|
|
 صلاح إدريس أم خراب إدريس ؟؟ فالتذهب غير مأسوفاً عليك
|
وانت الان تظلم الملاييين ناهيك عن مظلوم واحد ..
فالتذهب انت واموالك إلى الجحيم وبلا رجعة وليبقى الهلال..
فالتمارس سياساتك الفاشلة مع المغنواتية والمطبلاتية ولتترك الهلال لأهل الهلال..
سئمت نغمة إحترام رئيس النادي كهرم ورمز وانا الذي ناديت بها دوماً ..
فحبي للهلال يجعلني اتنازل عن كلللللل قناعاتي وان كنت في الطريق الخطأ..
ما يصيب وسيصيبالهلال من اضرار كله بسبب هذا الصلاح ادريس ..
نعم دعوت عليك بالامس وبالصوت العالي واستغفر الله العظيم على ذلك ولكني رددتها :
" لعنة الله تغشاك يا صلاح إدريس " ..
نعم اخطأت ويبدو أنني ساواصل في الطريق الخطأ واواصل بمثل هذا الدعاء في حق المسلم لأخيه المسلم ولكن فااااااااااااض وطفح الكيل يا ايها الصلاح وليتك كنت صلاحاً فانت ومنذ ان وطأت ارض الهلال وصرت خراباً ..
العيب ليس في المدرب ولا العيب في اللاعبين ولكن العيب فيك انت يا من صرت تتحكم في هذا النادي العملاق وكأنه واحدة من قطع اثاثاتك المنزلية ..
تشطب من تشطب بمزاجك وتوهم الجمهور لانك من اراد فتقول هذا مرتشي وهذا كاذب وهذا سارق ..
تفتعل المشاكل مع الاتحاد فتضيع هيبة الهلال مع حلفك الكاذب ..
اضعت هيبة الهلال وجعلت الجميع يكره الهلال وعلى جمييع المستويات وكافة الاصعدة السياسية الاجتماعية الحكومية والخوف كل الخوف على القاعدة الجماهيرية ..
بهذه الطريقة سيصبح الهلال هلال المئات والمريخ مريخ الملايين فالجمهور الجديد من الاطفال والشباب سيعرف المريخ واداء المريخ لو واصلنا بهذه الطريقة ..
سئمنا الصبر ومقبل الايام فالهلال يا عزيزي ليس فئران تجارب !!!
الهلال يبقى وتذهب انت واموالك وكل التابعين لك ..
ومنذ متى كان في ادارات الهلال توابع!!!!!!!!!!!
جئت وجيشك الجرار وكأنك في العهد الأموي وسمعاً وطاعة يا مولاي وحولك رجال والله مااا هم بقامة الهلال ..
مجموع وبكل أسف همها طاعة ولي الامر وان كان على حطأ لتنال رضاه وليحترق هذا الجمهور !!!!!!
والله حتى لو أتيت بلوري مصاحق واقسمت عليه بعد الان لن اصدق بأنك تحب الهلال !!!
منذ ا ناتيت ماذا قدمت للهلال؟؟؟؟؟
منعووووووووووول ابوها ياخ دولاراتك وشيكاتك البتذل بيها شعب كااامل ما تعود الذل ولا الهوان وليت لي ذات اليد والغنا فوالله لسلمتك اموالك ولتغادر وترحل ليبقا لنا الهلال الذي نحب..
فمن يحب الهلال يا خراب لا ينتظر المقابل ..
مللت والله حد الملل ونفد كل الصبر وادري ان ما اكتب اليوم سيخصم الكثير من رصيدي لدي اخرين ولكن ضااااق الصدر وازداد المرض وكل يوم انا في درب المستشفيات والسبب القولون العصبي بعد كل مباراة للهلال ولقطة تظهر فيها انت في المنصة الرئيسية وتحذيرات من الاطباء بتركي للكرة وللهلال !!!!!!!!
فاليرتشي كلاتيشي وليتدلع قودوين وليعجز ريتشارد وليساوم طمبل ولكن عندما تود ان تقدم الهلال الرائد والهلال المدرسة قدمه في قالب يجعلنا نقتنع فعلا كما كان يفعل الربان الطيب عبد الله طيب الله ثراه وكما يفعل ابو العائلة رحمه الله في المريخ حينها تجدنا امامك لا خلفك ولكنك تضع تبريرات فطيرة وصراعات من اجل اظهار الشخصية ..
انت ليس في قامة الهلال يا صلاخ ادريس ومن اليوم وصاعداً لن اتعامل مع اسمك بمفهوم رئيس نادي الهلال ..
ومن اليوم قررتها حملة اعلامية ضدك وضد شخصك فواجب حب الهلال قال حيي على الجهاد وليذهب الجميع وليبقى الهلال ..
هي ليست دعوة للتحريض وان تمنيتها كذلك ولكني قررت ان اسلك هذا الطريق فاما النصر واما الشهادة واضعف الايمان ان اقدم للهلال بلساني وقلمي ما عجزت عنه بمالي ونفسي ..
ان اشاهد الهلال العظيم (والعظمة لله) لا يمرر ثلاثة تمريرات طيلة 90 دقيقة !!!
ان اشاهد الهلال يلعب شوت شوت طيلة 90 دقيقة !!!
ان اشاهد الهلال تدخل الاساسيين والبدلاء منهم لا اعرف اشكالهم ولا اسمائهم !!!!
