتيره علينا وشويه عليك عارفين
تمشى وتجى بالسلامه
والله حنفقدك شديد
والف مبروك لبنت خالتك وربنا يتمم ليها على خير
ربنا يكتب سلامتك يا حبيبه
وتمشى وتجيناسالمه غانمه
فى آمان الله
| |
|
|
|
|
|
|
|
|
|
Re: تمنوا لي رحلة سعيدة (Re: بت قضيم)
|
سلام بت قضيم
اسبوعين حتقضيهم جوه اكييد حيزيدنك قوة
لك الله وربنا يوصلك بالسلامة مع الوطنى
مبروك لبنت خالتك
سوف يفقدك البورد
العفو والعافية
قرنفل
| |
|
|
|
|
|
|
|
|
|
Re: تمنوا لي رحلة سعيدة (Re: بت قضيم)
|
أصالة عن نفسي و نيابة عن كل قراءك المداومين من خلف الكواليس... حتوحشينا و تمشي و تجي بالسلامه.. و مبروك لبت خالتك
انتو كواليس دي معناها شنو يا خوانا.. قصه عجيبه ياخ
| |
|
|
|
|
|
|
|
|
|
Re: تمنوا لي رحلة سعيدة (Re: بت قضيم)
|
أســبـوعــيــن بـس ؟؟؟؟؟؟
تمشى و تجي بالســلامـة يا بت قضيم مع السلامة
لـكـن قـلـتي لي الناقل الوطني ؟؟؟ خـــلاص يعني الوطنية الكاتلاك دي
و لا الشـنـطـ تقيلة ؟؟؟؟؟
بيت مال و عيال لي قريبتك و إنشاءالله زواج آخـر هجيج و حفلات لي الصباح
ســـــــــلاااااااااام
| |
|
|
|
|
|
|
|
|
|
Re: تمنوا لي رحلة سعيدة (Re: بت قضيم)
|
بت قضيم .. ح أفتقد حكاياتك وحكاويك كثيرا.. والله انا حاسداك حساده شديييييده.. اسبوعين والله ما توصلنى السودان من البلد السقط لقط العايشه فيها دى. تمشى وتجى بالسلامه ومبروك للعروس.
| |
|
|
|
|
|
|
|
|
|
Re: تمنوا لي رحلة سعيدة (Re: bint algazeira)
|
بت قضيم
والله ح نفتقدك وانشاءالله تمسي وتجي بالسلامه . وعليك الله كملي لينا الهجيج وكل ماتتعبي قولي لا والله لازم اواصل الهجيج عشان البورداب المحرومين ومشتهين حفله للصباح .. لكن ماقلتي لي حفلاتكم بتنتهي بدري ولا بكون عندكم تصريح ,,, ياستي عوده حميده لبورد ورحله موفقه ونحن في انتظار شمارات العرس واخر التطورات في الساحه العرسيه
| |
|
|
|
|
|
|
|
|
|
Re: تمنوا لي رحلة سعيدة (Re: بت قضيم)
|
بت قضيم
أنا أيضا أتابع (من وراء حجاب) كتاباتك وأستمتع بها جدا
وما يعجبني أكثر تلك الروح الشفافة والنقية (المستترة) خلف تلك الكتابات
فهي تعبر عن انسانة سامية ومتسامحة ......متصالحة مع نفسها
رغم محاولاتك اللحوحة لاثبات العكس
وأن سألتيني عن لماذا اختياري لكلمتي....حجاب ....ومستترة
فيبدو – والله أعلم- أنها مرتبطة بتلك الصورة في خيالي
عن أولئك الحرم(جمع حرمة) وهن يتسربلن تلك (الخيم) متبخترات
بل حتي محاولاتي للكتابة بالدارجي فشلت فيها
فجاءت بلغة الضاد لتنسجم مع هذا الجو
في أمان الله يا بت قضيم حتي تعودين الي مضاربك
أقصد الي حيث تقيمين
| |
|
|
|
|
|
|
|
|
 Re: تمنوا لي رحلة سعيدة (Re: بت قضيم)
|
بت قضيم يا أختي مبروك على قريبتك وإن شاء الله الما ضاقو يضوقو. بعدين يا بت الناس الخواجات زمان قالو إف يو هاف تايم تو سبير تيك سودانير ودي طبعاً حسب ما عرفت إنها إف ون أها وكت مجبورة خادم الفكي على الناقل الوطني - وقالو تحت تحت الجبر بت قضيم على كده التذاكر المجانية والعفش الزايد لأنه قد علمنا من مصدر موثوق بي حبل أن بت قضيم شوهدت وعلى الهواء مباشرة تتبضع في باب شريف ولم تترك مرقة ماجي أو رغيف أو علب صلصة ودي طبعاً بعد العرس يمكن تعيدي بيها الكان وتلعبي أم الصلص وما خليتي كراكيب الدنيا والعالمين أها نرجع تاني للناقل الوطني فعشان إنتي مسافره وحا تكون رحلتك زيها وزي أى رحلة في لوري عشان كده أرجو أن ترددي في سرك:
اللهم إني أعوذ بك من وعثاء السفر وكآبة المنظر وسعد قشرة الحاجات الفيهو ما موجودة في باب شريف حقككم ده ونحن نحطم الأسعار تحطيما.
