|
|
|
 Re: عيد سعيد والعفو والعافيه (Re: Elkhawad)
|
الحبيب الخواض
كل سنة وإنت بخير ودعائي أن تتحقق أمنياتك ، شخصيًاً لا أملك إلا أن أشكرك على إسهاماتك الثرة الجميلة في البورد والتي تعطى البورد بعداً متفرداً
شكراً مرة أخرى وشكلك كده رقيق ذي النسمة وما بتأذي زول بس برضو العفو والعافية
محبتى
نادر
| |
 
|
|
|
|
|
|
|
 Re: عيد سعيد والعفو والعافيه (Re: OmDur)
|
Date :
Mon, 10 Feb 2003 21:45:55 +0100
لحظات كثيرة تعتري الإنسان..يفيض القلب فيها من كثر المشاعر.. سواء كانت حزينة أو مفرحة..ولكنه حين يصدم بالحقيقة لا يجد تعبيرا يصور بما في دواخله..فيكتفي بذرف الدموع التي تفوق كل التعابير أحيانا..
كلامي الفوق ده صح ولا مو غلط يا انتو؟ الكلام ده خلاصه ما طلعته به في يوم زي يوم الليله والناس بكره مصابحه العيد انا زعلان وغيري فرحان وكل واحد عندو سببو لكن انتو يا المغتربين او المشردين بي معنى اصح ليكم الله....
بي المناسبه نسيت اقولك ليكم كل سنه و انتو بخيروالسنه الجايه على امانيكم,هو مانسيت بالمعنى المقصود لكن الغربه قتلت القلب,طبعا امنايكم دي بتختلف, لكن عند السودانين واحده مافي غيرها يعني الواحد يقول ليك كل سنه وانت طيب والسنه الجايه في الجامعه..... انا ماعارف يعني لو بي الجد كل واحد من ديل دخل الجامعه, الشي دي ح تشيل منو وتخلي منو؟... واكبر دليل على كميه الجامعات المجدعه في السودان, اي بيت فيهو تلاته قطيات بعملوه كليه و سنه سنتنين شويه انا يا بلال عليا بي قدرت قادر يقلبوها ليك جامعه ويلا علينا جااي .
طبعا انا اخترتكم صفوه كده من جمعيه المشردين في الارض عشان افش خلقى فيكم لانو زي ما عارفين الدنيا عيد و ما اي عيد كمان عيد عضه ومنجريه وكده, وزي ما انتو عارفين مافي خروف بنضبح في بيت يعني مافي حاجه اسمها يا ولد افتح الباب ضلفتين عشان يعلقو الخروف ده, ومافي حاجه اسمها عليك الله امشي فضي الكرشه دي( طبعا في ناس بكونو وشهم كشه من قلته ليهم الحاجات دي)... ولا قوله بااااااااااااااااع بتنسمع ولا في فحم بي الشوال بشتروه ولا في كمونيه بسوها ولا ام فت فت ولا مراره ولا فشفاش ولا في راس خروف بنشاف اصلا الا في التلفزيون.
طبعا ناس السودان رسلته ليهم كروت فاضيه عشان المغسه وكده, العوجه بعد ده ما حيقروها الا بعد يلملمو العضام .
المهم يا مشردين او بي الاصح جيل النعجه دولى بي المناسبه قالو النعجه دولي لمن ضبوحها مالقو فيها مراره ولا فشفاش طبعا التفصيل تفصيل خواجه عشان ما يتعب لمن يضبح وكده ..
في الختام ليكم عيديه في نقاط
**********
صباح خاص للغالين معطر بالفل نرسله بس للحلوين ونقولهم من العايدين
بالدنيا ناس ذكرهم يرفع الراس من قلبنا نغليهم وبقرب عيد الأضحى نهنيهم
قبل الدم وقبل اللحم وقبل الشحم أقولك يا حبيبي كل عام و أنت بخير
تهئنة مليانة ورد وفل أرسلها قبل العيد يهل علشان أكون قبل الكل
ودعت بيك عيد مضى و أقبلت بك عيد جديد يالله انشاء الله عيدك سعيد
أنا ما باقول كل عام و أنت بخير لكن بقول أنت الخير لكل عام
يا رسالة دوريه و أمسكيه و بوسيه و قبل الزحمة بالعام الجديد هنيه
باقة من الورود بقدوم السنة الجديدة معطرة بالعود لك يا صاحب الجود
من قالك إني في عيد أو إني سعيد؟... يوم أشوفك هوالعيد وكل عام وإنت بعمر جديد
مع آخر لحظات السنه نطفي شموع ونشعل شموع نتمى لكم سنة حب بلا دموع
أهني أهل الذوق و الإحساس بسنة1424 يا كل الناس
أعذب تهنئه لأعذب أحساس يالي ريدك ماليهو قياس كل عام و أنت اسعد الناس
يا شبيه القمر يأرق من الزهر اهنيك بالسنة الجديدة يا أغلى ناسي و البشر
مرت سنة و جات سنة و حبك بقلبي محفوظ و أمين و كل عام و أنت بخير
أمشي مع السعيد بتسعد
كل سنه تيبين تيبين ايدم مبارك الينا اليكم كل سنه تيبين تيبين
**********
انتو عارفين الفرق شنو بين السكر وشوفتكم؟
السكر يلم النمل وشوفتكم تلم الشمل.
