|
|
 فعلهـا الاحمــق ... الآن حـق له ان يرتاح
|
نعم !
فعلها الاحمق
و ان لم يفعلها فليس بهو
و الان فقط حق له ان يرتاح ( مع حفظ حقوق ادم خاطر )
فهل يصغي جيداً لما يسمعه من نصح ؟!
و هل يستجيب له الزعماء العرب طلبه باستصحابهم الى الخرطوم لكسر شوكة ملاح كامبوا
ام يقولون له : اذهب و دبر امورك
هذا هو التحدي
|
|
 
|
|
|
|
|
|
|
|
Re: فعلهـا الاحمــق ... الآن حـق له ان يرتاح (Re: adam khatir)
|
صاحت ام العيال كما لم تصح من قبل و نادتني باسمي دون لقبي : الصادق , فعلها الاحمق !
هرولت نحو التلفاز .. فاذا سيادة الرئيس ينزل من طائرته .. متثاقلاً و كأن قدمية لا تقويان
على حمله .. بل اسرع الخطى مهرولا نحو مجلسه .. لا بد ان القدمين اصابهما ما اصاب .
و لكن ! و للتاريخ .. جدع و ضكران
و دائما عدو شجاع خير من عدو جبان
و حق لاتباعه الفرحة و لو لحين
و ما ننسى كيف ان الشجاع غريمه ادريس ديبي نال اعجاب العالم لشجاعته .
بس يا جماعه الريس .. بقولوا ادهوا ضمانات و قالوا ليهو : انت اتحرك بس و الباقي علينا .
الكلام ده صحيح ؟!!
| |
|
|
|
|
|
|
|
|
|
Re: فعلهـا الاحمــق ... الآن حـق له ان يرتاح (Re: adam khatir)
|
Quote: ضرار
ان فعلها قلتم أحمق
وان يفعلها قلتم جبان
ماذا تريدون
أين هى الوطنية
كيف هى الرجالة
أين هى المسئولية وتمثيل الشعوب
البشير الآن يضرب المثل بالقدوة |
اخوي يا ادم خاطر
انت ما عارف كم انا مبسوط بالزيارة دي
لو ما مشى ح اكون محبط جداً !
و ذلك وفق منظوري الخاص للامور
و الله الريس جدع و مخطئ من يقول غير ذلك
و لكن !
| |
|
|
|
|
|
|
|
|
|
Re: فعلهـا الاحمــق ... الآن حـق له ان يرتاح (Re: علاء الدين يوسف علي محمد)
|
Quote: في مصدر ولا نجِر من الراس بس
لو مافي مصدر مافي مصداقية
لو مافي مصداقية مافي قضية |
الاخ علاء .. كيفك
سمعت بطلب السودان تحويل هذه القمة من الدوحة الى الخرطوم !
حسناً !
طالما سمعت بذلك , فان بعض المصادر اشارت الى ان السودان طلب من وزراء الخارجية
الذين اجتمعوا قبل يومين للتحضيرات و كدا .. طلب منهم ادراج توجه القادة العرب
الى الخرطوم عقب الانفضاض من الدوحة لمقابلة الريس الذين سيعتكف هناك و يكتفي بمن
يمثله .. في ناس قالوا : ايوا و في ناس قالوا : لا خلوه هو يجي و احسن نشوف ليهو ضمانات
.. فاضطر سيادة الريس الحضور .. املاً ان يستصحب معه القادة الى الخرطوم لكسر شوكة ملاح كامبوا
و اعلان التضامن .. وفد حماس على استعداد و كذلك سوريا و حزب الله .
يا اخوي داير شنو بالمصادر .. احسن اقرأ و ( قش خشمك ) بس عشان ما تنقطع منك الشمارات .
مع الود .
| |
|
|
|
|
|
|
|
|
|
Re: فعلهـا الاحمــق ... الآن حـق له ان يرتاح (Re: علاء الدين يوسف علي محمد)
|
Quote: سمِح يا الصادق
و ليك أرتال من المحبة |
طيب يا علاء
اذا انا جبت ليك المصدر او الرابط .. ح تقول دا مصدر ما موثوق جيب مصدر تاني
و لو جبتك مصدر تاني بردو تقول لي : ما مصدر مسؤول .. جيب مصدر تاني .. يبقى
ما في قدامي الا نجيب ليك وزير الخارجية دينق الور .. و طبعاً دا صعب جداً لزول
ذيً .. و لو قدرت خليت دينق الور اتكلم معاك .. تقول : دا طابور خامس .. يبقى
ما في قدامي غير سيادة الريس .. و دا مستحيل طبعاً .. عشان كدا , المصدر موجود
و لكن تعلمنا من بوست الاخ فرانكلي الجابوا ليهو وزير في الدولة اقر بالضربات
و الاسرائليين و كل العالم صوت و صوره و فيديو.. بردو قال : كذابين .. و بقت
الحكاية ذي بقرة موسى الما دبحوها للآن .
عشان كدا قلت ليك : اقرأ و قش خشمك
و قش خشمك دي عبارة بيستخدموها الشرامه البشربوا المريسه .. الواحد لما يهبر ليهو
كأس , بيمسح خشموا و شنباتو بيدوا عشان يزيل أثر المريسه و كدا .. العبارة دي كناية
تعني : لا عين رأت و لا اذن سمعت .
الحقيقة : حق لي ان افتخر برئيسي و لو الى الغد
الغد لنا غير ما لنا اليوم .
| |
|
|
|
|
|
|
|
|
|
Re: فعلهـا الاحمــق ... الآن حـق له ان يرتاح (Re: علاء الدين يوسف علي محمد)
|
| Quote: الآن حـق له ان يرتاح |
هذه العبارة ( حقوق الملكية محفوظة للاخ ادم خاطر ) .. هذه العبارة لها دلالة كبيرة
و هي ان الريس البشير بعد تحديه للمجتمع الدولي و المحكمة الجنائية و حضوره الى الدوحة
, بعد كل ذلك لا بأس ان يستقيل الريس و يذهب طائعاً الى المحكمة الجنائية و يترك حزبه مواصلة
المشوار .. فالرئيس عملياً اثبت انه شجاع و انتصر لذاته و ( فش غبينته ) و كشف للعالم وهم ما
يسمى بالدول الكبرى و الان عليه ان يقود التحرك في ميدان آخر و هي ميدان العدالة .
كما ان الريس آن له ان يرتاح من هذا الحمل الثقيل و حزبه بعد الانتصار للذات .
هذا ما يراه بعضاً من مناصريه و منهم ادم خاطر .
و لكن و من زاوية اخرى .. اجد ان الريس اصبح عبئاً ثقيلاً على الحزب و بالتالي يجب التخلص منه بعد
هذه الزيارات المكوكية , بل يجب على الحزب ان يستفيد من هذه الزيارات العنترية و ان يستفيد من بعض
الاوراق التي يمسك به النظام .
الى هنا
حان الوقت ان ترتاح و حق لك ذلك .. و تلك رسالة من ادم خاطر .
| |
|
|
|
|
|
|
| |
الصادق ضرار
علاء الدين يوسف علي محمد
فيس بوك
تويتر
انستقرام
يوتيوب
بنتيريست