الصورة دى ما مزعلانى وسرقة ثلاجة ولا حاجة قدام سرقة الاثار العراقية لكن المزعلنى امس فى جريدة الشرق الاوسط جنود المارينز فى تكريت هجموا على غزال الرئيس صدام حسين واكلوه وكل يوم يشووا ليهم غزالة .. يعنى الراجل عامل محمية طبيعية ومخلى الغزال يعيش حر وطليق اكثر من شعبه لحدى ما بقى غزال ولوف يجوا المارينز يقبضوه ويضبحوه ويشووه
لا والمشكلة وين كمان قال ليك طباخ المارينز يطبخ لحم الغزال بعصير البرتكان..
بالله ده ما خمج فايت الحد ياخى ؟؟؟
الله يورينى فيكم يوم يا علوج حتى الغزال ما رحمتوه ؟؟؟
04-20-2003, 02:56 PM
ALZOLZATOO ALZOLZATOO
تاريخ التسجيل: 03-14-2002
مجموع المشاركات: 4216
شيري ، سلام مثمن ـ بالله عليك الله بدل ما تدعي عليهم ادعي ليهم يمكن دعاؤك يقابل استجابة ! ـ والله هم احوج ما يكونوا للهداية ـ ولئن هدي الله بك كافرآ خير لك من الدنيا و ما فيها ـ قرأت عن تاريخ التتار انهم بدعوة رجل صالح انقلبوا بنعمة من الله مسلمين وناشرين للاسلام ـ يا ربي نحن ما حنقدر نقلب هذا الفسيخ شربات؟؟ ــ ـ
04-21-2003, 07:31 AM
قرشـــو قرشـــو
تاريخ التسجيل: 02-05-2002
مجموع المشاركات: 11385
ذكرتنى بحكاية السكارى الذين كانوا يزعجون المصلين كل يوم بغناءهم وصخبهم وضجيجهم حتى تضايق المصلين واجتمعوا واخبروا الامام ان يدعو عليهم فى خطبة الجمعة وكان رجلا مشهودا له بالصلاح وقبول الدعوة فوعدهم خيرا وجاء يوم الجمعة فقال اللهم افرحهم فى الاخرة كما فرحتهم فى الدنيا...
غضب الناس من الدعوة وكانوا يتوقعون ان يدعوا عليهم بالهلاك ولكن من يفرح فى الاخرة ؟؟ انهم المتقون ؟؟ سأل الله ان يهديهم ويجعلهم من المتقين ..
انه ذلك الرجل العاقل المحب الخير لكل الناس ..
ولكن هل تعتقد ان هؤلاء الاشرار سيأتى يوم ويكونوا محبين للخير بعد ان اهدوا اطفال العراق القنابل العنقودية وصواريخ توما هوك واخواتها لتحررهم من جور صدام حسين الطاغية ؟؟؟
04-21-2003, 11:08 PM
Munir Munir
تاريخ التسجيل: 02-11-2002
مجموع المشاركات: 10496
اخي قرشو ـ كثيرآ ما تأملت حال هؤلاء القوم، وما دورنا في تنويرهم بديننا ــ فنحن مقصرين في تطبيقه علي انفسنا فما بالك بعكس صورته المشرقة لهم ــ فنحن رغم المامنا بكل نواصي اسباب الهدي ومنها اللغة العربية مثلآ، تجدنا ابعد ما نكون عن عكس الوجه المنير من الدين فما بالك بالدعوة اليه! ـ ولا ادري الي متي سيظل الاسلام محصورآ في الشرق؟ وكأنما خلاص الجوة جوة والبرة برة ـ يا اخي ما دام تقاعسنا عن الفعل الطبيعي وهو نصرة اخوتنا في العراق ، و تمترسنا امام الشاشات نقلبها بحثآ عن اكثر المناظر دموية اثناء الحرب، اذن ربما جاء الوقت ليبدل الله قومآ بقوم اكثر تفانيآ في الثبات علي المبدأ ــ هو نحن الله دا بنبقي ليهو؟؟ ما كل البشر ديل عباده وليهم الحق انهم يكونوا امة الاسلام حتي ولو كان شعرهم اشقر وعيونهم زرق ــ يا اخي اذا نظرت للامة كلها في هذا الزمن المقلوب تجدهم اما يصارعون الامواج بقوارب الموت في المغرب العربي للوصول للشواطئ الاوربية، أو ماتت قلوبهم في مصر والاردن من اكل المعونات الامريكية، او شعوب مرفهة بفتات الدنيا في الخليج فتبلدت حواسهم عن الشعور بمعاناة اخوانهم، أو جيوش من المغتربين الذين يلهثون في الخليج يسابقون الزمن لجمع اكبر قدر من المتاع ـ فالدنيا ما معروفة ـ وكل منهم يعض علي موقعه بالنواجذ ولا يجروء علي اي آكشن يعكر مزاج اسياد البلد ـ و البقبة الباقية من جماهير المسلمين مثل الباكستانيين وغيرهم تراهم كثرة دقون لا تقدم ولا تؤخر ــ هذا عمومآ حال المسلمين ، كثرة صياح وهتاف واتباع النفس هواها والتمني علي الله الاماني ـ اذن لا غرابة في ما حدث ـ لقد واتتنا الفرصة بهزبمة الامريكان عند هجومهم علي العراق ـ يعني لو كانت انتفضت الشعوب العربية والاسلامية علي حكامها واطاحت بهم كلهم بدون فرز، لكان الحال غير الحال ـ ولكن انظر ماذا حدث، تقاعس و تواكل وانهزامية، فبدلآ عن استعمال النفط لزجر الغزاة زاد ضخه لدعم الغزو ــ بعد كدا الهوان ممكن يصل لي وين؟؟ ـ
04-21-2003, 07:26 AM
قرشـــو قرشـــو
تاريخ التسجيل: 02-05-2002
مجموع المشاركات: 11385
والله ناس الجيش ياخوى عندنا رجال عديييل كده ما بياكلوا حق زول اصلو بس ياكلوا حيوانات الله المؤذية للناس والمافى زول بياكلها يعنى وفروا على نفسهم وعلى الناس وبلاش زحمة ..
نفسى كان الفرقة بتاعت الغزلان دى يكون قائدها سودانى من اولاد النوبة عشان يخليهم ياكلوا الجراد اولاد اللذين لكن تقول شنو ديل من امريكا بجيبوا معاهم هامبرجر ياخى ...
لا والاغرب واحد اشتغل معاهم فى الظهران فى معسكراتهم قال لى برسلوا ليهم حلاوة .. تخيل عساكر ياكلوا حلاوة ولم يكتفى بالقول بل احضر معهم عينة .. يعنى علبه فيها تشكيلات من الحلويات والحنكشة .. على الايمان بناتنا ارجل منهم بس لاقين السلاح ده ساكت وهاريننا بين ومكتلين بين اولاد العراق المساكين..
لكن ربنا يورينى فيهم يوم بس
04-21-2003, 07:38 AM
قرشـــو قرشـــو
تاريخ التسجيل: 02-05-2002
مجموع المشاركات: 11385
والله ديل الواحد يموت يخلى ثروته كلها لى كلب يعنى حتى حيواناتهم احسن من حيواناتنا فى نظرهم ؟؟
بالله عليك الله الناس دى شايلها اكل الدنيا والاخرة ما نقصهم يعنى الا الغزلان المسكينة دى ..
تعرف انا بحب الغزلان دى حب شديد وبعتبر انه دى حيوانات اليفة ما مفروض ياكلوها لانها بتدخل البهجة فى نفوس الناس وقد شهدت فى صغرى فى مدنى بعض الناس تربى الغزلان للزينة فقط بس عشان يتأملوا عيونها وجمالها وهى حيوانات راقية جدا لكن الحاقدين اعداء البشرية والحياة ديل قاموا اكلوها وبتشفى كمان يعنى محكمية كاملة تصدق نزلوا فيها ضبح واكل ..
ربنا يسمع دعوة شيرى فيهم ومن تكريت لمقابر ام منهاتن راس..
اما صاحبنا صدام حسين والله تلقاه يا داب مرارته انفقعت واصابه ضغط فهو اهتم بهذه الغزلان اكثر من اهتمامه بالناس ووفر لها الحياة الفطرية الحرة الكريمة بينما افتقد شعبه ذلك تماما وهو الان يرى اعداءه العلوج يتلذذون بصيد هذه الكائنات الوديعة التى خسر فيها دم شعبه..
