كتب الكاتب الفاتح جبرا المتوفرة بمعرض الدوحة
|
|
 إجتماع سري جداَ
|
اجندة الاجتماع
- الشماتة في تمبس .
- قصف شرق السودان و التعتيم الاعلامي عي الحدث.
- محمود عبدالعزيز و فاشر السلطان.
- محمد عادل.
|
|
 
|
|
|
|
|
|
|
|
Re: إجتماع سري جداَ (Re: خدر)
|
خدر ... شنو ياخي سنة كاملة اكورك ليك ما عايز ترد ...
- الشماتة في تمبس . (معاك)
( وعبدالرازق الطالب --- عشان حايترفد قريب )
| |
|
|
|
|
|
|
|
|
|
Re: إجتماع سري جداَ (Re: Gafar Bashir)
|
ابو امنة و الله زمن يا فنان
بقيت تعقبني , اغيب انا تجي انت تغيب انت اجي انا ؟
كيفكـ آآ زول
الشماتة في تمبس طيعا ليها مزاج خاص عندي
جر ليكـ كرسي و جهز سماتتكـ لمن يجيكـ الدور
__
ما كوركت لي ولا شي ما تبهتني ساي 
| |
|
|
|
|
|
|
|
|
|
Re: إجتماع سري جداَ (Re: خدر)
|
Quote: - الشماتة في تمبس .
- قصف شرق السودان و التعتيم الاعلامي عي الحدث.
- محمود عبدالعزيز و فاشر السلطان.
- محمد عادل. |
هوى يا طارق انطبق عليك المثل داك
بتاع غاب دهرا ونطق ........
اولا نسبة لسريه الاجتماع انا
لا ارضى وبالصوت العالى فى تمبس
ثانيا وماذا عن قذف ارواحناودواخلنا
المستمر ليل نهار !
تالتا موضوع محمود ده ( حقوق انسان فنان)
ورابعا محمد عادل مالو ؟
| |
|
|
|
|
|
|
|
|
|
Re: إجتماع سري جداَ (Re: عصام عبد الحفيظ)
|
ولا يا عصوم لا كفرا ولا حاجة
قلت اشارك في قضايا المنبر بما انو انا عضو كسلان
فلميت المواضيع كلها مع بعض و قلنا نعمل الاجتماع
انت مالكـ مسجل غياب و قافل تلفونكـ ؟
محمود ده بلغوا التضامن عليكـ الله و قول ليهو
تلفونكـ ده ارفعوا و ما تخاف ما حا نشتمت فيكـ زي تمبس
| |
|
|
|
|
|
|
|
|
|
Re: إجتماع سري جداَ (Re: خدر)
|
| Quote: - محمود عبدالعزيز و فاشر السلطان. |
صوت محمود عبد العزيز انيسى
فى زمان ما كنت احس انه ليس فنانى المفضل ولن يكون ، لكنى لسبب ما ثابرت على الاستماع اليه ، فبات اغنيتى المفضلة ، بت اعشق صوته واردد دائما اغنياته التى ادخلتنى الى رياضها ابنتى ، ففتننى اداؤه ايما فتنة وغناؤه بات حلقة وصل بينى وبين الناس
عاش من شافك وين ايامك
ياالدسيت جواى احلامك
جيت زى اجمل غيمة ورحت
ووين وديت فى الصيف انسامك؟
بت كصبية اتوارى خلف اغنياته لحظة ان يفيض بى الشوق الى هناك
وعاش من شافك يا محمود
كنت فى حوار صحفى مع الاستاذ وردى ذات نهار فى القاهرة فسالته باعتباره متابعا باكثر منى
ـ من فى الاصوات الجديدة من لفت نظرك؟
اجابنى بلا تردد
ـ محمود عبد العزيز
وغدا محمود احد فناني المفضلين ،زاد الوهج لدى باتجاه محمود عبد العزيزحين شهدته لاول مرة فى تابين الراحل دكتور جون قرنق، ورايت كم انه حاز على اعجاب الجنوب والشمال معا لحظة دخوله الى صالة الاحتفال وفاضت ادمعى يومها وقلت لنفسى
ـ هذا هو فنان عبقرى يعرف كيف يغزو قلوب الناس ببساطتة وغنائه الطالع من القلب
وزادت اعيرة المحبة ملايينا ، فله المحبة ولغنائه ان يداوم علينا نعمة الانتماء لوطن نحبه متحدا
| |
|
|
|
|
|
|
|
|
|
Re: إجتماع سري جداَ (Re: سلمى الشيخ سلامة)
|
| Quote: - الشماتة في تمبس . |
للطيش معاك ... شماتة للباطوسي
| Quote: - قصف شرق السودان و التعتيم الاعلامي عي الحدث. |
ما حصل ... شيخنا فرانكلى قال كده . نقطة انتهينا
| Quote: - محمود عبدالعزيز و فاشر السلطان. |
جييرز ... المحيرنى ناس كتار زاغو من التضامن معاهو , يكونو خايفين من السمعة؟ و لا خايفين من كاسنا - بتاع الانسانية - الرفعناهو ليهو.
