|
Re: أخوي تبلديناTabaldina السلام عليكم (Re: tmbis)
|
.. . يا تامبا كيفك بالله اطلع منها .. لا ترحموا لا تخلونا نلقط حسنات اليومين دى انا فى تصالح مع نفسي ومع الجميع زى عمك كوستاوى وهبانى ودينق ودكين وتراجى وصبرى الشريف وياسر الشريف زاوووووتو ( مسؤول من الخير وين ياسر الشريف دا )
______________
امشى اطبخ ليك بسلة .. واخطى العلب قصدى المعلبات .. هههه
| |
|
|
|
|
|
|
Re: أخوي تبلديناTabaldina السلام عليكم (Re: Kostawi)
|
تبلدينا said في بوست آخر مخاطبا لي
Quote: لك منى الاعتذار عما ورد سابقا وهنا .. ليس ضعفاً ولا جبنا لكن اعتبرو كبرنا وشخنا وانت زول تكبرنا اعوام تستحق الاحترام وليس منا من لم يوقر صغيرنا ويحترم كبيرنا .. بس ادى نفسك طولت البال .. |
و الله يا تبلدينا كلمة إعتذار دي بقت مسيخة
أنا قايتو بقول كلام أمي -الله يديها الصحة- و اليحصل يحصل (معليش زول راسو قوي نعمل ليه شنو?)
و الدتي لها هذه العبارة في هذا الموقف المشابه
(العفو و العافية و أدفنوه هنا دا أها عسل ولا لبن?)
في النهاية بكون شاي أحمر سادة
يا أخوي العفو و العافية ناكل حبان ونتحاسب تجار
إختلاف الرأي صحي و الهدف وطن صحي
best regards
| |
|
|
|
|
|
|
Re: أخوي تبلديناTabaldina السلام عليكم (Re: Kostawi)
|
سلام من الخردتين للخرده يا فرده مالوا ولدي تبلدينا ؟؟ دا ولدي الحل ديني ونوم عيني ود كبدي وبحمل جبدي شهادتي فيه مجروحه والله . بتكلم وما بتلفت المثل التبلدي قليل والله مؤدب مهذب شهم وكريم وقلبو حار لله دره
| |
|
|
|
|
|
|
Re: أخوي تبلديناTabaldina السلام عليكم (Re: doma)
|
.. .
Quote: سلام من الخردتين للخرده يا فرده مالوا ولدي تبلدينا ؟؟ دا ولدي الحل ديني ونوم عيني ود كبدي وبحمل جبدي
شهادتي فيه مجروحه والله . بتكلم وما بتلفت المثل التبلدي قليل والله مؤدب مهذب شهم وكريم وقلبو حار لله دره |
والله يا يمه الواحد سعيد انو يشوفك تانى هنا مش قلت ليك بكرى دا عمل فينا عملية وكتبنا فى مايرنو ياخى المنبر دا تزوغ منو سنين تجى راجع نزعل وتشاكل وتانى تجى .. ياخى دى مرضه والله كلامك مفترض اقلع واخد لى 30 جلده فى عضامى دى عنترية ومفاخرة ساى.. وكمان مفترض يجيب العروس مدردقة عموما مدردقة مربعة قصيرة ولا شينة اوحتى درست فلسفة .. ما مهم المهم حتجى هنا قريب .. 2009 دى ما بتمر ساااى جهزى ثلاث توب حرير .. للحنة والزفاف والجرتق ..
__________________
وواالله بينى وبينك انا ما مصدق حاجات كتيرة ما عارف 2009 من جات بجينى احساس كأنى داير أمووت .. غايتو ما تنسونا من صالح الدعاء ولا تبكونا كثيرا ولكن اذكرونا خيرا
| |
|
|
|
|
|
|
Re: أخوي تبلديناTabaldina السلام عليكم (Re: Kostawi)
|
.. . وعليكم السلام
يا اخ كوستاوى .. صراحة الواحد لمن يفكر فى الخلافات والمناكفات البتحصل منو ؟؟ بشعر بتأنيب ضمير .. سبب الله اعلم
وزى ما قلت ليك لا اجد لها مبرر واقعا ً لا خلاف فى الاختلاف فى الراى. ولكن احياناً ننساق الفرد منا نحو كوم من الكلمات والاساءات لا لزوم لها .. وانا اعزى الامر للفهم المغلوط لوجهة الطرف الاخر او ميوله .. عموماً العفو والعافية وكما قلت اعتقد ان معرفة عشر سنوات كافية ان لا يحمل احدنا ضغينة تجاه الاخر ..
