|
|
|
 Re: يا حناكيش جمهورية الشحادين ( الجكه التي كنا نشرب بيها الشاي ؟)) ما عارفنها وبتلوموا مصطفى ع (Re: mayada kamal)
|
الرجل لم يقل كانوا شحاتين ,, قال مثل الشحاتين ,, وفرق كبير ان تقول لى انت شحاتا وان تقول مثل الشحات فقد شبه حال المواطن جراء المعاناة التى كان يعانيها ـ ولا احد ينكرها ـ بحال الشحات ,, الذى لا الزام على احد ان يعطيه فالرجل اراد ان يقول :
ان المواطن كان يسعى للحصول على حقه كمن يتسول ,, فهو لايهاجم الشعب انما يهاجم الأنظمة التى كانت قائمة ويقول انها جعلت الشعب يتسول حقه الواجب على تلك الأنظمة,,
عين الرضا عن كل عيب كليلة *** وعين السخط تبدى المساويا
ومثلنا الشعبى يقول:
اللى مـابدورك فى الضلمة يحدر ليك.
| |
 
|
|
|
|
|
|
|
|
Re: يا حناكيش جمهورية الشحادين ( الجكه التي كنا نشرب بيها الشاي ؟)) ما عارفنها وبتلوموا مصطفى ع (Re: بشير جبريل علي)
|
سلاماQuote: غايتو اي زول ما عرف الجكه؟؟؟
يرفع يده
لقيتكم حناكيش لكين
وكمان عاملين فيها مناضلين
الجكة يا سادة برطانتنا النوبية الاصيلة
هي الشئ اللي يتم مضغة
وكان الناس ايام ازمة السكر
بشربوا الشاي ببلح (واحيانا عجوة)
لووووووووووول تخيلوا الطعم والمذاق كيف
بالله ما كتر خير ناس الانقاذ |
ممكن كتار جداً يرفعو يدهم وما عندك اي طريقة تقولي ليهم
لووووووووول بتاعتك دي لانو ببساطة أنتي قلتي انها رطانة
نوبية (ودى ذاتو انتى غلطانه فيها لاسباب كتيرة دى ما حتته
- اوعه تسالنينى حتته وين لانو الموضوع ده حيطول ودى بديهيات
والبديهيات شرحها صعب شديد )
كونك تقولي بالبلح في ازمة السكر فمافي داعي تقولي (الشئ)
يا ميادة السودان ده لسه ما وصل مرحلة شعب فانتبهي عشان
ما تجي توش تعديدي انتاجهم في (رطانتكم) زي ما بتقولي .
كونى بخير .
| |
|
|
|
|
|
|
|
|
|
Re: يا حناكيش جمهورية الشحادين ( الجكه التي كنا نشرب بيها الشاي ؟)) ما عارفنها وبتلوموا مصطفى ع (Re: سفيان بشير نابرى)
|
Quote: اها حصل شربت شاي بي بلح
بدل سكر يعني
انا غايتو حاضرة
بس اوعك تقول البنت دي عجوزة |
كيفك مياده
ما تشوفي صورة ابراهيم ود اختي الفي البروفايل دي وتقولي انا حاضر زمن الجكه ( وش ضاحك )
الانقاذ دي لما جات انا لسه كنت طفل في اعتاب الدراسه الاولي
بتذكر كنت في ( دكان ) بشتري في حاجه .. والمارشات العسكريه شغاله
واحد من الحضور قال : اقلبها قلبا بلا .... بعدها عرفت انه البلا قلبا والقلبوها هي الحكومه
برضو بتذكر انه كان وضعنا المادي يصنف ضمن طبقة الاغنياء .. شويه كده وبقينا طبقه متوسطه
وشويه كده دي ذاتها راحت علينا... والسبب كان الانقاذ
برضو بتذكر اني كنت طالب ماسك قلم .. فجأه كده قالوا لي خت القلم وامسك الكلاشنكوف في معسكر الخدمه الوطنيه
| |
|
|
|
|
|
|
|
|
|
Re: يا حناكيش جمهورية الشحادين ( الجكه التي كنا نشرب بيها الشاي ؟)) ما عارفنها وبتلوموا مصطفى ع (Re: mayada kamal)
|
تحية طيبة
نمرة واحد و دى من صاحبى
كلامنا ما اسمو (رطانه) لانو الرطانه هو الكلام او الهمهمه الغير المفهومة ، و نحنا كلامنا دى لغة
مكتوبة و مفهومة و ليها ساس و اساس فى التاريخ ، اسمها اللغة النوبية و ليس الـ رطانه !!!
