|
درب السلامه للحول قريب
|
طلّق رجل زوجته لا لعيب خلقي أو خلُقي فيها وإنما لأنه يعتقد بأنها نذير شؤم عليه , وفي المحكمة وقف الزوج أمام القاضي يحكي ويشكي ويشرح أسباب ودوافع الطلاق التي لم يدع شيئاً لم يقله , بينما وقفت الزوجة الصامتة ولم تنطق بكلمة !!
قال الزوج : تصور يا سيادة القاضي , أول يوم رأيتها فيه كانت في زيارة إلى بيت الجيران فأوقفت سيارتي عند الباب الخلفي وذهبت لأتلصص من بعيد , وما هي إلا ثوان حتى سمعت صوت اصطدام عظيم فهرعت لأجد عربة جمع القمامة قد هشمت سيارتي !!
وفي اليوم الذي ذهب أهلي لخطبتها توفيت والدتي في الطريق وتحول المشوار من منزل العروس إلى مدافن العائلة ! ! فهل هذا طبيعي سيادة القاضي ..؟
ويوم العرس شب حريق هائل في منزل الجيران , فامتدت النيران إلى منزلنا والتهمت جانباً كبيراً من المطبخ .
وفي اليوم التالي جاء والدي لزيارتنا فكسرت ساقه , بعد أن تدحرج من فوق السلم ودخل المستشفى وهناك قالوا لنا أنه مصاب بداء السكري على الرغم من تمتعه بصحة جيدة وأخذناه للعلاج إلى الخارج ولم يعد من يومها للبلاد إلى الآن !
وكلما جاء أخي وزوجته لزيارتنا , دب خلاف مفاجئ بينهما , واشتعلت المشاجرات وأقسم عليها بالعودة إلى بيت أهلها !!
وكانت كل عائلة تهمس لي بأن زوجتي هي سبب المصائب التي تهبط علينا , لكنني لم أكن أصدق فهي زوجة رائعة وبها كل الصفات التي يتمناها كل شاب لكن يا سيادة القاضي بدأت ألاحظ أن حالتي المادية في تدهور مستمر وأن راتبي بالكاد يكفي مصاريف الشهر , وبالأمس فقط , فقدت وظيفتي فقررت ألا أبقي هذه الزوجة على ذمتي !
فأمر القاضي أن يرد زوجته إلى عصمته وأقنعه بأن كل هذه الحوادث طبيعية لا دخل لها فيها , وأن تشاؤمه منها مبعثه الشك واللمز المتواصل عنها .
المهم .. قبل أن يغادر الرجل القاعة مع زوجته , تسلم القاضي رسالة بإنهاء خدماته وإحالته إلى التقاعد , فعاد ونادى على الزوج وقال له
( أقول لك .. طلقها يا ابني .. طلقها ) !! اها يا اخوانا رايكم شنو الزول ده ما عندو حق؟
|
|
|
|
|
|
|
|
Re: درب السلامه للحول قريب (Re: ابو نور)
|
الاخ ابونور سلام ياخوي دحين دي ما قرجة اخونا قرجة اها ياخوي زولك دا طلقا والله لسه لانوكان طلقا حاجنها لي صحب لينا هنا والله حيوريهاالءم الما بتعرفو لك الشكر عبدالله جعفر
| |
|
|
|
|
|
|
Re: درب السلامه للحول قريب (Re: ابو نور)
|
العزيز ابو نـــــور
ياخي الدنيا صباح طلاق شنو
الناس دايرة تزيد موش تنقص
انت عارف طبع التشاؤم ده في كل الاجنس
ونحن السودانيين تخصص
بس عراقيك ده لو سويتو حمالتين بدل حمالة واحدة
والا القماش نقص عليك
لكن القرجة ما عندك
وبتتلفت كده مالك
بتتفرج في ماتش تنس
| |
|
|
|
|
|
|
Re: درب السلامه للحول قريب (Re: garjah)
|