لك الشكر على حستن تفهمكم
__________________
واختلاف الراى لا يفسد للود قضية
| |
|
|
|
|
|
|
Re: أخوي تبلديناTabaldina السلام عليكم (Re: Hussein Mallasi)
|
تبلدينا...يا كوستاوي رجل من الزمن الاخر... شخص تسمع صوته تحس انك قاعد مع اهلك في البيت ...
ياخي ده زول نقي الدواخل بشكل مدهش ...
______________________________________ * يا صالح ... ح نضبح ليك ( قعود) لامن تجينا ... ونعمل ليك رحلة سفاري صحراويه من النخيل مرورا بالعوينات لحدي اهلك في ديار بني شنقيط ... بس تلم في .......? (املأ النقط يا تبلدينا)
| |
|
|
|
|
|
|
Re: أخوي تبلديناTabaldina السلام عليكم (Re: nazar hussien)
|
.. .
Quote: ديل بالنيابة عن امك دومه انا بجيبن ليك بس حدد عرسك ساكت...نعرس ليكم نحن برانا؟ |
تسلم يا نزار والله اخو اخوان بس التياب دى حقت امى عشان القشرة بنات الزمن ديل فى ذمتك بعرف للتوب وكما حرير والله يتزلق بجاى وبجاى وتقوم تتعتر تقع تفصل ركبتها ونقضى شهر العسل فى المستشفى ..
__________
عموما الهدية مقبولة وطوالى فوريرد لدومه بهناك ويكون فيهم واحد اصفر عشان امى لازم تظهر احلى من العروس ولا كيف؟؟
وجيتك اهم بس نشوف ياتو شهر موتنا دا جاينا
| |
|
|
|
|
|
|
Re: أخوي تبلديناTabaldina السلام عليكم (Re: Elsanosi Badr)
|
.. .
Quote: تبلدينا...يا كوستاوي رجل من الزمن الاخر... شخص تسمع صوته تحس انك قاعد مع اهلك في البيت ... ياخي ده زول نقي الدواخل بشكل مدهش ... |
عارف يا بن العم .. والله احرجتنى .. بعدين نقى دى مش كريستالى شكرا ليك وبصراحة بتذكرنى زوله من الزمن الجميل فى سودانت
___________
والله بينى وبينك الواحد محتاج ليهو رحلة زى دى لكن اعبر ناس خليل ديل كيف ؟؟ الا الواحد يجيكم بمدرعة او ترسلو لى فرمان عبور
دمت ودام الود يا ود السنوسى
| |
|
|
|
|
|
|
Re: أخوي تبلديناTabaldina السلام عليكم (Re: doma)
|
.. .
Quote: انت بريه الموت للمابيك انت بس تطلب توب جرتق توب ام العروس كله حاضر . لكين انتظرني بس تقفل المدارس هنا لانه انا حالفه احضر عرسك ارقص ليك واديك الشبال . يا زين الشباب يا السمح كلك . |
المشكلة العروس مودرن قالت ما بتلبس ثياب اها الثياب دا اساساً ليك أنت .. ام العريس وكدا وان شاء الله تحضرى ..
__________
حسي مع توجهنا الحضارى دا البنية دى يلجموها كيف
| |
|
|
|
|
|
|
Re: أخوي تبلديناTabaldina السلام عليكم (Re: Hussein Mallasi)
|
.. . وين يا حامل MBA .. دا علم ما ايدز .. قرقر قرقر شوف يا ملاسي يا اخوى .. ما دام احساس الموت يعنى الزواج .. خليننا نتشهد من حسي
بعدين انا ما عارف موضوع الجك اب دا مرق كيف انا ما عارف زاتو كوستاوى كتبها غلط ولا معتز تروتسكى قراها غلط وجيت اتا لفحتها وقمت بيها .. والله ايام لها صولات وقفشات عموما فى 2009 حتعرفها هى فيزيكال ولا فسيوجيكال ..
