|
الحاجـــــه مهلــــه......طلق..طائش
|
لم..يكن..بطاطس بوسطة الخرطوم..أفضل حالا من عدس الداخليه.. كان لزجا...وباهتا...ولو اني حملته..كل معاني الهلاميه..لاحتملها.. يملؤك..عصام الدين ببشاشة اللحظه..حتي لتشعر انك..ما خسرت شيئا.....وتنسي لسعات الشمس..الحارقه..وهي تلهب راسك بسياطها وانت في طريقك من ميدان ابو جنزير الي مكتب البريد بشارع النيل.. طلب البطاطس..هو بنده الرئيسي..في قائمة بنود اكرام الضيف والبند الاجمل....تعريفك..بي موظفات المكتب ده اخو..دكتور كمال صاحبنا..يا سميه..- عليك الله!!!!؟- حلااااااااتو.- تقولها سميه...بطريقه..تفهمها انت.....وتتبعها بنظره..تعمق فيك ذاك الاحساس عصام الدين..لا يفهم مثل هذه الاشياء او لعله يفهمها..ويتاجهلها كان غريبا..في مثاليته..... قطعه من ابوه الله يرحمه...- كثيرا ما قال لي ..ابي هذا الكلام..كلما سالته... انت يا ابوي..كيف تنوم..وعصام ده بيتونس معاك!!!!؟ يا ولدي..عصام ده..مخلوق من طينه..خاليه من الزعل- كان عصيا علي الاحزان....رجلا في منتهي الابتسام...او مبتدا الضحك قريب الي القلب..كقرب الشك من الظن....وكما عرف ابي..من اين اتي عصام..بسماحته تلك..عرفت انا..من اين اتي بطول البال... امه..الحاجه مهله.. كانما عرف ابوها طباعها وهي في الخدر...سماها مهله السلام عليكم..ناس البيت ....اصيح داخلا دون استئذان اهلا ابوي...ياتيك صوتها اعوام..وهي في بساطتها تلك... فتح..قال عايز يمشي الخرتوم كمان- هكذا تنادي ابنها الكبير..تخفي ياءه المنقوصه كانت امراه..من نسيج غريب....عركتها الدنيا..فما خلفت منها..الا صبرا..وطول احتمال... لذلك..كان خبر اغتراب عصام...مهول الوقع لدي..... لا بد وانا حادثا عظيما الم بالوطن...مثله..لا يغترب ابدا..وقد ارضعته هذه الانثي.... يدخل علينا..في منزلنا المتهالك بابي روف..يسحب الموتر خلفه..ويضحك ده شنو يا زول!!!!؟؟؟ الله الموتر اتعطل بي جمب منتزه المورده..وجيت كاريهو من هناك تصدق!!؟ ثم يضحك طيب ما كان توديهو لي اي زول بتاع مواتر في الشهداء يصلحوا ليك!!؟ واجيب ليهو قروش التصليح من وين..هاهاهاهاهاهاهاها..خليهو احسن هنا معاكم..بصلحو براي يضحك..هاهاهاها مثله..لا يغترب يسحب دراجته..دراجته في رابعة النهار..ويصلحها بيديه.....ياكل البطاطس الهلامي ..كل يوم....ويضحك.. ذهب الي قريبه..المترف في وكالته العقاريه....ذات ليله...فدعاه الي عشاء ..جيد الملامح اكل..هو وابناء عمه..وحين فرغوا...جاء الساقي..بيانع الشراب .. اشرب يا عصام..قالها قريبه المترف وعصام ود حاجه مهله..لا يشرب اشرب يا ولد والله بصراحه يا عم فلان..انا ابوي..موصيني..اعمل اي حاجه ولا اشرب خمره براءته..مضحكه طيب تعال هنا...قالها واخذه بيده الي خارج الدكان شايف الجامع داااااااك!!!؟ ايوه ده بناه..ابوي..وكان موصيني ما اشرب..وبرررررضو بشرب..يلا ارح اشرب سيب امورك الوهم دي ضحك السمار..ولم يشرب عصام...لكنه شاركههم الضحك..هكذا علمته حاجه مهله...يشارك الفرحه..ويحب الناس...ويخفي احزانه...يتحمل الالم باركته..بطيب كلامها..فاصبح لا يري..الا فرجا بعد كل ضائقه... كان صوته..غريبا..امس الو- اهلااااااان عصام..كيفك يا زول- تمام والله..والبركه فيكم- في منو!!!!لا اله الا الله- والله امبارح..الوالده..مهله.كان اصابتها طلقه طايشه..وربنا يرحمها اتوفت!! !!!طلقه طايشه!!!؟ وين!!!؟؟؟- في البيت في كسلا- لا حول ولا قوة الا بالله..البركه فيكم ياخ- الله يبارك فيك..كل نفس ذائقة الموت- . . ماتت حاجه مهله طللقه طائشه...اصابتها..لا يعرف مصدرها كانت تجلس في ذات البمبر..في منزلها..والدنيا صباحيه...حين اصابتها الطلقه ذات الطلقه التي استعصي علي عصام احتمال..جرحها..فهاجر تري..من اين نستقي صبرنا بعدك..يا حاجه مهله!!؟ ومن حمل السلاح ضدك..يا امي...من اتي..بالكلاشنكوف..الي شوارعنا..وبيوتنا..ليغتال رحيق الحياة فينا!!!؟؟.
