بهذا نعلن ان البورد خال من العلوج

Quote: قال ليك ناس البورد ثلاثة يوم مشحططين في المستشفى راجيين المره تلد ومافي فايدة و(ديك الجن) بدأ يتنفض ويتذمر و(مسارات) رابطة راسها من الصداع و(أبو حراز) يادوبو جاء شايل ليه عامود يازول بعد شوية جات (أم فيونكة) طالعة من العنبر منططا عينيها وكلمت (قرشو) في أضانو قالت ليه المرة ولدت لكن الشكية لي الله ولدت ليها راس بس وطرف الحديث لامس أضان (الجعلي) وبدأ يصيح كيف يعني راس بس وباقي الجتة وين؟ وأصابت عدوى التذمر كل أهل البورد قام أخونا (كلام ساكت) حاول يهدئ الموقف قال ليهم ياخوانا الفضيحة والسترة متباريات دحين نحن نمشي البورد هناك والبريدو الله ببقى وهم قايلين يوم يومين والخلاقة بموت أبى يموت كلو كلو وبقى كبير تلقاهو راس مختوت في نص السرير زي الرادي وفصيح النوع البقول خالتو (تماضر) أديني قروش وعمو (شلي) شيلني وبعض الأحيان يشتم يقول عمو (بدرالدين) إنت شين يازول بعد شوية بقى يسف التمباك المهم بعد سنتين ولا ثلاثة أمو قالت ليه أنا جبت ليك هدية بمناسبة عيد الميلاد لكن حا أخليها ليك مفاجأة رايك شنو قال ليها (يعني حا تكون جزمة؟ ما يا طاقية يا نظارة) عاطر التحايا بدرالدين شنا