_____________
شد حيلك مع كيكى انا حاخت صورتك بتاع التخريج المعالجكس ديك .. يا عمووو .. وبالله بارك لى س . ب
| |
|
|
|
|
|
|
Re: أخوي تبلديناTabaldina السلام عليكم (Re: Rawia)
|
Quote: أشهد بذلك وافخر بمعرفته |
شف دي كمان في زول سألك? خوشي جوا محل الحريم __________________ دا ديوان رجال و واحدة حبوبة ___________________________
يا ملاسي أحمد المرضي قاعد معاي تل لحظة حسن ألفاظك
| |
|
|
|
|
|
|
Re: أخوي تبلديناTabaldina السلام عليكم (Re: ناذر محمد الخليفة)
|
.. .
Quote: قريت عنوان البوست جاتني خلعة ووساوس .. إفتكرتك داير تعمل لي تبلدينا الشك أب بتاع زمان داك ..!! |
لا خلاص الشيك دا .. طلع من غير رصيد يا ناذر سددناهو من زمان .. انت شايفنا تجار عملة
_________
أظهر كيف وانت قاضيها لى بين السوق المحلى والمستشفى ..
| |
|
|
|
|
|
|
Re: أخوي تبلديناTabaldina السلام عليكم (Re: shahto)
|
.. . اخى الفاضل .. شحتو
طبعا البوست دا انا عاملو كمين للناس الطيبيبن شكرا ليك اولا على كلماتك القيمة ..
ثانى هام .. ياخى مبادرة التعايش السلمى فى ابيي دا موضوع داير قعدة ..
حقيقة البرتكول الخاص بيها ما بحل ولو مشت الجنوب مشكلة ولو اخدها الشمال مشكلتين وفى النهاية ضايعين الدينكا والمسيرية فلابد من صيغة تعايش سلمى بدعمكم وخطواتكم وانا شايف اجتماع سويسرا دا لازم تناقش هذه الورقة
وكمان لو اديتنا دعوة بنجى هناك عديل
______________
دى ما شحدة .. التذاكر علينا والسكن عليكم
| |
|
|
|
|
|
|
Re: أخوي تبلديناTabaldina السلام عليكم (Re: Tabaldina)
|
Quote: ياخى مبادرة التعايش السلمى فى ابيي دا موضوع داير قعدة ..
حقيقة البرتكول الخاص بيها ما بحل ولو مشت الجنوب مشكلة ولو اخدها الشمال مشكلتين وفى النهاية ضايعين الدينكا والمسيرية فلابد من صيغة تعايش سلمى بدعمكم وخطواتكم وانا شايف اجتماع سويسرا دا لازم تناقش هذه الورقة |
تبلدينا ده كلام مهم جداً مثقفيننا وساستنا يهملونها بقصد او بغير قصد فى الآخر نحن الضحايا من الطرف لا اكتر ولا اقل وبقية الخلق يا إما متكيفين او متضامنين مع الضحايا من الطرفين طيب ما الأرض ده ولو حصل شنو الدينكا والمسيرية قاعدين جيران فى كل الأحوال وبما إنهم جيران يتحتم عليهم قيام علاقات تجارية إجتماعية ثقافية وخلافه... طيب وجع الراس ده كلو لى شنو؟ الناس تقعد وتتفاهم بكل صدق وأمانة عشان حال الأهل الهناك وكيف نرقيهم لمستوى معيشى ومعرفى افضل وكيف نحافظ على امنهم تبلدينا وشحتو مشوار المليون ميل ببدأ بخطوة ولى قدام من اجل اهلنا بالمنطقة
كوستاوى إنشالله تمام التمام
سلام للجميع
| |
|
|
|
|
|
|
|