ان اشاهد الهلال ويدي على قلبي مع كل هجمة من فريق لا اعرف موقعه على الخريطة ناهيك عن اسمه !!!
ان اشاهد الهلال وكأني اشاهد الامل عطبرة !!!!
انا شاهد الهلال في كل مباراة يتقبل هدف الودي منها والدوري!!!
ان اشاهد الهلال واعلام المريخ يتطاول عليه !!
ان اشاهد الهلال واعلام الهلال يوصي بالصبر فالهلال قادم!!!
ان اشاهد الهلال وشعار الهلال لا يتوسط صدر اللاعبين !!
هو يوم تمنيت الموت على ان اشهده !!!!!!!
قلبي عليك يا هلالي وهلال الملايين من الدخلاء ..
ووالله لو كان الفقر رجلاً لقتلته !!!!!!!!
تتتووووووووووووووووفففففففففففففففففف عليك يا دينا ..تووووووووووف
اضعنا هيبة الهلال ونحن نرشح هذا الخراب ادريس يوم ان اشترى عضوية بائعات الشاي وهن يخرجن لنيل اللقمة الشريفة !!!
|
|
 
|
|
|
|
|
|
|
|
Re: صلاح إدريس أم خراب إدريس ؟؟ فالتذهب غير مأسوفاً عليك (Re: عمر الفاروق)
|
لا حول ولا قوة إلا بالله!
أستغفر الله يا ود الشيخ استغفر الله!
ما دايم إلا الله!
تاني حاجة يعني خلااااااااس عامل فيها الشيخ يوسف اب شرا!
| Quote: " لعنة الله تغشاك يا صلاح إدريس " .. |
تيمك صاح يابو صلاح!
أستيم تفاح يا ربا تيمك صاح!
ربا اسم الدلع تبع الارباب خيووووو!!
والله انت وصاحبك زعلكم زعل حناكيش!!
انا لو منك اشيل لي مليون كبريتة واربطهم في نصي وامشي افجر الحافلات الجنب استاد الهلال شخخخخخخخخخ!!
وين مغربي!!
مغربي يشرب جالون بنزين ويطلع في الزلقانية الداخلة مقصورة الهلال ويستفرغ لبرجاس تحت كرعينو ويضحك ضحكة خيانة ويولع في نفسه!
اما نوبي دا نظامو برااااااااااه يعني يلبد لي صلا أدريس جنب بيتو ولمن ينزل من العربية يقول ليه ووووه بخلعك وبخلعك وتاني بخلعك!!
احب ثوراتكم ذاتا!!
| |
|
|
|
|
|
|
|
|
|
Re: صلاح إدريس أم خراب إدريس ؟؟ فالتذهب غير مأسوفاً عليك (Re: Bakhaf)
|
يااااااااااااااااي يا سامي..
كبريتا مررررررررررررررة واحدة ؟؟ إنت عايز تنسفني ؟؟
طيب ياخ يا سامي ماتخينا نستعين بيك وتشوف لينا عديل الارجل ده ونديك سم ونحقق نظرية دس السم في الدسم ..
ياخ العبارة دي عاجباني لي كيف؟؟
يا سامي ياخ علييك الله كلم مزمل يقرا الموضوع ده وخليهو يساعدنا ويدو معانا ..
وعليهو علي اهتف ليهو كممممممل كمممممممل با مزمل ..
| |
|
|
|
|
|
|
|
|
|
Re: صلاح إدريس أم خراب إدريس ؟؟ فالتذهب غير مأسوفاً عليك (Re: Bakhaf)
|
اتفق معك تماما يا عمر الفاروق
صلاح اضاع هيبة الهلال يوم ان تركه بدون استاد
واضاع هيبته حينما شطب بمزاجه علاء جبريل وكرنقو وترك الهلال بدون طرف ايسر
وشطب ريتشارد وفرط في داريو كان ويوسف محمد وشل الطرف الايمن
وهرب قودوين وكليتشي من جحيمه
عمر الفاروق لو البابا الطيب عبد الله حيا وشرب كل افيون الدنيا
هل كان يعزف ويغني علي شاشة التلفاز
الهلال كاريزما وهيبة اضاعها رئيس الغفلة
| |
|
|
|
|
|
|
|
|
|
Re: صلاح إدريس أم خراب إدريس ؟؟ فالتذهب غير مأسوفاً عليك (Re: Yassir Tayfour)
|
عمر سلامات
ظلمت الرجل
هلال 2007و2008 صنعه صلاح ادريس
وكلاتشي وقودوين ويوسف وداريو ما كنا سامعين بيهم قبل ما يجيبهم الارباب
مسيرة الهلال مستمرة وبشباب الهلال النعيم وزرياب ومدثر وغيرهم وهؤلاء هم عماد الهلال
وروح الهلا على خطا هيثم مصطفى ومهند الطاهر,,
اما النيجرين ديل ولاءاتهم للفلوس
بعدين انت اليومين ديل مشكلتك شنو مع المشاهير
يفكوك من حمد الريح تمسك في يوسف السماني
يفكوك من يوسف السماني تمسك في صلاح ادريس
| |
|
|
|
|
|
|
|
|
|
Re: صلاح إدريس أم خراب إدريس ؟؟ فالتذهب غير مأسوفاً عليك (Re: زوربا)
|
| Quote: بهذه الطريقة سيصبح الهلال هلال المئات والمريخ مريخ الملايين فالجمهور الجديد من الاطفال والشباب سيعرف المريخ واداء المريخ لو واصلنا بهذه الطريقة |
اللهم أنصر مريخنا
وأفتح قلوب أعدائنا
يا جيك
الإنسان مريخابي بالفطرة
يعني الطفل في بطن أمه يخرج لهذا الكون مريخيا
الإتحولوا برجعوا زي ما قلت
| |
|
|
|
|
|
|
|
|
|
Re: صلاح إدريس أم خراب إدريس ؟؟ فالتذهب غير مأسوفاً عليك (Re: زوربا)
|
يا فاروق الليلة مالك ..
