يا المشتهِنَّك وفي غيابك بالنا بيك ضُمَّة iiانشغل النوم وراك يبقالنا شر .. فارق عيونَّا ، خلاص iiرحل ** ضايقين متين ترجع تعود .. نسأل ، متين قطرك يصل حارسين شويفعنا البجيب لينا البشارة يجيب iiأمل يجري ويناهد من بعيد .. شايِلُّو شنطة ، وبي iiعَجَل يفرح يقول .. خلّيتو جايي وراي يسالم في iiالأهل ** والساعة ديك عاد البلد تنجارا قاصداك يا iiالسَّمِح الناس توسوس لي بعض .. يي داك وصل .. واللهِ صِحْ حتى اللِّي كان محزون وباكي الليلة عاد هشَّ iiوفِرِح في يوم رجوعك يا حِبَيِّب روحنا تب يبرا iiالجَّرِح ** الساقي بعد العنكبوت الفوق حِطيبا خلاص iiبنى بعد الكآبة ومسحة الحزن العليها iiمهيمنة مرقت تلاقيك زي عروس متعطِّرة iiومتزيِّنة ** جدولنا من بعد اليباس الكان موجِّع iiتقْنَتُو بعد السنين العاشا في بُعدك بيكتم iiأنَّتو بعد العذاب الفي غيابك كان يزيد لي iiمحنتو بلقاك فِرِح .. جاك زي عريس يادوب جديد بي iiحِنَّتو ** القمري من بعد الألم والحسرة والنوح iiوالجراح بعد الدموع السايلة دايماً وعمرو في كفكيفا iiراح في يوم رجوعك جفنو من بعد السهر دابو iiاستراح فوق السبيط زوزا ورقص .. طربان يزغرد iiللصباح رسَّل غنيواتاً حُنان .. في روعة صفَّق iiبالجناح ** أوتار طنابيرنا الأبت يا حِبِّي في غيبتك iiترن حلفت محال ما تجيب نغم .. يفرِح قلوبنا ويسعِدِن عادت هي متل ايام زمان تشرح نفوسنا iiوتبهِجِن |