قرشو لك السلام والله هو الشعور الجارح بالذل والحقارة زي طعم الحنظل في حلوق الناس حتي الكانو بصفقوا ياخوي تقول لي سرقة تلاجة واثار وغزلان ياخوي ديل سرقوا بلد كامل الا ياخوي عاجبني للجماعة البقو يفتشو في الشي اليخارج الامريكان من جنبهم قال مؤتمر قال عليك الله ياقرشو شعورك شنو وانت تقرا قرارات اجتماع الدول الحول العراق
بس صالح الدعوات لك الود عبدالله جعفر
04-21-2003, 07:47 AM
رقم صفر رقم صفر
تاريخ التسجيل: 05-06-2002
مجموع المشاركات: 3005
عندما قرأت هذا الخبر زعلت انا ايضا ، بس شعرت بالحقاره لكن اريد ان اسألك ، لماذا بترت الخبر او لم تقله كاملا ، وهو ان صدام انشئ هذه المحميه ليمارس فيها صيد الغزلان ، بل هي كانت احدي ادوات التقدير التي يستخدمها صدام ، لاظهار تقديره لشخص ما بان يقوم (بعزومته )في رصيد الغزلان ، واعتق ان الصيد اول طلقه وآخرو شوايه
04-21-2003, 07:50 AM
قرشـــو قرشـــو
تاريخ التسجيل: 02-05-2002
مجموع المشاركات: 11385
ياخوى انا البهمنى فى الامر انه الجماعة ديل اكلوا الغزلان وده الموجعنى ياخى فى الامر ولعلك قرأت انها غزلان اليفة وودودة وانها تعودت ان تأتى للناس طواعية ..
بعدين هى بتاعتهم ياخوى صدام هو اللى رباها وجابها حر فيها لكن هم مالهم ومالها بس ؟؟؟ يعنى خلاص ضاقت عليهم وما لقوا حاجة ياكلوها الا الغزلان دى ياخى ؟؟
بالله انت لو فى مكانهم حاتحاسب الغزلان بجريرة صدام وتنتقم منها ؟؟؟
كمان طبخ بعصير البرتقال ؟؟؟
04-21-2003, 07:47 AM
قرشـــو قرشـــو
تاريخ التسجيل: 02-05-2002
مجموع المشاركات: 11385
الحمد لله ياخوى الشعب استفاق من الذهول والصدمة التى سببها له صدام مرتين واكثر ما اعجبنى ان الصفوف تراصت بسرعة والناس عادوا لوعيهم واستدركوا انهم امام حقيقة جديدة فكانت كل الاصوات وكل المظاهرات تنادى بخروج الامريكان من العراق وبعدها فاليحكم من يحكم..
واكثر ما اعجبنى ان المساجد كانت نواة الانطلاق للاصلاح ولرد المسروقات ولحفظ الامن وللتنادى بالوحدة الوطنية ونبذ الفرقة والشتات ..
حقا اخبار تثلج الصدر تماما
اما اجتماع اولئك حول العراق والله حاجة مخجلة تماما.. يازول ناس العراق ما عاوزين زول يصدر ليهم قرارات ولا كلام للاعلام ديل قادرين يخلصوا نفسهم بى نفسهم والعدو سيذوق المر بينهم ولن يهنأ هو ولا اولئك ايضا وسنرى مع الايام اى منقلب ينقلبون..
لك شكرى سيدى ولك تحياتى وان غدا لناظره قريب
04-21-2003, 07:51 AM
ولياب ولياب
تاريخ التسجيل: 02-14-2002
مجموع المشاركات: 3785
ومن المناظر التي إستفزتني يا أخوي قرشو ، منظر أحد العلوج الأوغاد وهو يقوم بحلاقة ذقنه من داخل غرفة نوم رئاسية ، وزاد قهري تعليق أحدى الصحف العربية ،،، المارينز يقولون لصدام ها نحن في مضجعك
تصور
04-21-2003, 07:55 AM
james james
تاريخ التسجيل: 06-21-2002
مجموع المشاركات: 2726
والله فعلا ده نهب مسلح بكل معنى الكلمة .. ياخى ديل كانوا اول الناهبين وقد قيل انهم اتوا بالاف من اللصوص معهم بعد ان تم تدريبهم فى مكان ما والشاهد على لصوصيتهم هو وصول الاثار العراقية الى اوروبا؟؟؟ طيب لصوص بغداد لا يستطيعون الخروج حتى من حدود مدنهم ناهيك عن القطر فكيف تثنى لتلك المسروقات ان تصل الى اوروبا...