ياخي انت لاعب كورة وزول بتفهم في الكورة شديييد ما تبقى زي المشجعين البكتبوا في الصحف ديل ..
نعم قد تكون هناك أخطأ إرتكبها صلاح إدريس ولكن ما لدرجة نجرمه ونهضم حقه ..
قبل يومين الريال إتغلب أربعة من ليفربول مع الرأفة وكلنا يعرف من هو فريق الريال وشوف بالله وضعه في الدور الإسباني الآن والريال يعتبر من أغنى الأندية في العالم وبه أفضل اللاعبين كذلك ..
كرة القدم أصبحت صناعة وعلم وفكر ونحن في السودان ماشين بالبركة ساي ..
كلها مجرد إجتهادات لأصحاب العمم الكبيرة والقروش ..
والمصيبة إنو أي زول عايز يبقى مدرب وصحفيين حقوا يكتبوا في حيط الشارع ..
مسألة الشطب والتسجيل دي عادية ومافي لاعب بخلد في الملاعب ودي سنة الحياة والإحترافية الغلبت الولاء ..
منذ العام 2007 أصبح دفاع الهلال العلة الوحيدة في خطوطه وكلنا يعلم ذلك بسبب الإصابات والبدائل ..
وشهدنا كيف فقد الهلال بطولة الأندية الأبطال وهو كان الأقرب إليها بسبب إصابة ريتشارد والمعز ..
وأخطا داريوكان ذبحت الهلال في كثير من المباريات المهمة وإصابة علاء الدين جبريل المتكررة وهروب كرنقو المتواصل ..
عشان كده الفريق جدد دمائه بلاعبين جدد صغار في السن وأصحاب مواهب ممتازة لماذا لا نصبر عليهم ..
بالله شوف الفترة ما بين هلال 1997 وهلال 2007 دي عشرين سنة يا صاحبي مررنا فيها بهزائم ثقيلة فاقت الخمسة والستة أهداف ..
مباراة الأمس لم تكن بالسوء والبطولة الأفريقية تحتاج لنفس طويل وصبر وإجتهاد وكل ما إستمرت المنافسة سيشتد عود الفريق ويعود أقوى كما كان ..
بالأمس ظهر سامي عبدالله وأسامة التعاون وأحمد الفاضل والنعيم الصحافة ومدثر كاريكا وعاد مهند الطاهر لهوايته المحببة في هز الشباك والهوبة المعروفة وعاد لحمودة وعمر بخيت مستواهما المعروف ..
الفريق بالأمس كان يحتاج لتنظيم فقط ودي مسألة وقت وزيادة تدريب وإحتكاك ..
الفريق أصبح صرفه عالي جداً وبملايين الدولارات وكلنا يعرف إدارات الكرة عندنا في السودان إن لم أكن معك فأنا ضدك ..
لماذا إبتعد أعضاء الهلال عن إدارة الهلال ولم يساعدوها بالمال والرأي والفريق أحوج لكل هلالي ..
صلاح إدريس إتحمل العبء ومعه مجموعة بسيطة من الإداريين وأنا هنا لا أدافع عنه ولكن ما عايز أهضم حقه ..
بجيك تاني ..
| |
|
|
|
|
|
|
|
|
|
Re: صلاح إدريس أم خراب إدريس ؟؟ فالتذهب غير مأسوفاً عليك (Re: معتصم دفع الله)
|
والله انا اكتر حاجة غاظتني .. العمة اللابسا خراب ادريس .. و في تطريز باللون الازرق ..
يعني عشان توري الناس انك رئيس الهلال .. لازم تلبس لينا عمة بيضا بتطريز ازرق ..
قاتل الله حب الظهور ..
..
..
صلاح ادريس استلم ادارة اقوي و اول شركة في السودان .. شركة حجار ..
تلاتة سنوات لم يصرف فيها العاملين مستحقاتهم .. و تم تصفية الشركة في النهاية ..
الزول دا لو ما لحق الهلال حجار .. ما برتاح ..
..
..
معتصم دفع الله ..
الهلال اتغلب قبل كدا بالخمسة و الستة .. دي ما القضية .. الكورة كدا ..
فرق كبير بين الهلال الشفناهو امبارح .. الفايز تلاتة واحد .. و بين الهلال المغلوب من الترجي خمسة صفر ..
هلال الترجي .. كان الهلال حقنا ..
هلال امبارح دا .. ألا يكون هلال رمضان ..
و الله نص التيم اللاعب دا ما كان يحلم انه يلعب في الميدان بتاع الناشئين الجنب استاد الهلال .. ناهيك انه يلعب في الهلال ..
ياخي و الله حاجة ترفع الضغط ..
ليه شطب الهلال ريتشارد بدون وجود بديل مقنع ..
متين الهلال كان عنده مشكلة في الدفاع .. و الخانة بتاعت قلب الدفاع في المنتخب السوداني مسجلة باسم الهلال ..