نمرة اتنين
و دى منى انا
الـ ما بيعرف الحاجة يعنى ما شافها يعنى ما احتاجها قبل كده ، فـ اذا كان اغلب الموجودين لم يعرفو (الجكه) يعنى
هم ما احتاجوها قبل كده ، يعنى هم ما شاحدين، شاحد القالها و العرفها زمان ، و اسه بقى يكب السكر فى الكباية
و لمن يدفق جزء منو فى الطربيزة، يقشو بيدو و يدفقو فى الواطة و يقول خير الله كتير ،، ديل الشاحدين
| |
|
|
|
|
|
|
|
|
|
Re: يا حناكيش جمهورية الشحادين ( الجكه التي كنا نشرب بيها الشاي ؟)) ما عارفنها وبتلوموا مصطفى ع (Re: mayada kamal)
|
ميادة،
سلام...
بديك ردي مع اني عارفة ما حتردي عليهو و حتمشي تفتحي ليك بوست تاني
تكملي بيهو طقم اللولوة البقت عليكم الأيام دي ... الله يكون في عونكم
بتلفو الحبل حوالين رقبتكم برااااكم ...
نجي لحيثيات بوستك وعرق الباندوث ...
نبدى بالعنوان ...
يا حناكيش جمهورية الشحادين ( الجكه التي كنا نشرب بيها الشاي ؟)) ما عارفنها وبتلوموا مصطفى عثمان
لومنا لمستشار الرئيس اللي بيسد عين الشمس على قولتك
لا ينتقص من مشروعيته علمنا بالجكة أو معاصرتنا لها
لانه، واظنك تعلمين، مأخذنا هو وصفه للشعب الشحاذين
و تحميلهم وزر اقتصاد متآكل،و مازال متآكل ...
لومنا للمستشار يا ميادة على تحقيرة للشعب على مرأى و مسمع من العالم
وفي بلد يستضيف جالية سودانية كبيرة تعاني ما تعاني وآخر ما ينقصها تحقير
من ذوي السلطة في الوطن ولضيف حجرا على كتف الغربة ....
لومنا سعادة المستشار سداد عين الشمس لأنو لغته هي امتداد للغة الرئيس الفجة
و أملنا ان تكون العكس، و بتنا في حال إن كان رب البيت .... اكملي انت
لومنا سعادة المستشار الفذ لأنو دق مسمار في نعش الديبلوماسية و التعقل
و ضرب "طبنجة" في وش السودان قدام العالم ...
الشيء التاني ...
ارجو عدم الزج بالنوبية و العنصرية البغيضة في هذا المقام ...
النوبين في النهاية سودانين و فيهم الشرفاء القابضين على جمر القضية الحق
وفيهم من قدم نفسه قربانا لسدنة الدينار و الجنيه و الأراضي ...
فبالله عليك،
لا تشقي على نفسك ولا تشقينا ...
خوضي حربك كفرد لا كقبيلة ...!!!
| |
|
|
|
|
|
|
| |
mayada kamal
نوفل عبد الرحيم حسن
عبدالعزيز الفاضلابى
baha eassa
بشير جبريل علي
سفيان بشير نابرى
محمد الامين احمد
محمد حيدر المشرف
saif massad ali
فيس بوك
تويتر
انستقرام
يوتيوب
بنتيريست