|
|
 كيف توصف السودان وهل الشعب السوداني شعب وطني
|
اخوتي الاعزاء واخواتي الافاضل
سلام الله عليكم جميعاً
اتناول معكم هنا في هذا النبر وبهذا البوست المتواضع هذا الموضوع الذي اراه مهم جداً وهو
"كيف نوصف السودان والشق الثاني هل نحن وطنيين"
وعند كتابة هذا البوست تذكرت هذه الابيات
بلادى أنا …. بلاد ناساً مواريثم في أول شي … كتاب الله
وخيل مشدود … وسيف مسنون حداه درع .
تقاقيهم تسرج الليل مع الحيران وشيخاً في الخلاوي ورع .
وكم نخلات تهبهب فى جروف الساب وبقرة حلوبة تتضرع وليها ضرع .
وساقية تصحى اليل مع الفجراوى .. يبكى الليل ويدلق فى جداولو دمع .
يخدر فى بلادى سلام .. خدرة شاربي موية النيل .. تزرد في البوادى زرع .
بلادي سهول .. بلادي حقول .. بلادي الجنة .. الشافوها أو للبره بيها سمع .
بلادي أنا تكرم الضيف وحتى الطير يجيها جعان .. من أطرافها تقيها شبع .
بلادى الصفقة والطمبور .. بلادى بلاد من التاريخ من ترهاقا لي عن ميسنا
وناسا حنان .. يكفكفو دمعة المفجوع
يبدو الغير على ذاتم .. يقسمو اللقمة بيناتم
ويدو الزاد .. حتى إن كان مصيرم جوع .
ديك أهلى ..
عرب ممزوجة بي دم الزنوج الحارة .. ديل أهلي
ديل أهلي لما أدور أفصل للبدور فصلي ..
أقول بعضى .. ألاقيهم تسربوا فى مسارب الروح بقو كلي
أسياد قلبي والإحساس .
وسافر في بحار شوقم زمان عقلي .
محل قبلت ألقاهم معاي معاي زي ضلى .
لو ما جيت من زي ديل .. كان أسفاي .. وا مأساتي وا ذلي
تصور كيف يكون الحال ؟
لو ما كنت سوداني .. وأهل الحارة ما أهلي ؟
تصـور كيف ؟
وما دعاني الى الكتابه هو
في احد الجلسات الثقافيه مع بعض الاخوه دار الحديث عن الوطن وتناقش الناس في هذا الصرح العظيم وتمحورت الافكار في
السودان اصبح بلد خرابه
السودان اصبح بلد منفر
السودان اصبح لا يهمني كثيراً شأنه
الانحلال الخلقي في السودان
ضنك العيش
هجره المثقفين
هجره الشباب
وبعد هذه المناقشات الطويله اقتنعت بان الذين احاورهم لا يريدون العيش في السودان فما رايكم انتم يا اخوان صحيح السودان يستاهل ان يكون كذلك
افبعد ان شربنا من مائه واكلنا من زرعه ولعبنا في ارضه وكبرنا في احضانه ننعته بمثل هذه الاشياء
ابوفاطمه
|
|
 
|
|
|
|
|
|
|
|
Re: كيف توصف السودان وهل الشعب السوداني شعب وطني (Re: Elmosley)
|
الفهم بالوطنيه ليس انتمائا لى جغرافيه انما الى هلام ملامح الجمال فمازال الاحساس الوطنى يستمد من المواطنه لا من تغير المكان او اللغه
بمعنى هذه الجغرافيا يمكن ان تنحصر فى ملامح النشاه والمدرسه والجامعه والخاله والعمه والاحبوبه والجد
لذلك تجد الشعب السودانى اكثر الشعوب وطنيه فى تكاتف الايادى والمشاركات الاجتماعيه عامه
| |
|
|
|
|
|
|
|
|
|
Re: كيف توصف السودان وهل الشعب السوداني شعب وطني (Re: ابو فاطمه)
|
manj الاخ
هذا ماقد راح اليه رايي وخاصه بعد ما سمعت من النخبه التي تطلق على نفسها مثقفه
Elmosley الاخ
Quote: الشعب السوداني الذي اقتلع حكومة عبود تلتها حكومة نميري اعطي درسا للعالم في مقاومة الديكتاتوريه دونما حوجه الي تدخل اجنبي
وسيفعلها ثالثةلانه شعب عظيم |
ولكن لم تعطني جواب فيما يخص Quote: السودان اصبح بلد خرابه
السودان اصبح بلد منفر
السودان اصبح لا يهمني كثيراً شأنه
الانحلال الخلقي في السودان
ضنك العيش
هجره المثقفين
هجره الشباب |
HAMZA SULIMAN الاخ
| Quote: الفهم بالوطنيه ليس انتمائا لى جغرافيه |
أفهم من كلامك ده انك توافق على هجره وخروج الشباب والطبقه المتعلمه من السودان
وانو مافي داعيه لجغرافيه الارض مادام انو نحن قادرين على حمل السودان في دواخلنا
| |
|
|
|
|
|
|
|
|
|
Re: كيف توصف السودان وهل الشعب السوداني شعب وطني (Re: ابو فاطمه)
|
اخي ايهاب
شكري الشديد على هذه المداخله
واعترف لك بما قلت قله التربيه الوطنيه هي المشكله
فيا اخي دعني اسرد لك هذه القصه
في احد الايام ذهبت الى دائره ترخيص المركبات لكي اجدد ملكية العربه التى اسوقها وانا واقف في الصف انتظر دوري
تقدمني احد الاخوه المصريين بعربته
لم اعر الموضوع اي اهتمام لانني لن اتأخر كثيراً لهذا الحدث العرضي
بعد لحظات من هذا الحدث ثار الاخوه الذين يقفون من خلفي لمثل هذا التصرف من الاخ المصري وكانو من اهل هذه البلد
فترجلو من مركباتهم وتوجهو للاخ المصري واسمعوه شتا الشتايم والالفاظ على هذا التصرف والاخ المصري لم يعر ما قالوه اي اهتمام حتى قالو له انتو اه الجابكم هنا ما تمشي لبلدك (.......)