متين الهلال كان ما بعرف يمرر كورة صاح .. في وجود هيثم و عمر و حمودة ..
جوطة و فنجطة .. و نطيط .. ( ملخص المباراة ) .. !
..
..
نشكر الحكم الكيني لاحتسابه اكثر من 200 حالة تسلل لا وجود لها لصالح الهلال ..
و نشكر الحكم الكيني لمساعدة لاعبي الهلال باحتساب فاولات لا وجود لها كل ما الفريق يتعصر ..
و الشكر موصول لحكام الراية لعكسهم عدد من الحالات لصالح الهلال ..
والشكر للفريق الضيف لاخلاقهم العالية .. و رحم الله امرئ عرف قدر نفسه ..
ونشكر الاخ مدثر كاريكا علي فاصل الاكروبات الذي اتحفنا به ..
ونشكر الاخ الدعيع و هو يتابع الكرة بكل عناية و دقة و هي تدخل في المرمى ..
ونشكر الاخ عمار مرق علي الانبطاحة و ادعائه الاصابة في ما بعد ..
ونشكر الاخ عمر بخيت علي كراته الطويلة جدا جدا جدا .. التي ذهب اغلبها الي الآوت ..
و نشكر المدرب الماسورة و الاخ الديبة .. علي التغييرين الناجحين في الشوط الاول ..
خصوصا التغيير الذي حدث قبل نصف دقيقة من انتهاء الشوط الاول ..
و نشكر الابن النعيم .. علي القحة .. فكما قال المثل ( القحة و لا صمة الخشم ) .. !!
| |
|
|
|
|
|
|
|
|
|
Re: صلاح إدريس أم خراب إدريس ؟؟ فالتذهب غير مأسوفاً عليك (Re: humida)
|
Quote: سامي عبدالله وأسامة التعاون وأحمد الفاضل والنعيم الصحافة ومدثر كاريكا وعاد مهند الطاهر لهوايته المحببة في هز الشباك والهوبة المعروفة وعاد لحمودة وعمر بخيت مستواهما المعروف ..
|
الحبيب معتصم
صدقني يامعتصم لعيبتك ديل لوكانوا مع الزعيم في ال18 ماكان تحصلهم ....
مريخاب والحمد لله..
الفاروق ازيك
ياخي انا للان متحير كيف ماغلبناكم خمسة ولاستة , ياخي حالتكم تحنن وفريقك كلها مواسير ..
| |
|
|
|
|
|
|
|
|
 Re: صلاح إدريس أم خراب إدريس ؟؟ فالتذهب غير مأسوفاً عليك (Re: ارصد محمد جلال)
|
كيفك يا أرصد ..
تحيات كتااار ..
الهلال يتعرض لمؤامرة كبيرة من قبل المريخاب لتدميره والنيل منه ..
هجوم منظم من صحافة المريخ بوصف لاعبيه بالمواسير ويا لسوء هذه الكلمة التي أصبحت على لسان كل صحفي ..
وتاره أخرى على مجلس إدارته مما خلق فجوة كبيرة بينه وبين جماهير النادي ..
ماذا يريد المريخاب من الهلال ؟
يا أرصد لو عملنا مقارنة بسيطة بين لاعبي الهلال والمريخ ح نجد النتيجة صفر ..
ياخي في مباراة المريخ ( أقصد منتخبا الوطني ) والمنتخب اليوغندي 90% من لاعبيه كانوا من المريخ وإنهزمنا بهدفين ..
وبرضو تقول لي لاعبين وما أدراك ..
المريخ به إستقرار لحدٍ ما مافي شك ودا ناتج من ثبات نفس الأسماء السابقة في تشكيلته مع تغيير طفيف فيها ..
وقروشكم ما شاء الله نازله مطر من الحكومة يعني ما عندكم مشكله ومدربكم مشكله ..
أبقى طيب يا حبيب ..
| |
|
|
|
|
|
|
|
|
|
Re: صلاح إدريس أم خراب إدريس ؟؟ فالتذهب غير مأسوفاً عليك (Re: humida)
|
يا حميدة لو قعدنا نتكلم كده لي السنة الجاية ما ح نصل لحل ..
أنا لم أقل الهلال كويس أرجع لي كلامي لعمر الفاروق ..
كلامي عن لاعبي الهلال كأفراد جيدين جداً بمستوى الكورة العندنا في السودان ..
فقط ينقصهم التنظيم ودي راجعه للمدرب والجهاز الفني المعاون لهم ..
كذلك قلة خبرة اللاعبين الجدد والمنافسة في بدايتها بالأمس لعب ثمانية لاعبين لأول مره يلعبون في الهلال ومع بعض كذلك ..
نحن ما عايزين نستعجل الأمور بناء فريق ليس بالأمر السهل يحتاج مننا لصبر وعمل ..
وحتى إستجلاب لاعبين بمستوى عالٍ عايز ليهو قروش ونحن ما عندنا قروش الحكومة شالت القروش أدته للمريخ ..
وحتى لما تم تسجيل وارغو بهذا المبلغ المساجد قعدت تتكلم عنه ..
لأننا لم نستوعب حاجة اسمها احتراف وكرة قدم رأسمالها القروش ..
ياخي نحن كنا بنمشي شمال أفريقيا ومطمئنين اننا ح ناخد لينا خمسة ستة أهداف ونجي ..
