|
Re: سيحرز الهلال اللقب الافريقي اذا ....... (Re: علاء الدين حيموره)
|
نسيب قريبي
سلام
سيحرز الهلال اللقب اذا ثبت هؤلاء اللاعبين في التشكيلة الأساسية :
1 - خليفة - التعاون طرف يمين
2- احمد الفاضل - طرف شمال
3- النعيم - مع كواريزما في النص
4- كاريكا مهاجم متقدم .
وما في داعي للخوف الأساسين شايفين نتائجهم ما في حل غير التجربة والمجازفة
| |
|
|
|
|
|
|
Re: سيحرز الهلال اللقب الافريقي اذا ....... (Re: محمد الواثق)
|
قالو النسابة قشة في العين ..
لكن علي الجزيمة هذا الفريق وبهذه الصورة لن يتقدم في هذه البطولة ..
اقتراحك ل 4 اساسيين تفتكر ممكن يحل هذه المشكلة وهل المجازفة بالبقية هي قدر طموح الهلال ...
الانتصار بثلاثة اهداف على هذا الفريق لا يعد مقياسا لتوفوق الهلال ..
تخريمة :
كدي ما قلت لي قريبك اخوي محمد الواثق ..
| |
|
|
|
|
|
|
Re: سيحرز الهلال اللقب الافريقي اذا ....... (Re: علاء الدين حيموره)
|
يا علاء كدي شيل الصبر ..
إذا رجعت لمباراة الأمس وشكل الفريق ح تجد العلة تنظيمية بحتة وليست في اللاعبين .. دا إذا نظرنا لحداثة تجربة بعضهم وشكل الفريق الجديد .. هناك يا علاء ثمانية لاعبين جدد لعبوا مباراة الأمس وخرجوا بنتيجة طيبة إذاً لما الإستعجال .. عبدالرحمن الدعيع .. حارس ممتاز لأول مره يعلب مباراة دولية على ما أعتقد .. خط الدفاع بأكمله ( ديمبا .. أمولادي .. أحمد الفاضل .. أسامة التعاون .. سامي عبدالله ) إذا إستثنينا حمودة بشير الذي يلعب في خانة الطرف الأيمين لأول مره .. الوسط والهجوم .. مدثر كاريكا والنعيم الصحافة لأول مره يعلبان مع الهلال دولياً .. طيب كيف يتم الإنسجام والمدرب الجديد يا دوب ليهو شهرين مع الفريق مع ضعف الإعداد وإستعجال جمهور النادي النتائج .. اللعب الأفريقي يحتاج لنفس طويل وصبر على النتائج لأن المنافسة كل ما إستمرت للأمام ح تصبح أقوى .. وهنا بجي الإحتكاك والإنسجام والعودة للمباريات القوية .. إذا رجعنا لنتائج المنافسة في دور الذهاب سنجد نتيجة الهلال أفضل النتائج حتى ولو كان الفريق الخصم ضعيف ويستحق هزيمة أكبر .. والضعف دا بنحسه نحن المشجعين القاعدين بره ( المباريات يا صاحبي فيها تكتيكات وخطط وإن لم تكن ظاهرة ) الفريق دا أمس لعب بتسعة مدافعين يعني لو جابو ناس ميسي ما كان قدروا يخترقو الدفاع دا ..
الصبر الصبر مع تشجيع اللاعبين حتى يصلوا لمستوى الهلال الحقيقي ..
تحياتي ..
| |
|
|
|
|
|
|
Re: سيحرز الهلال اللقب الافريقي اذا ....... (Re: معتصم دفع الله)
|
شكرا اخي معتصم دفع الله ولكن
الناس ملت شكل التجربة والحككان الكروي وتكوين فريق بمجرد ما يصل الى مستوى طيب تطوله فك التسجيلات ونحلم بلاعبين جدد مؤهلين لاداء المهام ...
نتفاجأ بانهم غير منسجمين ومحتاجين لي شوية صبر ...
وحتى في خط الدفاع فكيف نفسر شطب ريتشارد والابقاء على عمار مرق ..
وبرجع ليك من واقع ما شاهدناه ..
| |
|
|
|
|
|
|
بالشفناهو دا (Re: علاء الدين حيموره)
|
كل القلتو دا كان حصل برضو عشم إبليس في الجنة
أو حتي يلج الجمل في سم الخياط .. أيهما يحصل
أولا سيحوز هليلكم علي الكاس .. ولكن أي كأس؟
لن أقسم كما فعل هليلابي من قبل ولكن لن يحصل أبدنيش
علي قول الهندي؟ قال تنظيمية.. ياصديقي فريقكم
لو لا الحظ ما يغلب فريق من الدرجة الرابعة
وكمان عشمانين في كأس .. أي كأس عجبي
| |
|
|
|
|
|
|
Re: بالشفناهو دا (Re: شمس الدين ساتى)
|
Quote: اخوي حيدر الناس دي كلها هلالاب والبزعل بمشي المريخ
اها انا ما بمشي المريخ حتى اذا لغو فريق الهلال .. |
علاء الدين سلامة وتحية يعني عايز تقول مزمل قريبك كان رشاشة ...... لالالالا دي ما بتجي امش هلال شندي افضل ليك مليون مرة من هلال حي الشهداء
| |
|
|
|
|
|
|
Re: بالشفناهو دا (Re: مهدى الصادق السيد)
|
الحبيب مهدي الصادق
مشتاقين والله
Quote: علاء الدين سلامة وتحية يعني عايز تقول مزمل قريبك كان رشاشة ...... لالالالا دي ما بتجي امش هلال شندي افضل ليك مليون مرة من هلال حي الشهداء |
والله الهلال حيرنا يا اخوي مهدي ...
لكن بس بنقول ربنا يصلح الحال
| |
|
|
|
|
|
|
|