|
Re: فكر العلماء كثيراً وفكروا..ليش القرد يأكل موز (Re: أزهري عبد الرحمن)
|
أبو الزهور: كيفك والموز؟ أنا لا آخذ معلومة تخص الموز منك مهما كانت قيمتها العلمية تعرف ليه؟ لأني في مسألة الموز استفتي الحاج عثمان بركية خبير الموز في شرق وآواسط آسيا والكاريبي قدرات علمية مهدرة ساي وبرضو يجو اليابانيين ويكتشفوا أخيرا أن الموز يعمل كحمية للجكس عشان كدا أصبح غالي السعر وضاع الحاج يركية بهاء
| |
|
|
|
|
|
|
Re: فكر العلماء كثيراً وفكروا..ليش القرد يأكل موز (Re: سيف اليزل جعفر عبد الرحمن)
|
Quote: بأن موزتان فقط يمكنهما أن يزودان طاقة كافية للقيام بتمرين رياضي لمدة 90 دقيقة |
.. Quote: الإضرابات العاطفية الموسمية (الحزن):يساعد الموز على التخفيف من أعراض الاضطرابات العاطفية الموسمية بسبب توفر مادة التربوتوفان به. |
يا ابو الزهور سلامات .. تعرف عندي ود خالتي .. عندو صاحبو الاتنين (صحابه) وماشاء الله عمالقة .. قامو دخلو الجنينة بتاعت جدنا .. وكان الموز طالع .. ولما الموز يكون نجيض في السبيطة على الشجرة بيقوم يطلع ريحه وبتلقى الموزة فيها شرخ لانو بتتمدد.. المهم الصحابة ديل .. لقو ليهم (صبيطة) كاملة نجيضة .. قامو نزلوها جمب الجدول .. واتكاملوها الاتنين .. لاحظ نفرين في سبيطة بتاعت موز .. قال لي وصلنا مرحلة من الشبع .. بقينا نقطع راس الموزه من فوق .. (ونمصره) بدون (مضــغ) المهم انهم لاعبين راس وماف واحد عايز يرفع يدو .. المهم السبيطة بقت باقي فيها كم صباع كدا .. هم الاتنين بقو ما قادرين يتحركو.. قال لي بعد شوية الواحد بقى يتابع الرحلة الارتجاعية بتاعت الموز من وإلى الخارج .. بنظام تلاتة صباعات متصلات مع بعض .. مع انكتام في النفس .. وصعوبة في الحركة .. الاخطر من كدا .. في غنماية لي شلاقته جات لقت قشر الموز مكوم والجماعة فاقدين النطق والحركة وشغالين بنظام سلاح الإشارة .. قومي يا غنماية اقعي في القشر .. بي شرفنته دي .. ضغطت على القشر .. بعد شوية صوته راح .. رقدت جمب الجماعة ديل .. قال لي بعد شوية عيونه بقو بيييوض بعد شويتين قومي يا الغنماية موتي.. وجماعتك ديل وصلو الحلة زحف .. تعرف اغرب حاجة .. الفاكهة الوحيدة البمشي عليها لما ادخل في محل الفواكه .. الموز ـ مسالة الجنيات دي عجيبة خلاص مرات كتيرة بيكون الموز اخضر لكن بتحايل عليهو في كيس يا في اي محلات مضلمة بيصل درجة بتاع نضج عجيبة جدا .. عندنا زول صاحبنا في الكورة كان بيجي ومعاهو موزو في كيسو .. نحن نضرب في الموية وهو يقشر في الموز .. ويخش يدور بينا الميدان كلوو يعني في ناس ناقشين حكاية الموز دي من زمااان .. مدرب الهلال البرازيلي السابق .. قالو كان شابك ليك الجماعة موز تقيل في التمارين .. عشان كدا كلتشي كان جنو ينطط .. لكن المسالة العاطفية دي الموز بالغ فيها .. والله يا ازهري موزك دا كان بيعوض عن الشواكيش .. ياني الزرعت لي شجرتين في الشركة دي .. لكن ما يكون تحلية ساكت عشان تبرد بيها آثار الشاكوش .. دا يبقى (تنطط) من المسؤولية بي صورة قردية خالص .. وحسب نظرية داروين .. على كل .. زكرتنا الواحد ماشي البيت يشيل معاهو خمسة ستة كيلو .. اصلو لي كم يوم كدا قلبي قاعد يدق .. ظنيتو الشاكوش القديم بدا يتحرك.
| |
|
|
|
|
|
|
Re: فكر العلماء كثيراً وفكروا..ليش القرد يأكل موز (Re: tmbis)
|
عزبزي Tmbis اولا اشكرك على المرور ومداخلاتك الظريفة دي
حقيقة الموز كما وصف طبعا من الناحية العاطفية دي على ما اعتقد عندما يكون الدماغ مركز على امتصاص اكبر كمية من فوائد الموز يتجاهل المشاكل العاطيفة فلذا الانسان بشعر براحة نفسية - طبعا دا حسب توقعاتي لهذا الشأن
ازهري
| |
|
|
|
|
|
|
|