|
|
 معتصم دفع الله ،،، الرياض نوّرت يا جميل ...
|
مساء الخميس وأنا أستعد للخروج لقضاء أمسية مع فرقة المسرح السوداني بالرياض ، فاجأني صوت معتصم دفع الله على الإنترفون ،،، موش ممكن ، معتصم !
أيوة يا خال ، معتصم ، عندك شك ؟
تعال يا معتصم .. تعال ... اتفضّل ..
وعندما فتحت الباب فوجئت به وبابن عمه صلاح شتات ...
أفرغت شحنة الشوق باحتضان معتصم مرتين ،،،
ودخلنا في نهارين ، فرحتنا باللقاء ، وفرحتنا بالأنس الجميل ...
خضنا في أمور عديدة ، حب ، زواج ، أهل ، بورداب الخرطوم ، بورداب القاهرة ، وحديث طويل عن أشواقنا لمعتصم وفقد الرياض لمعتصم طيلة خمسة أشهر ...
جلست مع معتصم وصلاج حتى العاشرة ، وكانا على موعد مع محمد الشيخ ، وكنت على موعد مع فرقة المسرح السودانية ...
وافترقنا على الفرح ، وأمل اللقاء قريبا ... وسأحتفل بعودة معتصم ...
|
|
 
|
|
|
|
|
|
|
|
Re: معتصم دفع الله ،،، الرياض نوّرت يا جميل ... (Re: ودقاسم)
|
حمدالله الف دشليون وواحد على سلامتك يامعتصم...
كدة يادوووووب ممكن نقول احتمال الجماعة يصحصحو شوييييييية...
| Quote: وكانا على موعد مع محمد الشيخ |
والله الخيانة عندكم لكن...
| Quote: وسأحتفل بعودة معتصم ... |
برااااااااااااااااااااك ياخال؟؟؟
ست البنيــــــــــــــات
| |
|
|
|
|
|
|
|
|
|
Re: معتصم دفع الله ،،، الرياض نوّرت يا جميل ... (Re: ودقاسم)
|
يا معتصم دفع الله,
حمدا لله على السلامـة يا رجل,
زمن طويل والله لازم نعمل ليك جلسـة (محاسبة) عملت شنو في الإجازة دي؟
ياخي دي إجازة (تحسـد) عليها,
إيه النعمـة دي؟
لو كل الزمن ما عملت فيهو (حاجـة) ترجع بأول رحلة على الخرطوم.
لازم احتفال يا شباب,
شكرا شقيقي ودقاسـم على الترحاب واللفتـة البارعـة.
المخلص
أحمـد الشايقي
| |
|
|
|
|
|
|
|
|
 Re: معتصم دفع الله ،،، الرياض نوّرت يا جميل ... (Re: أحمد الشايقي)
|
كيفك يا شايقي ..
تحيات كتااااار ..
| Quote: زمن طويل والله لازم نعمل ليك جلسـة (محاسبة) عملت شنو في الإجازة دي؟ |
مظلوم يا بيه ..
هو أنا عملت شنو ؟
| Quote: ياخي دي إجازة (تحسـد) عليها |
أنا زاتي حاسد نفسي عليها ..
غايتو جنس حسادة ..
| Quote: لو كل الزمن ما عملت فيهو (حاجـة) ترجع بأول رحلة على الخرطوم. |
أنا غايتو عايز أرجع بالباخرة لووووووووول ..
شكراً يا شقيقي ..
والله الواحد بالجد عايز يشوفكم وعايز لمتكم ..
تسلم كتير ..
| |
|
|
|
|
|
|
|
|
|
Re: معتصم دفع الله ،،، الرياض نوّرت يا جميل ... (Re: ودقاسم)
|
الخال الجميل/
ود قاسم...
الف حمداً على سلامة معتصم ، ومبروك ليكم رجعتوا...
ياخال... معتصم جميل فى كل شى ، صوته ، عينيه ، مودته، حسن مباشرته
استماعهِ ، جلوسه ونظره بهدوا ، جلس معنا عدة اشهر ، صادقنا فيها
شعرنا باننا نعرفه من سنوات عديدة ، تسامرنا معه ، وذهبنا معه فى الطريق
كان دائماً جميل جميل .
معتصم دفع الله نحن بانتظارك دوماً .
والتحية ايضاً لصلاح شتات الجميل الذى لم يسعفنا الزمن سوى
بجلسةٍ واحده معه.
ولكم جميعاً أن تفرحوا بقدومه لكم.
| |
|
|
|
|
|
|
|
|
|
Re: معتصم دفع الله ،،، الرياض نوّرت يا جميل ... (Re: سفيان بشير نابرى)
|
يا سفيان قطعت نفسي بي كلامك الحلو دا ..
ياخي والله إنت الذوق والروعة ..
غمرتوني بي كرمكم الفياض وخوتكم الصادقة ..
كنتم نعم الصحبة في إجازتي ..
لم أشعر بأنني غريب بينكم ..
ودي من لطفكم وأصلكم الطيب ..