انه فعلا نهب مسلح عبر القارات
لك الود كله
04-21-2003, 08:02 AM
قرشـــو قرشـــو
تاريخ التسجيل: 02-05-2002
مجموع المشاركات: 11385
اما اولئك وتلك الصحف فهى ارادت ان تتشفى وان تشمت ناسية الاصول كما نسى ذلك الجندى الاصول فليس من اللائق ان يكون القصر الرئاسى لاى من كان مرتعا لعبث الجنود والاوغاد فهذا استحلال للاموال العامة فهذا القصر لن يرثه صدام فهو ملك للشعب وبعدين فاليكن صالة افراح المهم انها مقدرات شعب وما اولئك الشامتين الا اناس يتحدثون عن غرض وهوى فى نفوسهم وربما تطبيل لاخرين يطربهم مثل هذا الحديث الاسن..
حقا اشياء كثيرة تحدث وحدثت تورم الفشفاش يدى
لك اجمل تحية
04-21-2003, 07:55 AM
alsngaq alsngaq
تاريخ التسجيل: 04-27-2002
مجموع المشاركات: 2389
والله الزعل عايز يكتلني عديل ، والبجنن اكتر ويصيبك بالغثيان لدرجة الشعور بالاحباط، محاولات البعض للتبرير وتركيب الاقنعه للعلوج، بالتعرض لعيوب نظام القيادة فى العراق وكأنما يقولون يستاهل!!! عليك حاجة ما تحبط دي
لقد قالوها فعلا اولئك الذين خلطوا كل الاوراق ببعضها..
كلنا يجمع على ان صدام كان طاغية وظالم ومستبد ككل الرؤساء العرب ولكننا نتحدث عن وقائع اخرى فاذا باحدهم يبرر بان صدام كان يفعل ويفعل ولذا يستاهل شعبه او ممتلكاته .. تعرف ديل زى البمشوا فى مظاهرة يلقوا دكان جميل ومليان بضاعة يقوموا يحرقوه وينهبوا ممتلكاته ؟؟
بصراحة ديل اكثر مرارة من الامريكان نفسهم لان لاولئك قضية على الاقل ولكن ما بال هؤلاء الحاقدين الموتورين.. الا ينظروا الى الشعب العراقى كشعب شقيق له الافضال على شعب السودان؟؟
الا يعلموا ان جيشنا كان يتلقى تدريبه وتحديدا سلاح المدرعات فى العراق وان الكثير من عتادنا العسكرى جاء من العراق ؟؟
الا يعلموا ان هنالك المئات من المهندسين الزراعيين فى اصقاع الشمالية فى حملة لتحسين اشجار النخيل ؟؟
الا يعلموا ان العراق مد يد العون للسودان كثيرا وسانده ..
قال احدهم: حليلك بتسرق سفنجه وملايه وغيرك بيسرق خروف السمايه تصدق في واحد بيسرق ولايــــــــــــه واصل الحكايه ضروري النضال ضروري النضال امريكان اليوم يسرقون واحده من اعرق الحضارات في العالم
والله يقدرنا ونسرق كل ولاياتهم قول آمــــــــــــــــين
ابونور ـــــــــــــــــ ..لاتساوم وان منحوك الذهب اتري حين افقأ عينيك وأثبت مكانهما جوهرتين هل تري؟ هذه اشياء لاتباع ولاتشتري
04-22-2003, 08:00 AM
قرشـــو قرشـــو
تاريخ التسجيل: 02-05-2002
مجموع المشاركات: 11385
لعل الجماعة اخوى جو ناس سرقة عديل وقسموها وكل واحد يسرق على قدره فبعض العراقيين قال صراحة ان الامريكان اتوا معهم باكثر من 7 الاف لص محترف ومدرب واطلقوا لهم العنان للنهب وكل ذلك لتغطية نهب اكبر واعظم ..
وكما قلت سيدى فهم فى النهاية سرقوا حضارة شعب كامل بل سرقوا وطن باكمله ..
بس نقول شنو ربنا يورينا فيهم يوم
04-21-2003, 08:47 AM
Yassir7anna Yassir7anna
تاريخ التسجيل: 09-08-2002
مجموع المشاركات: 2634
يا أستاذنا قرشو امكن ما بتعرفني لكن انا معاكم من زي سنة كدة ما كتّاب لكن بقرا ليكم اكتر من كتابتي ليكم المهم انت حارقاك التلاجة عليك الله انت تسيب الجمل كلو وتمسك في أضانو دي البلد كلها اللخبطها منو ولي صالح منو !!!!!!!!