| |
|
|
|
|
|
|
|
|
|
Re: تمنوا لي رحلة سعيدة (Re: almulaomar)
|
سلام مربع
بيت قضيم حبيبة البي
سوف نفتقدك شديد ..
ويابختك ..
نفسي امشي معاااك
لكن القدم ليهو رافع
باركي لينا للعروسه الحلوة
وقول ليها شيري بتقول لي مبروك ياعسوله
وقولها تغلبيهو بالعيال
ويزهجك بالدولارات
والفسح
تمشي وتجي بالسلامه
_______
شكيتكم على الله ياناس بوش وبلير وصدام
| |
|
|
|
|
|
|
|
|
|
Re: تمنوا لي رحلة سعيدة (Re: بت قضيم)
|
بت قضيم
كل التمنيات الطيبة
للعروسين بحياة سعيدة
لك برحلة موقفة وممتعة
قالوا واحد سوداني كان في سودانير في رحلة من محطة أوربية إلى محطة أوربية أخرى (داخلية يعني) وكانت المضيفة الرشيقة وقيافة توزع بعض المرطبات على الركاب ، فسمعها تقول لزميلتها - العصير كمل نسوي ليهم شنو؟ فقالت لها سوطي ليهم من الكركدي دا يسوط مصارينم .. فلما جاءت المضيفة بالكركدي المسيوط إلى السوداني ، قال ليها ، سايطين مصارينا فوق ام كم يا بت الناس؟ قالت ليه إت الركبك في الرحلة دي منو؟ يركبك الشوك .
| |
|
|
|
|
|
|
|
|
|
Re: تمنوا لي رحلة سعيدة (Re: بت قضيم)
|
العزيزة بت قضيم
اولا التهاني لقريبتك بمناسبة الزواج وحل عقدتها اخيرا ويغلبها بالمال وتغلبه بالعيال .
بعدين انت سعيدة في عمرك البتسافري في الايام دي ونحن غرقانين في الشغل .