وفي وجود ريتشارد كانت الاهداف تدخل بسهولة لمرمى الفريق وكان دفاعه أضعف الخطوط في الفترة الماضية ..
أرجع لنتائج الفريق في الدوري ومنافسة الأندية الأبطال 2008م ..
كلنا همنا الهلال وليس بالهجوم وحده سنصلح الحال ..
تحياتي ..
| |
|
|
|
|
|
|
|
|
|
; (Re: عمر الفاروق)
|
| Quote: ونشكر الاخ عمار مرق علي الانبطاحة و ادعائه الاصابة في ما بعد .. |
| |
|
|
|
|
|
|
|
|
|
Re: ; (Re: يحى الشريف)
|
يا عمر قبل كدة قلت ليك تعال المريخ وريح بالك... لكنك كابرت... ما أصلو كلام القصير ما بنسمع... طلعت من بقايا قوم نوح!
فليبقى صلاح إدريس وليذهب الهلال إلى الدرجة الثالثة!
| |
|
|
|
|
|
|
|
|
|
عيبكم (Re: عمر الفاروق)
|
العيب فيكم انتو يا مشجعي أبو الهل المهلهل
صلاح إدريس حاول وفشل
لكن انتو مكابرين وما زلتم .
قوموا لفوا واللا أعملوا اية حركة كدا بدل وجع الراس العاملنوا دا .
| |
|
|
|
|
|
|
|
|
|
Re: عيبكم (Re: طلحة عبدالله)
|
Quote: صلاح ادريس استلم ادارة اقوي و اول شركة في السودان .. شركة حجار ..
تلاتة سنوات لم يصرف فيها العاملين مستحقاتهم .. و تم تصفية الشركة في النهاية |
سلام يا حميدة ولكن أعتقد أن حجار رئيسها هو طه علي البشير وليس صلاح
وحسب علمي صلاح استثماراته كلها عبر شركات وشراكات يكون هو بعيد عن إداراتها مثل مستشفى بجدة وأفراس وغيرها من الاستثمارات الخارجية وكل المصانع والشركات التي اشتراها في السودان أوكل أمرها لمختصين...
ومال قروش الهلال دي جايه من فين..
أرحموا الرجل قليلاً فقد اعطى وما استبقى والمشكلة الفعلية في الرياضة السودانية هي توفر مصادر دخل حقيقية
فعينا في الفيل نطعن في ضله
سلام يافاروق يا راقي،، بس اليومين ديل شكلك رايحة ليك زعلة
الحمد لله أنك خليت خليل
| |
|
|
|
|
|
|
|
|
|
Re: عيبكم (Re: ALMURADABI)
|
كل المتداخلين تحية واحترام لحدي ما نجيكم واحد واحد ان شاء الله ..
نحن الهلال ما بنخليهو ولا مساومة في الهلال وحتى لا يختلط الحابل بالنابل وتصبح الارض خصبة للشمات فالهلال الكيان هو الهلال والهلال الحب هو الهلال فلا صلاح ادريس ولا خراب ادريس بقادر ان ينتزع منا نعمة حبانا لها الله بان جعلنا هلالاب نحمد الله عليها صباح مساء..
وحتى لا نخدع انفسنا بنغمة من يصرف على النادي غير صلاح ادريس فالاحتراف لم يظهر مع تولي صلاح ادريس للنادي فمن كان يصرف على الراحل يوهانس؟؟؟
من كان يصرف على انقيدي؟؟؟
من كان يصرف على زولو؟؟
من كان يصرف على الزنزوني؟؟
من كان يصرف على استاروستا مدرب الهلال من زمن قفا نبك عيييييييك..؟؟
من كان يصرف على ميروسلاف؟؟؟
القائمة تطووول وكلها دولارات كانت تصرف في زمن ما كنا نعرف فيه الدولار والعملة الصعبة ..
وكان كلللللللله بلا مقابل وان كان من مقابل فقد بسييطا ساذجاً قوامه ان يقوم اللاعب في المقابل بادخال قطع اسبيرات في شنطته مع كل رحلة فهكذا كان الفهم الاداري للبعض..
لكن ان تكتب شيكات على النادي وتقول انك تدفع فططططططططططظ وستين طظظظظظظظظظظظظظظ..
صلاح ادريس رئيس نادي الهلال من منازلهم فاليوم في جلسة فنية مع منو كده عجاج وبكرة في جلسة استماع مع الحلنقي وفرفور وبعد بكرة مع ترباس ..
صلاح ادريس اضاع هيبة النادي وهو يكتب كصحفي وينزل للدرك الاسفل من المخاطبة ويزج بالهلال في المحاكم في قضايا قتل وما ادراك ما شهود..
صلاح ادريس يحاول تقليد العظماء ولكن ماهكذا يا خراب ادريس !!!!
عندما تحدى الراحل البابا الطيب عبد الله قرار رئيس الجمهورية ولعب الكورة الساعة 2 ما من فراغ ولا كان عبط ولا كان قوة راس لكنه كان فهم ودراية بالقانون وان للهلال اسياد يحكمون لا يحكمهم احد ودخلت انت في معارك اقل ما توصف به انها غبية ..
الهلال ينسحب في عهد صلاح ادريس في الاسبوع مرتين !!!!!!!!!
المخدر الذي نتناوله هذه الايام اصبروا على اللاعبين !!!!!!!
مشكلتنا ليست في الصبر على اللاعبين فالطيب عبد الله رحمه الله اقام مجزرة وشطب كل هلال 87 وجاء بمن دونهم وقتها وصبرنا !!!