.عزيزي..عمر البشير شكرا لك...فقد انقذتنا..بما فيه الكفايه باسم حاجه مهله..وابتسامتها الوضيئه التي خمدت اشكرك باسم كل من ذهب وكل من سيذهب اشكرك شكرا..يا امير المؤمنين
|
|
|
|
|
|
|
|
Re: الحاجـــــه مهلــــه......طلق..طائش (Re: Dafi)
|
الأخ دافي ســـــلاااااام
تعازينا في الحاجة مهلة
و مصداقا لي كلامك و الله ود أخوي طفل نص الليل صحى الناس قال ليهم
في رصاصة في كراعى الجماعة قالوا الود غلطان إمكن دبيب و لا حاجة
جروا بيهوا المستشفى قال لي الدكتور رصاصة الجماعة لسه مصرين طلقة شنو ؟؟؟
الدكتور فتح الجرح علشان إتأكد من الحاصل شنو ..... و فعلا طلع الطفل صادق
طلقة في نص الليل و الولد نائم في نص البيت و طبعا لا صوت رصاص و لا حاجة
حـلـيـل زمــن الجـيـش و الشــرطــة كـانـو بتمموا علي عـدد الرصاص
اللي بطلعوا بيهو و لم إرجعوا برضوا بتمموا عليهو
يعني زمان كان العسكري اللي بطلع بي سلاح من الوحدة بتاعتوا بحسبوا ليهو عدد
الرصاصات اللي طلع بيها كم رصاصة و لم إرجع إحسبوها و لو نقصت سيم و جيم
الرصاصة النقصت مشت وين ؟؟؟؟؟؟؟؟؟؟
أما الآن الرشاش شايلنوا الشفع في الشارع زي قصب الـعـنـكـولـيـب .....
| |
|
|
|
|
|
|
Re: الحاجـــــه مهلــــه......طلق..طائش (Re: وجن)
|
دافئ نفس الطلقة الطائشة كل يوم بتسكن فينا وبتكتم جوانا ضحكة عصام ، وتسرق فرحة حاجه مهله حاجه مهله ...ما ماتت يا دافئ بالطلقه الطائشة في الصباح داك ،، ماتت زمان ومعاها أمي وأمك وأمهات السودان ،، ماتن بالحسرة حسرة تشييع الجنا للمطار الما كنا دايرين دربو يا لمعسكرات الموت والتشريد شوف كم حسرة؟؟؟؟ طعم بطاطس بوستة الخرطوم لسه في لساني ، وسلطة أسود حاجه رضينا أم الفراعه ومع أنو كنته عايز أضحك معاك ومع عصام إلا إنو حاسس بيك بتتلبد بين سطورك .. احزن لي عصام ،، أحزن علي أمي المهله ... كلما تطلع ضحكه ... الله يرحمه
| |
|
|
|
|
|
|
Re: الحاجـــــه مهلــــه......طلق..طائش (Re: Dafi)
|
ياولدنا سلامات... طلب البطاطس ذكرنى ....كافتريا السوق الشعبي بجامعة الخرطوم....ايام لها ايقاع .... والحاجة مهله ما ماتت وولدها وذريتها احياء نصك....قريب من النفس والمزاج السودانى.... وربنا يديك العافية.
| |
|
|
|
|
|
|
هاله (Re: Dafi)
|
هاله ازيك والحضور عارفه انا اسع حاسه زي الجيت بعد العرض والمسرح فضا والناس طالعين..البوست قريتو في متاوقتي من بره وكنت ماقادره اقول كلامي ولمن جيت لقيت دافي مشي ولما جاء كان الوقت فات .. يا حليل المهله توما
| |
|
|
|
|
|
|
|