|
Re: جاكلين البااااااااااااااااااااااااااااااااااااااااااااااااردة (Re: Yassir Bainwi)
|
اها برضو كانت عندنا نظريات خاصة ( بالذات فيما يخص البنات والمعايير الجمالية ) فكنا نوزع النسبة المئوية علي كل فتيات الدفعة وللاننا كنا حريصين علي اعطاء كل ذي حق حقة كانت النتيجة العامة ( لم ينجح أحد ) في الحقيقة كانت معظم بنات الدفعة من الحسناوات الفاتنات لكن نسوي شنو لي لمضتنا
وكنا نستحدث الاوصاف لكل الجميلات مثل ( الفارهه ) ودي لانها كانت بالنسبة لنا بتشبه العربية الفارهه ( كيف ما عارف ) ورتانا زمان و ( الماركسية ) ودي لمن سألوني ليه سميتها الماركسية قلت ليهم ( لأنها جامدة يا عمك )
نواصل
| |
|
|
|
|
|
|
Re: جاكلين البااااااااااااااااااااااااااااااااااااااااااااااااردة (Re: Yassir Bainwi)
|
واهم زولة كانت ( جاكلين الباااااااااااااااااااااااااااااااااااااااااااااااااردة ) الزولة مما نشوفا بندك المحاضرات ونخلي ( المنتدي المفتوح ) ونسكت نعاين لها
اول حاجة كانت طوالي بتمشي براها سم سانيا لا بتتونس مع زول ولا شفناها مرة ضحكت لكن بامانة البت دي التقول واقعالا من جنة
وطبعا الشباب كلهم دايرين يخشوا فيها لكن ملاوزين ( حتي صفوت القبيل رسل رسالة قال لي واصل مكسر فيها )
نواصل
| |
|
|
|
|
|
|
سلام (Re: Yassir Bainwi)
|
ياسر يا وغد ازيك انا من الله خلقنى مقياس الجمال عندى جوليا وردى ما تشبكنى جاكلين بعدين انا عارف زوقك ما بتفق معاك انت وخضر حسين . واصل بالله تحياتى لكل شباب إعلام وعلاقات عامة جامعة السودان. صفوت صلاح
| |
|
|
|
|
|
|
Re: سلام (Re: Yassir Bainwi)
|
اها قمته جاري علي كافتيريا كرور وطبعا الكافتيريا كانت منخفضة ( حفرة يعني ) وانا بي شلهتي ديك واجي منكفي ( غايتو الله ستر ماجاتني عوجة ) لكن الناس ماتوا من الضحك الا هي الوحيدة الفي الكافتيريا الما ادت الموضوع ايي اعتبار
وطبعا دا كان مدخل جامد
| |
|
|
|
|
|
|
Re: Jamid (Re: Nun Osman Yousif)
|
اها بعدما الناس سكتو من الضحك وكلو زول راح لحالو لمحت ليك عصمت وجري عليهو
انا : عصمت ياخ ايني الف جنيه عصمت : الف كاملة داير لشنو وانت بخمسن جنيه بتركب امجاد من هنا للكلاكلة (طبعا دي قصة ح احكيها ليكم مرة تانية )
انا : ما تهظر ياخ انا دايرا لي ميضوع مهم
عصمت : مالك اوع تكون دار تدفع الرسوم الدراسية
انا : ياخ انا بقول ما تهظر الميضوع اهم من كدة بكتير
عصمت : اها دايرا لشنو ... ؟؟
انا : ياخ ما داير اعزم جاكلين بارد
ونواصل
| |
|
|
|
|
|
|
Re: Jamid (Re: Yassir Bainwi)
|
عصمت : يا زول دار تعمل كفوة مالك جاكلين منو البتتكلم معاك انت . الجامعة كلها ما قادرة تتكلم معاها
انا : يازول ( يضع سرو في اضعف خلقو )
عصمت : اها هاك
واختفلك الالف جنيه وعلي الكاشير جري
نواصل
| |
|
|
|
|
|
|
Re: Jamid (Re: Yassir Bainwi)
|
عليك الله يا ابو الشباب ادينا اتنين بارد
..............
منقة طبعا
واشيل ليك المنقة امشي عليها
انا : ازيك يا اللخت
هي : اهلا وسهلا ( عملت ليها حركة زي حركات البنات المدلعات )
نواصل
| |
|
|
|
|
|
|
Re: Jamid (Re: Yassir Bainwi)
|
انا : معليش يا بت الناس ( وطبعا بقيت اكب في المكنات المخستكة ديك )
المهم خشيت فيها شمال . اتاريها البنية مسكينة ونحنا قايلنها متقندفة لقيت ليكم كايسلا زول ينضم معاها ومابتعرف تتعرف بالناس ( وصرتا ديك اتاريها اللت خوف ) ونحنا قايلنها اللت طنقعة
المهم البنية ماصدقت لقتني وانفتحت في الونسة ( وانا داير اطير من الفرح ) مرات اشوف نفسي زي طارق بن زياد داك الفتح الاندلس
يللا وقعدت تحكي لي انو ابوها سوداني ومن شمال عطبرة وامها كرواتية ( اول مرة اشوف لي زول معرسلو كرواتية )
وكانو عايشين في بلجيكا ( ونستا دي في الليل مشيت راجعنها بالاطلس ) وانهم قرروا يعيشوا هنا وليهم سنة مما جو
نواصل
| |
|
|
|
|
|
|
Re: Jamid (Re: Yassir Bainwi)
|
وبقت تحكي لي انها وحيدة عند امها وابوها وا عندها اصحاب المهم نقة كتيرة ( وانتو عارفين البنات لما يفتحوا في النضمي )
في اللحظة ديك انا بقيت اهم زول في الجامعة والشباب كله دايرين يعملوا فيها اصحابي بقو يجوا فرادي وجماعات عشان يسلموا علي ( طبعا كايسينلهم مدخل قايلين القبة تحتا فكي ) وانا عجبكم خشيت في الدو طوالي وعملتة لي نفسي اهميات
نواصل
| |
|
|
|
|
|
|
Re: Jamid (Re: Yassir Bainwi)
|
بيناوي ياشين كيفك
سبحان الله البت دي كيييييييييييف مايضايقوك فيها ( جاك ) و ( كاجولي ) اسف اقصد استاذ كاجولي
بعدين تلقيها من ريفي بلجيكا مادام بتقعد في كرور اسي لو كانت من العاصمه كان تلقاها معانا بهناك في لزيز
منتظرنك تحكي لينا عن جاكلينتك
التحيه لمحمود ضغوط
| |
|
|
|
|
|
|
Re: Jamid (Re: عثمان حسن الزبير)
|
اها وانا قاعد معاها يجوا خاشين ابراهيم محمد صالح وكاربينو قدر ما اتثاقلته عليهم هم قاعدين وهاك يا صحبية ومجاملات نوع ( شكلم مع بعض جميل وياريت طوالي نشوفكم كدة والحنك داك) اتاريها البنية مسكينة صدقت وشبكت فيني الشبكة الياها
بقينا كل يوم نتلاقي من صباح الرحمن لحدي الساعة تسعة مساء مابتتحلي مني
باختصار كدة ( شربنا نصف انتاج الكوكاكولا ذلك العام )
| |
|
|
|
|
|
|
|