لكن الامر يختلف فان تصبر على عصام بلاتيني غير ان تصبر على احمد الفاضل!!!
وان تصبر على عاكف عطا غير ان تصبر على عمار مرق..
الهلال الحالي لو لعب مباراة بدون جمهور مع فريق درجة تالتة لخسر دون شك فنحن الان نلعب بالدفع الرباعي الجماهيري فقط..
ماف حاجة اسمها اصبروا على لاعب محترف ..اللاعب المحترف دي شغلتو وما ممكن تجيب ليك زول في وظيفة حساسة وتقول يا جماعة اصبرو عليهو خلوهو يتعلم !!!! الوظيفة لمن تعرضا بتقول لا تقل خبرته عن خمسة سنوات وبتعمل ليهو معاينة ..
لكن اسة زي امولادي ده يصبرو عليهو كيف ؟؟وليييي؟؟؟
ما اهو امبيلي ده من لمستو ظاااهر انو زول بيعرف كورة وممكن نقول نصبر عليه لانو ما دخل اجوا التنافس والفورمة والتعويد ..
شابكننا النعيم النعيم النعيم لينا تلاتة سنوات نردد هو لاعب صغير السن تلاااتة سنوات دي لحدي اسة ما كبر؟؟؟
وكورتو ياها كورتو ..
زرياااااااااااااااااب!!!!!! معقولة في كشف الهلال يكون في لاعب على شاكلة زرياب؟؟؟؟ وتشطب ريتشارد ؟؟؟؟
اشطبهم كلللهم ام قلنا حاجة لكن تشطب زول على حساب زول ؟؟؟؟
ومع ذلك نقول مشكلتنا ليست مع اللاعبين فليس بالامكان اكثر من ما كان والهلال يملك لاعبين قدامى قادرين بالعودة بالفريق وبهيبته مع مرور الوقت ..
ولكن نفد الصبر على ادارة تتخبط ولا تعرف عملها رئيسها يومين في جدة ويوم في السودان ..
بقا ما عندو شي غير حلاقة دقنو مرتين في الاسبوع ..
ومسكه للمايكات في كل مسيرة تنديد ويا سيدي الرئيس البشير لي قدااام ..
ضاااااااع الهلال يا جماهير الهلال فالحقوا به وابعدو هذا الدخيل ..
| |
|
|
|
|
|
|
|
|
|
Re (Re: عمر الفاروق)
|
Quote: صلاح ادريس استلم ادارة اقوي و اول شركة في السودان .. شركة حجار ..
تلاتة سنوات لم يصرف فيها العاملين مستحقاتهم .. و تم تصفية الشركة في النهاية ..
الزول دا لو ما لحق الهلال حجار .. ما برتاح ..
|
والله ياحميدة بقيت زى صلاح كرار تفتى فى اى حاجة
صلاح ادريس دة ياناس متخصص STOCK MARKET
قصة مؤسسات وموظفين ونقابات دى مابتنفع معاه
المؤسسات الاشتراها دى بيهمه الاصول بتاعتها فقط
والرجل اموره المالية تمام مما يؤكد ان له مصدر
دخل جيد يتيح له ان يصرف بسخاء على الهلال
وبصراحة خيرا تعمل شرا تلقى
اما حكاية تدخلاته فى امور الكرة فهذا ليس عيبا فيه
وانما يدل على ضعف من حوله من اداريين وفنيين الذين
لايستطيعون ان يعارضوه مخافة ان يحرموا من كرمه
شعب نصه انتهازى
| |
|
|
|
|
|
|
|
|
|
Re: Re (Re: احمد التجانى احمد)
|
الهلال ايوة الهلال
عمر
انا شايف كلام معتصم رافقه الصواب,,,
لابد من الصبر على الفريق كروة كورتين افرقيات,,,
وثق يابابا ثق,,,
ان الهلال سيلعب فى الابطال
والبعيو راجع للكنفدرالية
انا شايف بقى للهلال هجوم قوى,,,
ووسط ممتاز,,,ودفاع كبقية الفرق الاخرى بما فيها الاهلى المصرى
| |
|
|
|
|
|
|
|
|
|
Re: Re (Re: abuguta)
|
Quote: وثق يابابا ثق,,,
ان الهلال سيلعب فى الابطال
والبعيو راجع للكنفدرالية
|
ضحكتني والله
يا
قنبلة ..
بعدين الموضوع عن صلاح ادريس ..
كونفدرالية آآآآل
يامان كاس افريقيا لزعيم البلد الحقيقي
وهاردلك السنة الجاية تلعب في الكونفدرالية والسنة دي لا ابطال لا كونفدرالية ..
وتحياتي يازول ياجميل
| |
|
|
|
|
|
|
|
|
|
Re: Re (Re: EMU إيمو)
|
الحبيب معتصم
تحية واحترام ..
| Quote: الدعيع في حراسة المرمى وبلة جابر وعمار مرق وأمير دامر وموسي الزومة دفاعاً وهيثم مصطفى وعمر بخيت والشغيل وسيف مساوى وسطاً وهيثم طمبل ومدثر كاريكا |
دي تشكيلة المنتخب امام اليوغندي ..
تحياتي
| |
|
|
|
|
|
|
|
|
|
Re: Re (Re: ارصد محمد جلال)
|
يبدو ان البقر قد تشابه على بعض المتداخلين ..