بالله امانة في رقبتك تشربي لي ( كبايتين كبار من الزير البارد تكون موية نيل ( ويكون لونها مش صافي ، على صفار )
وتمشي وتجي بالسلامة يا بت قضيم
ولك سلام بالكوم من شرووم
| |
|
|
|
|
|
|
|
|
|
Re: تمنوا لي رحلة سعيدة (Re: شرووم)
|
بت قضيم
تمشي وتجي بالسلامه
بت قضيم مع السلامه
ومبرك لي بت خالتك
وعقبال كل الحبايب
وسلام كتير للسودان
الواحشني
والسيرته
بتقطع مصاريني
من شده شوقي ليهو
ابو يوسف
| |
|
|
|
|
|
|
|
|
|
Re: تمنوا لي رحلة سعيدة (Re: بت قضيم)
|
بت قضيم
انت قالو ليك السودان مافى اجهزه ولا شنو
تقبلى تهانى جميع البورداب فى ارض الوطن المرابطين فى الخرطوم وامدر وبحرى
كان وصفتى البيت كان جينا وساعدناكم بالعرضه
وتمشى وتجى بالسلامه
ودعقاب
| |
|
|
|
|
|
|
|
|
|
Re: تمنوا لي رحلة سعيدة (Re: بت قضيم)
|
معقولة يا جماعة اجي آخر زول
الله يقطع النبطشيات و سنينيها كان بتخلي الزول ينقطع من البورد وناس البورد
عموما تجي وترجعي بالسلامة
وزي ما قال ود عقاب لو وصفتي البيت كان جينا بشرنا
وكمان مبروووووك لي بت خالتك
وفي امان الله
| |
|
|
|
|
|
|
|
|
|
Re: تمنوا لي رحلة سعيدة (Re: بت قضيم)
|
علمت لروحي أهميات ساي بالبوست ده
تراني جيت (شديدة ولضيضة) الحمد لله
احس فقط بالوحشة الشديدة
مواضيع كثيرة تستحق الرد
ابدا من وين واللا من وين أنا؟؟؟
تسلموا كلكم يا رب
| |
|
|
|
|
|
|
|
|
|
Re: تمنوا لي رحلة سعيدة (Re: بت قضيم)
|
ابدي من هنا لي هناك و بالعكس
ابدائي من اي حته بس ما يكون من النص
الله بس يستر
شويه شويه اوكي
حمد لله على السلامه
جبتي لينا معاك شنو
تخيلي انو ما اشتقنا ليك
| |
|
|
|
|
|
|
|
|
|
Re: تمنوا لي رحلة سعيدة (Re: بت قضيم)
|
بيكو الجميل
سلمك الله
ايهاب الفقري
انا زاتي ما اشتقت ليك
يا ثقيل
ازيكم والله يسلمكم
بركة العبرتوني شان اشيل البوست ده ادخله في عين أهل العوض
| |
|
|
|
|
|
|
|
|
|
Re: تمنوا لي رحلة سعيدة (Re: قرنفل)
|
بت قضيم
حمدلله الف علي السلامة
اها لقيتي السودان كيف؟؟
وفعلا فقدناك وشاقتنا بوستاتك الجميلة ..
عليك الله الحقينا بي بوست وللا اتنين من بيت الكلاوي كدة
جدو
| |
|
|
|
|
|
|
|
|
|
Re: تمنوا لي رحلة سعيدة (Re: tmbis)
|
قضاضيمو الفرده
كل طائر مرتحل عبر البحر قاصد الاهل حملتو اشواقي الدفيقه
اول شئ مبروك للعرسان وعقبال كل عزابي
وتمشي وتجينا بالسلامه
وانا متأكد ناقلك الوطني ده ما حيتستر معاك كماهو العاده وانشاءالله يضوي ليك 
وحتكون في حكاوي غايتو من حظنا
يلا تعودي بكل خير
ــــــ......ــــــ......ــــــــ
لو تسافر دون رضانا *** بنشقى نحن الدهر كـله
| |
|
|
|
|
|
|
|
|
|
Re: تمنوا لي رحلة سعيدة (Re: بت قضيم)
|
مشيتي وجيتي سالمة ؟ حمد لله علي السلامة
جبتي لي معاك شنو ؟ قتقليس ولا تسالي ؟ ما عندي سنون للدوم
مرحب بيك كمان ولو فضلت ليك حبال أديها لي ناس القاتل الوطني أصلو الحبال المربطين بيها جناح الطيارة قرب ينقطع
حمد لله علي السلامة والعروس والعريس ليهم مبروك متأخرة , ده نومي الكتير عارف
أبنوسي