وفي النهايه بغني ليكم وشيلو معاي
نجي عايدين وانشاء الله عايدين يا الله نجي عايدين ومع الاهل السنه الجايه مجتمعين يا الله
ي ا س ر
***** ****** *****
اخى بحق , ياسر
لك حب كبير بمقدار انتمائك لوطن المليون
فانت تحبه .. اقسم بالله
رد الله غربتك موفق .. وامل اللقاء جدا كبير
وسامحنى
| |
|
|
|
|
|
|
|
|
|
Re: عيد سعيد والعفو والعافيه (Re: Elkhawad)
|
..
.
للكل........من حرف الالف للياء كلو سنه و انتو طيبين..
ربنا احقق ليكم الاماني و ارد غربتنا المريره دي ان شاء الله
ربنا اديكم الفي خاطركم و في بالكم.......
وان شاء الله نفرح بيكم كلكم يا رب وما نسمع عنكم الا كل خير...ديما ملموين و مجتمعين.......الخواض ..اديك العافيه
Om Dur.....
كلمي ياسر ...قولي ليهو كلامك اثرني شديد شديد شديد
و قول ليهو اختك المغتربه بتسلم عليك و بتقول ليك كلو سنه و انت طيب...وما عندي شي اقدمو غير امنياتي الطيبه ليهو..
تحياتي
Solara....
| |
|
|
|
|
|
|
|
|
|
Re: عيد سعيد والعفو والعافيه (Re: omdurmani)
|
أحبابنا أهل الدار
كل عام وأنتم بخير .. ونحن اذ نطلب من الله عز وجل أن تكون السنوات القادمة أعوام سلام ورخاء لكل العالم.. وابطال الحروب والكروب والوباء .. والزلازل والبراكين وكل ما هو مدمر للبشرية جمعاء ..
آمين
..
عمكم العجوز
أرنست
| |
|
|
|
|
|
|
|
|
 Re: عيد سعيد والعفو والعافيه (Re: Elkhawad)
|
كل عام وانتم جميعا بالف خير اهلنا واحبابنا داخل وخارج الوطن الحبيب
والعفو للجميع ونتمنى عفوكم كمان
خواض كل سنة وانت طيب ..تعود الايام وربنا يحقق كل الامنيات الجميلة يا رب
| |
|
|
|
|
|
|
|
|
|
Re: عيد سعيد والعفو والعافيه (Re: 3bdo)
|
الخواض
الصديق الغالي
والذي اعتز بصداقته
لك كل الاماني الجميله
بقضاء حياه سعيده
وربنا يديك الفي مرادك
ويحقق ليك الدايره
ويسعدك ويهنيك
ويزوجك بت الحلال
اميييييييييييين
| |
|
|
|
|
|
|
|
|
|
Re: عيد سعيد والعفو والعافيه (Re: Elkhawad)
|
كل سنة وانتا طيب يا خواض
..والكابلي طيب ...
بس انتا اسامي اللواءات دي لاقطا من وين؟
معليش جات متاخرة لكن يا دوب نزلتا ضبحتا
وما شفنا منك شين عشان نعفا ليك ..اعفا لينا انتا.. انحنا العوجة ما بتختانا.. يا جميل يا نور الشقايق
| |
|
|
|
|
|
|
| |
yasiko
WAD ELGAALI#4
بكرى ابوبكر
abdel abayazid
AnwarKing
Elmosley
OmDur
ود شاموق
Sudany Agouz
bit barber
وجن
degna
الجندرية
bint_alahfad
Tumadir
SAdo7
مشتاق
AlRa7mabi
فيس بوك
تويتر
انستقرام
يوتيوب
بنتيريست