انا لا اتحدث عن الهلال الفريق بقدر ما اتكلم عن الهلال الادارة التي اثرت على الفريق..
اكتب والهلالقد حقق واحدة من افضل النتائج بالفوز 3-1 وليست الخسارة ..
ولكننا نميز.. وان تخسر بهدف او اثنين وتعشر ان لديك فريق ومن خلفه ادارة افضل من ان تفوز وان تعلم ان الفوز قد تحقق قضاء وقدر..
انهزم مانشستر بالاربعة ولم تثور الجماهير لان مانشستر قدم واحدة من افضل المباريات لعب 70 دقيقة وسيطر ليفربول 20 دقيقة وخمسة هجمات مرتدة ..
ولكن ماذا عندما خسر الرايل مدريد بالاربعة من نفس الفريق !!!!! هاج الناس والاعلام لان الجميع ايقن تمااااما ان اللاعبين الحاليين في ريال مدريد لا يشبهون ريال مدريد وفريق لا يمكل كنبة احتياط ولا مدافعين ولا لاعبي خط وسط في المستوى ..
مع العلم ان الريال لم يخسر في الدوري في 13 مباراة متتالية ..
وبالمناسبة اعلام المريخ الذي يتفاخر بان المريخ افضل من الهلال فريقهم حاليا يحتل المركز الكم ما عارف من تعادلين وفوز بصعوبة على الاهلي مدني وربما يخسر من النيل الحاصحيصا هذا الاسبوع ..والهلال الاسوأ هو الان متقدم على المريخ بفوزين وتعادل وتفوق في خط الهجوم ..
المريخ ليس بافضل من الهلال على كل المستويات والدليل الثاني هو لقاء القمة في الممتاز والذي تعادل فيه المريخ بشق الانفس وفاز في الثانية الودية في مباراة كان الهلال هو الافضل .
لا يهمني مستوى المريخ حالياً ولكني غير مقتنع بالهلال الحالي والسبب هو الادارة ..
| |
|
|
|
|
|
|
|
|
|
Re: Re (Re: عمر الفاروق)
|
هههههههههه
تكتبو وتمسحو!!
زي تاكلو وتنكرو!
وزي عاوزين لكن ملاوزين!
أثبت على كلام!
هسي نجي نتكلم عن القاصدو يطلع ليك قصد تاني و"هو انا لسه طبت مالاولاني!"
ااا ياليــــــــــــــــــــــل اااااااااا ياعيــــــــــــــــــــن!
أو كما قالت نسرين في رائعتها الخالدة ((جرح تاني))
هي هي هي هي هي هي
عمر الفاروق راجل هلالابي عكليت الله يستر على حبيبنا الارباب!
| |
|
|
|
|
|
|
|
|
|
Re: Re (Re: سامى عبد الوهاب مكى)
|
| Quote: أو كما قالت نسرين في رائعتها الخالدة ((جرح تاني)) |
يااخوي نسرين منو ؟؟؟ نسرين جبرة ؟؟
اسمها شيريييين !!! شيريين تلاتييييييين اربعييييييييين مييييييييييية ..انا رئيس الكلية باكل سلطة وطعمية بحلي بي ملوخية ..العجوز ماتت السنة الفاتت الحصان كركرب قدددد المرككككككككككككب..
قوم لف كده انت خليك مع ناس فاطنة الجمكو وفاطنة الجعلي شن عرفك بي ناس جرح تاني..
| |
|
|
|
|
|
|
|
|
|
!! (Re: عمر الفاروق)
|
سلام يا عمر
عشان نقدك لي صلاح ادريس يكون منطقي وعادل مفروض تعمل مقارنه بين فتره رئاسه صلاح ادريس للهلال و الفترات الاتعاقب عليها غير صلاح ادريس في رئاسه واداره فريق الهلال من ناحيه النتائج الداخليه والخارجيه لفريق الكره ...ومن ناحيه نوعيه المحترفين والمدربين الاستعان بيهم الهلال ..والعبره حا تكون بالنتائج طبعا ما بي مستوي واداء الفريق الفريق ...
بالنسبه لي موضوع الشطب والتسجيل ..والناس المعترضه علي شطب ريتشارد وعلاء الدين وكرنقو والاستغناء عن يوسف محمد وداريو كان وكلتشي وقودين ..والمحترفين واللاعبين المسجلين والمصعدين حديثا للهلال بجيك بيهم بعدين بالتفصيل
| |
|
|
|
|
|
|
|
|
|
Re: !! (Re: Maawya Hussein)
|
يا جماعة معليش نشوف معاوية وكلامو ..
فعلا يا حبوب كلامك صاح خلينا نقارن بين ادارة صلاح وبين باقي الادارات السابقة ..
ومن قولة تيت ببدا ليك بي اسماء صغيييرة كده حاول قارن بينها وبين ادارة صلاح ..
الطيب عبد الله - طه علي البشير..عمر البكري ابوحراز..السماني..البلولة
في وجود صلاح ادريس ..عماد الطيب وما عارف برجاز وجركاز ..
وقبل النتائج يا معاوية خلينا نتكلم عن الادارة بي مفهوم الادارة ..
الادارات السابقة ربحت كل المعارك الادارية المتعلقة باسترجاع حقوق الهلال والادارة الحالية لا تعرف كيف تكتب عقد احتراف لاعب ..
الادارة الحالية تنسحب في الاسبوع مرتين..
