وأنا من عرفتك سايقنى الحنين

وأنا من عرفتك سايقنى الحنين

سايقنى شوق لروضه مزهيه بحضورك
بيك طايفه ألف كون فنان
ومن غيرك
مجازفات الشجن
مغاليه فى حب ذاتا

شميت ريحه الحنين
ربك كريم

لكن حنينى بى شوفتى ليك
الا أرتجيه وأسأله
يقربنى من بعض الخيوط
تربطنى بيك
فى كل رفعه كاس
ناس بتتنتظر المسيح
وناس راجيه ريح الصباح
وناس مليانه زيف
بتتفقد على رغم المانعين
أطراف اصابع
بترسل
تحت محراب الثوانى
شوق يروى الحنين


ولكم كل الحب
غدى

ايهاب

تعرف انا اتعودت على ناس البورد ديل شديد .. حمزه... تماضر ....الموصلى ....وكلهم بدون فرز ... بقوا لى زى مذاق القهوه اليوميه
كلماتهم وتشجيعهم بتسكب لى شيئا .... يمر علي ويعلم اصابعى
الانتقال من (دو).. الى (رى ) ...(مى ) ..واكتشف كل مره فيهم ايقاع جميل
واتورط فيكم اكتر ..ويأرخنى معاهم الزمن


لك كل الود
غدى

مبدعنا حمزه

كلماتك تملأ اوردتى جنون
كلما مر صوت البحر موسيقى
صوت يشق الصباح والمراكب سارحه فى مويه الغياب
نتوسد عطائك ونفتح اجنحتنا ونسرب ضحكتنا للوطن

لك ودى
غدى

فرحانه بيك كل النجوم..... يابت خالتى

شفتو ياااااااااااااااااا ناس البورد
عندى احلى بت خاله فى الدنيا
مسكونه ابداع
مره نيل ومره هدوء فى ضجه العالم
ومره زى غمام الامسيه تمر على اطراف ثوب الفجر
وتسرب للدم ذكراها وتسكن فى المسام

ولك حبى
غدى

مبدعنا الموصلى يا مزمار من مزامير داود ...وناى
اهلا بيك



لك كل الود
غدى

فى حافه الغياب

مرحب بيك نغم يعزف كلمات تتسرب نحو حافه الصمت
ونطالع معاك اسطوره الاشراق

لك الود
غدى

ياسر محجوب

عودا حميدا ومنتظرنك توزع فى المدينه عطرا يهوم فى الحدائق عابر عبق العبير

لك كل الود
غدى

معليش اتاخرت عليكم فى الرد ..بس كنت مشغوله شويه

دريمز عزيزتى
مشتااااااااقون ... مشتاااااااااااااااقون .... مشتااااااااقون
وينك يابت ما ظاهره
اظهرى ... خلينا نشوفك

مهاجر سعيده انك بتقرا لى

دريمز & مهاجر
الاسلوب هو نفسه بس امكن عشان ما كاتبه الحروف بالحركات ...فبقت قرايتها صعبه شويه
حا اكتبها ليكم مره تانيه ..بس اقروها بـراحه براحه

اها يا دريمز &ومهاجر اسه كيف ؟ انشاء الله تكون احسن

صادوح
ولك منى صوت كمنجه .. تعزفه الريح
يقودنا للبساتين القصيه


لك كل الود
غدى

يااااااااااااااااااااااااالله ... محمود

ونحنا فينا من أغانيه وطن
وفينا من وطنه غنى
فموسيقاه ... موسيقى التخدير التى ادمناها

تسلم يا
تمبس يارائع



غدى

مهاجر اعتذر مره اخرى عن التاخير
مسائك خير وورد
فى الاول كتبت لي انه القطعه ماداخله الراس .. قلت فى نفسى امكن عشان الحركات ماقدرت تقرا بعض الحروف .. عيدت كتابتها مره تانيه بالحركات .. و رجعت علقت مره تانيه فهمت منك انه السبب ما كان حركات الحروف ... ولا كان الخط زى ماقالت دريمز لانى غيرته ... وبالتاكيد ما اللهجه العاميه لانى كتبت بيها قبل كده ...فمافهمت السبب شنو وبالذات اختيارك لجزء معين منها
نقلته... بس ما علقت عليه ولا وضحت لي ليه اخترت الجزء ده بالذات ..و لما كتبت (ممكن ندلف في الشعر والنثر الي منحي بعيد لكن ليس بهذه الدرجة)مان دى مافهمتها .
والاسلوب انا ماشايفه فيه اى تغير ... اما قصه الوزنه دى فأنا ما شاعره ولابكتب شعر .. هى كلمات بتجينى فى لحظات صفاء ... هكذا.. كأ نما احد يملى على .. بنزلها وبحب تشاركونى فيها

وباقى كلامك فيه تناقض .. مره تقول
(وحقيقة وضعت صورة جميلة وما عايز اشوه الصورة دي) ..فهمت منها انه كلماتى شوهت الصوره الكنت راسمها ..بس ماقدرت افهم السبب
ومره تقول
(والقطعة جميلة) .. كيف تكون جميله وفى نفس الوقت تشوه الصوره الرسمتها

وتحياتى
غدى

مهاجر صباح الخير

ليه بتفسر الكلمه هذا التفسير المشين ... وليه بتبادر لذهنك المعنى ده بالذات ...ا كلمه كأس لاتحمل غير هذا المعنى الذى خطر على بالك ؟ فانا عندما كتبتها لم يكن قصدى مادار بخاطرك من معانى عجزت نفسى ان تتوصل لها الابعد ان ذكرتها و لم افكر مجرد تفكير بانه قد يكون قصدك هذا المعنى الغير لائق الذى ابدا ماخطر على بالى ..... كان الاجدر بك افتراض حسن النيه فى كتاباتى لانك وكما قلت تعودتم منى الاسلوب الملائكى فهل يعقل ان افكر فيما فكرت به ؟ لا والله ابدا مافكرت هكذا ولا حتى خطر على بالى انه يمكن ان يكون تفكير اى شخص قرأ لى هكذا ... حقيقه الالمنى تفسيرك هذا ...
فعندما كتبت كتبت لاناس افترضت فى تعاملهم معى حسن النيه ... اعتبرتهم كأهل بيتى ..ولم اعتقد فى لحظه انهم يسيئون الظن بى لهذه الدرجه المهينه ..

غدى

وجن
خلاص وعشانك حا ابطل غلاط
مختلفه مختلفه .... وامرنا على الله
حكم القوى

شفتى محمود ده رهيب كيف
انا موش من زمااااااااااان قلت ليك اسمعى الزول ده




عمدتنا قرشو
وعليكم السلام .. ولك كل التقدير والاحترام


لكم كل الود
غدى