وهنا ثار الاخ المصري يدافع عن مصر بكل ما اوتي من قوه
حتي و يصل النقاش الى حد العراك ثم تدخل الجمهور لفض هذا العراك
القصد في هذه القصه انو اخونا المصري لم يهتم لما قيل فيه ولكن لم يرضى في بلده
ونحن عندنا العكس تماما
عندما تجلس مع مجموعه من الاخوان العرب تجد السوداني عندما يسأل عن السودان
طوالي ياخي عليك الله ما تزكرنا بيهو تطمم بطننا
ياخي الحكومه دي كرهتنا فيهو
ياخي والله الناس ميته من الجوع فيهو
والله الحاله بقت صعبه فيهو
ويا اخ ايهاب والاخوه كلكم هل الدول الافريقيه الاخرى احسن حال من السودان
ان كان الجواب بي لا
فأذاً لماذا لم نسمع عنهم يسبون دولهم مثلما نحن نفعل
| |
|
|
|
|
|
|
|
|
|
Re: كيف توصف السودان وهل الشعب السوداني شعب وطني (Re: ابو فاطمه)
|
عزيزي ابو فاطمه
تحياتي
في الحقيقه.....ان الشعب السوداني لا يملك اي روح وطنيه ....وشعب معارض بطبيعة حاله....ودائما يعمل ضد السودان ومصلحته.....الشعب السودان حارب الاستمعمار...وحاربه بجساره وخرج الانجليز....وبعدها ..ظل في صراح حول السلطه الي يومنا هذا .....منذ الاستقلال والي اليوم وكل صباح السودان يرجع الي الوراء.....التعليم يرجع الي الوراء....القيم...الدين ...الاخلاق ...
وللاسف ما زلنا...علي نفس الحال....وسوف نظل ...
| |
|
|
|
|
|
|
|
|
 Re: كيف توصف السودان وهل الشعب السوداني شعب وطني (Re: ابو فاطمه)
|
اخي الكريم أبو فاطمة
لا يمكن لانسان عاش في السودان وشرب من نيله واكل مع اهله الطيبين ونام هناك في حيشانه دون مكيف أو حتى مروحة تحته الارض وفوقه النجوم يحسبها يمنةويسرى حتى ينام . لا يمكن لهذا الانسان اذن يكره هذه البلاد ولا يمكن له الا ان يحب هؤلاء الناس الطيبين الذين نشأ بينهم وترعرع وسطهم .
قد يكون هناك ضيق في العيش وضيق في الحريات ولكنها اشياء وقتية تذهب انشاء الله بذهاب الاسباب ويظل الولاء للوطن قائما .
لم أتخيل نفسي يوما واحدا بعيدا عن السودان وكم أفخر الان وانا خارج السودان بأني سوداني وأحلم باللحظات التي سأعود فيها الا السودان
أخي ابو فاطمة والله لقد راودتني رغبة وانا نازل من سلم الطائرة بعد غيبة عن السودان استمرت ثلاثة سنوات ونصف أن اسجد بأرض المطار وأقبل الارض أقسم لك بالله على ذلك ، منعني فقط الحياء من الناس ان افعل ذلك
احمد الله أني سوداني ولا أتمني سوى أن أكون سوداني وبإذن الله سأظل سوداني
شرووم
| |
|
|
|
|
|
|
|
|
|
Re: كيف توصف السودان وهل الشعب السوداني شعب وطني (Re: ابو فاطمه)
|
حقيقة لو ما جيت من ناس ديل
كان حاقول واه ماساتى واه زلى
بى بساطه نحن اكثر وطنيه من غيرنا واكثر ترابطا
ممكن تجد سودانى فى بلاد الغربة لاول مرة وماعندو معارف فى فى هذه البلاد حتعمل ليهو شنو ؟ اكيد حتستضيفه عندك لحدى ما يدبر اموره وطيب !!!!!!ياناس البخلينى استضيف الزول ده شنو انا من الشماليه وهو من الفاشر؟؟؟؟!!!!!!ا
| |
|
|
|
|
|
|
|
|
|
Re: كيف توصف السودان وهل الشعب السوداني شعب وطني (Re: طارق اسماعيل)
|
السلام عليكم
الاخ ابو فاطمه
السودان شهد تدهوراً ملحوظاً فى العقد الاخير..
لاكنه ليس بخرابه
بالعكس لسع كما هو حي شامخ
ولا اظنه بمنفر
لاكن نحن من خذلنا الصبر و ابينا ان نبقي و نحتمل
الانحلال الخلقي في كل مكان و هو لا يشكل خطراً اذا ما قورن ببقيه الدول
ضنك العيش
مشكله سببها الشعب السوداني
لانه ساكت عن الظلم لا يحرك ساكنا امام الظلمه الذين ينهبون كل خيرات بلدنا
هجره الشباب
هي سبب تدهور الحال و اقترابنا نحو الهاويه..
لانهم يفضلون الفرار عن الصبر و المناضله..
ولا يستحق السودان ما نعت به...
اذ ان كل معضله هي نتيجه لافعالنا...
احييك علي هذا البوست
و
لى قدام
| |
|
|
|
|
|
|
| |
Elmosley
HAMZA SULIMAN
ايهاب
شرووم
طارق اسماعيل
benyya
فيس بوك
تويتر
انستقرام
يوتيوب
بنتيريست