|
|
 تــقـتـل طالـــــب.........نـقـتــل أمــــك
|
الانتفاضة...... اشعلوها الشماشة ماتو فيها.... انضربو فيها..... خطفوها المثقفين.....اتفلسفو فيها.... ادوها مليون تفسير وتفسير.....ندوات.... عصيان مدني......نقابات.....مسيرة من قدام كلية الطب جامعة الخرطوم.... كانت ناوية تمشي لحدي القصر الجمهوري.....عساكر جات لابس رسمي ومن غير رسمي.... قعدو ناس المسيرة كلهم في واطاة الله برضو ما خلوهم ..... بادت الهتافات .... لن ترتاح يا سفاح....لن يحكمنا البنك الدولي..... داون داون يو اس اية.....الشماشة... مستغربين في الكلام دا؟ هو يا جامعة الرئيس دا حين مو نميري؟ البنك الدولي دا شنو الحاكمنا...وبيقولو فيهو الجماعة اللابسين البناطلين ديل؟.....واحد سألني سفاح يعني شنو؟.... سفاح يعني كتال كُتلة.... نان ما يقلو كدي الفقلصة لزومها شنو؟..... داون داون يونس وين؟..... يونس دا مسافر مع نميري.....؟ لا هي يا شمش يا اخوي داون داون يو اس اية...... يعني يا امريكا لا تتعلي ولا تتهني....يعني امريكا....... صوت طلقات رصاص في السوق العربي...... ناس الامن وسط الناس........قالو واحد طالب ضربهو طلقة ..... مات..... مقتل طالب مقتل امة.......... شمش ماشي جنبي ويردد تقتل طالب نقتل امك......انا خليت الانتفاضة وخليت المظاهرة وبقيت مباري زولي دا..... الداير يقتل ام العسكري البيقتل الطالب....... تمنتاشر سنة...... فاتت......السفاح مرتاح في امانة الله...... والبنك الدولي حكم العالم كلو ما السودان براهو......ويو اس اية..... ماشة لفووووووووووق فوووووووووق........داعيناهم لمن فترنا..... الدعى قلب علينا نحن....... عجبي
|
|
 
|
|
|
|
سجيمان
abas
Yassir Mahgoub
ود شاموق
فيس بوك
تويتر
انستقرام
يوتيوب
بنتيريست