عمو قرجه صباحك خير وزين طبعا الناس زهجانه من روحه ذاتا عشان كده الطلاق هو لغة العصر القماش والله ياقرجه ما قصر بس انا زول قديم خالص والدنيا حر في الخرطوم اليومين دول وبمناسبة التنس دي.. قالو المره في سن الخامسه والثلاثين زي كرة التنس كل زول بيشوته للتاني اسمع انا ما كنت صاح لمن قلت لعبد الله جعفر و الباشمهندس انك ما بتزعل عشان قرجتك؟
ابونور
| |
|
|
|
|
|
|
Re: درب السلامه للحول قريب (Re: ابو نور)
|
أخي أبو نور طالما أن هذه السيدة بهذا الكم الكبير من الشؤوم والمصايب فما رأيكم لو نقلدها منصب وزير أو والي في حكومتنا لأن بنا من المصايب ما يكفي لأن يرتد شؤمها عليها زي أى كورة تنس تضرب في حيطة معمشة وتكون نهايتها بيدنا نحن لا بيدها هي وذلك من منطق شيطانين في كوشه ما بتلمو
| |
|
|
|
|
|
|
Re: درب السلامه للحول قريب (Re: ود العمدة)
|
اخوي الملأ عمر انت عارف اسمك ده عاجبني جدا
احتمال لاني بتكيف من الرجال اصحاب المواقف الثابته والناضجه جدا بعدين يا اخوي شنو عايز تذيد لينا الشؤم القاعد في وزاراتنا بالمره دي كدي خلينا نتخارج من ديل اول افضل مثل لشيطانين ما بتلمو في كوشه واحده هو القشير والترابي
لك الود دوما
اخوي العمده ذكرتني اغنية البنات البيقولو فيها مشيت للعمده قالي لي ما بمضه احب الزول الحماني الغمده لكن انت اللي خايف من الغمده والمره بتحميك الرقاد عدييييل كده
لك كل التحايا والود
اخوكم ابونور
| |
|
|
|
|
|
|
Re: درب السلامه للحول قريب (Re: ابو نور)
|
أخي أبو انور
تحية صباحية
رغم اني رديت على الموضوع ده بس ما لقيت ردي الظاهر بلعه ود امبعلو
فأقول اخي الكريم لماذا الشؤم قرن بالمرأة ولم يقترن بالزوج الذي هو أولى أن يكون شؤماًًكون كل نذائر الشؤم اقترنت به هو وليس بها هي فالعربة له هو وماتت امه هو وكسرت رجل ابوه وهكذا ، وليه ما تكون صدفة كل هذه المصايب اشمعني يعني المرا دي شوووووووم وهو لا .
ولك تحياتي
شرووم
| |
|
|
|
|
|
|
Re: درب السلامه للحول قريب (Re: شرووم)
|
اخوي الملأ عمر مالقيت دهن لكن لقيت ودك.. بينفع وبيرقد الشعر ولا لا انا واقف وداسي قرجتي وري ضهري بفتش في اي كوز يجي ماشي بيجاي ادي ليك في رأسو اكثرو حته حته اوعك تبقه منهم بعدين عمو قرجه سيبو في حالو وما تخليه يقبل عليك
لك كل الود والتحايا
اخوي شروووووووووووووم انت عادل شروم بتاع المناسبات الفي شارع الصحافه قريبك ولا اسم علي مسمي ولا عشان انتو بتاعين مناسبات مادايرين النساوين دول يطلقو بس دايرين عرس طوالي
لك الود والتحايا
اخوكم ابونور ـــــــــــــــــــــــ ..لا تساوم ولو منحوك الذهب اتري حين افقأ عينيك واثبت مكانهما جوهرتين ، هل تري؟ هذه اشياء لا تشتري
| |
|
|
|
|
|
|
Re: درب السلامه للحول قريب (Re: cola)
|
يا كولا والله انا ما عرفت اقرأ كلامك ولا امرق من كتاحتك دي.. يا زول قول بسم الله الجاك شنو؟
وبعدين فحص شنو يا زول الناس دي لابته ساي مافي زول بيفحص الا المضطر والمسافر تقول فحص ايدز وقت العرس.. دي ما بلد خمجانه وما عندها وجيع
اخوك ابونور
| |
|
|
|
|
|
|
|