دى مواضيع كبيرة ما بنقدر عليها, بصراحة الزول ده مدهش
- جند اخير : التمباك الاديتنى ليهو من غير عطرون
شكرا سيدى الرئيس
| |
|
|
|
|
|
|
|
|
|
Re: إجتماع سري جداَ (Re: سلمى الشيخ سلامة)
|
ياخدر
والله اجنده كويسة مابطالة
بخصوص تمبس والله ماعجبنا ليهو لكن نعتبرها استراحة محارب مدفوعة الاجر، الراجل ده من علق صورة هشام هباني في بروفايلوا انا عرفت الموضوع فيهو شرك وكده ومن حفر حفرة لاخيه وقع فيه ياتامبا لووول يكه ودهباني طلع زول نيتو صافية ياتامبا وانت وقعت في شر اعمالك نحييك من على البعد ولو عاوز تبيع حاجاتك في ا لدلالة خلينا نجي نشوفها نبل وبتاع ده ماعايزنو ممكن تتواصل معانا عبر الايميل لو حبيت ماتستاهل
بخصوص محمود عبدالعزيز
ياخي الزول ده برضو فناني المفضل انا بسمع ليهو وبشتري ليهو شرائط وكده ، نرجو انو محمود يحافظ على فنو وعلى جمهورو
بخصوص محمد عادل
انت الزول ده مشكلتو شنو مع ناس المهدي والغريبة انو انصاري ماعارف لو كان شيوعي كان عمل شنو لووول يكه
مرة بت الصادق قالت ليهو ومرة ماعارف شنو ياخي خلي الخلق لي خالقها ولو ماعاجبك الحزب امشي اتمرد هو عليك الله حزب الامة ده بدون الصادق زاتووو ماعندو طعم لووووووول يكه
تحياتي
زاتووووو
| |
|
|
|
|
|
|
|
|
|
Re: إجتماع سري جداَ (Re: ALZOLZATOO)
|
اخونا
اجندتك دي (بلها بي موية ومووووووووووصا واشرب مويتا )
اصلك ساكن في هولندا اللي فيها (لا هاي ) لازم تبل وتموص وتشرب ... اي شراب
والبند الاول ... بتاع تمبس (ليس بالشماتة وحدها يحيا الانسان يا صديقي )
الباقي انا بستأذن عندي حلة في النار
عصام عبد الحفيظ ازيك وجيب معاك اخونا (اساغا)
| |
|
|
|
|
|
|
|
|
|
Re: إجتماع سري جداَ (Re: ALZOLZATOO)
|
بلاهي تمبس اتشلح بسبب مناكفة هباني
كده تعادل طيب
عارف يا الزول زاتو انا شمتان في تمبس جد جد
تمبس ولد جدع والله و اخو اخوان و المنبر ده لو كان واصل فيهو بي حمبكاتو دي كان خسر روحو ذاتها
المشاكل الدخل فيها مؤخرا فقدتنا نكهة تمبس البنعرفو عشان كده يستاهل الرفد
ونتمني انو يرجع لينا سالم و كامل الدسم.
| |
|
|
|
|
|
|
|
|
|
Re: إجتماع سري جداَ (Re: سلمى الشيخ سلامة)
|
سلوم كيفنكـ و سلامات
إبان بدايات المهدية و انتشارها اسر وشاة الفاشر الي المهدي ان السلطان دينار لا يؤيد المهدية
فوضع علي دينار في الاسر و ساومته المهدية بـ تأييدة لها قصاد إعادة عرشة و ملكة فأمتثل
فيا محمود وشاة الفاشر ساقوا سلطانهم لي الحبس ما يسوقوكـ انت للجلد بحجة تطبيق الحدود !؟
الحصل في فاشر ابوزكريا في تقديري كان طبيعي جدا و واضح للعقلاء انو ده ما كان تطبيق حـد.