| |
|
|
|
|
|
|
|
|
|
Re: تمنوا لي رحلة سعيدة (Re: بت قضيم)
|
تمبس
يساوي عشرة
الفردة عادل
الله يسلمك ويخليك
ما عارفة كلامك ده زمان واللا قريب
لاني كتبت البوست ده قبل فترة،، ورجعت وسافرت تاني ورجعت
ما فاهمة تمبس رفعوا ليه
وفي كل الأحوال تسلم
الحكاوي عن السودان موجودة بكثرة من أول سفرة،، وماخدة ركن هنااااك في الراس،، من كم شهر كل ما احاول ابدا احكي،،، يقيف الكلام ويطير (يقيق ويطير كيف ما عارفة؟)
مع اني عارفة عايزة اقول شنو
اظني مصدومة
يجوز مصدومة
ومع ذلك،، اعدك احكي عن السودان بثوبه الجديد،، كما رأيته انا على الأقل
يخليك
تبلدي الابنوسي
يا سيدي ولا يهمك
تحيتك ومباركتك موصولة ولو بعد زمن
انت بس نوم نوم العوافي
جبت من السودان الكثير من القونقليز والدكوة والشطط والدقة والنبق واللالوب ،، وقضيم بالطبع
والدوم،، ولكي نتأكد من اكلك للدوم ( للتأكد من مدى سودنتك) ممكن نعمله ليك قراصة
شفت كيف بالله نحن قوماً منتج ومريح وحلال للعقد والدوم؟؟؟
ملاحظ بالله أن حاجاتنا دي كلها غير قابلة للبوظان؟ يعني ما ذي التفاح يا تاكله قوام يا يتعطن ويفسد
إذن ليسقط التفاح ويعيش الدوم
يعيش
يعيش
يعيش
ميادة الحبيبة
ابدا ما غلت
وهانذا اعلنها امام الملآ بملئ أشداقي
انت ملئ أشداقي دي يعني الجضوم؟؟؟
المهم انا اعلنها داوية صريحة،، يا ريييييت نتقابل
لي الشرف بالطبع،، انا شاكة اصلا اني بعرفك،، وكان بعرفك وكان ما بعرفك لازم نتقابل،، ويحلك مني الليلة اللا بنام لا بياكل الطعام ،، بتشبك ليك في رقبتك جبتيه لي روحك برااااك
بعدين ياخي سميرة دنيا قالت يوم،، حبيبي تعال تعال نتلم عشان الريد يختلت بالدم،،
ثم أكدت
عشان الريد يختلت بالدم
انا ذنبي ايه شيلوني الهم
طبعا لازم نتلم محاولة لتفسر هذه الأطروحة الفرعونية
تفتكري يا ميادة لو اتلمينا حقيقي ما بنقدر نفسر كثير من الطلاسم دي؟؟؟
هيا
انتظر تفاصيل اللقاء
بفارغ الصبر
يطرح البركة فيك
| |
|
|
|
|
|
|
|
|
|
Re: تمنوا لي رحلة سعيدة (Re: بت قضيم)
|
قرنفل
وجدو
ودكين
طبعا انتوا عارفين ان العتب في النظر،، وعامل السن ما مساعد،، لذلك ما شفت كلامكم
اسفة جدا
ويسلمكم كلكم إن شاء الله
ويا قرنفل انا جبت معاي فعلاً قونقليز كتير،، هو في شنو غير القونقليز والحاجات دي يجيبوها؟؟؟
لو عايز ما عندي مانع على الرحب والسعة آآآآمر بس
(سم) يا قول السعوديين
يخليك
جدو
تمام الحمد لله
والسودان حلو بي ناسوا ولو ان ناسوا في طريقهم إلى التغيير الجذري
حمانا الله وأصلح بالنا
بالجد الناس اتغيرت نوعا ما
ما شايفة ليك اي مشاركة قريب،، خير ووينك؟؟
تسلم
دكين
اللهم آمين
والحمد لله الرحلة كانت سعيدة جدا
يا جماعة الكلام ده كتبوه زمان واللاهسه واللا شنو انا ما شايفة الناس دي حايمة؟
غريبة
| |
|
|
|
|
|
|
| |
بت قضيم
وجن
beko
Yassir Mahgoub
ABUHUSSEIN
Outcast
Abomihyar
bint algazeira
HAMZA SULIMAN
manubia
cola
almohndis
benyya
Elmosley
Tumadir
garjah
مهيرة
shiry
wadazza
شرووم
جدو
ايهاب
tmbis
Mayada
فيس بوك
تويتر
انستقرام
يوتيوب
بنتيريست