الادارة الحالية مدربها قال محتاج لي موز لي اللاعبين قالوا ليهو خلينا نضرب لي صلاح ادريس نشوف بيقدر يجيبو ولا لأ..
الادارة الحالية وقعت على شروط في غياب صلاح ادريس ضرب ليهم تلفون نطو كلللللهم وقالوا لالالالا الريس غير كلامو ..
الادارة الحالية رئيس النادي فيها بعد كل مباراة يكتب محللا المباراة !!
الادارات السابقة تأهلت بالهلال مرتين لي نهائي افريقيا ..
الاداراة الفاتت جابت يوهانس افضل محترف مر على السودان ..
الادارة الفاتت جابت زولو وانقيدي..
وديل ماف زول صبر عليهم من قووولة تييييييييت ظهروا ..
الادارات الفاتت اتغلبنا معاها بي الخمسة والادارة دي اتغلبنا معاها بالخمسة ..
الادارة دي انسحبنا بيها من بطولة عشان اتغلبنا في ملعبنا..
| |
|
|
|
|
|
|
|
|
|
Re: !! (Re: عمر الفاروق)
|
سلام يا عمر
| Quote: الادارات السابقة تأهلت بالهلال مرتين لي نهائي افريقيا .. |
الكلام دا كان سنه 87 و92 صاح !! طيب وين انجازات الفريق من سنه 92 ولحدي 2004 !!! او قبل ما يستلم صلاح ادريس وين فريق الهلال 14 سنه ..كنا بنطلع من الدوري التمهيدي ودور الـ32 وما عندنا تصنيف مع الفرق الافريقيه والعربيه ..طيب معناتا صلاح ادريس اصلا ما استلم فريق كان حائز علي كاس افريقيا او مصنف افريقيا او عربيا انو الافضل ..استلم الهلال بدون سمعه او بطولات افريقيه او عربيه ..طيب بعد الـ14 سنه دي من اخر انجاز انا بشوف صلاح ادريس خلال سنتين بني فريق قوي جدا ورجع الهلال وسمعه الهلال للاعوام 87و 92 جاب افضل مدرب مر علي تاريخ الهلال (ريكاردو) استعان بافضل المحترفين (يوسف محمد..كلتشي..قودوين..داريوكان)ودخل نظام الاحتراف والتعاقد للاعب السوداني ..فاز بالدوري الممتاز 5 مرات ..حصل علي المركز التالت في البطوله الافريقه 2007 ..وصل دوري الـ8 في 2008 ..ووفر المناخ الملائم للفريق لي انو يحرز اول بطوله افريقيه ..فريق الهلال بقي يسافر بطيران خاص لادغال افريقيا وزمان كان بنمشي الكنغو في يومين ..وفر مباريات وديه مع فرق ذات مستوي عالي للاعداد الفريق في كل مرحله ..سافر مع الفريق حتي في مبارياته ومعسكراته الداخليه(دا بينفي انو مشغول عن الفريق)والمشكله الواجهت صلاح ادريس اعداء النجاح (اعلام المريخ وشداد) رغم اني بشوف انو صلاح ادريس كسب كل المعارك الخاضها مع الاتحاد والدليل انو سولي شريف بيلعب الان في الهلال وبي جنسيه سودانيه ولعب مع داريو كان في بطوله الدوري الممتاز رغم رفض شداد ..
نشوف موضوع المخترفين
| Quote: الاداراة الفاتت جابت يوهانس افضل محترف مر على السودان .. |
طيب حسب زاكرتي انو المرحوم يوهانس لعب مع الهلال كوره او كورتين وديات مع التحرير البحراوي وفريق تاني ما ممتزكروا بالاضافه الي التمارين وبعديها اتوفي قبل ما يلعب مع الهلال مباره تنافسيه او مباراه افريقيه واحده ..ما عارفك حكمت يوهانس كيف انو افضل محترف سوداني !!!بالنسبه لي زولو وانقيدي بعد الهلال مشوا وين !!! او احرزوا شنو للهلال مقارنه بي كلتشي وقودوين ويوسف محمد !!!لو قارنت بي رواقه كدا حا تلقي اصلا مافي وجه مقارنه بين المحترفين الكتبتهم والحاليييين
حتي في ملف المحترفين الغادروا كشف الهلال حاليا (قودوين وكلتشي غادروا بمجهودات المريخ) صلاح ادريس عوض بي الافضل (كواريزما وامبيلي) و(داريو كان بي ديمبا) وانا شايف ديل افضل بي كتير من الفاتو وزي ما صبرنا علي ديلك موسم كامل مفروض نصبر علي ديل ونديهم الفرصه وما نحكم عليهم من مباراه واحده
وحاجه مهمه تاني يا عمر ..انو ما ننسي صلاح ادريس فاز بالتزكيه في اخر انتخابات للهلال وبمباركه كل الاسامي الفوق دي (ماعدا المرحوم الطيب عبد الله)..
| |
|
|
|
|
|
|
| |
عمر الفاروق
Bakhaf
khaleel
Yassir Tayfour
معاذ حسن
زوربا
Kostawi
abo ahmed
محمد البشرى الخضر
معتصم دفع الله
humida
ارصد محمد جلال
عمر الفاروق عبد الله الشيخ
يحى الشريف
محمد الأمين موسى
طلحة عبدالله
ALMURADABI
احمد التجانى احمد
abuguta
EMU إيمو
Maawya Hussein
عمران حسن صالح
فيس بوك
تويتر
انستقرام
يوتيوب
بنتيريست