القصة يا سلمي فقيرة جدا في مجملها و الغرض منها انتهاكـ كرامة (فنان) فقط لفش غبائن جاحدة
منو في الناس الحضرت الجلد ده ما قلد محمود و حفظ اغانيهو ؟
منو فيهم بيتو ما فيهو اقلو 7 شرائط كاست لي محمود؟
منو فيهم ما جا الخرطوم و صادف حفلة لي محمود في نوادي الخرطوم و ما اشتري تذكرة و دخل و رقص ؟
منو فيهم الاحساسو ما فيهو نُتف و مساحات من صوت محمود؟
| |
|
|
|
|
|
|
|
|
|
Re: إجتماع سري جداَ (Re: خدر)
|
البند بتاع حودة ده بالله صحونا فيه اصلو اهم شي في الاجتماعات الدقسة
ياخي حودة ما رضيناها ليك لكن تقول شنو البلد كلها واقفة لطً ويجلدوك انت بس.
ياخي حوتة ده تأمين بتعريفة ما عنده، يعني تلفون لعميد في الشرطة بمرقك ياخ، معقولة الناس الحولينك مطرطشين للدرجة دي.
زي ما قال حميد يا حودة
كوسلك بلد .. بلدك واباك .. رفسك رفيس
نفضك نفض .. بلدك تضادي .. ولا مغيث
القدة الجاية بالله دايرن اجندة فرايحية شوية
| |
|
|
|
|
|
|
|
|
|
Re: إجتماع سري جداَ (Re: GamarBoBa)
|
يا باشمهندس البوست ده فيهو كلمة تمبس وردت أكثر من مرة ..!!
فقط أضغط Ctrl + F وستجد كلمة تمبس واردة ..
أصلها كلمة السر بتاعة الحزف اليومين دي ..
معليش يا خدر بوست اليوم بتاع هل تؤيد توقيف تمبس مشى خور الإسبتالية ...
| |
|
|
|
|
|
|
|
|
|
Re: إجتماع سري جداَ (Re: عمران حسن صالح)
|
خدر ...
وجعتنى جلدة محمود عبد العزيز...
وحياة أمى يا طارق ابوعبيدة .. أنا كنت ببكى يوميا لما أسمع أغنية اسمها "اتصبرى" .الشريط ده غريب ..فيه أغنية اسمها ما بلومكم فى ظنونكم ..ياخى دى الشى الخلانى أفتش عن السودانيين والمنابر السودانية ..بعد انقطاع طويل من السودان فى الغربة ...
صوت محمود عبد العزيز زى ماقال وردى فى كلام سلمى ..مميز
انا بعتبره انه صوت ما عابر يمكن تسمعو وتمشى تتغدى وتشرب شاى ..وتنساه
بقعد حسكنة للزول "الزول الزينا ده كده على الاقل" وبتجى تانى تكوسو ...وتفتش لى سرو وما تعرفو ...
يدق لحمهم وشحمهم ...دقوه عشان "ملكدمين"...ومشاعرهم "مدردمة" .....وعندهم عضلات فى المخ ، عارف؟ عضلات فى العصب الحسى . حسدوه لأنهم ما رقيقين زى رقتو دى ، ياخ الناس العندهم عضلات فى العصب الحسى دى كرهونا القعدة معاهم فى العالم ...وهمو كثرو
غايتو بس نقول ...
نقطة نظام ....