ربنا يديم المحبة بيننا والعشرة النبيلة ..
تحياتي لكل شبر في أرض الوطن ..
ولكل زول جميل هناك ..
دم بخير ..
| |
|
|
|
|
|
|
|
|
|
Re: معتصم دفع الله ،،، الرياض نوّرت يا جميل ... (Re: ودقاسم)
|
معقول
معتصم ود دفع الله
في الرياض
يا حلة تنوري
زاد الشوق علينا وفاقدنك يا حبيب
والبورداب بدونك ما عندهم راس
يا ودالباوقة
احجز اكبر استراحة واكتر كمية من اللحم وما تنسوا الشعيرية
احتفالا بقدوم الحبيب
حفلة كاربة واستقبال رهيب لزول القلقالة
يلا يا أعضاء اللجنة اتحركوا
الشعيرية مسئول عنها صديق الموج
| |
|
|
|
|
|
|
|
|
|
Re: معتصم دفع الله ،،، الرياض نوّرت يا جميل ... (Re: حمزاوي)
|
أنا زاتي ما مصدق يا أستاذنا حمزاوي ..
والله ليكم وحشة شديدة ..
الآن الواحد يقول عاد لأحبابه ودياره ..
شكراً لكم لأنكم دوماً في البال والخاطر ..
ولك سلام كبير من القلقالة وأهلها ..
وفي إحتمال يعملوا ليهم مصنع شعيرية للإستهلاك المحلي ..
وإستجلاب الخبير ودالموج لإدارته ..
تسلم يا حبيب ..
وربنا يقدرنا على جزاكم ..
| |
|
|
|
|
|
|
|
|
|
Re: معتصم دفع الله ،،، الرياض نوّرت يا جميل ... (Re: DKEEN)
|
يا سلاااااام يا ودقاسم ياحبيب ، زمن لم نراك .. واحدة وخلاص ، لكن المفاجأة هووصول معتصم إلي الرياض ، فلنا مع الرجل لقاءات أكثر من رائعة بالخرطوم منذ رمضان الماضي ، ومن ضمنها إحتفاليتين لبورداب الخرطوم أو ثلاثة إذا أضفنا لها الإحتفالية التي تمت بحضور زعيم البورد بكري بدار إتحاد طلاب جامعة الخرطوم في الخريف الماضي
شكرا لك علي هدية أبريل - معتصم - بدلا عن الكذبة بتاعة أبريل
ودمتما الإثنين لأخيكم صلاح الباشا
يا معتصم هاك الرقم:
0501313832
| |
|
|
|
|
|
|
|
|
|
Re: معتصم دفع الله ،،، الرياض نوّرت يا جميل ... (Re: Abulbasha)
|
أستاذنا صلاح الباشا ..
تحيات وأشواق كتيرة ..
أولاً مرحباً بك في مدينة الرياض وإن شاء الله يطيب لك المقام بها ..
نعم كانت أيام جميلة قضيتها معكم وكم كنت سعيداً بلقائكم ..
وها هي الرياض تحتضننا مرة أخرى مثل ما كانت الخرطوم ..
تليفونك وصلني وسوف أتصل عليك لمعرفة مكان إقامتك ..
شكراً جميلاً على حفاوة الترحاب ..
دم بخير ..
| |
|
|
|
|
|
|
|
|
|
Re: معتصم دفع الله ،،، الرياض نوّرت يا جميل ... (Re: ودقاسم)
|
مرحبتين حبابك يا ود دفع الله
رغم أن ترحيبنا سيروح شمار في مرقة تراحيب الحبايب هنا وهناك
بعدين شنو حكاية الخطوبة دي
كنت عاوز أقول ليك أوع تكون جيت يد ورا ويد ورا
لكن الظاهر إنك جيت يد ورا ويد قدام ويا سلام
تهانينا وفي انتظار التنفيذ
مرحب بيك تاني ..
يا خال أوع تكون دي كذبة أبريل!!
| |
|
|
|
|
|
|
|
|
|
Re: معتصم دفع الله ،،، الرياض نوّرت يا جميل ... (Re: ودقاسم)
|
الللللللله يا خال ..
ما ح أقدر أوصفلك شعوري لحظتها ..
لحظة اللقاء ..
كم كنت متشوق لرؤياك وكل الشباب ..
نعم كنت بعيداً عنكم ولكن كنتم دوماً في البال والخاطر ..
وشكراً لسؤالكم الدائم عني ولتليفوناكم التي لم تنقطع لحظة ..
أتمنى أن تعود تلك اللحظات الجميلة والأيام الحلوة ..
ويجمتع الجميع على الحب والمودة والخير ..
شكراً جميلاً يا خال على هذه الكلمات الرائعة ..
دم بخير ..
| |
|
|
|
|
|
|
|
|
|
Re: معتصم دفع الله ،،، الرياض نوّرت يا جميل ... (Re: ود الباوقة)
|
الاخ ودقاسم
كل التحايا
الاخ معتصم حمد الله على سلامة الوصول ولقاءاتنا القليلة بالقاهرة كانت كانها معرفة قديمة وطويلة وسعدنا كثيرا بوجودك بيننا وبمعرفتك .