04-22-2003, 07:18 AM
yasiko yasiko
تاريخ التسجيل: 02-05-2002
مجموع المشاركات: 2906
عيون المها بين الرصافة و(القصر)الجسر جلبن الجماعة(الهوى)من حيث ادري ولا ادري
لكن اسمح لى ان اقول لك زعلك خلاك تكتب كلام ما في محلو
Quote: والله ناس الجيش ياخوى عندنا رجال عديييل كده ما بياكلوا حق زول اصلو بس ياكلوا حيوانات الله المؤذية للناس والمافى زول بياكلها يعنى وفروا على نفسهم وعلى الناس وبلاش زحمة
عليك الله بلا قيادات الجيش عندنا من افنى الثروة الحيوانية في الجنوب بالضرب والبيع (دعك عن الانسان الان)وبالله ياتو حق زول ما اكلوه وبالمناسبة لجأوا للحيوانات المؤذية بعد نفاد الاليفة فوفق قوانين الطبيعة فالحيوانات تأكل الاعشاب الطيبة أولاً ثم المستثاغة ثانياً واخيراً اللجؤ لغير المستثاغ المآسي كتيرة حاصلة والمكضب يلاقي بوليس السواري لنا ولك وللوطن الله الذي لا حول ولا قوة الا به
اشكرك على المداخلة سيدى واقول لك عندما تحدثت عن الجيش عندنا فانا اعنى الجيش حقا ولا اتحدث عن المرتزقة الذين تعرفهم سيدى .. فقديما كان الجيش يسخر من البوليس لانه ياخذ الرشاوى ولم تكن لهم لحى .. انا بستغرب كيف جندى عنده دقن والله ما راكبه ذاتها ياخى ..
اما المارينز فهم امثال جماعتنا لا ذمة لهم ابدا وياكلوا ناقة صالح
لك تحياتى سيدى وثق اننى اعنى الجيش الحقيقى وليس الجيش المزور الذى ترى الان ..
لك حبى
04-22-2003, 08:08 AM
قرشـــو قرشـــو
تاريخ التسجيل: 02-05-2002
مجموع المشاركات: 11385
من لا يعرف نقطةالانطلاق سيدى فكلنا نعرفك ولكن قول مقصرين معاك ربما لم نبادلك الرأى والمناقرة قبلا ولكن انت علم على رأس بوردنا يا حبيب ومن العلامات المضئية فيه فاهلا بك فى كل بوست وكل حين..
حقيقة انا ما مزعلانى الثلاجة لانه قلت يمكن الثلاجة روسية وعاوزين يغيروها بواحدة امريكية وده من حقهم بعد ده فالعالم اصبح احادى الاتجاه..
انا مزعلنى طباخ المارينز الطبخ لحم الغزال بعصير البرتكان .. ياخى ديل فى امريكا بورثو الكلب ثروات طائلة يجوا فى العراق يعسكروا فى محمية وياكلوا الغزال كله شىء شوى وشى طبيخ بالبرتكان شفت الخمج وصل وين بالله..
اما غير ذلك فالبلد كلها آلت اليهم والله يستر علينا غايتو ياخوى
لك تحياتى وودى
04-22-2003, 08:03 AM
قرشـــو قرشـــو
تاريخ التسجيل: 02-05-2002
مجموع المشاركات: 11385
يبدو وبناء على رد لك فى بوست اخر بخصوص بيع المجاهدين من قبل العراقيين ليس لنا الا ان نبكى بس
واله القلب يدمى الما وحسرة وحزنا على حالنا
على رأيك مفروض بعد كده الزول ما يقول بغم ويقطعوا فى مصارينه لانه الامور من كل الاتجاهات لا تبشر بخير رغم املنا الذى لا ينتهى فى رب العزة ولكن لا امل فى خلقه ابدا على ما يبدو
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
قرشـــو
ALZOLZATOO
shiry
Munir
ABUHUSSEIN
garjah
رقم صفر
ولياب
james
alsngaq
Yassir7anna
yasiko
فيس بوك
تويتر
انستقرام
يوتيوب
بنتيريست