وامشوا أقروا زعلة الفاضلابى أحلى زعلة فى زعلات الناس الزعلانين ...عضام جبر الله برضو زعلتو حلوة لكن زعلة فاضلابى عجبتنى أكتر
الله لا تكسبهم
| |
|
|
|
|
|
|
|
|
|
Re: إجتماع سري جداَ (Re: Tumadir)
|
Quote: وحياة أمى يا طارق ابوعبيدة .. أنا كنت ببكى يوميا لما أسمع أغنية اسمها "اتصبرى" .الشريط ده غريب ..فيه أغنية اسمها ما بلومكم فى ظنونكم ..ياخى دى الشى الخلانى أفتش عن السودانيين والمنابر السودانية ..بعد انقطاع طويل من السودان فى الغربة ...
صوت محمود عبد العزيز زى ماقال وردى فى كلام سلمى ..مميز
انا بعتبره انه صوت ما عابر يمكن تسمعو وتمشى تتغدى وتشرب شاى ..وتنساه
بقعد حسكنة للزول "الزول الزينا ده كده على الاقل" وبتجى تانى تكوسو ...وتفتش لى سرو وما تعرفو |
| |
|
|
|
|
|
|
|
|
|
Re: إجتماع سري جداَ (Re: خضر حسين خليل)
|
Quote:
- الشماتة في تمبس .
- قصف شرق السودان و التعتيم الاعلامي عي الحدث.
- محمود عبدالعزيز و فاشر السلطان. |
...
تمبس _ مالو يا خدر_ ؟؟!!
الواحد كل ما يغيب يلقى الأصحاب نقصو نفرين
"لكن بنشمت معاك غايتو,,الشماتة فى الأصحاب
حلال 
...
البند الثانى :- دا فيهو إفتراضات خطيرة شوية,,,وبتخوف
شوية ونلقى الحاج يوسف ...فى نص أخبار الجزيرة
...
محمود ..والحوت لا يموت
بس الود دا منحوس جد,,!!
ــــــ
أجندة خفية
"كيف لقاء"؟
| |
|
|
|
|
|
|
|
|
|
Re: إجتماع سري جداَ (Re: خدر)
|
| Quote: القصة يا سلمي فقيرة جدا في مجملها و الغرض منها انتهاكـ كرامة (فنان) فقط لفش غبائن جاحدة |
عارف يا خدر محمود دا من اعظم الفنانين لانه الوحيد الاتعمل فيهو الدور الحقير دا
لانه ما غنى للنظام
ولا اتوسخ بالاغنيات الزائفة
محمود لانه غنى بصوت الشارع
غنى لزنوبة
وجنقلى
غنى للحقيبة
والشعراء المطاليق
عشان كدا كان لازم توقفو محاكم التفتيش
ولازم يفتشو فى نواياه
اول مرة لاقيتو كان فى التابين بتاع دكتور جون
اول مرة اشوف فنان سودانى يحبه الجميع ويقف له الجميع
قبل ان يصعد الى خشبة المسرح
هزتنى تلك اللحظة وبكيت ولاهمانى شى
كنا "مجدى النور ، ماهر الحنون ، وبقة ـ عبد الباقى مختارـ وعدد من البشر
ضاقت بهم ساحة الكنيسة
لمن محمود دخل الصالة كانت فى حالة هستيريا اول مرة اشوف زيها
وقعد عادى جدا ولمن طلع الخشبة كانت كل الاقدام متابعة ليهو فى الخشبة
راقصة منتشية ومحبة لمحمود
ياخ عليك الله دى بلد ماتحترم انسانية فنان زى محمود ؟
قول لمحمود انى احبه
لانه اطول النخلات
لانه اشمخ القامات
لانه غنى للمنى وبات متيما بكل الوان الشعوب
انى احبك ايها الولد الشقى
فافعل "بدنك" ما تشاء
ان ادلقه على راس الغباء العسكرى
او الفظه قدام القصر الاغبر
فانا احبك ايها المسكون بالشجن الغناء
| |
|
|
|
|
|
|
| |
خدر
عصام عبد الحفيظ
سلمى الشيخ سلامة
ALZOLZATOO
مصطفي سري
GamarBoBa
عمران حسن صالح
Tumadir
خضر حسين خليل
الملك
فيس بوك
تويتر
انستقرام
يوتيوب
بنتيريست