شفت يامعتصم سؤ الطالع فى ايامك الاخير عندما اكون بلا مشغوليات واتصل عليك لنتقابل تكون انت انشغلت والعكس صحيح ويؤسفنى انى لم اودعك ولم اتمكن من الحضور ولك العتبى ياصديق وعديله عليك وين ماتمشى وتسافر واسلم وتحياتى وسنلتقى ان لم يكن هنا فهناك او هناك.
| |
|
|
|
|
|
|
|
|
|
Re: معتصم دفع الله ،،، الرياض نوّرت يا جميل ... (Re: مطر قادم)
|
يا سلام عليك يا مطر ..
والله أنا السعيد بلقائك وشوفتك ..
رغم الأيام القليلة إلا أنها كانت ممتعة وحلوة بيكم ..
شكراً على تلك اللحظات السعيدة وأتمنى أن تعود هنا وهناك وهناك ..
تحياتي لكل من بطرفك ..
قاسم المهداوي
تاج السر حسين
محمد عكاشة
عبدالفغور
ولكل الحلوين هناك ..
دم بخير ..
| |
|
|
|
|
|
|
|
|
|
Re: معتصم دفع الله ،،، الرياض نوّرت يا جميل ... (Re: أبوذر بابكر)
|
اه شقيقى معتـــــصم..
والضرس يتاور من جديد؟!؟...
عاود رجع جدد عذابات الارصفه..
ليك شوق ياولد فقد..كدنا نفقد حيثيات اتزاننا العاطفي تجاه الاشياء عبر التورط المباشر فى علاقة الانتماء باتجاه واحد حين نعزف عن الجهر بالشكوى من وجع الاهتزاز النبيل بالكلام الجميل...
اذا...
وهاهو الرجل يصير الى الاشراق الجامح رغم وهج السفر والانفجارات والمنافى ، ونحن فى حقيبة اللانتظار الرمادية رهائن المستحيلات الاسطوريه ..نتصبب عرقا ننتعل الحفا نتسكع فى اثار الحليب والرغيف والفرحه ...
وجاء راجع تانى ...رجوع القمره لى وطن القمارى..
تشكر كتير الاستاذ والعم قاسم على فتح هذه النافذه تشكر كتير وتحياتى النواضر اليك...
وقيل بعافية..
| |
|
|
|
|
|
|
|
|
|
Re: معتصم دفع الله ،،، الرياض نوّرت يا جميل ... (Re: معتز تروتسكى)
|
آآآه يا شقيقي معتز ..
أبداك من وين وأنا كلي أشواق ..
كنت أمني نفسي بلقائك على أرض الوطن الحبيب ..
وكنت أسابق الزمن عشان أحصلك ولكن زي ما بيقولوا دقت في العراضة ..
كيفك يا شقيقي ..
خلي الضرس يتاور وأنا لسه ضرس الحنين ما برا ..
وأنا مثلك متورط في هذا الإنتهاء وأجاهر بالشكوى لعلي أصل إلى طريق يفضي إليك ..
نعم يا شقيقي ..
أحبك حتى الثمالة وليتنا نطوع المستحيل لفعلنا أكثر من ذلك ..
محبتي بلا حدود ..
| |
|
|
|
|
|
|
|
|
|
Re: معتصم دفع الله ،،، الرياض نوّرت يا جميل ... (Re: أبوذر بابكر)
|
يا خال مافي واحد ينقذني من الزول الإسمو أبوذر المطر دا ؟
ما شايف تهديداتو البسوي فيها دي ؟
أنا غايتو ح أفتح بلاغ عند المنظمة الدولية لحقوق الإنسان ..
بسبب جرائم الشوق الكبيرة التي إرتكبها فينا ..
وأنا عارفهم ديل ما قاعدين يسوي أي حاجة لكن نعمل شنو ..
والله ليك وحشة كبيرة يا مطر ..
في كلام كتييير خليهو على التليفون ..
أرقد عافية ..
| |
|
|
|
|
|
|
| |
ودقاسم
Mayada
معتصم دفع الله
أحمد الشايقي
ahmed haneen
إسماعيل وراق
A.Razek Althalib
walid taha
ابو جهينة
عمران حسن صالح
سفيان بشير نابرى
ghariba
معتصم الطاهر
Mohamed Abdelgaleel
حسام يوسف
Abulbasha
Sidig Rahama Elnour
عبد الله عقيد
عبد الباقي الجيلي
يوسف السماني يوسف
مطر قادم
محمد عبدالرحمن
أبوذر بابكر
معتز تروتسكى
abuguta
Habib_bldo
ملكة سبأ
ناذر محمد الخليفة
زول ساكت
يازولyazoalيازول
الصادق خليفة
عبد الحميد البرنس
فيس بوك
تويتر
انستقرام
يوتيوب
بنتيريست